ᐃᓐᖏᕈᑎᑦ 96:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᔫᑎᐅᖏᑦᑐᓄᑦ ᐅᖃᕆᑦᓯ, “ᐊᑕᓂᖅ ᐊᖓᔪᖅᑳᕐᔪᐊᖑᕗᖅ! ᐄᓛᒃ, ᓄᓇᕐᔪᐊᖅ ᐊᐅᓚᖏᑦᑐᒥᒃ ᐋᖅᑭᒃᑕᐅᓯᒪᕗᖅ, ᐊᐅᓚᑦᔭᒃᑕᐅᔪᓐᓇᕋᓂᓗ; ᑖᑦᓱᒪ ᐃᓅᖃᑎᒌᒡᔪᐊᑦ ᐋᖅᑭᒃᓱᕐᓂᐊᕐᐰᑦ ᓈᒻᒪᓈᕐᑐᒥᒃ.”

ᐃᓐᖏᕈᑎᑦ 96:10 Iomraidhean Croise

ᐃᓐᖏᕈᑎᑦ 126:2

ᐃᔪᓚᐅᕐᐳᒍᑦ ᖁᕕᐊᓱᖕᓂᕐᒧᓪᓗ ᕾᒐᓛᓚᐅᕐᐳᒍᑦ ᓂᕐᑐᐃᓂᕐᒥᒃ; ᐃᓅᖃᑎᒌᒡᔪᐊᑦ ᑕᕝᕙ ᐅᖃᕐᑐᖃᓚᐅᕐᐳᑦ, “ᐊᑕᓂᐅᑉ ᐊᖏᔪᕐᔪᐊᒥᒃ ᐱᓇᓱᐊᕐᕕᒋᓯᒪᕔᑦ.”

ᐃᓐᖏᕈᑎᑦ 18:49

ᑍᒤᒻᒪᑦ, ᖁᔭᒋᔪᒪᕙᒋᑦ, ᐃᓅᖃᑎᒌᒡᔪᐃᑦ ᓇᓗᔪᑦ ᐊᑯᓐᓂᖓᓂ, ᐊᑏᓪᓗ ᓂᕐᑐᕈᑎᓂᒃ ᐃᓐᖏᕐᕕᒋᔪᒪᕙᕋ.

ᐃᓐᖏᕈᑎᑦ 46:10

ᓄᖅᑲᕐᓗᓯ, ᖃᐅᔨᓕᕆᑦᓯ ᒎᑎᐅᒐᒪ; ᐃᓅᖃᑎᒌᒡᔪᐊᓂᑦ ᐊᖏᔪᕈᕐᑎᑕᐅᔪᒫᕋᒪ, ᓄᓇᕐᔪᐊᒥ ᐊᖏᔪᕈᕐᑎᑕᐅᔪᒫᕐᐳᖓ.

ᐃᓐᖏᕈᑎᑦ 46:6

ᐃᓅᖃᑎᒌᒡᔪᐊᑦ ᐱᓕᕆᔪᐊᓘᕗᑦ, ᐊᑕᓂᐅᕖᓪᓗ ᐊᐅᓚᑎᑕᐅᓚᐅᕐᐳᑦ; ᑖᓐᓇᓕ ᓂᓪᓕᕐᒪᑦ ᓄᓇᕐᔪᐊᖅ ᐊᐅᒃᐳᖅ.

ᐃᓐᖏᕈᑎᑦ 58:11

ᐃᓄᐃᑦ ᑕᕝᕙ ᐅᖃᕈᒫᕐᐳᑦ, ᓱᓕᔪᒥᒃ ᐃᓱᐊᕐᑐᑦ ᐊᑭᓕᕐᑕᐅᕗᑦ; ᓱᓕᔪᒥᒃ ᐃᓛᒃ ᒎᑎ ᐃᖅᑲᕐᑐᐃᕗᖅ ᓄᓇᕐᔪᐊᕐᒥᒃ.

