ᐃᓐᖏᕈᑎᑦ 80:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᓂᒃᓴᖓᓂᒃ ᐋᖅᑭᒃᓱᐃᓯᒪᓚᐅᕋᕕᑦ; ᓄᓇᐅᑉ ᐃᓗᐊᓄᑦ ᐊᒫᖏᑦ ᐳᓚᒪᑦᓯᐊᕐᑎᑉᐸᑎᑦ ᓄᓇᓕᒫᒥᓗ ᓈᔨᓯᒪᑎᓪᓗᒋᑦ.

ᐃᓐᖏᕈᑎᑦ 80:9 Iomraidhean Croise

ᓴᒧᐃᓕ ᐂᑉᐸᖏᑦ 7:10

ᐃᓂᒃᓴᒥᒃ ᓂᕈᐊᕐᓂᐊᕐᐳᖓ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐃᓂᖃᑦᓯᐊᖁᓪᓗᒋᑦ, ᓇᖕᒥᓂᖅ ᓄᓇᖃᖁᓪᓗᒋᑦ, ᐸᕝᕕᓴᒃᑕᐅᖃᑦᑕᖏᓪᓗᑎᒃ ᓇᓪᓕᐊᓐᓄᓪᓘᓐᓃᑦ; ᐃᓴᒋᔭᖃᖏᑦᑐᓄᓪᓗ ᐸᒡᕕᓴᒃᑕᐅᖃᑦᑕᕈᓐᓁᖁᓪᓗᒋᑦ, ᓯᕗᓕᕆᓚᐅᕐᑕᖏᑎᑐᑦ.

ᐊᑕᓃᑦ ᓯᕗᓪᓖᑦ 4:20

ᐃᓄᐃᑦ ᔫᑎᐊᒥ ᓄᓇᓖᑦ ᐃᓴᕆᐊᓕᒥᓗ ᐅᓄᕐᑐᐊᓘᓕᓚᐅᕐᐳᑦ ᓯᐅᕋᕐᑎᑐᑦ ᓯᒡᔭᒦᑦᑐᑎᑐᑦ; ᓂᕆᓪᓗᑎᒡᓗ ᐃᒥᕐᓗᑎᒡᓗ ᖁᕕᐊᓱᖃᑎᒌᒃᐳᑦ.

ᐊᑕᓃᑦ ᓯᕗᓪᓖᑦ 4:25

ᐃᓄᐃᑦ ᓄᓇᖃᕐᑐᑦ ᔫᑕᒥ ᐃᓴᕆᐊᓕᒥᓗ ᓄᓇᖃᓚᐅᕐᐳᑦ ᐊᑦᑕᕐᓇᖏᑦᓯᐊᕐᑐᒥ, ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ, ᐃᓄᓕᒫᑦ ᓇᖕᒥᓂᖅ ᐸᐅᕐᖓᓂᒃ ᕔᓂᒃᓴᓂᒃ ᐱᕈᕐᓯᐊᖃᕐᓗᑎᒃ ᓇᐹᕐᑐᖁᑎᖃᕐᓗᑎᒡᓗ ᐸᐅᕐᖓᓕᖕᓂᒃ, ᓲᓗᒨᓂᐅᑉ ᐃᓅᓂᓕᒫᖓᓂ.

ᑯᕉᓂᑲ ᓯᕗᓪᓖᑦ 21:5

ᔪᐊᐱᐅᓪᓗ ᐃᓄᐃᑦ ᐅᓄᕐᓂᖏᑦ ᑐᓂᕔᑦ ᑍᕕᑎᒧᑦ. ᐃᓴᕆᐊᓕᒥᐅᓕᒫᑦ 1,100,000ᐅᕗᑦ ᓴᕕᒡᔪᐊᕐᒨᕈᓐᓇᕐᑐᑦ, ᔫᑕᒥᐅᓪᓗ 470,000ᓂᒃ ᐱᑕᖃᕆᕗᑦ ᓴᕕᒡᔪᐊᕐᒨᕈᓐᓇᕐᑐᓂᒃ.

ᐃᓐᖏᕈᑎᑦ 105:44

ᑐᓂᓯᕕᒋᓚᐅᕐᐰᓪᓗ ᐃᓅᖃᑎᒌᒡᔪᐊᑦ ᔫᑎᐅᖏᑦᑐᑦ ᓄᓇᖓᓐᓂᒃ; ᑕᒫᓂ ᓄᓇᖃᓚᐅᕐᑐᑦ ᐱᖁᑎᖏᓐᓂᒃ ᐱᑖᖁᓪᓗᒋᑦ ᓇᖕᒥᓂᕐᑖᕆᓗᒋᑦ,

ᐃᓐᖏᕈᑎᑦ 44:3

ᓄᓇᒥᒃ ᑎᒍᓯᓚᐅᖏᒻᒪᑕ ᓇᖕᒥᓂᖅ ᓴᕕᒡᔪᐊᖏᑕ ᐱᔪᓐᓇᕐᓂᖏᓐᓄᑦ, ᓇᖕᒥᓂᕐᓘᓐᓃᑦ ᐊᒡᒐᖕᒥᖕᓄᑦ ᓴᐳᑎᓚᐅᓐᖏᓚᑦ; ᐃᕝᕕᓪᓕ ᑭᓯᐊᓂ ᐊᒡᒐᖕᓄᑦ ᑕᓕᕐᐱᖕᓄᑦ, ᑮᓇᕐᐱᓪᓗ ᖃᐅᒪᓂᖓᓄᑦ, ᖁᕕᐊᒋᓚᐅᕋᕕᒋᑦ.

