ᐃᓐᖏᕈᑎᑦ 86:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᔪᖏᑦᑐᕐᔪᐊᖑᒐᕕᑦ ᐱᓇᓱᐊᕐᓂᑎᓪᓗ ᐱᐅᔪᐊᓘᓪᓗᑎᒃ, ᐃᕝᕕᑐᐊᑦᓯᐊᖅ ᒎᑎᐅᕗᑎᑦ ᐊᓯᖃᖏᑦᑐᖅ.

ᐃᓐᖏᕈᑎᑦ 86:10 Iomraidhean Croise

ᔫᐱᐅᑉ ᐊᒡᓚᖏᑦ 11:7

ᖃᐅᔨᔪᓐᓇᕋᓱᒋᕖᑦ ᒎᑎᐅᑉ ᖃᐅᔨᒪᓂᕐᔪᐊᖓᓂᒃ? ᐊᔪᒐᖃᖏᑦᑐᕐᔪᐊᖑᓂᖓᓗ ᐃᓱᓕᓪᓗᒍ ᖃᐅᔨᔪᓐᓇᕋᓱᒋᕕᐅᒃ?

ᐃᓐᖏᕈᑎᑦ 72:18

ᐊᑕᓂᖅ ᓂᕐᑐᕐᑕᐅᓕ, ᐃᓴᕆᐊᓕᑎᑦ ᒎᑎᖓᑦ, ᑲᒪᓇᕐᑐᓂᒃ ᑖᓐᓇ ᑭᓯᒥ ᐱᓂᐊᕐᓂᖃᕐᑐᖅ.

ᐃᓐᖏᕈᑎᑦ 86:8

ᐊᑕᓃᖅ ᓇᓂᓕᒫᖅ ᐃᓕᒃᑐᑦ ᑍᒤᑦᑐᒥᒃ ᒎᑎᑕᖃᓐᖏᓚᖅ, ᐃᓕᒃᑐᓪᓗ ᐱᓇᓱᐊᕈᓐᓇᕐᑎᒋᔪᒥᒃ ᐱᑕᖃᕋᓂ.

ᒨᓯᓯ ᐂᑉᐸᖏᑦ 15:11

ᐊᑕᓃᖅ, ᒎᑎᒋᔭᐅᔪᓄᑦ ᓇᓪᓕᐊᓐᓄᑦ ᐊᑦᔨᐅᑎᑕᒃᓴᐅᕖᑦ? ᐃᓕᒃᑐᓪᓗ ᐃᑦᔪᕐᓁᑦᑐᕐᔪᐊᖑᑎᒋᔪᒥᒃ ᐱᑕᖃᕐᐹ? ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᔪᒥᒃ ᑲᒪᓇᕐᑐᓕᔪᓐᓇᕐᑐᖃᕐᐹ?

ᐂᓮᐊᓯᐅᑉ ᐊᒡᓚᖏᑦ 37:16

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᐃᓴᕆᐊᓕᒥᐅᑦ ᒎᑎᖓᑦ, ᐃᒃᓯᕙᐅᑕᕐᔪᐊᕐᒦᑦᑐᖅ ᓯᕈᐱᒻ ᖁᓛᓂ, ᐃᕝᕕᑐᐊᖅ ᒎᑎᑑᕗᑎᑦ, ᐊᖓᔪᖅᑲᐅᕕᖕᓂᒃ ᓯᓚᕐᔪᐊᕐᒥ ᑕᒤᓐᓂ; ᐱᓐᖑᕐᑎᑦᓯᓯᒪᔪᑎᑦ ᕿᓚᕐᒥᒃ ᓄᓇᕐᔪᐊᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 37:20

ᒫᓐᓇᓕ ᐊᑕᓃᖅ ᒎᑎᕗᑦ, ᓴᐳᑎᓚᐅᕐᑎᒍᑦ ᑖᑦᓱᒪ ᐱᔪᓐᓇᕐᓂᖓᓂᑦ, ᓯᓚᕐᔪᐊᕐᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᑦ ᑐᑭᓯᓕᖁᓪᓗᒋᑦ ᐃᕝᕕᑐᐊᖅ ᐊᑕᓂᑑᒐᕕᑦ.”

ᐂᓮᐊᓯᐅᑉ ᐊᒡᓚᖏᑦ 45:5

ᐅᕙᖓᐅᕗᖅ ᐊᑕᓂᖅ, ᐊᓯᓐᓂᒃ ᐊᑕᓂᕐᑕᖃᓐᖏᓚᖅ; ᐊᓯᓐᓂᒡᓗ ᒎᑎᑕᖃᕋᓂ. ᕿᑎᕈᓯᓚᐅᕐᐸᒋᑦ, ᐅᕙᓐᓂᒃ ᖃᐅᔨᒪᖏᒃᑲᓗᐊᕐᑎᓪᓗᑎᑦ.

