ᐃᓐᖏᕈᑎᑦ 92:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓂᓪᓕᐊᔪᓐᓇᕐᑐᓂᒃ ᐊᑐᕐᓗᓂ ᑯᑭᑦᑕᐸᐅᑎᓂᒃ ᓄᖃᕐᑎᓕᖕᓂᒃ, ᑯᑭᑦᑕᐸᐅᑎᐅᔭᓂᒡᓗ ᕼᐋᕐᐱᓂᒃ, ᓂᐱᑦᓯᐊᕆᒃᑐᓂᒡᓗ ᑯᑭᑦᑕᐹᓂᒃ ᓔᕆᓂᒃ.

ᐃᓐᖏᕈᑎᑦ 92:3 Iomraidhean Croise

ᑯᕉᓂᑲ ᓯᕗᓪᓖᑦ 13:8

ᑍᕕᑎᒃᑯᑦ ᐃᓴᕆᐊᓕᒥᐅᓕᒫᓪᓗ ᖁᕕᐊᓱᒃᑐᐊᓘᓪᓗᑎᒃ ᑖᓂᓯᓚᐅᕐᐳᑦ ᒎᑎᐅᑉ ᓵᖓᓂ ᐱᔪᓐᓇᕐᓂᓕᒫᑎᒃ ᐊᑐᕐᓗᒋᑦ, ᐃᓐᖏᕐᓗᑎᒃ ᕼᐊᕐᐱᓄᑦ ᑯᑭᑦᑕᐸᐅᑎᓄᓪᓗ ᕿᓚᐅᑎᓄᑦ ᓯᕙᓂᐅᑎᓄᓪᓗ ᑎᑦᑐᓚᐅᑎᓄᓪᓗ.

ᑯᕉᓂᑲ ᓯᕗᓪᓖᑦ 15:16

ᑍᕕᑎᐅᑉ ᓕᕔᑏᑦ ᓯᕗᓕᕐᑎᖏᑦ ᐅᖃᐅᑎᒋᕔᑦ ᐃᓚᒋᔭᒥᖕᓂᑦ ᑎᓕᓯᖁᓪᓗᒋᑦ ᐃᓐᖏᕐᑎᒃᓴᓂᒃ ᑖᒃᑯᐊ ᓂᑦᔭᐅᓯᔭᖁᓪᓗᒋᑦ ᓄᖃᕐᑎᓕᖕᓄᑦ, ᕼᐅᕐᐱᓄᑦ, ᑯᑭᑦᑕᐸᐅᑎᓄᓪᓗ ᓯᕙᓂᕋᐅᑎᓄᓪᓗ, ᓂᐱᖅᑯᕐᑐᓗᑎᒃ ᖁᕕᐊᓱᒡᓗᑎᒃ ᓂᓪᓕᐊᖁᓪᓗᒋᑦ.

ᑯᕉᓂᑲ ᓯᕗᓪᓖᑦ 23:30

ᓇᖏᖃᑦᑕᖁᓪᓗᒋᓪᓗ ᐅᓪᓛᑕᒫᑦ, ᖁᔭᓕᓗᑎᒃ ᓂᕐᑐᐃᓗᑎᒡᓗ ᐊᑕᓂᕐᒥᒃ, ᐅᓐᓄᒃᑯᓪᓗ ᑍᒫᑦᓮᓐᓇᖅ,

ᑯᕉᓂᑲ ᓯᕗᓪᓖᑦ 25:6

ᑖᒃᑯᐊᓕᒫᑦ ᐊᑖᑕᒥᖕᓂᒃ ᐊᐅᓚᑦᓯᔨᖃᕐᐳᑦ ᓂᑦᔭᐅᓯᔭᕐᓂᕐᒥᒃ ᐊᑕᓂᐅᑉ ᐃᒡᓗᖓᓂ, ᓯᕙᓂᕋᐅᑎᓄᑦ, ᕼᐊᕐᐱᓄᑦ, ᓄᖃᕐᑎᓕᖕᓄᓪᓗ ᐱᔨᑦᓯᕐᓗᑎᒃ ᒎᑎᐅᑉ ᐃᒡᓗᖓᓂ. ᐊᓴᐸ, ᔨᑐᑕᓐ, ᕼᐃᒪᓐᓗ ᐊᖓᔪᖅᑳᕐᔪᐊᑉ ᑕᒪᑐᒥᖓ ᐱᖁᓚᐅᕐᒪᒋᑦ.

