1 ᖃᖅᑲᒥ ᐃᑦᔪᕐᓁᑦᑐᒥ ᐃᒡᓗᒐᓴᒡᔪᐊᑦ ᑐᓐᖓᕕᓕᐅᕐᑕᐅᓯᒪᕗᑦ;
ᑕᕝᕙ ᓲᓗᒨᓂ ᓴᓇᒋᐊᓯᕗᖅ ᐊᑕᓂᐅᑉ ᐃᒡᓗᖓᓂᒃ ᔨᕉᓴᓕᒥ ᖃᖅᑲᐅᑉ ᒧᕅᐊᑉ ᖄᖓᓂ, ᑕᕝᕙᓂ ᐊᑕᓂᐅᑉ ᓴᖅᑭᕝᕕᒋᓚᐅᕐᑕᖓᓂ ᐊᑖᑕᖓᓄᑦ ᑍᕕᑎᒧᑦ, ᑕᕝᕙᓂᓗ ᑍᕕᑎᐅᑉ ᓴᓇᔭᐅᖁᓚᐅᕐᒪᒍ, ᐅᐊᕐᓇᓂᐅᑉ ᔨᐳᓮᑎᒥᐅᑕᐅᑉ ᐃᕖᔧᕕᖓᑕ ᓇᑎᖓᓂ.
ᐋᕐᓗᕐᓗᖓ ᖃᖅᑲᓄᑦ ᑕᑯᓴᕐᐳᖓ, ᓇᑭᑦ ᐃᑲᔪᕐᑕᐅᒐᔭᕐᐳᖔ?
ᑕᕝᕙ ᓇᖏᓕᕐᐳᒍᑦ ᔨᕉᓴᓕᒻ ᐃᑎᕐᑕᕐᕕᒃᐱᑦ ᑭᒡᓕᖓᓂ!
ᓲᕐᓗ ᑐᒃᑐ ᓂᓪᓕᐊᖕᒪᑦ ᑰᒐᓛᒥᑦ ᐃᒥᕈᒃᓗᓂ, ᑍᒫᒃᑕᐅᖅ ᑕᕐᓂᕋ ᓂᓪᓕᐊᒋᕗᖅ ᐃᓕᖕᓄᑦ, ᒎᑏ.
ᓱᖕᒪᑦ ᑕᑯᓐᓇᕐᐱᓰ ᑐᓱᓪᓗᓯ, ᖃᖅᑲᐅᔪᓯ ᓄᕗᖃᐅᕐᑐᑦ ᐅᓄᕐᑐᓂᒃ, ᑕᑯᓐᓇᕐᓗᓯᐅᒡᓗ ᖃᖅᑲᖅ ᒎᑎᐅᑉ ᐃᓂᒋᔪᒪᔭᖓ, ᑕᕝᕙᓂ ᐊᑕᓂᖅ ᐃᓂᖃᕐᓂᐊᕐᐳᖅ ᐃᓱᖃᖏᑦᑐᒧᑦ.
ᐃᑦᔪᕐᓁᑦᑐᕕᖁᑎᓂ ᓴᓇᔭᐅᑎᑉᐹ ᐳᕐᑐᔪᒥ ᕿᓚᖕᒦᑦᑐᑐᑦ, ᓄᓇᕐᔪᐊᑐᑦ, ᐊᑦᑕᕐᓁᓕᓯᒪᔪᑐᑦ ᐃᓱᖃᖏᑦᑐᒧᑦ.
ᖃᓄᕐᓕ ᑭᐅᔭᐅᓂᐊᓕᕐᐹᑦ ᐱᓕᔅᑎᐊᒥᑦ ᑐᓴᕐᑎᑦᓯᔭᕐᑐᕐᑐᑦ? “ᐅᖃᐅᑎᔪᒫᕐᐸᕗᑦ ᐊᑕᓂᖅ ᐃᓂᖃᕐᓂᕋᕐᓗᒍ ᓮᐅᓂᒥ ᐃᓄᖁᑎᖏᓪᓗ ᐊᒃᓱᕈᕐᑎᑕᐅᓯᒪᔪᑦ ᓮᓕᓇᕐᑐᒥᒃ ᐃᓂᒃᓴᕐᓯᔪᒫᕐᐳᑦ ᑍᑲᓂ.”
