ᐃᓐᖏᕈᑎᑦ 8:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᕿᓔᑦ ᐃᓱᒪᒋᓕᕌᖓᒃᑭᑦ, ᐊᒡᒐᖕᓄᑦ ᓴᓇᓚᐅᕐᑕᑎᑦ, ᑕᖅᑭᖅ ᐅᓪᓗᕆᐊᓪᓗ ᐃᓂᖏᓐᓄᑦ ᐃᓕᓚᐅᕐᑕᑎᑦ,

ᐃᓐᖏᕈᑎᑦ 8:3 Iomraidhean Croise

ᒨᓯᓯ ᓯᕗᓪᓖᑦ 1:1

ᐱᒋᐊᕐᓂᕐᒥ ᒎᑎ ᐱᓐᖑᕐᑎᑦᓯᓚᐅᕐᐳᖅ ᕿᓚᖕᓂᒃ ᓄᓇᕐᔪᐊᕐᒥᒡᓗ.

ᔫᐱᐅᑉ ᐊᒡᓚᖏᑦ 22:12

ᒎᑎ ᖁᑦᓯᒃᑐᒦᓐᖏᓛᖅ ᕿᓚᖕᒥ? ᐅᓪᓗᕆᐊᓂᒃ ᐊᒧᑦ ᑕᑯᓐᓇᕐᐸᒃᑐᖅ ᖁᑦᓯᖕᓂᕐᐹᖑᒐᓗᐊᓂᒃ.

ᔫᐱᐅᑉ ᐊᒡᓚᖏᑦ 25:3

ᓇᓪᓕᐊᑦᑕ ᐂᖏᓕᖁᑎᖏᑦ ᓈᓴᕈᓐᓇᕐᐰᑦ? ᓇᓪᓕᐊᓐᓂᓗ ᖃᐅᒪᓂᖓᓄᑦ ᖃᐅᒪᑎᑕᐅᖏᑦᑐᒥᒃ ᓄᓇᑕᖃᕐᐹ?

ᔫᐱᐅᑉ ᐊᒡᓚᖏᑦ 25:5

ᑕᑯᒋᑦ ᑕᖅᑭᖅ ᐊᒡᓛᑦ ᑖᑦᓱᒪ ᓵᖓᓂ ᖃᐅᒻᒪᕆᒃᑑᓐᖏᓚᖅ ᐅᓪᓗᕆᐊᓪᓗ ᐃᑦᔪᕐᓁᑦᑑᓇᑎᒃ ᑖᑦᓱᒪ ᓵᖓᓂ;

ᔫᐱᐅᑉ ᐊᒡᓚᖏᑦ 36:24

ᐃᖅᑲᐅᒪᒋᑦ ᑖᑦᓱᒪ ᐱᓇᓱᐊᕐᓂᖓ ᓂᕐᑐᕋᒃᓴᕆᒐᕕᐅᒃ, ᐱᓇᓱᐊᕐᓂᖓ ᐃᓄᖕᓄᑦ ᐃᓐᖏᕈᑕᐅᖃᑦᑕᕐᓯᒪᖕᒪᑦ.

ᐃᓐᖏᕈᑎᑦ 104:19

ᑕᖅᑭᖅ ᓴᓇᓯᒪᕙᑦ ᓇᓗᓁᒃᑯᑕᐅᖁᓪᓗᒍ ᓇᓪᓕᐅᓐᓂᕐᓄᑦ; ᓯᕿᓂᖅ ᖃᐅᔨᒪᕗᖅ ᖃᖓᒃᑯᑦ ᓂᐱᕕᒃᓴᖃᕐᒪᖔᕐᒥ.

ᐃᓐᖏᕈᑎᑦ 111:2

ᐊᑕᓂᐅᑉ ᐱᓂᐊᕐᓂᖏᑦ ᐊᖏᔪᕐᔪᐊᖑᕗᑦ, ᑕᒪᑐᒥᖓ ᖁᕕᐊᒋᔭᓕᓕᒫᑦ ᑐᑭᓯᓇᓱᐊᖃᑦᑕᕐᐳᑦ.

ᐃᓐᖏᕈᑎᑦ 148:3

ᓯᕿᓃᖅ ᑕᖅᑮᕐᓗ, ᑖᓐᓇ ᓂᕐᑐᕐᓯᐅᒃ! ᐅᓪᓗᕆᐊᖑᔪᓯ ᖃᐅᒻᒪᕆᒃᑐᓯ, ᓂᕐᑐᕐᓯᐅᒃ!

ᐃᓐᖏᕈᑎᑦ 19:1

ᕿᓔᑦ ᓇᓗᓁᕐᓯᕗᑦ ᒎᑎᐅᑉ ᐱᓐᓇᕐᓇᕐᓂᖓᓂᒃ; ᕿᓚᖕᒥᓗ ᑕᑯᒃᓴᐅᔪᑦ ᐊᒡᒐᖏᑕ ᓴᓇᓯᒪᔭᖏᑦ ᑕᑯᒃᓴᐅᕗᑦ.

