ᐃᓐᖏᕈᑎᑦ 9:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᑕᓂᖅ ᖃᐅᔨᒪᔭᐅᕗᖅ ᐃᖅᑲᕐᑐᐃᓂᖏᑕ ᐱᓂᐊᕐᓂᖏᑎᒍᑦ; ᐱᐅᖏᑦᑐᓕᔪᑦ ᓂᒐᕐᓯᒪᕗᑦ ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓯᒪᔭᒥᖕᓄᑦ. ᐃᓱᒪᒃᓴᕐᓯᐅᕐᓂᖅ ᑐᒃᓯᐊᕐᓂᒃᑯᑦ. ᓰᓚ

ᐃᓐᖏᕈᑎᑦ 9:16 Iomraidhean Croise

ᐊᑕᓃᑦ ᐂᑉᐸᖏᑦ 19:19

ᐊᑏ ᒫᓐᓇ, ᐊᑕᓃᖅ ᒎᑎᒋᔭᕗᑦ, ᓴᐳᑎᓚᐅᕐᑎᒍᑦ ᕿᓄᕕᒋᕙᒋᑦ, ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓᓂᑦ, ᓄᓇᒥ ᐊᖓᔪᖅᑳᕐᔪᐊᖃᕐᕕᐅᔪᓕᒫᑦ ᖃᐅᔨᓕᖁᓪᓗᒋᑦ ᐃᕝᕕᑐᐊᖅ, ᐊᑕᓃᖅ ᒎᑎᑐᐊᖑᒐᕕᑦ.”

ᔫᐱᐅᑉ ᐊᒡᓚᖏᑦ 18:9

ᑭᖕᒥᖕᒥᒍᑦ ᒥᑭᒋᐊᕐᑎᑕᐅᕗᖅ; ᓂᒐᕐᒧᑦ ᐃᑎᒐᖏᑦ ᓂᒐᕐᑎᑕᐅᓪᓗᑎᒃ.

ᐃᓐᖏᕈᑎᑦ 11:6

ᓯᓚᓗᒃᑐᑎᑐᑦ ᑲᑕᒐᕐᑎᑦᓯᔪᒫᕐᐳᖅ ᐊᐅᒫᓗᖕᓂᒃ; ᐃᑯᒪᓗ ᐅᕐᓱᕈᑎᖃᕐᑐᖅ ᐊᓄᕆᓗ ᐃᑯᐊᓚᔪᖅ ᐃᕐᖑᓯᖏᑕ ᐃᒪᒃᓴᕆᕔᑦ.

ᐃᓐᖏᕈᑎᑦ 140:9

ᐊᑭᕋᕐᑐᕐᑎᒃᑲ ᐅᕙᓐᓂᒃ ᓵᓚᖃᕐᑎᑦᑍᓕᒃᑭᑦ, ᖃᓂᕐᒥ ᐅᓇᖕᒥᒃᓕᐅᑎᒋᔭᖏᓐᓄᑦ ᐅᑎᕐᕕᐅᖔᓚᐅᕐᓕᑦ.

ᐃᓐᖏᕈᑎᑦ 19:14

ᖃᓂᕐᒪ ᐅᖃᐅᓯᖏᑦ ᐆᒻᒪᑎᒪᓗ ᐃᓱᒪᒃᓴᕐᓯᐅᕈᑎᖏᑦ ᖁᕕᐊᒋᓚᐅᒃᑭᑦ ᓵᖕᓂ, ᐊᑕᓂᖅ, ᐱᔪᓐᓇᐅᑎᒋᓪᓗᒍ ᕾᕐᑐᕆᔭᕋ ᓴᐳᑦᔨᔨᒋᓪᓗᒍᓗ.

ᐃᓐᖏᕈᑎᑦ 48:11

ᖃᖅᑲᖅ ᓮᐅᓂ ᖁᕕᐊᓱᒡᓕ, ᔫᑕᐅᓪᓗ ᐸᓂᖏᑦ ᐊᓕᐊᓁᒍᓱᒡᓕᑦ, ᐃᖅᑲᕐᑐᐃᑦᓯᐊᕐᓂᑎᑦ ᐱᑦᔪᑎᒋᓗᒋᑦ.

