3 ᐊᑭᕋᕐᑐᕐᑎᒃᑲ ᐅᑎᓕᕈᑎᒃ, ᐅᕐᕈᔪᒫᕐᐳᑦ ᑐᖁᓗᑎᒡᓗ, ᐃᕝᕕᑦ ᓇᔪᕐᓂᕐᓄᑦ.
ᐃᕝᕕᑐᐊᖅ ᓯᕘᕋᒋᔭᐅᔪᒃᓴᐅᕗᑎᑦ; ᑭᓇ ᓇᔪᕐᑕᕐᓂ ᓇᖏᕈᓐᓇᕐᐹ ᓂᓐᖓᒃᑎᓪᓗᑎᑦ?
ᐃᑯᒪᒧᑦ ᐃᑭᑎᑕᐅᓯᒪᕗᖅ, ᓇᑲᓪᓗᒍᓗ ᐅᕐᕈᑎᑕᐅᕗᖅ; ᓄᖑᑕᐅᓕᕐᐳᑦ ᑮᓇᕐᐱᑦ ᓱᐊᖓᓂᖓᓄᑦ.
ᐊᑕᓂᖅ ᕿᒫᕕᒋᓯᒪᓕᕋᕕᐅᒃ ᓴᐳᑦᔨᔨᒋᔪᒪᓕᕐᓗᒍ, ᖁᑦᓯᖕᓂᕐᐹᖑᔪᖅ ᐃᓂᒃᓴᕐᑖᕆᓯᒪᓕᕋᕕᐅᒃ,
ᐅᓪᓛᒃᑯᑦ ᓇᓗᓁᕐᓗᒍ ᓇᒡᓕᖕᓃᑦ ᓱᖁᓯᔪᐃᑦᑐᖅ, ᐅᓐᓄᒃᑯᓪᓗ ᑲᔪᓯᑦᓯᐊᕐᓃᑦ ᐅᖃᐅᓯᕆᓗᒍ,
ᑲᒪᓇᕐᑐᕐᔪᐊᓂᒃ ᐱᓇᓱᐊᖃᑦᑕᓚᐅᕋᕕᑦ ᓂᕆᐅᒃᑎᓐᓇᑕ, ᐊᖅᑲᕋᕕᑦ, ᖃᖅᑳᓗᒃ ᓴᔪᒃᐱᓗᓚᐅᕐᐳᖅ ᓇᔫᑎᓂᕐᓄᑦ.
ᑍᒃᑯᐊ ᐋᓐᓂᐊᔪᒫᕐᐳᑦ ᓱᒋᐊᕐᑕᐅᓕᕈᑎᒃ ᐱᕖᕈᑦᔭᐅᓇᕐᑐᒧᑦ ᐃᓱᖃᖏᑦᑐᒧᑦ ᐊᑕᓂᐅᓪᓗ ᓇᔪᒐᖓᓂᑦ ᐲᕐᑕᐅᓪᓚᕆᒃᓗᑎᒃ ᐱᓐᓇᕐᓇᕐᓂᕐᔪᐊᖓᓂᑦ ᐱᔪᓐᓇᕐᓂᖓᓂᓪᓗ,
ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.
