ᐃᓐᖏᕈᑎᑦ 81:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑎᑦᑐᓚᐅᑏᑦ ᑕᑭᔪᑦ ᓂᓪᓕᕐᑎᑕᐅᔪᒃᓴᐅᕗᑦ ᑕᖅᑭᓂᕋᑖᕐᑎᓪᓗᒍ, ᑕᖅᑭᕐᓗ ᐃᓗᐃᑦᑑᑦᓯᐊᓕᕐᑎᓪᓗᒍ, ᓇᓪᓕᐅᓐᓂᕐᓯᐅᕕᖃᓕᑐᐊᕈᑦᑕ.

ᐃᓐᖏᕈᑎᑦ 81:3 Iomraidhean Croise

ᐊᑕᓃᑦ ᐂᑉᐸᖏᑦ 4:23

ᐅᐃᖓᑕ ᐅᖃᐅᑎᕚ, “ᓱᖕᒪᑦ ᐅᓪᓗᒥ ᐊᐅᓪᓚᕋᓱᒃᐱᑦ? ᑕᖅᑭᓂᕋᑖᖑᓐᖏᒻᒪᑦ, ᓴᐸᑎᐅᓇᓂᓗ.” ᐅᐃᓂ ᑭᐅᕚ, “ᖃᓄᐃᖏᑦᑐᖅ.”

ᑯᕉᓂᑲ ᓯᕗᓪᓖᑦ 15:16

ᑍᕕᑎᐅᑉ ᓕᕔᑏᑦ ᓯᕗᓕᕐᑎᖏᑦ ᐅᖃᐅᑎᒋᕔᑦ ᐃᓚᒋᔭᒥᖕᓂᑦ ᑎᓕᓯᖁᓪᓗᒋᑦ ᐃᓐᖏᕐᑎᒃᓴᓂᒃ ᑖᒃᑯᐊ ᓂᑦᔭᐅᓯᔭᖁᓪᓗᒋᑦ ᓄᖃᕐᑎᓕᖕᓄᑦ, ᕼᐅᕐᐱᓄᑦ, ᑯᑭᑦᑕᐸᐅᑎᓄᓪᓗ ᓯᕙᓂᕋᐅᑎᓄᓪᓗ, ᓂᐱᖅᑯᕐᑐᓗᑎᒃ ᖁᕕᐊᓱᒡᓗᑎᒃ ᓂᓪᓕᐊᖁᓪᓗᒋᑦ.

ᑯᕉᓂᑲ ᓯᕗᓪᓖᑦ 15:19

ᐃᓐᖏᕐᑎᖃᕐᓗᑎᒃ ᐅᑯᓂᖓ, ᕼᐃᒪᓐ, ᐊᓴᐸ, ᐃᑖᓐᒥᒡᓗ, ᓯᕙᓂᐅᑎᓂᒡᓗ ᑲᓐᓄᔭᓂᒃ ᓂᓪᓕᐊᑎᑦᓯᔪᒃᓴᐅᓪᓗᑎᒃ;

ᑯᕉᓂᑲ ᓯᕗᓪᓖᑦ 15:24

ᓯᐸᓁᐊ, ᔫᓴᐸᑦ, ᓇᑖᓂᐅᓪ, ᐊᒪᓮ, ᓴᑲᕅᐊ, ᐱᓁᐊ, ᐃᓔᓯᕆᓗ, ᑐᓂᕐᕈᓯᕐᑎᑦᓯᔩᑦ, ᑎᑦᑐᓚᐅᑎᓂᒃ ᓂᓪᓕᕐᑎᑦᓯᔪᒃᓴᐅᓪᓗᑎᒃ ᒎᑎᐅᑉ ᐃᒃᓯᕐᕕᖁᑎᖓᑕ ᓯᕗᓂᖓᓂ; ᐅᐱᑦ-ᐄᑕᒻ ᔨᕼᐂᐊᓗ ᐊᖏᕈᑕᐅᓯᒪᔪᑦ ᐃᒃᓯᕐᕕᖁᑎᖓᓂᒃ ᖃᐅᔨᓴᕐᑎᐅᔪᒃᓴᐅᓪᓗᑎᒃ.

