ᐃᓐᖏᕈᑎᑦ 89:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓇᒡᓕᖕᓃᑦ ᓱᖁᓯᔪᐃᑦᑐᖅ ᐋᖅᑭᒃᓯᒪᓂᐊᕐᐳᖅ ᐃᓱᖃᖏᑦᑐᒧᑦ; ᓱᖁᓯᔪᐃᓐᓃᑦ ᐋᖅᑭᒃᓯᒪᒋᕙᑦ ᕿᓚᐅᑉ ᓱᖁᓯᔪᐃᓐᓂᖓᑐᑦ.

ᐃᓐᖏᕈᑎᑦ 89:2 Iomraidhean Croise

ᐃᓐᖏᕈᑎᑦ 36:5

ᐊᑕᓃᖅ, ᓇᒡᓕᖕᓃᑦ ᓱᖁᓯᔪᐃᑦᑐᖅ ᕿᓚᖕᒦᑉᐳᖅ; ᐱᑦᓯᐊᕐᓃᓪᓗ ᓱᖁᓯᔪᐃᑦᑐᖅ ᓄᕗᔭᓄᑦ ᑎᑭᓯᒪᕗᖅ.

ᓘᑲᓯᐅᑉ ᐊᒡᓚᖏᑦ 1:50

ᓂᑲᒍᓱᒃᐳᖅ ᓯᕘᕋᒋᔨᒥᓄᑦ, ᑭᖑᕚᕇᓂᑦ ᑭᖑᕚᕇᓄᑦ.

ᐃᓐᖏᕈᑎᑦ 103:17

ᐊᑕᓂᐅᓪᓕ ᓇᒡᓕᖕᓂᖓ ᓄᖑᓐᓂᐊᖏᑦᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑐᕌᕐᐳᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ, ᐃᓱᐊᕐᑐᓕᓂᖓᓗ ᕿᑐᕐᖓᖏᑕ ᕿᑐᕐᖓᖏᓐᓄᑦ.

ᐄᑉᕈᐃᓄᑦ 6:18

ᒎᑎ ᑍᒤᓕᐅᓚᐅᕐᐳᖅ, ᓴᖅᑭᑎᑦᓯᔪᒪᓪᓗᓂ ᒪᕐᕉᖕᓄᑦ ᓱᖁᓯᔪᐃᑦᑑᖕᓄᑦ ᒎᑎ ᓴᒡᓗᔭᕆᐊᒃᓴᖅ ᐊᔪᕐᓇᒻᒪᕆᖕᓂᖓᓂᒃ, ᐅᕙᒍᑦ ᓴᐳᑦᔭᐅᓂᕐᒥᒃ ᓂᕆᐅᒋᔭᒃᓴᕐᑖᕐᓯᒪᔪᒍᑦ ᑲᔪᖏᕐᓴᕐᑕᐅᒻᒪᕆᖁᓪᓗᑕ.

ᐃᓐᖏᕈᑎᑦ 89:37

ᑕᖅᑭᕐᑐᑦ ᐋᖅᑭᒃᓯᒤᓐᓇᕐᓂᐊᕐᐳᖅ ᐃᓱᖃᖏᑦᑐᒧᑦ; ᑕᑯᒃᓴᐅᖏᓐᓇᕐᑐᑎᑐᑦ ᓯᓚᖃᕐᓂᓕᒫᖓᓂ.” ᓰᓚ

ᐃᓐᖏᕈᑎᑦ 89:5

ᐊᑕᓃᖅ, ᕿᓔᑦ ᓂᕐᑐᐃᓚᐅᕐᓕᑦ ᑲᒪᓇᕐᑐᓕᓂᑎᑦ ᐱᓪᓗᒋᑦ, ᓱᖁᓯᔪᐃᑦᑑᓃᓪᓗ ᐃᑦᔪᕐᓁᑦᑐᖁᑎᕕᑦ ᑲᑎᓐᖓᓂᖓᓃᑉᐳᖅ.

ᓂᕼᐃᒤᐊᐅᑉ ᐊᒡᓚᖏᑦ 9:31

ᑍᒤᒃᑲᓗᐊᕐᑎᓪᓗᒍ, ᓈᒃᑭᒍᓱᖕᓂᕐᔪᐊᕐᓄᑦ ᓇᕐᕈᒋᓕᓚᐅᓐᖏᓚᑎᑦ ᐊᓯᕈᓚᐅᕐᓇᒋᓪᓗ, ᐱᑦᓯᐊᕐᓗᑎᑦ ᓈᒃᑭᒍᓱᒡᓗᑎᓪᓗ ᒎᑎᐅᒐᕕᑦ.

