ᐃᓐᖏᕈᑎᑦ 79:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᒎᑏ, ᒎᑎᖃᖏᑦᑐᑦ ᐃᑖᕐᓯᒪᕗᑦ ᑭᖑᕐᖑᑎᔭᒃᓴᖁᑎᖕᓄᑦ; ᑐᒃᓯᐊᕐᕕᒡᔪᐊᖁᑏᓪᓗ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᑉᐹᑦ; ᔨᕉᓴᓕᒻᓗ ᓯᖁᑦᑎᕐᓯᒪᓕᕐᑐᖅ ᕿᒪᓚᐅᕐᐹᑦ.

ᐃᓐᖏᕈᑎᑦ 79:1 Iomraidhean Croise

ᐊᑕᓃᑦ ᐂᑉᐸᖏᑦ 24:13

ᐊᑕᓂᐅᑉ ᐃᒡᓗᖓᑕ ᐊᑭᑐᔪᒃᓴᔭᖁᑎᓕᒫᖏᑦ, ᐊᖓᔪᖅᑳᕐᔪᐊᓪᓗ ᐃᒡᓗᖓᓂ ᐊᑭᑐᔪᒃᓴᓕᒫᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ, ᐊᑕᓂᐅᑉ ᑍᒤᑕᐅᔪᒫᕐᓂᕅᓯᒪᓂᖓ ᓇᓚᐅᓪᓗᒍ. ᓂᐱᑯᓁᓴᐅᑉ ᐊᑕᓂᐅᑉ ᐃᒡᓗᖓᑕ ᐃᓗᓕᖁᑎᖏᑦ ᒎᓗᐃᑦ ᓯᖁᑦᑎᕐᐰᑦ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓴᓇᔭᐅᑎᓚᐅᕐᓯᒪᔭᖏᑦ ᑐᒃᓯᐊᕐᕕᒡᔪᐊᒥ ᐊᑐᒐᒃᓴᐅᓂᐊᕐᑎᓪᓗᒋᑦ.

ᑯᕉᓂᑲ ᐂᑉᐸᖏᑦ 36:17

ᑍᒤᒻᒪᑦ ᑎᑭᑕᐅᑎᓚᐅᕐᐰᑦ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪ ᐊᖑᑏᑦ ᐃᓅᓱᒃᑐᖁᑎᖏᑦ ᑐᖁᓚᐅᕐᐰᑦ ᓴᕕᒡᔪᐊᒧᑦ ᐃᒡᓗᖏᓐᓂ ᐃᑦᔪᕐᓁᑦᑐᕕᖕᒥᓗ, ᐃᓚᑦᓱᒋᓇᒋᑦ ᐊᖑᑏᑦ ᐃᓅᓱᒃᑐᑦ ᐊᕐᓁᓪᓗ ᐅᐃᒡᒐᓱᐃᑦ, ᐃᑦᑐᐃᑦ ᐃᓄᑐᕾᓪᓗ; ᑖᑦᓱᒪ ᑐᓂᔧᓐᓇᕆᓚᐅᕐᐰᑦ ᑖᑦᓱᒧᖓ.

ᑯᕉᓂᑲ ᐂᑉᐸᖏᑦ 36:19

ᒎᑎᐅᓪᓗ ᐃᒡᓗᖓ ᐃᑯᐊᓪᓚᓚᐅᕐᐹᑦ, ᔨᕉᓴᓕᐅᓪᓗ ᐊᕙᓗᕐᔪᐊᖓ ᓯᖁᑦᑎᕐᓗᒍ, ᐊᖓᔪᖅᑳᕐᔪᐊᓪᓗ ᐃᒡᓗᕐᔪᐊᓕᒫᖏᑦ ᐃᑯᐊᓪᓚᒃᐰᑦ, ᐱᒋᔭᐅᔪᓪᓗ ᐱᔪᒥᓇᕐᑐᓕᒫᑦ ᐊᓯᕈᕐᓗᒋᑦ.

ᐃᓐᖏᕈᑎᑦ 50:1

ᐊᔪᒐᖃᖏᑦᑐᖅ, ᒎᑎ ᐊᑕᓂᖅ, ᐅᖃᓚᐅᕐᐳᖅ, ᓄᓇᓗ ᕾᖁᓪᓗᒍ, ᓯᕿᓂᐅᑉ ᓄᐃᕕᐊᓂᑦ ᓂᐱᕕᖓᓄᑦ.