ᑯᕉᓂᑲ ᓯᕗᓪᓖᑦ 16:42

ᕼᐃᒪᓐ ᔨᑐᑕᓐᓗ, ᓂᐱᖅᑯᕐᑐᓪᓗᑎᒃ ᓂᓪᓕᐊᑎᑦᓯᓚᐅᕐᐳᑦ ᑎᑦᑐᓚᐅᑎᓂᒃ ᓯᕙᓂᕋᐅᑎᓂᒡᓗ ᓂᑦᔮᑎᑦᓯᓪᓗᑎᒃ ᐃᓐᖏᕈᓯᕐᓂᒃ ᐃᑦᔪᕐᓁᑦᑐᓂᒃ. ᔨᑐᑕᐅᑉ ᐃᕐᓂᖏᑦ ᓇᐅᑦᓯᕐᑐᕐᑎᐅᑎᑕᐅᑎᓪᓗᒋᑦ ᐃᑎᕐᑕᕐᕕᖕᒥ.

ᑯᕉᓂᑲ ᓯᕗᓪᓖᑦ 16:6

ᐱᓁᐊᓗ ᔭᕼᐊᔨᐅᓗ ᑐᓂᕐᕈᓯᕐᑎᑦᓯᔩᒃ ᑍᒪᓐᖓᑦ ᑎᑦᑐᓚᐅᑎᓂᒃ ᓂᓪᓕᐊᑎᑦᓯᔪᒃᓴᐅᓪᓗᑎᒃ, ᒎᑎᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓᑕ ᓯᕗᕌᓂ.

ᑯᕉᓂᑲ ᓯᕗᓪᓖᑦ 25:1

ᑍᕕᑎᓗ ᐊᖓᔪᖅᑲᐅᔪᓪᓗ ᐅᓇᑕᕐᑐᒃᓴᓄᑦ ᓴᓂᕐᕔᒋᕗᑦ ᐱᔨᑦᓯᕐᑐᒃᓴᓂᒃ ᐊᓴᐸᐅᑉ ᐃᕐᓂᖏᓐᓂᒃ, ᕼᐃᒪᓐᑯᓐᓂᑦ, ᔨᑐᑕᓐᑯᓐᓂᓪᓗ, ᒎᑎᐅᑉ ᐅᖃᕐᑕᐅᖁᔭᖏᓐᓂᒃ ᐅᖃᕐᑎᒃᓴᓂᒃ ᓄᖃᕐᑎᓕᖕᓄᑦ, ᕼᐊᕐᐱᓄᑦ, ᓯᕙᓂᕋᐅᑎᓄᓪᓗ. ᓇᓗᓁᕐᑕᐅᓯᒪᔪᑦ ᐱᔨᑦᓯᕐᑐᒃᓴᐅᓪᓗᑎᒃ ᐅᑯᐊᖑᕗᑦ:

ᑯᕉᓂᑲ ᐂᑉᐸᖏᑦ 13:12

ᑕᑯᒋᑦ, ᒎᑎᐅᑉ ᐃᓚᒋᕚᑎᒍᑦ ᓂᐊᖁᕆᒐᑦᑎᒍ, ᑐᓂᕐᕈᓯᕐᑎᑦᓯᔨᖏᓪᓗ ᑎᑦᑐᓚᐅᑎᓄᑦ ᓂᓪᓕᕐᑎᑦᓯᕗᑦ ᐅᓇᑕᕆᐊᕐᑐᕐᓯᐅᒻᒥᒃ ᐃᓕᑦᓯᓐᓄᑦ. ᐃᓴᕆᐊᓕᐅᑉ ᑭᖑᕚᖏᑦ, ᐊᑕᓂᕐᒥᒃ ᐅᓇᑕᕐᑍᓕᒋᑦᓯ, ᓯᕗᓕᑦᓯ ᒎᑎᖓᓂᒃ; ᓵᓚᖃᕐᓂᐊᖏᓐᓇᑦᓯ.”

ᑯᕉᓂᑲ ᐂᑉᐸᖏᑦ 13:14

ᔫᑕᒃᑯᓪᓗ ᑕᑯᓴᕋᒥᒃ, ᖃᐅᔨᓕᕐᐳᑦ, ᐅᓇᑕᕐᑐᑦ ᓯᕗᕋᓃᑦ ᑐᓄᐊᓂᓗ ᐊᕙᑕᖏᕐᑕᐅᓯᒪᓂᕐᒥᖕᓂᒃ; ᐊᑕᓂᕐᒧᓪᓗ ᑐᒃᓯᐊᓕᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᕗᑦ.

