ᐃᓐᖏᕈᑎᑦ 79:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓯᕗᓕᑦᑕ ᐱᐅᖏᑦᑐᓕᓂᕆᓚᐅᕐᑕᖏᓐᓄᑦ ᓱᒋᐊᕐᑍᓕᑎᒍᑦ; ᓂᑲᒍᓱᖕᓂᕐᔪᐊᕐᓄᑦ ᑎᑭᕝᕕᒋᓵᓚᐅᕐᑎᒍᑦ, ᓱᓇᐅᔪᓐᓃᑦᓯᐊᓕᕋᑦᑕ.

ᐃᓐᖏᕈᑎᑦ 79:8 Iomraidhean Croise

ᒨᓯᓯ ᓯᕗᓪᓖᑦ 15:16

ᑭᖑᕚᑎᓪᓕ ᐃᕐᓂᕇᑦ ᓯᑕᒪᖏᑦ ᑭᓯᐊᓂ ᐊᓂᒍᕐᐸᑕ ᑕᒪᐅᖓ ᓄᓇᒧᑦ ᐅᑎᕈᒫᕆᕗᑦ, ᐊᒧᕅᑎᑦ ᐊᔪᕐᑐᓕᓂᖏᑦ ᓱᒋᐊᕐᑕᐅᓚᐅᖏᒻᒪᑕ ᓱᓕ.”

ᐊᑕᓃᑦ ᓯᕗᓪᓖᑦ 17:18

ᑕᕝᕙ ᐊᕐᓇᖅ ᐃᓔᑦᔭᒧᑦ ᐅᖃᕐᐳᖅ, “ᒎᑎᐅᑉ ᐃᓄᖁᑎᖓ, ᓱᓇᒥᒃ ᐅᕙᓐᓄᑦ ᓈᒻᒪᒃᓴᖏᑦᔪᑎᖃᕐᐱᑦ? ᐊᔪᕐᑐᓕᓂᓐᓃᒃ ᐃᖅᑬᑎᑦᓯᔭᕐᑐᕐᐲᑦ, ᐃᕐᓂᕋᓗ ᑐᖁᑎᓪᓗᒍ?”

ᐃᓐᖏᕈᑎᑦ 106:43

ᐅᓄᕐᑐᐃᓱᕐᓗᒋᑦ ᓴᐳᑎᖃᑦᑕᓚᐅᕐᐰᑦ; ᑭᓯᐊᓂᓕ ᐱᓂᐊᕐᓂᕐᒥᒍᑦ ᐊᑭᕋᕐᑐᖃᑦᑕᓚᐅᕐᐳᑦ ᑖᑦᓱᒥᖓ, ᐱᐅᖏᑦᑐᓕᐅᕐᓂᕐᒥᖕᓄᑦ ᓴᓐᖐᓕᑎᑕᐅᖃᑦᑕᓚᐅᕐᐳᑦ.

ᐃᓐᖏᕈᑎᑦ 116:6

ᐊᑕᓂᐅᑉ ᐃᑲᔪᕐᑎᒃᓴᖃᕈᓐᓃᕐᑐᑦ ᓴᐳᑎᕔᑦ; ᓱᕖᕈᑦᔭᐅᓯᒪᓕᕐᑎᓪᓗᖓ ᐊᑕᓂᐅᑉ ᐱᐅᓕᓚᐅᕐᐹᖓ.

ᐃᓐᖏᕈᑎᑦ 130:3

ᐊᑕᓃᖅ, ᐊᔪᕐᑐᓕᓂᑦᑎᓐᓂᒃ ᑎᑎᕋᕐᓯᒪᒐᔭᕈᕕᑦ, ᐊᑕᓃᖅ, ᑭᓈ ᓇᖏᕈᓐᓇᕋᔭᕐᐹ?