ᑯᕉᓂᑲ ᐂᑉᐸᖏᑦ 20:28

ᔨᕉᓴᓕᒧᑦ ᑎᑭᓐᓇᒥᒃ, ᓂᓪᓕᐊᑎᑦᓯᓚᐅᕐᐳᑦ ᕼᐊᕐᐱᓂᒃ ᑯᑭᑦᑕᐸᐅᑎᐅᔭᓂᒡᓗ ᓄᖃᕐᑎᓕᖕᓂᒃ ᑎᑦᑐᓚᐅᑎᓂᒡᓗ, ᐊᑕᓂᐅᑉ ᐃᒡᓗᖓᓄᑦ ᑎᑭᓪᓗᑎᒃ.

ᑯᕉᓂᑲ ᐂᑉᐸᖏᑦ 23:5

ᐱᖓᔪᖏᑦ ᐊᖓᔪᖅᑳᕐᔪᐊᑉ ᐃᒡᓗᖓᓃᑦᑐᒃᓴᐅᕗᑦ ᐱᖓᔪᒃᑲᓐᓂᖏᓪᓗ ᑐᓐᖓᕕᐅᑉ ᐃᑎᕐᑕᕐᕕᒡᔪᐊᖓᓃᑦᑐᒃᓴᐅᕗᑦ; ᐃᓄᓕᒫᓪᓗ ᐊᑕᓂᐅᑉ ᐃᒡᓗᖓᑕ ᐱᕕᑐᓂᖓᓃᑦᑐᒃᓴᐅᕗᑦ.

ᑯᕉᓂᑲ ᐂᑉᐸᖏᑦ 29:25

ᓕᕔᑏᓪᓗ ᐃᓂᖃᕐᑎᑉᐰᑉ ᐊᑕᓂᐅᑉ ᐃᒡᓗᖓᓂ ᓯᕙᓂᕋᐅᓯᔭᕐᑏᑦ, ᕼᐊᕐᐱᓖᑦ, ᓄᖃᕐᑎᓕᖕᓄᑦ ᓂᑦᔭᐅᑎᓖᑦ, ᑍᕕᑎᐅᑉ ᐱᖁᔭᖏᑦ ᒪᓕᒡᓗᒋᑦ ᒑᑦᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᔪᖁᑎᖓᑕ, ᓁᑕᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ; ᐊᑕᓂᐅᑉ ᐱᖁᔭᖏᑦ ᒪᓕᒡᓗᒋᑦ ᐅᖃᕐᑎᒥᒍᑦ ᐅᖃᕐᓯᒪᔭᖏᑦ.

ᓂᕼᐃᒤᐊᐅᑉ ᐊᒡᓚᖏᑦ 12:27

ᔨᕉᓴᓕᐅᑉ ᐊᕙᓗᕐᔪᐊᖓ ᑐᒃᓯᐅᑦᔭᐅᓕᕐᑎᓪᓗᒍ ᓕᕔᑎᑦ ᓇᓂᑐᐃᓐᓇᖅ ᓄᓇᖃᕐᑐᓕᒫᑦ ᕿᓂᕐᑕᐅᓚᐅᕐᐳᑦ, ᔨᕉᓴᓕᒦᖁᔭᐅᓪᓗᑎᒃ ᑐᒃᓯᐅᑦᔨᓪᓗᑎᒃ ᐃᑦᔪᕐᓁᑎᑦᓯᑎᓪᓗᒋᑦ ᖁᕕᐊᓱᒡᓗᑎᒃ, ᖁᔭᓕᓗᑎᒃ ᐃᓐᖏᕐᓗᑎᒡᓗ, ᕿᓚᐅᑏᓪᓗ ᓯᕙᓂᕋᐅᑎᖏᓐᓄᑦ, ᑯᑭᑦᑕᐸᐅᑎᐅᔭᓄᓪᓗ ᓄᖃᕐᑎᓕᖕᓄᑦ, ᕼᐋᐲᓪᓗ ᐊᑐᕐᓗᒋᑦ.

ᐃᓐᖏᕈᑎᑦ 149:3

ᐊᑎᖓ ᓂᕐᑐᕋᒃᓴᕆᕚᑦ ᑖᓂᓯᕐᓗᑎᒃ, ᓂᓪᓕᐊᔫᕐᕕᒋᓗᒍ ᕿᓚᐅᑎᐅᔭᓄᑦ ᑯᑭᑦᑕᐸᐅᑎᐅᔭᓄᓪᓗ.

