6 ᐅᓪᓛᒃᑯᑦ ᒪᑐᐃᕐᐳᖅ ᒪᑭᓕᕐᓗᑎᒡᓗ; ᐅᓐᓄᖕᒪᓪᓕ ᒪᑐᓕᕆᕗᑦ ᑐᖁᓕᓪᓗᑎᒡᓗ.
ᐱᕈᕐᓯᐊᑎᑐᑦ ᐱᕈᕐᐳᖅ, ᑐᖁᓕᓗᓂᓗ; ᑕᕐᕋᑎᑐᑦ ᕿᒫᕗᖅ, ᐱᑕᖃᕈᓐᓁᕐᓗᓂᓗ.
ᐃᕝᕕᓪᓕ ᐊᑕᓃᖅ, ᑍᒤᓕᖎᓐᓇᕐᓂᐊᕐᐳᑎᑦ ᐃᓱᖃᖏᑦᑐᒧᑦ; ᐃᖅᑲᐅᒪᔭᐅᖏᓐᓇᕐᓂᐊᕐᓗᑎᓪᓗ ᑭᖑᕚᕇᒃᐸᓪᓕᐊᔪᓕᒫᓄᑦ.
ᐋᓐᓂᐊᓂᕐᒧᑦ ᓂᐹᓂᕐᒧᓪᓗ ᓴᐅᓃᓐᓇᕈᕐᐳᖓ.
ᐱᐅᖏᑦᑐᑦ ᐱᕈᓕᕐᐸᑕ ᐃᕕᒃᓱᒃᑲᑎᑐᑦ, ᐊᔪᕐᑐᓕᔪᓪᓗ ᑕᒪᕐᒥᒃ ᓴᖅᑭᓕᕐᐸᑕ ᐱᕈᕐᕕᐅᓕᕐᑐᑎᑐᑦ, ᑖᒃᑯᐊ ᓯᕗᓂᒃᓴᖃᓕᕇᕐᐳᑦ ᐊᓯᕈᕐᑕᐅᕕᒃᓴᒥᖕᓂᒃ ᐃᓱᖃᖏᑦᑐᒧᑦ.
ᓂᐱᓗ ᐅᖃᕐᐳᖅ, “ᓂᓪᓕᐊᓕᕆᑦ!” ᐅᖃᕐᐳᖓᓕ, “ᓱᓇᒥᒡᓕ ᓂᓪᓕᐊᑦᔪᑎᖃᕐᓗᖓ?” “ᐃᓄᓕᒫᑦ ᐃᕕᒃᓱᒐᕐᑎᑐᑦ ᑍᒤᑉᐳᑦ, ᑕᑯᒥᓇᕐᓂᖏᓪᓗ ᓄᓇᐅᑉ ᐱᕈᕐᑐᖏᓐᓂᒃ ᐊᑦᔨᖃᕐᐳᑦ.
ᐱᕈᕐᑐᑦ ᒪᑯᐊ ᒎᑎᐅᑉ ᑍᒫᒃ ᑕᑯᒥᓇᕐᑎᒻᒪᒋᑦ, ᐅᓪᓗᒥ ᑕᒫᓃᑦᑐᑦ ᖃᐅᒃᐸᑦ ᐱᑕᖃᕈᓐᓃᕐᓂᐊᕐᒥᔪᑦ, ᐃᑭᑕᐅᓗᑎᒃ ᕿᔪᒋᔭᐅᓂᐊᕐᒪᑕ, ᒎᑎᐅᑉ ᐊᓐᓄᕌᒃᓴᑦᓯᓐᓂᒃ ᑐᓂᓯᕕᒋᔪᓐᓇᕐᓂᕐᓴᕆᓐᖏᓛᓰ ᐅᒃᐱᕐᓂᑭᑦᑐᓯ!
ᓯᕿᓂᖅ ᓴᖅᑭᒻᒪᑦ ᑭᐊᒃᐸᓗᒻᒪᕆᒡᓗᓂ ᐱᕈᕐᑐᑦ ᐆᑕᐅᕗᑦ; ᓄᓇᕋᖏᓪᓗ ᓄᕗᖏᓐᓃᑦᑐᑦ ᑲᑕᒐᕐᐳᑦ, ᑕᑯᒥᓇᕐᓂᖏᓪᓗ ᓄᖑᑕᐅᕗᑦ. ᑍᒫᒃᑕᐅᖅ ᐃᓄᒃ ᐊᔪᕐᓴᓐᖏᑦᑐᖅ ᐱᓇᓱᐊᒐᕐᒥᓂᒃ ᐱᓇᓱᐊᕐᑎᓪᓗᒍ ᑐᖁᓕᔪᒫᕆᕗᖅ.