ᐃᓐᖏᕈᑎᑦ 33:6

ᐊᑕᓂᐅᑉ ᐅᖃᐅᓯᖓᒍᑦ ᕿᓔᑦ ᓴᓇᔭᐅᓚᐅᕐᐳᑦ, ᑕᒪᕐᒥᒡᓗ ᕿᓚᖕᒥ ᑕᑯᒃᓴᐅᔪᑦ ᐅᓪᓗᕆᐊᑦ ᖃᓂᖓᑕ ᐊᓂᕐᓂᖓᓄᑦ ᓴᖅᑭᓚᐅᕐᐳᑦ.

ᐃᓐᖏᕈᑎᑦ 89:11

ᕿᓚᒡᓗ ᓄᓇᓗ ᐱᖁᑎᒋᕚᒃᑭᒃ; ᓄᓇᕐᔪᐊᖅ ᐃᓗᓕᓕᒫᖏᓪᓗ, ᐱᒋᐊᕐᑎᓯᒪᕙᑎᑦ.

ᒨᓯᓯ ᐂᑉᐸᖏᑦ 31:18

ᒎᑎᓗ ᒨᓯᓯᒧᑦ ᐅᖃᓪᓚᒌᕋᒥ ᖃᖅᑲᐅᑉ ᓮᓁᑉ ᖄᖓᓂᑦ, ᒨᓯᓯ ᑐᓂᕚ ᐅᔭᕌᖕᓂᒃ ᒪᕐᕉᖕᓂᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᒎᑎᐅᑉ ᓇᖕᒥᓂᖅ ᑎᑎᕋᕐᕕᒋᓯᒪᔭᖏᖕᓂᒃ.

ᒨᓯᓯ ᐂᑉᐸᖏᑦ 8:19

ᐊᖓᒃᑯᐃᓪᓗ ᐰᕉᒧᑦ ᐅᖃᕐᐳᑦ, “ᑕᒪᓐᓇ ᒎᑎᐅᑉ ᐱᔪᓐᓇᕐᓂᖓᑕ ᐱᓇᓱᐊᕐᓂᕆᕚ!” ᑭᓯᐊᓂᓕ ᐰᕉᑉ ᐆᒻᒪᑎᖓ ᓱᓕ ᓯᑎᔫᓚᐅᕐᐳᖅ, ᑖᒃᑯᓂᖓᓗ ᓈᓚᒍᓐᓇᕋᓂ, ᓲᕐᓗ ᐊᑕᓂᐅᑉ ᑍᒤᓐᓂᐊᕐᓂᕋᓚᐅᕐᒪᒍ.

ᓘᑲᓯᐅᑉ ᐊᒡᓚᖏᑦ 11:20

ᒎᑎᐅᓪᓕ ᐱᔪᓐᓇᕐᓂᖓᒍᑦ ᐊᓂᕐᓂᕐᓗᖕᓂᒃ ᐊᓂᑎᑦᓯᕙᒃᑯᒪ, ᑕᕝᕙ ᒎᑎᐅᑉ ᐊᑕᓂᐅᕕᖓᑕ ᑎᑭᓯᒪᕚᓯ.

ᕉᒪᒥᐅᓄᑦ 1:20

ᑍᒪᓐᖓᓂᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ, ᒎᑎᐅᑉ ᑕᑯᒃᓴᐅᓇᓂ ᐱᔪᓐᓇᕐᓂᖏᑦ, ᐊᔪᒐᖃᖏᓐᓂᖓᓗ ᐃᓱᖃᖏᑦᑐᖅ, ᒎᑎᐅᓂᖓᑕᓗ ᐃᓕᖅᑯᓯᖓ, ᓇᓗᓇᖏᑦᓯᐊᕐᓗᑎᒃ ᑕᑯᒃᓴᐅᖕᒪᑕ, ᑐᑭᓯᔭᐅᔪᓐᓇᕐᐳᓪᓗ ᓴᓇᓯᒪᔭᖏᑎᒍᑦ ᓇᓗᓁᕐᑕᐅᖕᒪᑕ. ᑍᒤᒻᒪᑦ ᐸᓯᔭᒃᓴᐅᖏᑦᔪᑎᒃᓴᖃᕈᓐᓃᕐᐳᑦ.

ᒨᓯᓯ ᑕᓪᓕᒪᖏᑦ 4:19

ᑐᒃᓯᐊᕐᕕᖃᕈᒪᓗᓯ ᐱᔨᑦᓯᕈᒪᓗᓯᓗ ᐃᓱᒪᑦᑍᓕᒋᑦᓯ ᕿᓚᖕᒥ ᑕᑯᕙᒃᑕᑦᓯᓐᓂᒃ, ᓯᕿᓂᕐᒥᒃ, ᑕᖅᑭᕐᒥᒃ, ᐅᓪᓗᕆᐊᓂᒡᓗ, ᐊᑕᓂᐅᑉ ᒎᑎᑦᓯ ᑕᒪᒃᑯᐊ ᑐᓂᓯᒪᖕᒪᒋᑦ ᐃᓅᖃᑎᒌᓄᑦ ᐊᓯᑦᓯᓐᓄᑦ ᑐᒃᓯᐊᕐᕕᒋᔭᐅᖁᓪᓗᒋᑦ.