ᑯᕉᓂᑲ ᐂᑉᐸᖏᑦ 2:4

ᑕᑯᒋᑦ, ᑐᒃᓯᐊᕐᕕᒡᔪᐊᓕᐅᕈᒪᓕᕋᒪ ᐊᑕᓂᐅᑉ ᐅᐱᒋᔭᐅᓂᒃᓴᖓᓄᑦ ᒎᑎᒪ, ᑖᑦᓱᒧᖓᓗ ᑐᓂᓂᐊᕐᓗᒍ ᐃᑯᐊᓪᓔᓗᖓᓗ ᑎᐱᑦᓯᐊᕆᒃᑐᓂᒃ ᑖᑦᓱᒧᖓ ᑎᐱᑦᓯᐊᕆᒃᑑᖁᓪᓗᒋᑦ, ᑐᓂᕐᕈᓯᕐᕕᒋᖃᑦᑕᕐᓗᒍᓗ ᓂᐊᖂᔭᓂᒃ ᑕᑯᔭᒃᓴᓂᒃ, ᑐᓂᕐᕈᑎᓂᒡᓗ ᐃᑯᐊᓚᑎᑕᒃᓴᓂᒃ ᐅᓪᓛᒃᑯᑦ ᐅᓐᓄᒃᑯᓪᓗ, ᓴᐸᑎᒥ ᑕᖅᑭᓂᕋᑖᒥᓗ ᐊᑕᓂᑦᑕᓗ ᒎᑎᑦᑕ ᓇᓪᓕᐅᓐᓂᕐᓯᐅᕕᖁᑎᖏᓐᓂ, ᐊᑐᕐᑕᐅᖃᑦᑕᕐᓂᐊᓕᕐᓗᓂᓗ ᐃᓱᖃᖏᑦᑐᒧᑦ ᐃᓴᕆᐊᓕᒥᐅᓄᑦ.

ᑯᕉᓂᑲ ᐂᑉᐸᖏᑦ 5:12

ᓕᕔᑏᓪᓗ ᐃᓐᖏᕐᑎᓕᒫᑦ, ᐊᓴᐸ, ᕼᐃᒪᓐ, ᔨᑐᑕᓐᓗ, ᐃᕐᓂᑎᒃ ᐃᓚᒋᓪᓗᒋᑦ ᖃᑕᓐᖑᑎᑎᒡᓗ, ᐊᓐᓄᕌᕐᓯᒪᓚᐅᕐᐳᑦ ᖃᓪᓗᓈᕐᑕᓂᒃ ᓵᑦᑐᓂᒃ, ᓂᑦᔭᐅᓯᔭᕐᓗᑎᒃ ᓯᕙᓂᕋᐅᑎᓄᑦ, ᕼᐊᕐᐱᓄᑦ, ᑯᑭᑦᑕᐸᐅᑎᐅᔭᓄᓪᓗ, ᓇᖏᕐᓗᑎᒃ ᑐᓂᕐᕈᓯᕐᕕᐅᑉ ᓴᓂᐊᓂ ᓯᕿᓂᐅᑉ ᓄᐃᕕᐊᑕ ᓇᓛᓂ 120ᐅᓪᓗᑎᒃ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᓯᔭᓚᐅᕐᐳᑦ;

ᑯᕉᓂᑲ ᐂᑉᐸᖏᑦ 8:13

ᖃᐅᑕᒫᕐᓯᐅᑎᑦ ᒪᓕᒡᓗᒋᑦ, ᑐᓂᕐᕈᓯᕐᐳᖅ ᒨᓯᓯᐅᑉ ᐱᖁᔭᖏᑦ ᒪᓕᒡᓗᒋᑦ ᓴᐸᑎᓯᐅᑎᓂᒃ, ᑕᖅᑭᓂᕋᑖᕐᑐᕐᓯᐅᑎᓂᒃ, ᐊᕐᕌᒍᑕᒫᓪᓗ ᐱᖓᓱᓄᑦ ᓇᓪᓕᐅᓐᓂᕐᓯᐅᕕᖕᓄᑦ ᓂᐊᖂᔭᓄᑦ ᐳᕙᓪᓚᕐᓴᐅᑎᖃᖏᑦᑐᓂᒃ ᓇᓪᓕᐅᓐᓂᕐᓯᐅᕐᕕᖕᓄᑦ, ᐱᕈᕐᑐᓪᓗ ᑲᑎᕐᓱᕐᑕᐅᓂᖏᓐᓄᑦ ᓇᓪᓕᐅᓐᓂᕐᓯᐅᕐᕕᖕᓄᑦ, ᑐᐱᕐᒦᖃᑦᑕᓚᐅᕐᓂᕐᒧᓪᓗ ᓇᓪᓕᐅᓐᓂᕐᓯᐅᕐᕕᖕᓄᑦ.