ᑍᒤᒻᒪᑦ ᐊᑕᓂᖅ ᒎᑎ ᐅᖃᕐᐳᖅ: “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᑐᓐᖓᕕᒃᓴᓕᐅᕐᐳᖓ, ᐆᒃᑐᕋᕐᑕᐅᓯᒪᔪᒥᒃ ᐅᔭᕋᖕᒥᒃ, ᐃᒡᓘᑉ ᑎᕆᖅᑯᒃᓴᖓᓂᒃ, ᑐᓐᖓᕕᒃᓴᒥᒃ ᐊᐅᓚᖏᑦᑐᒥᒃ; ᓇᓪᓕᐊᓪᓗ ᐅᒃᐱᕐᑐᖅ ᑐᐊᕕᕐᓗᓂ ᐱᓇᓱᐊᕆᐊᖃᕈᒫᓐᖏᓚᖅ.
ᑖᒃᑯᐊ ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᐂᑎᑦᓱᒫᕐᐸᒃᑲ, ᖁᕕᐊᓱᒃᑎᓪᓗᒋᓪᓗ ᐃᒡᓗᓐᓂ ᑐᒃᓯᐊᕐᕕᖁᑎᓐᓂ. ᐃᑯᐊᓚᑦᓯᓂᒃᑯᑦ ᑐᓂᕐᕈᑎᖏᑦ ᑐᓂᕐᕈᑎᑐᐃᓐᓇᖏᓪᓗ ᓈᒻᒪᒋᔭᐅᔪᒫᕐᐳᑦ ᑐᓂᕐᕈᓯᕐᕕᖁᑎᓐᓂ; ᐃᒡᓗᒐ ᑍᔭᐅᔪᒫᕐᒪᑦ ᑐᒃᓯᐊᕐᕕᖕᒥᒃ ᐃᓅᖃᑎᒌᒡᔪᐊᓕᒫᓄᑦ.
ᐃᒫᒃ ᐊᑕᓂᖅ ᐅᖃᕐᐳᖅ, ᓮᐅᓂᒧᑦ ᐅᑎᕐᓂᐊᕐᐳᖓ ᔨᕉᓴᓕᒥᓗ ᐃᓂᖃᓕᕐᓗᖓ. ᓄᓇᓕᒡᔪᐊᑦ ᑕᕝᕙᓂ ᑍᔭᐅᓕᕈᒫᕐᐳᑦ ᓱᖁᓯᔪᐃᑦᑐᒥᒃ, ᖃᖅᑲᕐᓗ ᓄᓇᓖᑦ ᐃᓂᒋᔭᖓ ᑍᔭᐅᓕᕈᒫᕐᐳᖅ ᐊᑕᓂᐅᑉ ᖃᖅᑲᖓᓂᒃ ᐃᑦᔪᕐᓁᑦᑐᒥᒃ.
ᑍᒤᒻᒪᑦ ᐅᖃᐅᑎᕙᒋᑦ, ᐲᑦᑐᕉᓯᐅᕗᑎᑦ, ᕾᕐᑐᖅ; ᕾᕐᑐᒧᑦ ᑕᕝᕗᖓ ᐃᓚᒌᒃᑐᖁᑎᒃᑲ ᑐᓐᖓᕕᖃᕐᑎᓪᓗᒋᑦ ᐋᖅᑭᒃᓱᕐᓂᐊᕐᐸᒃᑲ, ᑲᑉᐱᐊᓇᕐᑐᕕᐅᓪᓗᓐᓃ ᐃᓯᕐᑕᕐᕕᖓᑕ ᓵᓚᒋᔪᓐᓇᕐᓂᐊᓐᖏᓚ.
ᐅᕙᒍᑦ ᓇᖕᒥᓂᖅ ᓂᐱ ᑐᓴᓚᐅᕐᐸᕗᑦ ᕿᓚᖕᒥᑦ ᐱᔪᖅ, ᐃᓚᒋᓚᐅᕋᑦᑎᒍ ᖃᖅᑲᒥ ᐃᑦᔪᕐᓁᑦᑐᒥ.