ᐃᓐᖏᕈᑎᑦ 5:1

ᐅᖃᐅᓯᒃᑲ ᑐᓴᓚᐅᑭᑦ ᐊᑕᓃᖅ, ᐃᓱᒪᒃᓴᕐᓯᐅᕐᓂᒃᑲᓗ ᐃᓱᒪᒋᓚᐅᒃᑭᑦ.

ᐃᓐᖏᕈᑎᑦ 7:16

ᐃᓱᐊᖏᑦᑐᓕᐊᒥᓄᑦ ᓇᖕᒥᓂᕐᒥᓄᑦ ᐅᑎᕐᕕᐅᓂᐊᕆᕗᖅ; ᐃᓅᖃᑎᒥᓄᑦ ᐱᑦᓯᐊᖏᓐᓂᕐᒥᓄᑦ ᐱᓂᐊᕐᓂᕆᓯᒪᔭᖏᑕ, ᓂᐊᖁᕐᒥᒍᑦ ᓇᖕᒥᓂᕐᒥᒍᑦ ᑲᑕᒡᕕᐅᓂᐊᕆᕗᖅ.

ᐃᓐᖏᕈᑎᑦ 92:3

ᓂᓪᓕᐊᔪᓐᓇᕐᑐᓂᒃ ᐊᑐᕐᓗᓂ ᑯᑭᑦᑕᐸᐅᑎᓂᒃ ᓄᖃᕐᑎᓕᖕᓂᒃ, ᑯᑭᑦᑕᐸᐅᑎᐅᔭᓂᒡᓗ ᕼᐋᕐᐱᓂᒃ, ᓂᐱᑦᓯᐊᕆᒃᑐᓂᒡᓗ ᑯᑭᑦᑕᐹᓂᒃ ᓔᕆᓂᒃ.

ᒨᓯᓯ ᐂᑉᐸᖏᑦ 14:10

ᐃᓴᕆᐊᓕᒥᐅᓪᓕ ᑕᑯᓕᕋᒥᒃ ᐊᖓᔪᖅᑳᕐᔪᐊᒥᒃ ᐅᓇᑕᕐᑐᒃᓴᖁᑎᖏᓐᓂᒡᓗ ᐅᓇᑕᕆᐊᓕᕐᑐᓂᒃ, ᐄᑦᔨᑉᑎᒥᐅᑦ ᒪᓕᓕᕐᒪᑕ; ᑕᕝᕙ ᑲᑉᐱᐊᓱᕕᒡᔪᐊᓕᕐᐳᑦ ᐊᑕᓂᕐᒧᓪᓗ ᐃᓗᖏᕐᑐᕐᓗᑎᒃ ᓂᓪᓕᐊᓕᕐᐳᑦ ᐃᑲᔪᕐᑕᐅᔪᒪᓪᓗᑎᒃ.

ᒨᓯᓯ ᐂᑉᐸᖏᑦ 14:31

ᐃᓴᕆᐊᓕᒥᐅᓪᓗ ᑕᑯᒐᒥᒃ ᐊᑕᓂᐅᑉ ᐱᔪᓐᓇᕐᓂᕐᔪᐊᒥᓄᑦ ᓵᓚᖃᕐᓂᖓ ᐄᑦᔨᑉᑎᒥᐅᓂᒃ, ᐊᑕᓂᖅ ᓯᕘᕋᒋᓕᕐᐹᑦ, ᐊᑕᓂᕐᓗ ᐅᒃᐱᕆᓪᓗᒍ ᐃᓅᓕᕐᐳᑦ, ᒨᓯᓯᓗᑦᑕᐅᖅ ᐊᑕᓂᐅᑉ ᐱᔨᒋᔭᖓ.

