ᐃᓐᖏᕈᑎᑦ 83:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᒻᒥᖕᓄᑦ ᐅᖃᖃᑎᒌᒃᓗᑎᒃ ᐊᖏᖃᑎᒌᒃᓯᒪᕗᑦ ᐃᓱᒪᖃᑎᒌᓕᕐᓗᑎᒃ; ᐋᖅᑭᒃᓱᐃᓯᒪᕗᑦ ᐊᖏᖃᑎᒌᒍᑎᓕᐅᕐᓗᑎᒃ ᐃᓕᖕᓂᒃ ᐊᑭᕋᕐᑐᕈᒪᓪᓗᑎᒃ:

ᐃᓐᖏᕈᑎᑦ 83:5 Iomraidhean Croise

ᑯᕉᓂᑲ ᐂᑉᐸᖏᑦ 20:11

ᑕᑯᒋᑦ, ᑕᒫᓃᓕᕐᐳᑦ ᐊᑭᓂᐊᕈᒪᓪᓗᑕ ᓯᖏᑦᑐᒪᓪᓗᑕᓗ ᐱᖁᑎᖕᓂᑦ, ᑐᓂᓚᐅᕐᑕᕐᓂᑦ ᐅᕙᑦᑎᓐᓄᑦ ᑭᖑᕐᖑᑦᔭᐅᖁᓪᓗᒍ.

ᐃᔅᑕᐅᑉ ᐊᒡᓚᖏᑦ 3:6

ᖃᐅᔨᓕᕋᒥᓕ ᒧᐊᑎᑬᑉ ᔫᑎᐅᓂᖓᓂᒃ ᑖᓐᓇᑐᐊᖅ ᐱᒋᐊᕈᒪᔪᓐᓁᕐᐹ, ᑐᓴᕐᑎᑕᐅᓚᐅᕋᒥ ᓇᓂᒥᐅᑕᐅᓂᖓᓂᒃ, ᕼᐂᒪᓂᓕ ᐃᓱᒪᖃᓕᕐᐳᖅ ᔫᑎᓕᒫᑦ ᑐᖁᕋᕐᑕᐅᓗᑎᒃ ᓄᖑᑕᐅᑎᑦᓱᒪᓪᓗᒋᑦ ᐊᕼᐊᓱᐃᕋᔅᓯᐅᑉ ᐊᖓᔪᖅᑲᐅᕕᖓᓃᑦᑐᓕᒫᑦ.

ᐃᓐᖏᕈᑎᑦ 124:3

ᑕᕝᕙ ᐆᒪᑎᓪᓗᑕ ᑖᒃᑯᓄᖓᑦ ᐄᔭᐅᓯᒪᓕᕋᔭᕐᐳᒍᑦ, ᐅᕙᑦᑎᓐᓂᒃ ᓂᓐᖓᐅᑦᔨᓯᒪᓂᑯᖏᓐᓄᑦ;

ᐃᓐᖏᕈᑎᑦ 2:2

ᓄᓇᒥ ᐊᖓᔪᖅᑳᕐᔪᐊᑦ ᐸᕐᓇᓕᕐᐳᑦ, ᐊᐅᓚᑦᓯᔨᓪᓗ ᐃᓱᒪᓕᐅᖃᑎᒌᒃᐳᑦ, ᐊᑭᕋᕐᑐᕈᒪᓪᓗᑎᒃ ᐊᑕᓂᕐᒥᒃ, ᐅᕐᓱᒧᓪᓗ ᒥᖑᐊᕐᓯᒪᔭᖓᓂᒃ, ᐅᖃᕐᓗᑎᒃ;

ᐃᓐᖏᕈᑎᑦ 74:8

ᐃᒻᒥᖕᓄᑦ ᐅᖃᕐᐳᑦ, “ᑕᒪᒃᑯᐊ ᓄᖑᑦᓯᐊᕐᓗᒋᑦ ᐊᓯᕈᕐᓚᕗᑦ”; ᒎᑎᐅᑉ ᑐᒃᓯᐊᕐᓂᕐᒧᑦ ᑲᑎᒪᕕᖁᑎᓕᒫᖏᑦ ᓄᓇᒥ ᐃᑯᐊᓪᓚᒃᑎᑉᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:30

ᓯᓚᑐᓂᖅ, ᐃᓕᓯᒪᓂᕐᓗ, ᐃᓱᒪᒃᓴᕐᓯᐅᕈᓐᓇᕐᓂᕐᓘᓐᓃᑦ, ᓵᓚᖃᓕᕈᓐᓇᓐᖏᓚᑦ ᐊᑕᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 7:2

