ᐃᓐᖏᕈᑎᑦ 80:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑰᒃᑰᓰᑦ ᓄᔪᐊᕐᑐᑦ ᑖᒃᑯᓂᖓ ᑐᓪᓕᕋᕐᐳᑦ, ᐱᕈᕐᓰᕖᓪᓗ ᐆᒪᔪᖏᑦ ᓄᔪᐊᕐᑐᑦ ᑕᒪᒃᑯᓂᖓ ᓂᕆᕗᑦ.

ᐃᓐᖏᕈᑎᑦ 80:13 Iomraidhean Croise

ᐊᑕᓃᑦ ᐂᑉᐸᖏᑦ 17:20

ᐊᑕᓂᐅᑉ ᐃᓴᕆᐊᓕᐅᑉ ᑭᖑᕚᓕᒫᖏᑦ ᖁᔭᓈᓚᐅᕐᐰᑦ, ᐅᖁᒤᒃᓴᕐᓇᕐᑐᓂᒃ ᐊᑑᑎᑎᓚᐅᕐᐰᑦ ᐊᑭᕋᕐᑐᕐᑎᖏᓐᓄᑦ ᓇᒡᓕᓂᖃᖏᑦᑐᓄᑦ ᐱᓇᓱᐊᕐᕕᐅᑎᓪᓗᓂᒋᑦ ᐃᓚᒋᔪᒪᔪᓐᓃᓚᐅᕐᐰᑦ.

ᐃᓐᖏᕈᑎᑦ 89:42

ᑖᑦᓱᒥᖓ ᐱᐅᒃᓴᖏᑦᑐᑦ ᐱᔪᓐᓇᐅᑎᖏᑦ ᐊᖏᔪᕈᕐᑎᑉᐸᑎᑦ; ᐊᑭᕋᕐᑐᕐᑎᖏᑦ ᑕᒪᕐᒥᒃ ᖁᕕᐊᓱᒃᑎᑉᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 5:5

“ᒫᓐᓇᓕ ᐅᖃᐅᑎᓂᐊᓕᕐᐸᒋᑦ ᐱᕈᕐᓰᕕᖁᑎᓐᓄᑦ ᐱᓇᓱᐊᕐᓂᐊᕐᓂᓐᓂᒃ, ᐊᕙᓗᓕᐅᕐᓯᒪᔪᖅ ᐱᕈᕐᑐᓂᒃ ᐲᕈᒪᕙᕋ, ᑕᕝᕙ ᓄᖑᑕᐅᓂᐊᕐᐳᖅ; ᐊᕙᓗᖏᓪᓗ ᓯᖁᒥᓪᓗᒋᑦ ᑐᓪᓕᕋᕐᑕᐅᓗᓂ.

ᔨᕆᒤᐊᐅᑉ ᐊᒡᓚᖏᑦ 4:7

ᓛᔭᑎᑐᑦ ᐃᔨᕐᓯᒪᕕᖕᓂᑦ ᐊᓂᔪᑎᑐᑦ, ᐃᓅᖃᑎᒌᒡᔪᐊᓂᒃ ᐊᓯᕈᐃᔭᕐᑐᕐᑐᖅ ᐃᓂᒋᔭᒥᓂᑦ ᕾᓕᕐᐳᖅ, ᓄᓇᖁᑎᓯᓗ ᓄᓇᓕᕕᓂᑐᐃᓐᓇᓐᖑᕐᑎᓐᓂᐊᕐᐰᑦ ᐃᓄᖃᕈᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 5:6

ᑕᒪᓐᓇ ᐱᓪᓗᒍ ᓛᔭᒧᑦ ᓇᐹᕐᑐᐃᑦ ᐊᑯᓐᓂᖓᓂ ᑐᖁᑕᐅᓂᐊᕐᐳᑦ. ᐊᒪᕈᕐᓄᓪᓗ ᓱᓇᖃᔪᐃᑦᑐᒥᑦ ᐱᔪᓄᑦ ᐹᔭᐅᓂᐊᕐᐳᑦ. ᐃᕐᓯᓇᕐᑐᒧᓪᓗ ᓕᐅᐸᕐᑦᒧᑦ ᐅᑕᖅᑭᔭᐅᓂᐊᕐᐳᑦ ᓄᓇᓕᖏᑕ ᖃᓂᒋᔭᖏᓐᓂ, ᓄᓇᓖᓪᓗ ᓯᓚᑖᓄᐊᕐᑐᑦ ᐅᒋᐊᕐᑕᓂᐊᕐᐳᑦ, ᑕᒻᒪᕐᓯᒪᓂᖓᑦ ᐊᖏᓗᐊᓕᕐᒪᑦ, ᑲᑕᒍᑎᒋᓯᒪᔭᖏᓪᓗ ᐅᓄᓗᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 51:34

ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᕉᓴᓕᒥᐅᖑᔪᒍᑦ ᓂᕆᓚᐅᕐᐹᑎᒍᑦ, ᒪᕐᕋᑎᑐᑦ ᐃᓗᓕᖃᖏᑦᑐᑎᑐᑦ ᑍᒤᑎᓚᐅᕐᐹᑎᒍᑦ, ᖁᒡᓗᒋᐊᑎᑐᑦ ᐄᕚᑎᒍᑦ, ᓂᕆᓚᐅᕐᓗᓂᑎᒍᓪᓗ ᐅᕆᐊᕆᕚᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 52:7

ᔨᕉᓴᓕᐅᑉ ᐊᕙᓗᕐᔪᐊᖓ ᐊᖕᒪᕐᑕᐅᖕᒪᑦ, ᐅᓇᑕᕐᑎᖁᑎᖏᑦ ᕿᒫᓚᐅᕐᐳᑦ, ᐅᓐᓄᐊᒃᑯᑦ ᐊᓂᐅᕋᕐᓗᑎᒃ ᐃᑎᕐᑕᕐᕕᒃᑯᑦ ᐊᕙᓗᕐᔪᐊᒃ ᒪᕐᕉᒃ ᐅᖓᓕᕇᒃ ᐊᑯᓐᓂᖓᓃᑦᑐᒃᑯᑦ, ᐊᖓᔪᖅᑳᕐᔪᐊᑉ ᐱᕈᕐᓰᕕᖁᑎᖓᑕ ᖃᓂᒋᔮᒍᑦ, ᑲᐅᓪᑎᐊᒥᐅᑦ ᐊᕙᑕᖏᕐᓯᓯᒪᒐᓗᐊᕐᑎᓪᓗᒋᑦ, ᕿᒫᕗᑦ ᓄᓇᐅᑉ ᐊᕋᐹᒥᒃ ᐊᑎᖃᕐᑑᑉ ᓇᓛᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 19:12

ᓂᓐᖓᐅᒪᔪᓄᓪᓕ ᓄᓱᒃᑕᐅᓪᓗᓂ ᐅᕐᕈᑎᑕᐅᕗᖅ ᒪᓂᖅᑲᒧᑦ; ᐆᓇᕐᑐᒥᒃ ᓯᕿᓂᐅᑉ ᓄᐊᕕᐊᓂᑦ ᐊᓄᕌᓕᕐᒪᑦ ᐸᓂᕐᐳᖅ; ᐸᐅᕐᖓᖏᑦ ᐲᔭᕐᑕᐅᓪᓗᑎᒃ, ᓇᑲᖓᓗ ᓯᓕᖕᓂᕐᐹᖅ ᑐᖁᓕᕗᖅ; ᐃᑯᒪᒧᓪᓗ ᓄᖑᑕᐅᓪᓗᓂ.

ᓇᕼᐅᒥᐅᑉ ᐊᒡᓚᖏᑦ 2:3

ᐅᓇᑕᕐᑐᒃᓴᖁᑎᖏᑕ ᓴᐴᓗᑕᖏᑦ ᐊᐅᐸᕐᐳᑦ, ᐊᓐᓄᕌᖃᕐᓗᑎᒡᓗ ᐊᐅᐸᓪᓚᕆᒃᑐᓂᒃ. ᕿᒧᒃᓯᐅᑏᑦ ᐊᒃᓴᓗᐊᓖᑦ ᕿᓪᓛᒋᔭᕐᓂᖏᑦ ᐃᑯᐊᓚᔪᑎᑐᑦ ᑍᒤᑉᐳᑦ; ᐅᓇᑕᕆᐊᕐᓂᕐᒧᑦ ᐃᓄᒋᐊᒃᑐᕐᔪᐊᑦ ᐸᕐᓇᓕᕐᑎᓪᓗᒋᑦ; ᕿᒻᒥᕐᔪᐊᖏᑦ ᓂᒪᔮᓕᕐᐳᑦ ᕿᑲᕈᓐᓁᓪᓕᓪᓗᑎᒃ!