ᒨᓯᓯ ᐂᑉᐸᖏᑦ 14:4

ᐱᔭᕐᓂᕈᓐᓃᕐᑎᓐᓂᐊᕋᒃᑯ, ᐃᓕᑦᓯᓐᓂᒡᓗ ᒪᓕᒃᓴᕐᓂᐊᕐᐳᖅ, ᓵᓚᖃᕐᓂᕋᓗ ᐊᖓᔪᖅᑳᕐᔪᐊᒥᒃ ᐅᓇᑕᕐᑐᒃᓴᖁᑎᖏᓐᓂᒡᓗ ᐅᐱᒋᔭᐅᑦᔪᑎᒋᓂᐊᕐᐸᕋ, ᑕᕝᕙ ᐄᑦᔨᑉᑎᒥᐅᑦ ᖃᐅᔨᓂᐊᕐᐳᑦ ᐊᑕᓂᐅᓂᓐᓂᒃ.” ᐃᓴᕆᐊᓕᒥᐅᓪᓗ ᐱᖁᔭᐅᓂᑎᒃ ᒪᓕᒡᓗᒍ ᐱᓂᐊᓚᐅᕐᐳᑦ.

ᒨᓯᓯ ᐂᑉᐸᖏᑦ 7:5

ᐄᑦᔨᑉᑎᒥᐅᓪᓗ ᖃᐅᔨᓕᕐᓂᐊᕐᐳᑦ ᐊᑕᓂᐅᓂᓐᓂᒃ ᓱᒋᐊᕈᒃᑭᑦ ᐃᓴᕆᐊᓕᒥᐅᓪᓗ ᓄᓇᖓᓐᓂᑦ ᐊᐅᓪᓚᕐᑎᒃᑯᒃᑭᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:13

ᐃᓄᒃ ᐱᐅᖏᑦᑐᓂᒃ ᐅᖃᐅᓯᕐᒥᒍᑦ ᓈᒻᒪᖏᑦᑐᓕᓂᕐᒥᖕᓄᑦ ᓂᒐᕐᑎᑕᐅᓯᒪᕗᖅ, ᐃᓱᐊᕐᑐᓪᓕ ᓈᒻᒪᖏᑦᑐᓂᒃ ᐊᓂᒍᐃᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:2

ᐅᖃᕐᑕᕕᓂᑎᑦ ᐊᑐᕐᓗᒋᑦ ᑭᓯᐊᓂᐅᓕᕋᔭᕐᐳᑎᑦ, ᐅᖃᐅᓯᕆᔭᕐᓄᑦ ᕿᓚᒃᑕᐅᓯᒪᓕᕐᓂᐊᕋᕕᑦ.

ᐂᓮᐊᓯᐅᑉ ᐊᒡᓚᖏᑦ 28:13

ᑕᕝᕙ ᐊᑕᓂᐅᑉ ᐊᔪᕆᕐᑐᕈᒪᓕᕐᐹᓯ ᑎᑎᕅᑦ ᐊᑕᐅᓯᐅᓈᕐᑕᕐᓗᒋᑦ, ᐅᖃᕐᓯᒪᓂᖏᓪᓗ ᐃᓛᒃᑰᕐᑎᕐᓗᒋᑦ, ᐊᔪᕆᕐᑐᐃᑦᔪᑎᒃᓴᓪᓗ ᐃᓛᒃᑰᕐᓯᒪᓂᖏᑦ ᒪᓕᒡᓗᒋᑦ. ᑍᒫᒃ ᑕᕝᕙ ᐅᕈᔮᕐᓂᐊᕐᐳᓯ ᐊᓪᓗᑐᐊᕅᒍᑦᓯ, ᐃᑭᓕᕐᑕᐅᓂᐊᕐᐳᓯ, ᐊᔪᕐᓯᑎᑕᐅᓗᓯᓗ, ᑎᒍᔭᐅᓗᓯᓗ ᑎᒍᔭᐅᓯᒪᕕᖕᒧᐊᕐᑕᐅᔪᒫᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 8:15

ᐅᓄᕐᑐᓪᓗ ᑖᒃᑯᓇᓃᑦᑐᑦ ᐹᓪᓚᒍᒫᕐᐳᑦ; ᐅᕐᕈᓗᑎᒃ ᓯᖁᒥᓪᓗᑎᒡᓗ, ᓂᒐᕐᑎᑕᐅᓗᑎᒃ ᐊᐅᓪᓚᕈᑦᔭᐅᓗᑎᒡᓗ.”