ᒫᑯᓯᐅᑉ ᐊᒡᓚᖏᑦ 12:29

ᔩᓱᓯᐅᑉ ᑭᐅᕚ, “ᐅᓇ ᑕᕝᕙ ᓯᕗᓪᓕᕐᐸᐅᔪᖅ ᐱᖁᔭᓂᑦ, ‘ᐃᓴᕆᐊᓕᒥᐅᖑᔪᓯ ᑐᓴᕆᑦᓯ! ᐊᑕᓂᖅ ᒎᑎᕗᑦ, ᑖᓐᓇ ᐊᑕᓂᑑᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 4:30

ᐱᔪᓐᓇᕐᓃᑦ ᓴᖅᑭᑎᓚᐅᕈᒃ ᐋᖅᑮᖃᑦᑕᕐᓂᒃᑯᑦ, ᑲᒪᓇᕐᑐᓕᓂᕐᓂᒃ ᓇᓗᓁᒃᑯᑕᕐᓂᒡᓗ ᐱᔪᖃᖁᓪᓗᒍ ᐱᔨᕕᑦ ᐃᑦᔪᕐᓁᑦᑑᑉ ᔩᓱᓯᐅᑉ ᐊᑎᖓᒍᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:4

ᑍᒤᒻᒪᑦ ᒎᑎᓐᖑᐊᓄᑦ ᑐᓂᕐᕈᑕᐅᔪᕕᓂᕐᓂᒃ ᓂᕿᒥᒃ ᓂᕆᖃᑦᑕᕐᓂᖅ ᐱᑦᔪᑎᒋᓪᓗᒍ; ᖃᐅᔨᒪᒐᑦᑕ ᒎᑎᓐᖑᐊᑦ ᓱᓇᐅᖏᑦᓯᐊᕐᒪᑕ ᓯᓚᕐᔪᐊᕐᒥ, ᒎᑎᑕᖃᖏᒻᒪᓪᓗ ᒎᑎᑑᔪᑉ ᐊᓯᐊᓂᒃ.

ᐃᐱᓯᒥᐅᓄᑦ 4:6

ᒎᑎ ᐊᑕᐅᓯᖅ ᐊᑖᑕᒋᔭᕗᓪᓗ ᑕᒪᑦᑕ, ᑕᒤᓐᓄᑦ ᐊᑕᓂᐅᔪᖅ ᑕᒤᑎᒍᓪᓗ ᐱᓇᓱᐊᕐᑐᖅ ᑕᒤᓐᓃᑦᑐᕐᓗ.

ᒨᓯᓯ ᑕᓪᓕᒪᖏᑦ 32:39

ᒫᓐᓇ ᑕᑯᓕᕆᑦᓯ ᐅᕙᖓᐅᒐᒪ, ᑖᓐᓇᑐᐊᑦᓯᐊᖑᓪᓗᖓ ᒎᑎᐅᒐᒪ; ᐊᓯᓐᓂᒃ ᓴᓂᒃᑯᑦ ᒎᑎᑕᖃᓐᖏᓚᖅ; ᑐᖁᑦᓯᕙᒡᓗᖓ ᐃᓅᑎᑦᓯᕙᒃᐳᖓ; ᐃᑭᓕᕐᑎᑦᓯᓲᖑᓪᓗᖓᓗ ᒪᒥᑎᑦᓯᕙᒃᐳᖓ, ᑭᓇᓘᓐᓃᑦ ᐱᔪᓐᓇᕐᓂᓐᓂᒃ ᕿᒫᔪᓐᓇᓐᖏᓚᖅ.

ᐄᑉᕈᐃᓄᑦ 2:4

ᒎᑎᑦᑕᐅᖅ ᓇᓗᓁᕐᓯᖃᑦᑕᐅᓚᐅᕆᕗᖅ ᑖᒃᑯᓄᖓ ᓴᖅᑭᑎᑦᓯᓪᓗᓂ ᓇᓗᓁᒃᑯᑕᕐᓂᒃ ᑲᒪᓇᕐᑐᓕᓂᕐᓂᒡᓗ ᐊᑦᔨᒌᖏᑦᑐᓂᒃ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᑐᓂᕐᕈᑎᖏᓐᓂᒃ ᐱᑎᑦᓯᓪᓗᓂᒃ ᐱᔪᒪᔭᓂ ᒪᓕᒡᓗᒍ.