ᐃᓐᖏᕈᑎᑦ 142:6

ᓂᓪᓕᐊᓂᕋ ᐃᒃᐱᒋᓚᐅᕈᒃ; ᐱᒋᐊᓪᓚᕖᕈᑦᔭᐅᕐᓯᐊᕋᒪ! ᓴᐳᑎᓚᐅᓐᖓ ᐅᕙᓐᓂᒃ ᓵᓚᖃᕋᓱᐊᕐᑐᓂᑦ; ᑖᒃᑯᐊ ᐅᕙᓐᓄᑦ ᓲᖑᓗᐊᕐᒪᑕ.

ᐃᓐᖏᕈᑎᑦ 21:3

ᑲᑎᒐᕕᐅᒃ ᓮᒻᒪᕐᑎᑦᑎᑦᔪᑎᓂᒃ ᐅᓄᕐᑐᓂᒃ ᑐᓂᓪᓗᒍ; ᓂᐊᖂᑎᓗ ᐱᐅᓂᕐᐹᖅ ᒎᓗ ᐃᓕᒐᕕᐅᒃ ᓂᐊᖁᐊᓄᑦ.

ᐃᓐᖏᕈᑎᑦ 25:7

ᐃᓅᓱᒃᑑᓂᓐᓄᑦ ᐊᔪᕐᑐᓕᓂᕆᓚᐅᕐᑕᒃᑲ ᐃᖅᑲᐅᒪᓂᐊᕐᓇᒋᑦ, ᑕᐸᓱᖕᓂᕆᓚᐅᕐᑕᒃᑲᓘᓐᓃᑦ; ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ, ᐃᖅᑲᐅᒪᓐᖓ, ᐱᐅᔫᒐᕕᑦ, ᐊᑕᓃᖅ.

ᒨᓯᓯ ᐂᑉᐸᖏᑦ 32:34

ᒫᓐᓇᓕ ᐅᑎᓕᕆᑦ, ᐃᓄᐃᓪᓗ ᑕᓯᐅᕆᐊᕐᑐᓕᒃᑭᑦ ᑕᕝᕗᖓ ᐃᓕᖕᓄᑦ ᐅᖃᐅᑎᒋᓯᒪᔭᓐᓄᑦ. ᑕᑯᒋᓪᓗ ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑭᓯᐊᓂᓕ ᖃᖓᑐᐃᓐᓇᖅ ᓱᒋᐊᕐᓯᕕᒃᓴᕋ ᓇᓪᓕᐅᑎᒃᐸᑦ ᐃᓄᐃᑦ ᑖᒃᑯᐊ ᓱᒋᐊᕈᒫᕐᐸᒃᑲ ᐊᔪᕐᑐᓕᓯᒪᓂᖏᑦ ᒪᓕᒡᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 64:9

ᓂᓐᖓᐅᒪᔪᐊᓘᑦᑍᓕᒋᑦ ᑕᐅᕗᖓᓕᒫᖅ, ᐊᑕᓃᖅ, ᐊᔪᕐᑐᓕᓂᕗᑦ ᐃᖅᑲᐅᒤᓐᓇᕐᓂᐊᕐᓇᒋᑦ ᐃᓱᖃᖏᑦᑐᒧᑦ; ᑕᑯᒋᑦ ᐃᓱᒪᓚᐅᕆᑦ ᐃᓕᖕᓄᑦ ᐃᓘᓐᓇᑕ ᐃᓄᖁᑎᒋᔭᐅᓂᑦᑎᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 2:3

ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᑎᓕᕙᒋᑦ ᐃᓴᕆᐊᓕᒥᐅᓄᑦ, ᐃᓅᖃᑎᒌᒡᔪᐊᓄᑦ ᐊᑭᕋᕐᑐᕐᑎᓄᑦ, ᐅᕙᓐᓂᒃ ᐊᑭᕋᕐᑐᕐᑎᑐᖃᐅᒐᒥᒃ; ᑖᒃᑯᐊᓗ ᓯᕗᓕᕕᓂᖏᓪᓗ ᐅᕙᓐᓄᑦ ᐱᐅᖏᑦᑐᓕᓯᒪᕗᑦ ᐅᓪᓗᒥᒧᑦ ᐊᒡᓛᑦ ᑎᑭᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 9:16