ᑖᓂᐊᓕᐅᑉ ᐊᒡᓚᖏᑦ 6:25

ᐊᖓᔪᖅᑳᕐᔪᐊᕐᓗ ᑍᕉᓯ ᐃᓄᖁᑎᓕᒫᒥᓄᑦ, ᐃᓅᖃᑎᒌᒡᔪᐊᓄᑦ ᓇᑭᑐᐃᓐᓇᖅ ᐱᓯᒪᔪᓄᑦ ᐃᓄᖕᓄᓪᓗ ᖃᓄᑐᐃᓐᓇᖅ ᐅᖃᐅᓯᖃᕐᑐᓄᑦ ᐊᖓᔪᖅᑲᐅᕕᖕᒥᓃᑦᑐᓄᑦ ᐅᖃᕐᐳᖅ: “ᐊᖏᔪᒥᒃ ᓮᒪᓂᖃᕆᑦᓯ!

ᐃᓗᐊᕐᓮᔩᑦ ᐊᒡᓚᖏᑦ 1:7

ᐊᑐᓁ-ᐱᔨᒃᓗ ᐅᖃᕐᐳᖅ, “ᐊᖓᔪᖅᑳᕐᔪᐊᑦ 70 ᑯᓪᓗᖏᑦ ᐳᑐᒍᖏᓪᓗ ᓇᑲᓯᒪᔪᑦ ᐳᑯᖃᑦᑕᓚᐅᕐᐳᑦ ᑲᑕᒐᕐᓂᕐᓗᑯᓂᒃ ᓂᕆᕕᖕᒪ ᐊᑖᓂᑦ ᓂᕆᓂᕐᓗᑯᓂᒃ. ᑍᒤᒻᒪᑦ ᒎᑎᐅᑉ ᐱᓂᐊᕐᓂᕕᓂᓐᓄᑦ ᑍᒃᑯᓄᖓ ᐊᑭᓂᐊᕐᕕᒋᕚᖓ.” ᑕᕝᕙ ᔨᕉᓴᓕᒧᐊᕈᑎᕚᑦ, ᑕᕝᕙᓂᓗ ᑐᖁᕗᖅ.

ᓴᒧᐃᓕ ᓯᕗᓪᓖᑦ 17:46

ᐅᓪᓗᒥ ᑕᕝᕙᓂ ᐊᑕᓂᐅᑉ ᑐᓂᓂᐊᕐᐹᑎᑦ ᐱᔪᓐᓇᕐᓂᓐᓄᑦ, ᐱᒋᐊᕐᓂᐊᕐᐸᒋᑦ, ᓂᐊᖁᐃᓪᓗ ᓇᑲᓐᓂᐊᕐᐸᕋ; ᐅᓪᓗᒥᓗ ᐱᓕᔅᑍᓂᒥᐅᑦ ᑕᖕᒫᕐᓯᒪᕕᖓᓂ ᑎᒥᕕᓃᑦ ᑐᓂᓂᐊᕐᐸᕋ ᑎᖕᒥᐊᓄᑦ ᖃᖓᑕᖃᑦᑕᕐᑐᓄᑦ ᐅᒫᔪᓄᓪᓗ ᓄᓇᒦᑦᑐᓄᑦ; ᓄᓇᕐᔪᐊᕐᒥᐅᓕᒫᑦ ᖃᐅᔨᖁᓪᓗᒋᑦ ᐃᓴᕆᐊᓕᒥ ᒎᑎᑕᖃᕐᒪᑦ.