ᐃᓐᖏᕈᑎᑦ 149:3

ᐊᑎᖓ ᓂᕐᑐᕋᒃᓴᕆᕚᑦ ᑖᓂᓯᕐᓗᑎᒃ, ᓂᓪᓕᐊᔫᕐᕕᒋᓗᒍ ᕿᓚᐅᑎᐅᔭᓄᑦ ᑯᑭᑦᑕᐸᐅᑎᐅᔭᓄᓪᓗ.

ᐃᓐᖏᕈᑎᑦ 33:2

ᐊᑕᓂᖅ ᓂᕐᑐᕐᓯᐅᒃ ᓂᓪᓕᐊᑦᔪᑎᓄᑦ ᕼᐊᕐᐱᓄᑦ; ᑐᓴᕐᓂᕋᕕᒋᓯᐅᒃ ᓂᓪᓕᐊᑎᑦᓯᑦᔪᑎᓄᑦ ᖁᓕᓂᒃ ᓄᖃᕐᑎᓕᖕᓄᑦ.

ᐃᓐᖏᕈᑎᑦ 98:6

ᑎᑦᑐᓚᐅᑎᓄᑦ ᓱᐴᒐᕐᓄᓪᓗ ᓇᒡᔪᕕᓂᕐᓄᑦ ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ ᐊᖓᔪᖅᑳᕐᔪᐊᖅ, ᐊᑕᓂᖅ!

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:6

ᑐᒃᓯᐊᕐᕕᒡᔪᐊᖅ ᐃᓂᒋᓂᕋᕐᑕᓂ ᓯᖁᑦᑎᕐᑕᐅᑎᑉᐹ ᐱᕈᕐᓰᕕᒃᑎᑐᑦ ᑖᓐᓇ ᑲᑎᕕᒋᕙᒃᑕᕗᑦ, ᐊᑕᓂᐅᑉ ᓮᐅᓂ ᐳᐃᒍᕐᑕᐅᑎᑉᐹ ᓇᓪᓕᐅᓐᓂᕐᓯᐅᕐᕕᐅᕙᒃᑐᓂᒃ ᓴᐸᑎᓂᓗ, ᐊᖓᔪᖅᑳᕐᔪᐊᖅ ᑐᓂᕐᕈᓯᕐᑎᑦᓯᔩᓪᓗ ᓂᓐᖓᕕᒃᔪᐊᕐᓂᕐᒥᓄᑦ ᓇᕐᕈᒋᓕᕐᐰᑦ.

ᓇᕼᐅᒥᐅᑉ ᐊᒡᓚᖏᑦ 1:15

ᑕᑯᒋᑦ, ᐅᖃᕆᐊᕐᑐᕐᑐᖅ ᕾᓕᕐᐳᖅ ᖃᖅᑲᑎᒍᑦ ᐅᖃᕆᐊᕐᑐᕐᑐᖅ ᑐᓴᕈᒥᓇᕐᑐᒥᒃ, ᓵᓚᖃᕐᓂᕐᒥᒃ ᐅᖃᕆᐊᕐᑐᕐᐳᖅ! ᐃᓕᑦᓯ ᔫᑕᐅᑦ ᐃᓄᖏᑦ, ᓇᓪᓕᐅᓐᓂᕐᓯᐅᓕᕆᑦᓯ ᓇᓪᓕᐅᑎᕙᒃᑐᓂᒃ, ᐊᖏᕈᑎᒋᓯᒪᔭᓯᓗ ᑲᔪᓯᑎᓪᓗᒋᑦ, ᐱᐅᖏᑦᑐᓄᑦ ᓄᓇᓯ ᓵᓚᒋᔭᐅᒃᑲᓐᓂᕐᓂᐊᕈᓐᓃᕐᐳᖅ, ᑕᒪᑐᒪ ᑭᖑᕐᖓᒍᑦ ᐱᕕᒃᓮᕈᑦᔭᐅᖕᒪᑕ.