ᐊᑕᓃᖅ ᐱᓂᐊᕐᓂᑎᑦ ᐃᓱᐊᕐᑐᑦ ᑲᔪᓯᑎᓪᓗᒋᑦ, ᓂᓐᖓᐅᒪᓃᑦ ᔨᕉᓴᓕᒥᑦ ᓴᖑᑎᓚᐅᕈᒃ ᓂᓐᖓᐅᒪᕕᒃᔪᐊᕐᓃᑦ ᐃᒡᓗᒐᓴᒡᔪᐊᖁᑎᖕᓂᑦ, ᖃᖅᑲᒥᑦ ᐃᑦᔪᕐᓁᑦᑐᒥᑦ ᐊᔪᕐᑐᓕᓂᑦᑕ ᓯᕗᓕᑦᑕᓗ ᐱᐅᖏᑦᑐᓕᓂᖏᑕ, ᔨᕉᓴᓕᒻ ᐃᓄᖁᑎᑎᓪᓗ ᒥᑕᐅᑎᒋᔭᒃᓴᓐᖑᕐᑎᓯᒪᖕᒪᒋᑦ ᐃᓄᖕᓄᑦ ᐊᕙᑎᑦᑎᓐᓂ ᓄᓇᖃᕐᑐᓄᑦ.

ᕼᐆᓯᐊᑉ ᐊᒡᓚᖏᑦ 8:13

ᑐᓂᕐᕈᓯᕆᐊᒥᒃ ᐆᒪᔪᓂᒃ ᖁᕕᐊᒋᔭᖃᕐᐳᑦ; ᑐᓂᕐᕈᑎᕕᓃᓪᓗ ᓂᕆᕙᒡᓗᒋᑦ; ᐊᑕᓂᐅᓪᓕ ᖁᕕᐊᒋᓚᐅᓐᖏᓔᑦ. ᑕᕝᕙ ᐱᐅᖏᑦᑐᓕᓂᖏᑦ ᐃᖅᑲᓚᐅᕐᐰᑦ, ᐊᔪᕐᓂᖏᓪᓗ ᓱᒋᐊᕐᓗᒋᑦ; ᐄᑦᔨᑉᑎᒧᑦ ᐅᑎᕐᓂᐊᕐᐳᑦ.

ᕼᐆᓯᐊᑉ ᐊᒡᓚᖏᑦ 9:9

ᑖᒃᑯᐊ ᐃᒻᒥᖕᓂᒃ ᐃᑎᔪᒥᒃ ᓱᒃᑯᑎᕐᓯᒪᕗᑦ ᒋᐱᐊᑉ ᐅᓪᓗᖏᓐᓂ ᐱᔪᖃᓚᐅᕐᑐᑎᑐᑦ: ᐱᐅᖏᑦᑐᓕᓂᖏᑦ ᐃᖅᑲᐅᒪᓂᐊᕐᐰᑦ, ᐊᔪᕐᓂᖏᓪᓗ ᓱᒋᐊᕈᒫᕐᐰᑦ.

ᒨᓯᓯ ᑕᓪᓕᒪᖏᑦ 28:43

“ᓄᓇᖃᕐᑐᑐᖃᐅᖏᑦᑐᑦ ᓄᓇᑦᓯᓐᓃᑦᑐᑦ ᐱᓪᓚᕆᐅᓂᕐᒥ ᐃᓂᑖᕐᐸᓪᓕᐊᔪᒫᕐᐳᑦ, ᐃᓕᑦᓯᓕ ᑲᑕᒃᐸᓪᓕᐊᑐᐃᓐᓇᕈᒫᕐᐳᓯ ᐃᓂᕕᓂᑦᓯᓐᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:5

ᑖᑦᓱᒪ ᐊᔪᕐᑐᓕᓂᖏᑕ ᐊᖏᓂᖏᑦ ᕿᓚᖕᒧᑦ ᑎᑭᓯᒪᓕᕐᒪᑕ, ᒎᑎᐅᓪᓗ ᐳᐃᒍᕐᓂᐊᓐᖏᓔᑦ ᑖᑦᓱᒪ ᐊᔪᕐᑐᓕᓂᖏᑦ.