ᐃᓐᖏᕈᑎᑦ 82:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᖃᓄᖅ ᐊᑯᓂᐅᑎᒋᔪᖅ ᓈᒻᒪᓈᖏᑦᑐᒥᒃ ᐋᖅᑭᒃᓱᐃᖃᑦᑕᕐᓂᐊᕐᐲᑦ? ᐱᐅᖏᑦᑐᓪᓗ ᐱᑦᓯᐊᕐᓂᕐᓴᕆᓗᒋᑦ ᐊᓯᖏᓐᓂᑦ? ᓰᓚ

ᐃᓐᖏᕈᑎᑦ 82:2 Iomraidhean Croise

ᐊᑕᓃᑦ ᓯᕗᓪᓖᑦ 18:21

ᐃᓔᑦᔭᐅᓪᓗ ᐃᓄᓕᒫᑦ ᖃᒡᓕᒋᐊᕐᓗᒋᑦ, ᐅᖃᐅᑎᕔᑦ, “ᖃᓄᖅ ᐊᑯᓂᐅᑎᒋᔪᖅ ᓇᓕᐊᖕᓄᕿᑕᖕᓂᐊᕐᐱᓰ ᒪᕐᕉᓕᖅᑭᖓᔪᒥᒃ ᐃᓱᒪᖃᕐᓗᓯ? ᐊᑕᓂᖅ ᒎᑎᐅᒃᐸᑦ, ᑖᓐᓇ ᒪᓕᒃᓯᐅᒃ; ᐰᓕᓕ ᒎᑎᐅᒃᐸᑦ ᑖᓐᓇ ᒪᓕᖕᓂᐊᕐᐸᓯ.” ᐃᓄᐃᓪᓗ ᑭᐅᔪᖃᓚᐅᓐᖏᓚᑦ ᐊᑕᐅᓯᕐᒥᒡᓘᓐᓃᑦ.

ᑯᕉᓂᑲ ᐂᑉᐸᖏᑦ 19:7

ᒫᓐᓇᓕ ᑕᕝᕙ, ᐊᑕᓂᐅᑉ ᓯᕘᕋᓇᕐᓂᖓ ᐃᓕᑦᓯᓐᓃᓪᓕ; ᑲᒪᑦᓯᐊᕆᑦᓯ ᐱᓇᓱᐊᕐᑎᓪᓗᓯ, ᐊᑕᓂᖅ ᒎᑎᕗᑦ ᓈᒻᒪᓈᖏᓐᓂᖃᖏᒻᒪᑦ, ᐃᓔᓐᓇᕐᓯᐅᕋᓂᓗ, ᐊᑭᓕᕐᑕᐅᓂᒃᑯᓪᓗ ᐊᓯᑦᔨᕐᓱᐃᓲᖑᓇᓂ.”

ᔫᐱᐅᑉ ᐊᒡᓚᖏᑦ 32:21

ᓇᓪᓕᐊᓐᓂᒡᓘᓐᓃᑦ ᑕᑉᐱᕐᓱᐃᓗᖓ ᐅᖃᕐᓂᐊᓐᖏᓚᖓ ᓇᓪᓕᐊᓐᓂᒡᓗ ᐱᐅᓯᑎᑦᓯᓂᕐᓴᐅᓗᖓ ᐱᓂᐊᓐᖏᓚᖓ.

ᔫᐱᐅᑉ ᐊᒡᓚᖏᑦ 34:19

ᐊᖓᔪᖅᑳᓪᓕ ᓇᓪᓕᐊᓐᓂᒃ ᐱᑦᓯᐊᕐᓂᕐᓴᖃᕐᐸᓐᖏᓚᖅ, ᐊᒃᓱᐃᑦᑐᓪᓗ ᐱᑦᓯᐊᕐᓂᕐᓴᕆᕙᓐᖏᓔᑦ ᐊᒃᓱᔪᓂᑦ, ᑕᒪᒃᑯᐊᓕᒫᑦ ᑖᑦᓱᒪ ᓴᓇᓯᒪᔧᓐᓇᕆᖕᒪᒋᑦ.

ᐃᓐᖏᕈᑎᑦ 62:3

ᖃᓄᖅ ᐊᑯᓂᐅᑎᒋᔪᖅ ᐃᓄᖕᒥᒃ ᐊᑭᕋᕐᑐᕐᓂᐊᕐᐱᓰ? ᑕᒪᑦᓯ ᑐᖁᑕᐅᔪᒫᕐᐳᓯ, ᐊᕙᓗᕐᔪᐊᑐᑦ ᐅᕐᕈᓕᒑᔪᑐᑦ, ᓮᒍᑎᑐᓪᓗ ᐊᐅᓚᔪᑐᑦ.