ᐃᓐᖏᕈᑎᑦ 59:13

ᓂᓐᖓᐅᒪᓂᕐᒧᑦ ᓄᖑᒃᑭᑦ, ᓄᖑᒃᑭᑦ ᐱᑕᖃᕈᓐᓃᕐᑎᑦᓯᐊᕐᓗᒋᑦ; ᖃᐅᔨᓕᖁᓪᓗᒋᑦ ᒎᑎ ᐊᐅᓚᑦᓯᖕᒪᑦ ᔧᑯᒃᑯᓐᓂᒃ ᓯᓚᕐᔪᐊᑉ ᐃᓱᐊᓄᑦ ᑎᑭᓪᓗᒍ. ᓰᓚ

ᐃᓐᖏᕈᑎᑦ 67:4

ᐃᓅᖃᑎᒌᒡᔪᐃᑦ ᐊᓕᐊᓁᒍᓱᒡᓕᑦ ᐃᓐᖏᕐᓗᑎᒡᓗ ᖁᕕᐊᓱᒃᓗᑎᒃ! ᐃᓄᐃᑦ ᓇᓛᒎᕐᑐᒥᒃ ᐃᖅᑲᕐᑐᕈᒫᕋᕕᒋᑦ, ᐃᓅᖃᑎᒌᒡᔪᐊᓪᓗ ᓄᓇᒥ ᑕᓯᐅᕈᒫᕋᕕᒋᑦ. ᓰᓚ

ᐃᓐᖏᕈᑎᑦ 7:9

ᐱᐅᖏᑦᑐᓕᔪᑦ ᐱᐅᖏᑦᑐᓕᓂᖏᑦ ᐃᓱᓕᑎᓚᐅᒃᑭᑦ, ᐃᓱᐊᕐᑐᓕᔪᓪᓗ ᑲᔪᓯᑎᓪᓗᒋᑦ; ᐃᓱᐊᕐᑐᓕᔫᑉ ᐆᒻᒪᑎᖏᑦ ᐃᓱᒪᖏᓪᓗ ᒎᑎᐅᑉ ᖃᐅᔨᓴᕐᐰᑦ.

ᐃᓐᖏᕈᑎᑦ 9:8

ᓯᓚᕐᔪᐊᕐᒥᐅᑦ ᓱᓕᑦᓯᐊᕐᑐᒥᒃ ᐃᖅᑲᕐᑐᕈᒫᕐᐰᑦ. ᐃᖅᑲᕐᑐᐃᓂᕐᒥᒃ ᐊᐅᓚᑦᓯᔪᒫᕐᐳᖅ ᓱᓕᑦᓯᐊᕐᓂᕐᒥᒃ ᑐᓐᖓᕕᖃᕐᓗᓂ.

ᐃᓐᖏᕈᑎᑦ 9:9

ᐊᑕᓂᖅ ᕿᒫᕕᒃᓴᐅᓂᐊᕆᕗᖅ ᐅᖁᒤᒃᓴᕐᑎᑕᐅᔪᓄᑦ; ᕿᒫᕕᒃᓴᐅᕗᖅ ᐅᖁᒤᑦᑐᖃᕐᑎᓪᓗᒍ.

ᐃᓐᖏᕈᑎᑦ 93:1

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ, ᐊᓐᓄᕌᕐᓯᒪᓪᓗᓂᓗ ᐱᓐᓇᕐᓇᕐᑐᓂᒃ ᐊᖓᔪᖅᑳᕐᔪᐊᕐᓯᐅᑎᓂᒃ; ᐊᑕᓂᖅ ᐊᓐᓄᕌᕐᓯᒪᕗᖅ, ᕿᑎᕈᓯᕐᓯᒪᓪᓗᓂᓗ ᐱᔪᓐᓇᕐᓂᕐᒥᒃ. ᑍᒤᒻᒪᑦ, ᓄᓇᕐᔪᐊᖅ ᐋᖅᑭᒃᓯᒪᕗᖅ; ᐊᐅᓚᑦᔭᒃᑕᐅᔪᓐᓇᕋᓂᓗ.

ᐃᓐᖏᕈᑎᑦ 96:13

ᐊᑕᓂᖅ ᕾᓕᕐᒪᑦ, ᓄᓇᕐᔪᐊᕐᒥᐅᑦ ᐊᐅᓚᑦᓱᒪᓪᓗᒋᑦ. ᑖᑦᓱᒪ ᓄᓇᕐᔪᐊᕐᒥᐅᑦ ᐊᐅᓚᑦᓱᒫᕐᐰᑦ ᓈᒻᒪᓈᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᓱᓕᑦᓯᐊᕐᓂᕐᒥᒍᑦ.