ᑍᕕᑎᐅᓪᓕ ᑭᖑᕚᖏᑦ ᑐᓴᕐᑎᑕᐅᒐᒥ, ᓯᕆᐊᒥᐅᑦ ᐅᓇᑕᕐᑐᒃᓴᖏᑦ ᐃᓴᕆᐊᓕᒥᐅᑦ ᓄᓇᖓᓐᓃᓕᕐᓂᖏᓐᓂᒃ ᑕᐱᖃᓕᕐᓂᖏᓐᓂᒡᓗ ᐃᕗᕅᒥᐅᑦ ᑭᖑᕚᖏᓐᓂᒃ, ᐆᒻᒪᑎᖓ ᐃᓄᖁᑎᓕᒫᖏᑕᓗ ᐆᒻᒪᑎᖏᑦ ᓴᔪᓕᕐᐳᑦ, ᓇᐹᕐᑐᑎᑐᑦ ᐊᓄᕆᒧᑦ ᐊᐅᓚᑎᑕᐅᔪᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 33:24

“ᐃᓄᐃᑦ ᐅᖃᓪᓚᖕᓂᖏᑦ ᖃᐅᔨᒪᕕᒌᑦ? ᐅᖃᕐᒪᑕ, ‘ᐊᑕᓂᐅᑉ ᐊᖓᔪᖅᑲᐅᕕᒃ ᓂᕈᐊᓚᐅᕐᑕᓂ ᐃᓚᒌᒃ ᒪᕐᕉᒃ ᓇᕐᕈᒋᓕᕐᐹᒃ.’ ᑍᒤᒻᒪᑦ ᐃᓄᖁᑎᒃᑲ ᓇᕐᕈᒋᓕᕐᐰᑦ ᐃᓅᖃᑎᒌᒡᔪᐊᖑᔪᓐᓃᕐᓗᑎᒡᓗ ᑖᑦᓱᒪ ᓵᖓᓂ.

ᐃᓯᑭᐊᓕᐅᑉ ᐊᒡᓚᖏᑦ 25:15

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᐱᓕᔅᑍᓂᒥᐅᑦ ᐊᑭᓂᐊᓚᐅᕐᒪᑕ ᐆᒻᒪᑎᒥᒍᑦ ᒥᑕᐅᑎᖃᕐᓗᑎᒃ ᓄᖅᑲᔪᐃᑦᑐᒥᒃ ᐆᒥᓱᖕᓂᕐᒥᖕᓄᑦ;

ᒤᑲᐅᑉ ᐊᒡᓚᖏᑦ 4:11

ᒫᓐᓇᓕ ᐃᓅᖃᑎᒌᒡᔪᐊᑦ ᐅᓄᕐᑐᑦ ᑲᑎᕗᑦ ᐃᓕᑦᓯᓐᓂᒃ ᐊᑭᕋᕐᑐᕐᓗᑎᒃ, ᐃᒫᒡᓗ ᐅᖃᕐᓗᑎᒃ, “ᓮᐅᓂ ᐊᓯᕈᕐᑕᐅᔪᒃᓴᐅᕗᖅ! ᑕᑯᓐᓇᕐᑎᓪᓗᑕ!”

ᔮᓱᐊᑉ ᐊᒡᓚᖏᑦ 7:9

ᑬᓇᓂᒥᐅᑉ ᓄᓇᓕᓕᒫᓪᓗ ᖃᓂᒋᔮᓃᑦᑐᑦ ᑐᓴᕐᓂᐊᕐᐳᑦ ᑕᒪᑐᒥᖓ, ᐊᕙᓗᔭᐅᓗᑕ ᑐᖁᑕᐅᓂᐊᓕᕐᐳᒍᑦ! ᖃᓄᐃᓕᐅᕐᓂᐊᕐᐱᓪᓖ ᐊᑎᕐᐱᑦ ᐅᐱᓐᓇᕐᓂᖓ ᓴᐳᑎᓗᒍ?”

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:13

ᑖᒃᑯᐊ ᖁᓕᑦ ᐊᑕᐅᓯᕐᒥᒃ ᐃᓱᒪᖃᖃᑎᒌᒃᐳᑦ ᐱᔪᓐᓇᕐᓂᑎᒃ ᐱᔪᓐᓇᕐᓯᑎᑕᐅᓯᒪᓂᑎᒡᓗ ᑐᓂᓯᒪᓪᓗᒋᑦ ᐆᒪᔪᐊᓗᖕᒧᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:19

ᑕᑯᓕᕆᕗᖓ ᐆᒪᔪᐊᓗᖕᒥᒃ ᓄᓇᕐᔪᐊᓪᓗ ᐊᖓᔪᖅᑳᕐᔪᐊᖏᓐᓂᒃ ᐅᓇᑕᕐᑐᒃᓴᖁᑎᖏᓐᓂᒡᓗ ᑲᑎᓕᕐᑐᓂᒃ ᐅᓇᑕᕆᐊᕈᒪᓪᓗᒍ ᕿᒻᒥᕐᔪᐊᕐᒥ ᐃᑭᒪᔪᖅ ᐅᓇᑕᕐᑎᖁᑎᖏᓐᓂᓪᓗ.