ᒨᓯᓯ ᐂᑉᐸᖏᑦ 10:3

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ᐄᑉᕈᐃᑦ ᒎᑎᖓᑦ, ᖃᓄᖅ ᐊᑯᓂᐅᑎᒋᔪᖅ ᐅᕙᓐᓄᑦ ᓂᑲᓇᕐᓴᕐᑍᓕᓂᐊᕐᐲᑦ? ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:5

ᐱᐅᖏᑦᑐᓂᒃ ᐊᑦᔨᒌᓐᖏᑎᑦᓯᓂᖅ ᐱᐅᓐᖏᓚᖅ, ᐃᓱᐊᕐᑐᕐᓗ ᐊᑦᔨᒌᒃᑎᑦᓯᑦᑍᓕᑎᓪᓗᒍ ᐱᐅᖏᓐᓂᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 45:9

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐊᑯᓂᓗᐊᖅ ᐃᓴᕆᐊᓕᒥᐅᓄᑦ ᐊᖓᔪᖅᑲᐅᔪᓯ ᐱᕋᔭᒃᑐᓂᒃ ᐊᓂᒍᑐᐃᓐᓇᕐᑎᑦᓯᖃᑦᑕᕋᑦᓯ ᐊᒃᓱᕈᕐᑎᑦᓯᓪᓗᓯᓗ, ᓈᒻᒪᓈᕐᑐᒥᒃ ᐃᓱᐊᕐᑐᒥᒡᓗ ᐱᓇᓱᐊᓕᕆᑦᓯ; ᐃᓄᖁᑎᓐᓂᒃ ᐊᕐᓵᕐᑎᕆᖃᑦᑕᕈᓐᓃᕆᑦᓯ, ᐊᑕᓂᖅ ᒎᑎ ᐅᖃᕐᐳᖅ.

ᒨᓯᓯ ᐱᖓᔪᖏᑦ 19:15

ᓱᓕᑦᓯᐊᕐᑐᒥᒃ ᐱᓂᐊᕐᓂᖃᕆᑦ; ᐃᓔᓐᓇᕐᓯᐅᕐᓂᐊᕐᓇᒃ ᐃᓄᒃ ᐊᔪᕐᓴᕐᑐᑦ ᐱᓪᓗᒋᑦ ᐊᔪᕐᓴᖏᑦᑐᓪᓗ ᐱᓪᓗᒋᑦ, ᐃᓅᖃᑎᑎᑦ ᐊᑦᔨᒌᒃᑐᒥᒃ ᐱᓂᐊᕐᓂᖃᕐᕕᒋᔭᕆᐊᖃᕐᐸᑎᑦ.

ᒫᑎᐅᓯᐅᑉ ᐊᒡᓚᖏᑦ 17:17

ᔩᓱᓯᐅᑉ ᑭᐅᕚ, “ᐅᒃᐱᕐᓂᖃᖏᑦᑐᓯ ᑕᒻᒪᕐᓯᒪᔪᐊᓘᔪᓯᓗ, ᖃᓄᖅ ᐊᑯᓂᐅᑎᒋᔪᖅ ᓇᔪᕆᐊᖃᕐᐸᑦᓰ? ᖃᓄᕐᓗ ᐊᑯᓂᐅᑎᒋᔪᖅ ᕿᓄᐃᓵᕐᕕᒋᔭᕆᐊᖃᕐᐸᑦᓰ? ᓄᑲᑉᐱᐊᖅ ᐅᕙᓐᓄᑦ ᒪᐅᖓ ᕾᑎᓚᐅᕈᒃ.”

ᒐᓔᑎᐊᒥᐅᓄᑦ 2:6

ᑍᒃᑯᓄᖓ ᑕᓯᐅᕐᑎᐅᓇᓱᒃᑑᒐᓗᐊᑦ ᖃᓄᐃᑑᒐᓗᐊᕐᒪᖔᑕ ᐅᕙᓐᓄᓪᓕ ᐃᓱᒫᓗᓇᖏᒻᒪᑕ; ᒎᑎ ᐃᓔᓐᓇᕐᓯᐅᖏᒻᒪᑦ, ᑍᒃᑯᓂᖓ ᐅᖃᐅᓯᖃᕐᐳᖓ, ᑕᓯᐅᕐᑎᐅᓇᓱᒃᑑᒐᓗᐊᑦ ᐅᕙᓐᓂᒃ ᐃᓱᒪᑖᑎᑦᓯᒃᑲᓐᓂᖏᒻᒪᑕ.

ᒨᓯᓯ ᑕᓪᓕᒪᖏᑦ 1:17

ᐃᓔᓐᓇᖏᓐᓂᒃ ᑕᑉᐱᕐᓱᐃᓗᓯ ᐱᓇᓱᐊᕐᑐᒃᓴᐅᓐᖏᓚᓯ ᐋᖅᑭᒃᓱᐃᓕᕐᑎᓪᓗᓯ; ᐋᖅᑭᒃᓱᐃᔪᒃᓴᐅᕗᓯᓕ ᐊᑦᔨᒌᒃᑎᑦᓯᓗᓯ, ᑭᓇᑐᐃᓐᓇᐅᒐᓗᐊᕐᐸᑦ. ᓇᓪᓕᐊᓐᓂᒡᓘᓐᓃᑦ ᓯᕘᕋᒋᔭᖃᕐᑐᒃᓴᐅᓐᖏᓚᓯ, ᑐᑭᑖᕆᔭᓯ ᒎᑎᒥᑦ ᐱᖕᒪᑕ. ᐃᓕᑦᓯᓐᓄᓪᓕ ᓱᓇᑐᐃᓐᓇᖅ ᐅᖁᒤᓗᐊᕐᐸᑦ, ᑕᕝᕙ ᐅᕙᓐᓄᑦ ᑐᓂᔭᒃᓴᕆᕙᓯ, ᑕᕝᕙ ᐅᕙᖓ ᑐᑭᑖᕐᕕᒋᓂᐊᕐᐸᒃᑲ.’