ᐂᓮᐊᓯᐅᑉ ᐊᒡᓚᖏᑦ 27:2

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᖅ ᐅᖃᕈᒫᕐᐳᖅ, “ᐱᕈᕐᓰᕕᖁᑎᒐ ᐊᐅᐸᕐᑐᒥᒃ ᕔᓂᓕᒃᓴᖅ!

ᐂᓮᐊᓯᐅᑉ ᐊᒡᓚᖏᑦ 27:6

ᐅᓪᓗᓂ ᓇᓪᓕᐅᑎᔪᒫᕐᑐᓂ, ᔧᑰᑉ ᑭᖑᕚᖏᑦ ᐊᒫᖃᓕᕈᒫᕐᐳᑦ; ᐃᓴᕆᐊᓕ ᓇᐹᕐᑐᒃᓴᑎᑐᑦ ᐱᕈᕐᑐᒃᓴᖃᓕᕐᓗᓂ, ᓄᓇᕐᔪᐊᕐᓗ ᐸᐅᕐᖓᖃᓕᕈᒫᕐᐳᖅ ᑖᒃᑯᓇᓐᖓᑦ ᐱᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 37:31

ᔫᑕᐅᓪᓗ ᑭᖑᕚᖏᓐᓂ ᐊᒥᐊᒃᑰᑦ ᓱᓕ ᐊᒻᒧᑦ ᐊᒫᖃᓕᕈᒫᕐᐳᑦ, ᐆᒻᒪᕐᒥᓗᑎᒡᓗ ᐱᕈᕐᑐᖃᑦᓯᐊᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 5:2

ᓄᓇ ᐳᐊᕐᕆᔭᓚᐅᕐᐹ ᐅᔭᕅᔭᕐᓗᒍᓗ; ᐃᓕᐅᕅᕕᒋᓚᐅᕐᐹ ᕔᓂᒃᓴᓂᒃ ᐱᐅᓂᕐᐹᓂᒃ; ᐳᕐᑐᔪᒥᒡᓗ ᕿᑎᖓᓂ ᐃᒡᓗᓕᐅᕐᐳᖅ ᖃᐅᔨᓴᕐᕕᖕᒥᒃ, ᐃᑎᕐᓴᓕᐅᓪᓗᓂᓗ ᕔᓂᒃᓴᓂᒃ ᐃᑦᑏᔧᕕᒃᓴᒥᓂᒃ, ᕔᓂᒃᓮᓪᓗ ᐱᕈᕇᕐᓯᐊᕆᓕᕐᐰᑦ, ᐱᐅᔪᓂᒃ ᓂᕆᐅᒡᓗᓂ, ᕔᓂᒃᓮᓪᓕ ᐱᕈᕇᕋᓗᐊᕐᒪᑕ ᐱᐅᖏᑦᑐᓂᒃ ᐸᐅᕐᖓᖃᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 12:2

ᑲᓐᖓᕐᓱᓚᐅᕐᐸᑎᑦ ᐊᒫᖃᑦᓯᐊᓕᕐᓗᑎᒡᓗ, ᐱᕈᕐᐳᑦ ᐸᐅᕐᖓᖃᓕᕐᓗᑎᒃ; ᖃᓂᑉᐳᑎᑦ ᖃᓂᖏᓐᓄᑦ ᐆᒻᒪᑎᖏᓐᓄᓪᓕ ᐅᖓᓯᒃᐳᑎᑦ.

ᔨᕆᒤᐊᐅᑉ ᐊᒡᓚᖏᑦ 2:21

ᐱᕈᕐᓮᓚᐅᕐᐳᖓ ᐃᓕᖕᓂᒃ ᕔᓂᒃᓴᓂᒃ ᐸᐅᕐᖓᖃᕐᕕᒃᓴᑎᑐᑦ ᓂᕈᐊᕐᑕᐅᓯᒪᔪᑎᑐᑦ, ᐱᐅᓂᕐᐹᒥᒃ ᐱᕈᕐᑐᒃᓴᓂᑦ, ᖃᓄᕐᓕ ᐅᕙᓐᓂᒃ ᓇᕐᕈᓕᓚᐅᕐᓂᕆᕖᑦ? ᐸᐅᕐᖓᖃᕐᕕᒃᓴᑎᑐᑦ ᐱᕈᕐᓂᕐᓗᕕᐅᔪᑎᑐᑦ ᐱᕈᕐᓰᕕᐅᖏᑦᑐᒥ.

ᔮᓱᐊᑉ ᐊᒡᓚᖏᑦ 24:12

ᑖᒃᑯᐊᓕ ᐅᐃᒪᔮᕐᑎᓚᐅᕐᐸᒃᑲ ᓯᖏᓚᐅᕐᐸᒃᑲᓗ ᐃᓕᑦᓯ ᓵᖓᓂ, ᐊᒧᕅᑎᒥᐅᑦ ᐊᖓᔪᖅᑳᕐᔪᐊᖏᒃ ᒪᕐᕉᒃ; ᓴᕕᒡᔪᐊᓯᓕ ᖃᕐᔪᓯᓗ ᐊᑐᓚᐅᓐᖏᓚᑦ ᑖᒃᑯᓄᖓ.