ᒨᓯᓯ ᓯᑕᒪᖏᑦ 15:3

ᐃᑯᐊᓚᑎᑦᓯᓂᒃᑯᑦ ᑐᓂᕐᕈᓯᓕᕈᑦᓯ ᐊᑕᓂᕐᒧᑦ, ᐃᑯᐊᓚᑦᓯᓂᒃᑯᑦ ᑐᓂᕐᕈᓯᕈᑦᓯ, ᐅᕝᕙᓘᓐᓃᑦ ᐆᒫᔪᕕᓂᕐᒥᒃ ᑐᓂᕐᕈᓯᕈᑦᓯ, ᐊᖏᕈᑎᓯ ᐃᓗᐃᑦᑑᓕᖁᓪᓗᒍ, ᐅᕝᕙᓘᓐᓃᑦ ᑐᓂᕐᕈᓯᕈᒪᓂᑐᐃᓐᓇᕐᒧᑦ, ᓇᓪᓕᐅᓐᓂᕐᓯᐅᕐᕕᑦᓯᓐᓂᓘᓐᓃᑦ, ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ ᑐᓂᓯᔪᒪᒍᑦᓯ, ᐃᒻᒧᒃᓯᐅᒐᖁᑎᑦᓯᓐᓂᒡᓘᓐᓃᑦ ᓰᐱᖁᑎᑦᓯᓐᓂᒡᓘᓐᓃᑦ.

ᒨᓯᓯ ᓯᑕᒪᖏᑦ 28:11

“ᑕᖅᑭᐅᑉ ᐱᒋᐊᕐᓂᖓᓂ ᐃᑯᐊᓚᑎᑕᒃᓴᒥᒃ ᐊᑕᓂᕐᒧᑦ ᑐᓂᕐᕈᓯᖃᑦᑕᕐᓂᐊᕐᐳᓯ: ᐊᖑᓴᓪᓘᖕᓂᒃ ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᒥᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᓂᒃ ᓄᕐᕋᕐᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ, ᓴᓗᒤᓐᓂᖃᖏᓪᓗᑎᒃ;

ᒨᓯᓯ ᑕᓪᓕᒪᖏᑦ 16:15

ᐊᑕᓂᖅ ᒎᑎᓯ ᐅᐱᓐᓇᕐᓯᑎᑕᒃᓴᕆᕙᓯ ᓇᓪᓕᐅᕐᓂᕐᓯᐅᕐᓗᓯ ᐅᓪᓗᓂᒃ 7ᓂᒃ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ. ᖁᕕᐊᓱᒃᑐᒃᓴᐅᕗᓯ, ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ ᐱᕈᕐᑎᑕᑦᓯᒍᑦ ᐃᖅᑲᓁᔭᕐᓂᑦᓯᒍᓪᓗ.

ᑯᓘᓯᐊᒥᐅᓄᑦ 2:16

ᑍᒤᒻᒪᑦ ᒪᓕᒐᓕᐅᕐᑕᐅᓂᐊᕋᓯ ᖃᓄᐃᑦᑐᓂᒃ ᐃᒥᖃᑦᑕᕆᐊᖃᕐᒪᖔᑦᓯ ᓂᕆᖃᑦᑕᕆᐊᖃᕐᒪᖔᑦᓯᓘᓐᓃ; ᐅᓪᓗᐃᓪᓗ ᓇᓪᓕᖏᑦ ᐃᑦᔪᕐᓁᑎᑕᐅᔪᒃᓴᐅᖕᒪᖔᑕ, ᑕᖅᑭᒥᓘᓐᓃᑦ ᓇᓪᓕᐊᓐᓂ ᓇᓪᓕᐅᓐᓂᕐᓯᐅᕆᐊᖃᕐᒪᖔᑦᓯ, ᓴᐸᑎᒥᓘᓐᓃᑦ ᖃᓄᐃᑦᑐᒃᓴᐅᖕᒪᖔᑦᓯ.