ᐃᓐᖏᕈᑎᑦ 78:71

ᓰᐱᓂᑦ ᐊᕐᓇᓪᓗᖕᓂᒃ ᐃᕐᓂᐅᕐᑐᓂᒃ ᒪᓕᑲᑕᒃᕕᖓᓂᑦ, ᔧᑯᒧᑦ ᐃᓄᖁᑎᖏᓐᓄᓪᓗ ᓰᐱᓕᕆᔨᐅᖁᓪᓗᒍ, ᐃᓴᕆᐊᓕᒃᑯᓪᓗ ᑖᑦᓱᒧᖓ ᑭᖑᕐᖑᑎᔭᐅᖁᓪᓗᒋᑦ.

ᒨᓯᓯ ᐂᑉᐸᖏᑦ 15:17

ᑕᒪᐅᓐᖓᐅᑎᓚᐅᕐᐸᑎᑦ ᑲᓐᖓᕐᓲᑎᒋᓪᓗᒋᓪᓗ ᓇᖕᒥᓂᖅ ᖃᖅᑲᖁᑎᖏᓐᓄᑦ, ᑕᕝᕗᖓ ᐃᓂᒃᓴᒧᑦ ᐃᕝᕕᑦ ᐊᑕᓃᖅ, ᓂᕈᐊᕐᓯᒪᔭᕐᓄᑦ ᐃᓂᒃᓴᕆᔪᒪᓪᓗᒍ, ᑐᒃᓯᐊᕐᕕᒡᔪᐊᕐᒧᑦ ᐃᕝᕕᑦ ᓇᖕᒥᓂᖅ ᓴᓇᓚᐅᕐᑕᕐᓄᑦ.

ᐂᓮᐊᓯᐅᑉ ᐊᒡᓚᖏᑦ 47:6

ᐃᓄᖁᑎᒃᑲ ᓂᓐᖓᒡᕕᒋᓚᐅᕋᒃᑭᑦ; ᐃᓄᖁᑎᑖᕆᓯᒪᔭᒃᑲᓗ ᓇᕐᕈᓇᕐᓯᑎᓚᐅᕋᒃᑭᑦ, ᐱᔪᓐᓇᕐᓂᑦᓯᓐᓄᑦ ᑐᓂᓚᐅᕐᐸᒃᑲ, ᐊᑦᑕᕆᓚᐅᓐᖏᓐᓇᒃᑭᓪᓗ ᐃᓄᑐᖃᐅᓂᖏᑦ ᐊᒡᓛᑦ ᐊᖏᔪᒥᒃ ᐅᖁᒤᒃᓴᕐᑎᓚᐅᕐᐸᓯ.

ᐂᓮᐊᓯᐅᑉ ᐊᒡᓚᖏᑦ 63:18

ᐃᓄᖁᑎᑎᑦ ᐃᑦᔪᕐᓁᑦᑐᑦ ᐱᖃᓚᐅᕐᑐᓚᐅᕐᐳᑦ ᐃᑦᔪᕐᓁᑦᑐᕕᖁᑎᖕᓂᒃ ᐊᑯᓂᐅᖏᑦᑐᖅ; ᐊᑭᕋᑦᑕᓕ ᑐᓪᓕᕋᑐᐃᓐᓇᕐᓯᒪᕚᑦ.

ᔨᕆᒤᐊᐅᑉ ᐊᒡᓚᖏᑦ 26:18

“ᕼᐃᓯᑬᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥᐅᓄᑦ, ᒤᑲ ᒧᕆᓯᑎᒥᐅᖅ ᓇᓚᐅᑦᑍᓚᐅᕐᐳᖅ ᐅᖃᕐᓗᓂᓗ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓮᐅᓂ ᐱᕈᕐᓰᕕᒃᑎᑐᑦ ᐋᖅᑭᒃᓱᕐᑕᐅᔪᒫᕐᐳᖅ; ᔨᕉᓴᓕᒻᓗ ᐅᔭᕋᓛᖑᓂᕐᑎᑐᑦ ᖃᑦᑎᒃᓯᓯᒪᓗᓂ, ᑐᒃᓯᐊᕐᕕᒡᔪᐊᓪᓗ ᐃᓂᒋᔭᖓ ᐃᕕᒃᓱᒐᕐᓄᑦ ᐱᕈᕐᕕᐅᓯᒪᓗᓂ ᓂᐊᖁᑦᑕᕕᓂᑐᐃᓐᓇᐅᓕᕈᒫᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 39:8

