ᐃᓐᖏᕈᑎᑦ 80:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓇᐹᕐᑐᖅ ᕔᓂᓕᒃᓴᖅ ᐂᓚᐅᕐᐸᑦ ᐄᑦᔨᑉᑎᒥᑦ; ᐃᓅᖃᑎᒌᒡᔪᐊᑦ ᓄᓇᖏᓐᓂᑦ ᐊᐅᓪᓚᐅᑎᓪᓗᒍ ᓄᓇᖏᓐᓄᑦ ᐃᓕᖔᓚᐅᕐᐸᑦ.

ᐃᓐᖏᕈᑎᑦ 80:8 Iomraidhean Croise

ᐃᓐᖏᕈᑎᑦ 31:17

ᑲᓐᖑᓱᒃᑎᑕᐅᖁᓂᐊᕐᓇᖓ ᐊᑕᓃᖅ, ᐃᓕᖕᓄᑦ ᓂᓪᓕᐊᓚᐅᕋᒪ; ᐱᐅᖏᑦᑐᓕᔪᑦ ᑲᓐᖑᓱᒃᑎᓚᐅᒃᑭᑦ; ᐃᓗᕕᕐᒦᓪᓗᑎᒃ ᓂᐱᖃᕈᓐᓃᕐᓕᑦ.

ᐃᓐᖏᕈᑎᑦ 44:2

ᐃᓅᖃᑎᒌᒡᔪᐊᑦ ᐊᒡᒐᖕᓄᑦ ᐊᐅᓪᓚᕐᑎᓚᐅᕋᕕᒋᑦ, ᐊᑖᑕᕗᓪᓗ ᓄᓇᒃᓴᖏᓐᓄᐊᕐᑎᓪᓗᒋᑦ; ᐃᓄᐃᑦ ᓵᓚᒋᓚᐅᕐᐸᑎᑦ ᐊᐅᓪᓚᕐᑎᓪᓗᒋᓪᓗ.

ᐃᓐᖏᕈᑎᑦ 60:3

ᐃᓄᖁᑎᑎᑦ ᐅᖁᒤᑦᑐᐊᓗᖕᓂᒃ ᑎᑭᑕᐅᑎᒃᑲᕕᒋᑦ, ᐃᒥᕐᑎᓚᐅᕋᑦᑎᒍᑦ ᕔᓂᒥᒃ ᓇᓗᓕᕐᓇᕐᑐᒥᒃ.

ᐃᓐᖏᕈᑎᑦ 78:55

ᐃᓅᖃᑎᒌᒡᔪᐊᑦ ᐊᐅᓪᓚᕐᑎᓚᐅᕐᐰᑦ ᐃᓄᖁᑎᒥ ᓵᖏᓐᓂᑦ, ᓄᓇ ᐆᒃᑐᕋᐅᑎᒃᑯᑦ ᓇᓗᓁᕐᓯᒪᔪᖅ ᑐᓐᓂᕐᓴᐅᑎᒋᓪᓗᒍ ᓄᓇᑖᕆᔭᐅᖁᓪᓗᒍ ᑭᖑᕐᖑᑎᔭᐅᔪᑎᑐᑦ, ᐃᓴᕆᐊᓖᓪᓗ ᑭᖑᕚᕇᑦ ᐊᖏᕐᕋᕐᑖᕐᑎᓚᐅᕐᐰᑦ ᓄᓇᒥ ᑕᒫᓂ.

ᔨᕆᒤᐊᐅᑉ ᐊᒡᓚᖏᑦ 12:10

ᐰᕐᓯᔨᓄᑦ ᐅᓄᕐᑐᓄᑦ ᐸᐅᕐᖓᖃᕐᕕᒃᓴᖁᑎᒃᑲ ᑐᓪᓕᕋᕐᑕᐅᓪᓗᑎᒃ ᓯᖁᑦᑎᕐᑕᐅᕗᑦ, ᐱᕈᕐᓰᕕᖁᑎᑦᓯᐊᕆᓚᐅᕐᑕᒃᑲᓗ ᐊᑐᕐᑐᒃᓴᐅᔪᓐᓃᕐᓗᑎᒃ ᓱᓇᖃᕈᓐᓁᕐᓗᑎᒃ ᐱᕈᕐᑐᖃᕈᓐᓃᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 2:21

ᐱᕈᕐᓮᓚᐅᕐᐳᖓ ᐃᓕᖕᓂᒃ ᕔᓂᒃᓴᓂᒃ ᐸᐅᕐᖓᖃᕐᕕᒃᓴᑎᑐᑦ ᓂᕈᐊᕐᑕᐅᓯᒪᔪᑎᑐᑦ, ᐱᐅᓂᕐᐹᒥᒃ ᐱᕈᕐᑐᒃᓴᓂᑦ, ᖃᓄᕐᓕ ᐅᕙᓐᓂᒃ ᓇᕐᕈᓕᓚᐅᕐᓂᕆᕖᑦ? ᐸᐅᕐᖓᖃᕐᕕᒃᓴᑎᑐᑦ ᐱᕈᕐᓂᕐᓗᕕᐅᔪᑎᑐᑦ ᐱᕈᕐᓰᕕᐅᖏᑦᑐᒥ.