ᐃᓐᖏᕈᑎᑦ 98:9

ᓄᓇᕐᔪᐊᕐᒥᒃ ᐊᐅᓚᑦᓯᔭᕐᑐᕐᓗᓂ ᑎᑭᒻᒪᑦ. ᓄᓇᕐᔪᐊᕐᒥᐅᑦ ᐃᓄᖏᑦ ᐊᐅᓚᓐᓂᐊᕐᐰᑦ ᓈᒻᒪᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᐊᑦᔨᒌᒃᑎᓐᓂᐊᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 49:8

ᐊᑕᓂᖅ ᐃᒫᒃ ᐅᖃᕐᐳᖅ: “ᓇᓪᓕᐅᑦᑐᖅ ᓈᒻᒪᓈᑦᓯᐊᓕᕐᑎᓪᓗᒍ ᑐᓴᐅᓚᐅᕐᐸᒋᑦ, ᐅᓪᓗᕐᓗ ᐱᐅᓕᔭᐅᕕᒃᓴᖅ ᓇᓪᓕᐅᑎᑎᓪᓗᒍ ᐃᑲᔪᓚᐅᕐᐸᒋᑦ; ᐱᓯᒪᓚᐅᕐᐸᒋᑦ ᓴᐳᑎᓯᒪᓪᓗᑎᓪᓗ ᐃᓄᖁᑎᓐᓄᑦ ᐊᖏᖃᑎᒌᒍᑕᐅᑎᓚᐅᕐᐸᒋᑦ, ᓄᓇᕐᔪᐊᖅ ᐃᓂᒥᓄᑦ ᐅᑎᕐᑎᑕᐅᖁᓪᓗᒍ, ᓄᓁᓪᓗ ᑭᖑᕐᖑᑎᔭᐅᔪᒃᓴᑦ ᓯᖁᑦᑎᕐᓯᒪᓕᕐᑐᑦ ᐃᓄᖏᓐᓄᑦ ᓄᓇᑖᕆᔭᐅᔪᓐᓇᕐᓯᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 52:7

ᖁᕕᐊᓇᕐᐳᖅ ᖃᖅᑲᑎᒍᑦ ᐊᓚᒃᑲᕐᑐᖃᖃᑦᑕᓕᕌᖓᑦ ᐅᓪᓚᒃᑐᒥᒃ ᑐᓴᕈᒥᓇᕐᑐᒥᒃ ᐅᖃᕆᐊᕐᑐᕐᑐᒥᒃ, ᓮᒪᓇᕐᑐᒥᒃ ᑐᓴᕐᑎᑦᓯᔭᕐᑐᕐᑐᒥᒃ, ᐊᓕᐊᓁᑦᑐᓂᒃ ᐅᖃᕆᐊᕐᑐᕐᑐᒥᒃ ᐱᐅᔪᓂᒃ, ᐱᐅᓕᔭᐅᓛᕐᓂᕅᔪᓂᒃ, ᐅᖃᕐᓗᑎᒡᓗ ᓮᐅᓂᒧᑦ, “ᒎᑎᓯ ᐊᐅᓚᑦᓯᔨᐅᕗᖅ.”

ᑖᓂᐊᓕᐅᑉ ᐊᒡᓚᖏᑦ 2:44

ᑖᒃᑯᐊ ᐊᖓᔪᖅᑳᕐᔪᐊᑦ ᑭᖑᓕᕇᒃᑕᕐᓗᑎᒃ ᐊᖓᔪᖅᑲᐅᑎᓪᓗᒋᑦ, ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ, ᐃᓄᐃᓪᓗ ᐊᓯᖏᓐᓄᑦ ᐱᔭᐅᓂᐊᖏᑦᑐᒥᒃ. ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑲᐅᕕᖕᓂᒃ ᐊᓯᒥᓂᒃ ᑖᒃᑯᓂᖓ ᐃᓱᓕᑎᓪᓗᒋᓪᓗ, ᐊᖓᔪᖅᑲᐅᕕᒡᓕ ᑖᓐᓇ ᐃᓱᓕᓐᓂᐊᓐᖏᓚᖅ ᐃᓱᖃᖏᑦᑐᒧᑦ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 1:14

ᓱᒋᐊᒐᒃᓴᐅᕗᖅ ᐆᒪᔪᖁᑎᖃᕋᓗᐊᕐᓗᓂ ᐊᖑᓴᓪᓗᕐᒥᒃ ᐊᖏᕈᑎᒋᓯᒪᔭᒥᓂᒃ ᑐᓂᕐᕈᑎᒋᔪᒪᓪᓗᒍ, ᑐᓂᕐᕈᓯᖔᕈᓂ ᐆᒪᔪᒥᒃ ᓈᒻᒪᖏᑦᑐᒥᒃ ᐊᑕᓂᕐᒧᑦ, ᐅᕙᖓ ᐊᖓᔪᖅᑳᕐᔪᐊᒍᕗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑎᕋᓗ ᓯᕘᕋᒋᔭᐅᕗᖅ ᐃᓅᖃᑎᒌᒡᔪᐊᓄᑦ.”