ᐃᓐᖏᕈᑎᑦ 33:2

ᐊᑕᓂᖅ ᓂᕐᑐᕐᓯᐅᒃ ᓂᓪᓕᐊᑦᔪᑎᓄᑦ ᕼᐊᕐᐱᓄᑦ; ᑐᓴᕐᓂᕋᕕᒋᓯᐅᒃ ᓂᓪᓕᐊᑎᑦᓯᑦᔪᑎᓄᑦ ᖁᓕᓂᒃ ᓄᖃᕐᑎᓕᖕᓄᑦ.

ᐃᓐᖏᕈᑎᑦ 42:9

ᒎᑎᓐᓄᑦ ᐅᖃᕈᒪᕗᖓ ᕾᕐᑐᕆᔭᓐᓄᑦ, “ᓲᖅ ᐳᐃᒍᕐᐱᖔ? ᓱᖕᒪᓪᓗ ᕿᒃᓵᖏᓇᕐᐳᖓ ᐊᑭᕋᕐᑐᕐᑎᓐᓂᑦ ᐊᑭᕋᕐᑐᕐᑕᐅᓂᕐᒧᑦ?”

ᐃᓐᖏᕈᑎᑦ 57:8

ᑕᕐᓃᒃ, ᑐᐸᓕᕆᑦ! ᑐᐸᓕᕆᑦᓯ, ᓂᓪᓕᐊᑦᔪᑎᑦ ᕼᐋᕐᐱ ᓔᕆᓪᓗ! ᐅᓪᓚᒃᑯᑦ ᖃᐅᒻᒪᓕᓵᕐᑐᖅ ᑐᐹᕐᓴᕈᒪᕙᕋ.

ᐃᓐᖏᕈᑎᑦ 68:25

ᐃᓐᖏᕐᑏᑦ ᓯᕗᓪᓕᐅᕗᑦ, ᓂᑦᔭᐅᓯᔭᕐᑏᑦ ᑭᖑᓪᓕᐅᓪᓗᑎᒃ; ᐊᕐᓁᓪᓗ ᑖᒃᑯᐊ ᐊᑯᓐᓂᖓᓐᓂ ᓯᕙᓂᕋᐅᑎᓂᒃ ᓂᓪᓕᐊᑎᑦᓯᕗᑦ.

ᐃᓐᖏᕈᑎᑦ 9:16

ᐊᑕᓂᖅ ᖃᐅᔨᒪᔭᐅᕗᖅ ᐃᖅᑲᕐᑐᐃᓂᖏᑕ ᐱᓂᐊᕐᓂᖏᑎᒍᑦ; ᐱᐅᖏᑦᑐᓕᔪᑦ ᓂᒐᕐᓯᒪᕗᑦ ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓯᒪᔭᒥᖕᓄᑦ. ᐃᓱᒪᒃᓴᕐᓯᐅᕐᓂᖅ ᑐᒃᓯᐊᕐᓂᒃᑯᑦ. ᓰᓚ

ᓴᒧᐃᓕ ᓯᕗᓪᓖᑦ 10:5

ᑕᒪᑐᒪ ᑭᖑᕐᖓᒍᑦ ᐂᔪᒃᓴᐅᕗᑎᑦ ᒋᐱᐊᑦ-ᐃᓗᕼᐃᒻᒧᑦ, ᒎᑎᐅᑉ ᖃᖅᑲᖓᓄᑦ, ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖃᕐᕕᖓᓄᑦ; ᑕᕝᕙᓂ ᐃᒤᑦᓱᒫᕐᐳᖅ ᑍᑯᖓ ᐃᒡᓗᒐᓴᖕᓄᑦ ᑎᑭᒃᑯᕕᑦ ᑲᑎᓯᔪᒫᕐᐳᑎᑦ ᐅᖃᕐᑎᓂᒃ ᖁᑦᓯᖕᓂᕐᐹᒥᑦ ᐱᔪᓂᒃ ᑯᑭᑦᑕᐸᐅᑎᐅᔭᓄᑦ ᓂᑦᔭᐅᓯᔭᕐᑐᓂᒃ ᓯᕙᓂᐅᑎᓂᒡᓗ, ᓱᐴᒐᐅᔭᓂᒡᓗ ᕼᐊᕐᐱᓂᒡᓗ ᐊᑐᕐᓗᑎᒃ, ᓇᓚᐅᑦᑍᔪᒫᕐᐳᑦ.