ᐃᓯᑭᐊᓕᐅᑉ ᐊᒡᓚᖏᑦ 15:6

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᕔᓂᓕᐅᕐᕖᑦ ᓇᐹᕐᑐᒐᓵᓗᐃᑦ ᐊᑯᕐᖓᓂᑦ ᐃᑯᐊᓪᓚᖅᑯᑎᒃᓴᐅᖁᓪᓗᒋᑦ ᑐᓂᓯᒪᒐᒃᑭᑦ, ᑍᒫᒃᑕᐅᖅ ᔨᕉᓴᓕᒥᐅᑦ ᐃᓄᖏᑦ ᑐᓂᖅᑯᑎᒋᔪᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 17:6

ᐱᕈᕋᒥᓗ ᐸᐅᕐᖓᓕᒃᓴᐅᓪᓗᓂ ᕔᓂᒃᓴᓐᖑᕐᐳᖅ ᐳᒃᑭᑦᑑᓪᓗᓂ ᓯᐊᒻᒪᖓᓕᕐᐳᖅ ᓇᒧᑐᐃᓐᓇᖅ, ᐊᕙᓚᖓᔪᖏᓪᓗ ᓇᒃᑐᕋᓕᐅᑉ ᒥᒃᓵᓄᑦ ᐱᕈᓕᕐᐳᑦ, ᐊᒫᖏᓪᓕ ᐱᕈᕐᕕᖕᒥᓃᖏᓐᓇᕐᓗᑎᒃ. ᕔᓂᖃᕐᕕᒃᓴᑐᑦ ᐱᕈᓕᕐᐳᖅ, ᐊᕙᓚᖓᔪᖃᓕᕐᓗᓂ ᐅᓄᕐᑐᓂᒃ ᐅᖃᐅᔭᖃᑦᓯᐊᓕᕐᓗᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 19:10

ᐊᓈᓁᑦ ᐊᑦᔨᖃᕐᐳᖅ ᐅᕐᐱᒐᕐᓂᒃ ᕔᓂᓕᒃᓴᓂᒃ ᑰᑉ ᖃᓂᒋᔮᓂ ᐃᓕᐅᕋᕐᓯᒪᔪᑎᑐᑦ ᐃᒪᖃᑦᓯᐊᕐᑐᒦᖁᓪᓗᒍ, ᕔᓂᓕᒃᓴᕐᓗ ᐸᐅᕐᖓᖃᑦᓯᐊᕐᐳᖅ ᐅᖃᐅᔭᖃᑦᓯᐊᕐᓗᓂᒡᓗ ᐃᒪᖃᑦᓯᐊᕋᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 7:45

ᑭᖑᓂᖓᒍᑦ ᓯᕗᓕᕕᓂᑦᑕ ᑐᐱᖅ ᑖᓐᓇ ᐱᓚᐅᕆᕚᑦ ᓯᕗᓕᕕᓂᕐᒥᖕᓂᑦ, ᐊᒡᔭᓚᐅᕆᕚᓪᓗ ᔮᓱᐊ ᐃᓚᒋᓪᓗᒍ ᓄᓇᑖᓕᕋᒥᒃ ᓄᓇᓕᑐᖃᕐᓂᒃ ᒎᑎ ᐊᐅᓪᓚᕐᑎᑦᓯᖔᕐᑎᓪᓗᒍ. ᑕᒫᓃᓕᓚᐅᕐᐳᖅ ᑍᕕᑎ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 13:6

ᓮᑐᓂᒥᐅᑦ ᓄᓇᖁᑎᓕᒫᖓ ᓄᓇᖃᕐᑐᓪᓗ ᖃᖅᑲᓕᖕᓂ ᓕᐸᓇᓂᐅᑉ ᖃᖅᑲᖏᑕ ᒥᔅᕆᐸᑦ-ᒤᒻᓗ ᐊᑯᓐᓂᖓᓂ, ᐃᓄᖏᑦ ᓇᖕᒥᓂᖅ ᓯᖏᑦᓱᒫᕐᐸᒃᑲ ᐃᓴᕆᐊᓕᒥᐅᑦ ᐱᕙᓪᓕᐊᖁᓪᓗᒋᑦ; ᓄᓇᖓ ᐃᓴᕆᐊᓕᒥᐅᑦ ᐊᕕᒃᑐᕆᐊᖃᕈᒫᕐᐹᑦ ᓇᓚᐅᑦᓵᕈᑎᑎᒍᑦ, ᑍᒫᒃ ᑎᓕᓚᐅᕋᒃᑭᑦ.