ᑲᐅᓪᑎᐊᒥᐅᓪᓗ ᐊᖓᔪᖅᑳᕐᔪᐊᑉ ᐃᒡᓗᖓ ᐃᑯᐊᓪᓚᒃᐹᑦ ᐃᓄᐃᓪᓗ ᐃᒡᓗᖏᑦ, ᔨᕉᓴᓕᐅᓪᓗ ᐊᕙᓗᕐᔪᐊᖏᑦ ᓯᖁᑦᑎᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 51:51

ᑲᓐᖑᓇᕐᑐᒥᒃ ᐊᑐᕐᑎᑕᐅᒐᑦᑕ, ᒥᑕᐅᑎᒋᔭᐅᓯᒪᓂᑦᑎᓐᓄᑦ ᑲᓐᖑᓱᓕᕐᐳᒍᑦ, ᐃᓅᖃᑎᒋᓚᐅᕐᓯᒪᓐᖏᑕᑦᑎᓐᓄᑦ ᑐᒃᓯᐊᕐᕕᒡᔪᐊᖅ ᐊᑕᓂᐅᑉ ᐃᑦᔪᕐᓁᑦᑐᖁᑎᖓ ᐃᓵᕐᑕᐅᓯᒪᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 52:13

ᑐᒃᓯᐊᕐᕕᒡᔪᐊᕐᓗ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᐃᒡᓗᒐᓴᒡᔪᐊᓕᒫᓪᓗ ᔨᕉᓴᓕᒥ, ᐃᒡᓗᐃᑦ ᐱᒻᒪᕆᐅᓂᓕᒫᖏᑦ ᐃᑯᐊᓪᓚᒃᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:10

ᐊᑭᕋᕐᑐᑎᖏᑕᓗ ᐱᒃᑯᒥᓇᕐᑐᖁᑎᖏᑦ ᐱᐅᕋᕐᐰᑦ, ᑕᑯᓐᓇᕐᐳᑦ ᑐᒃᓯᐊᕐᕕᒡᔪᐊᖓ ᐃᓅᖃᑎᒌᒡᔪᐊᓄᑦ ᐃᑎᕐᑕᐅᑎᓪᓗᒍ, ᒎᑎᐅᑉ ᐅᒃᐱᕆᔨᒋᓐᖏᑕᒥᓄᑦ ᐃᑎᕐᑕᐅᖁᓚᐅᕐᓯᒪᓐᖏᑎᓪᓗᓂᐅᒃ.

ᐃᓯᑭᐊᓕᐅᑉ ᐊᒡᓚᖏᑦ 9:7

ᑕᕝᕙ ᐅᖃᐅᑎᕔᑦ, “ᑐᒃᓯᐊᕐᕕᒡᔪᐊᖅ ᐃᑦᔪᕐᓇᕐᓯᑎᓯᐅᒃ, ᐊᓃᕋᔭᒡᕕᖏᑦ ᑐᖁᑕᐅᔪᓂᒃ ᓈᓗᒋᑦ. ᐊᑏ ᐂᓕᕆᑦᓯ.” ᐊᓂᒐᒥᒡᓗ, ᑐᖁᕅᓕᕐᐳᑦ ᐃᓄᖕᓂᒃ ᐃᒡᓗᒐᓴᒡᔪᐊᓃᑦᑐᓂᒃ.

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”

ᓘᑲᓯᐅᑉ ᐊᒡᓚᖏᑦ 21:24

ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:2

ᑐᒃᓯᐊᕐᕕᒡᔪᐊᓪᓕ ᓯᓚᑖᓃᑦᑐᖅ ᑐᕐᓲᖑᔭᖓ ᐆᒃᑐᕋᕐᓂᐊᕐᓇᒍ; ᑲᒪᒋᔭᒃᓴᕆᓐᖏᓔᑦ, ᑖᓐᓇ ᑐᓂᔭᐅᓯᒪᖕᒪᑦ ᐃᓅᖃᑎᒌᒡᔪᐊᓄᑦ, ᑐᓪᓕᕋᒐᒃᓴᐅᖁᓪᓗᒍ ᑕᖅᑭᓂᒃ 42ᓂᒃ.