ᐃᓐᖏᕈᑎᑦ 146:6

ᑖᓐᓇ ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᒪᑦ, ᐃᒪᕐᕕᖕᒥᒡᓗ, ᐃᓗᐊᓃᑦᑐᓕᒫᓂᒡᓗ; ᑖᓐᓇ ᐅᒃᐱᕐᓇᕐᑑᕗᖅ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 119:89

ᐊᑕᓃᖅ, ᐅᖃᐅᓯᕐᑎᑦ ᕿᓚᖕᒥ ᓱᖁᓯᔪᐃᑦᑑᕗᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 42:1

ᓲᕐᓗ ᑐᒃᑐ ᓂᓪᓕᐊᖕᒪᑦ ᑰᒐᓛᒥᑦ ᐃᒥᕈᒃᓗᓂ, ᑍᒫᒃᑕᐅᖅ ᑕᕐᓂᕋ ᓂᓪᓕᐊᒋᕗᖅ ᐃᓕᖕᓄᑦ, ᒎᑏ.

ᓂᕼᐃᒤᐊᐅᑉ ᐊᒡᓚᖏᑦ 9:17

ᐱᖁᔭᕐᓂᒃ ᓈᓚᒍᒪᔪᓐᓁᓚᐅᕐᐳᑦ ᐳᐃᒍᕐᓗᑎᒡᓗ ᐱᓂᐊᕐᓂᕆᓚᐅᕐᑕᕐᓂᒃ, ᑲᒪᓇᕐᑐᓕᓂᕆᓚᐅᕐᑕᕐᓂᒡᓗ, ᐱᐅᔪᕆᓂᕐᒥᖕᓄᑦ ᓯᕗᓕᕐᑎᒃᓴᒥᖕᓂᒃ ᓂᕈᐊᓚᐅᕐᐳᑦ ᐅᑎᖁᓪᓗᒋᑦ ᓯᐊᓛᖑᓂᕐᒧᑦ ᕿᓚᒃᑕᐅᓯᒪᓂᕆᓚᐅᕐᑕᒥᖕᓄᑦ. ᐃᕝᕕᓪᓕ ᒎᑎᐅᕗᑎᑦ ᐃᓱᒪᒋᔪᓐᓁᕐᓯᓲᖑᓪᓗᑎᑦ, ᐱᑦᓯᐊᕐᑐᑎᑦ ᓂᑲᒍᓱᒃᑐᑎᓪᓗ, ᓂᓐᖓᒃᓴᕅᖏᑦᑐᑎᑦ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᑖᒃᑯᐊ ᕿᒪᓚᐅᓐᖏᓚᑎᑦ.

ᓂᕼᐃᒤᐊᐅᑉ ᐊᒡᓚᖏᑦ 1:5

ᐅᖃᕐᓗᖓᓗ, “ᐊᑕᓃᖅ ᒎᑏ ᕿᓚᖕᒦᑦᑐᑎᑦ, ᐊᖏᔪᕐᔪᐊᖑᔪᑎᑦ ᐃᓕᕋᓇᕐᑑᓪᓗᑎᓪᓗ ᒎᑎᐅᔪᑎᑦ, ᐊᖏᖃᑎᒌᒍᑎᒋᓯᒪᔭᕐᓂᒃ ᓇᒡᓕᒍᓱᖕᓂᕐᓂᒡᓗ ᑲᔪᓯᑎᑦᓯᖃᑦᑕᕐᑐᑎᑦ ᐃᓕᖕᓂᒃ ᐅᖓᒋᔭᖃᕐᑐᓄᑦ ᐱᖁᔭᕐᓂᒡᓗ ᒪᓕᒃᑐᓄᑦ.

ᒨᓯᓯ ᓯᑕᒪᖏᑦ 23:19

ᒎᑎ ᐃᓄᒃᑎᑐᑦ ᐱᐅᓯᖃᖏᒻᒪᑦ, ᓴᒡᓗᔪᓐᓇᕋᓂ, ᐃᓄᐃᓪᓘᓐᓃᑦ ᐃᕐᓂᖏᑎᑐᑦ, ᖃᕿᐊᓕᕆᐊᖃᕋᓂ. ᐅᖃᓚᐅᕐᓯᒪᕚ, ᐱᓇᓱᐊᕐᓂᐊᖏᑕᒥᓂᒃ? ᐅᖃᓚᐅᕐᓯᒪᕙᓘᓐᓃ, ᑲᔪᓯᑎᓐᓂᐊᖏᑕᒥᓂᒃ?

ᒫᑎᐅᓯᐅᑉ ᐊᒡᓚᖏᑦ 24:35

ᕿᓚᒡᓗ ᓄᓇᓗ ᓄᖑᔪᒫᕐᐴᒃ; ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᐃᓐᖏᕈᑎᑦ 40:11

ᓂᑲᒍᓱᖕᓃ ᓱᖁᓯᔪᐃᑦᑐᖅ ᑐᓂᑦᑍᓕᓂᐊᕐᓇᒍ ᐅᕙᓐᓄᑦ, ᐊᑕᓃᖅ; ᓇᒡᓕᖕᓂᕕᑦ ᓱᖁᓯᔪᐃᑦᑑᑉ ᑲᔪᓯᑦᓯᐊᕐᓂᕕᓪᓗ ᑍᒪᓐᖓᑦ ᓴᐳᑎᓯᒪᓕᖓ.