ᒫᑎᐅᓯᐅᑉ ᐊᒡᓚᖏᑦ 3:2

ᐅᖃᕐᓗᓂ, “ᖃᕿᐊᓕᕆᑦᓯ, ᒎᑎᐅᑉ ᐊᑕᓂᐅᕕᖓ ᖃᒡᓕᓕᕐᒪᑦ!”

ᐋᐴᓯᑕᓖᑦ ᐱᓂᐊᕐᓂᖏᑦ 17:31

ᐅᓪᓗᒥᒃ ᐋᖅᑭᒃᓯᓯᒪᖕᒪᑦ ᐃᖅᑲᕐᑐᐃᔪᒪᓪᓗᓂ ᓯᓚᕐᔪᐊᕐᒥᐅᓂᒃ ᓇᓛᒎᑦᓯᐊᕐᓗᓂ, ᐃᓄᒃᑯᑦ ᓂᕈᐊᕐᓯᒪᔭᒥᒍᑦ, ᑕᒪᑐᒥᖓᓗ ᖁᓚᕐᓇᕈᓐᓃᕐᑎᑦᓯᕗᖅ ᑖᓐᓇ ᒪᑭᑎᓚᐅᕋᒥᐅᒃ ᑐᖁᒥᑦ.”

ᒐᓔᑎᐊᒥᐅᓄᑦ 1:16

ᐃᕐᓂᕐᒥᓂᒡᓗ ᖁᕕᐊᓱᒡᓗᓂ ᑕᑯᑎᑦᓱᒪᓚᐅᕐᐹᖓ, ᐊᔪᕆᕐᑐᐃᔪᓐᓇᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔫᑎᐅᖏᑦᑐᓄᑦ, ᑭᓇᒥᒡᓘᓐᓃᑦ ᑕᒪᑐᒥᖓ ᖃᐅᔨᓇᓱᒡᕕᖃᓚᐅᓐᖏᓚᖓ.

ᑯᓘᓯᐊᒥᐅᓄᑦ 2:7

ᐊᒫᖃᑦᓯᐊᓕᕆᑦᓯ ᑖᑦᓱᒪᓂ, ᐃᓅᓯᓯᓗ ᑖᑦᓱᒪᓂ ᐋᖅᑭᒃᓱᓕᕐᓯᐅᒃ, ᐅᒃᐱᕐᓂᑦᓯ ᓴᓐᖏᒃᑎᑉᐸᓪᓕᐊᑎᓪᓗᒍ ᑖᑦᓱᒪᓂ, ᑍᒫᒃ ᐃᓕᓐᓂᐊᕐᑎᑕᐅᓚᐅᕋᑦᓯ, ᐊᖏᔪᒥᒡᓗ ᖁᔭᓕᓂᖃᓕᕆᑦᓯ.

ᐄᑉᕈᐃᓄᑦ 1:3

ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:11

ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:6

ᑕᕝᕙ ᑐᓴᕐᐳᖓ ᐃᓄᒋᐊᒃᑐᕐᔪᐊᓄᑦ ᓂᐱᒋᔭᐅᔮᕐᑐᓂᒃ, ᐃᒪᕐᔪᐊᓪᓗ ᐃᒃᑑᓕᔮᕐᓂᕆᔮᕐᑕᖏᓐᓂᒃ ᑲᓪᓘᓪᓗ ᐃᒃᑐᓚᐅᕐᓂᖓᑐᑦ ᑕᒤᑦᑑᔮᕐᑐᓂᒃ, ᐅᖃᕐᑐᓂᒃ, “ᐋᓕᓘᔭ! ᐊᑕᓂᖅ ᒎᑎᕗᑦ ᐊᔪᒐᖃᖏᑦᑐᖅ ᐊᖓᔪᖅᑳᕐᔪᐊᖑᕗᖅ.