ᐃᓐᖏᕈᑎᑦ 78:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓯᕗᓕᕐᒥᒃᑎᑐᓪᓗ ᑍᒤᖁᓇᒋᑦ, ᓯᑎᔫᓗᑎᒃ ᐊᑭᕋᕐᑐᕐᓗᑎᒡᓗ ᑭᖑᕚᕇᑦ ᐱᖁᓇᒋᑦ, ᑭᖑᕚᕇᑎᑐᑦ ᐆᒻᒪᑎᒥᖕᓂᒃ ᐃᓱᐊᕐᓯᑎᑦᓯᓚᐅᖏᑦᑐᑎᑐᑦ, ᐊᓂᕐᓂᖏᓪᓗ ᒎᑎᒧᑦ ᐊᑐᕆᐊᓕᖕᒥᖕᓂᒃ ᑲᔪᓯᑎᑦᓯᓚᐅᖏᑦᑐᑎᑐᑦ.

ᐃᓐᖏᕈᑎᑦ 78:8 Iomraidhean Croise

ᐊᑕᓃᑦ ᐂᑉᐸᖏᑦ 17:14

ᓈᓚᒍᒪᓚᐅᓐᖏᓚᓪᓕ, ᓯᕗᓕᕕᓂᖏᑕ ᓯᑎᔫᓂᕆᓚᐅᕐᑕᖏᑎᑐᑦ ᑍᒤᓐᓇᒥᒃ, ᐅᒃᐱᕈᓱᓚᐅᓐᖏᓚᑦ ᐊᑕᓂᕐᒥᒃ ᒎᑎᒥᖕᓂᒃ.

ᑯᕉᓂᑲ ᐂᑉᐸᖏᑦ 12:14

ᐱᐅᖏᑦᑐᓕᓚᐅᕐᐳᕐᓗ, ᐊᑕᓂᐅᑉ ᐱᔪᒪᔭᖓᓂᒃ ᐆᒻᒪᑎᒥᒍᑦ ᕿᓂᓚᐅᖏᒻᒪᑦ.

ᑯᕉᓂᑲ ᐂᑉᐸᖏᑦ 19:3

ᑍᒤᒃᑲᓗᐊᕐᒪᑦ, ᐱᐅᔪᓂᒃ ᓇᓂᓯᕕᐅᕗᑎᑦ, ᕿᔪᐃᑦ ᐊᓯᕅᑦ ᒎᑎᓐᖑᐊᑦ ᐃᒋᓚᐅᕋᕕᒋᑦ ᓄᓇᒥᑦ, ᐆᒻᒪᑏᓪᓗ ᐋᖅᑭᒃᓯᒪᒐᕕᐅᒃ ᒎᑎᒥᒃ ᕿᓂᕈᒪᓪᓗᑎᑦ.”

ᑯᕉᓂᑲ ᐂᑉᐸᖏᑦ 20:33

ᑭᓯᐊᓂᓕ ᒎᑎᓐᖑᐊᓄᑦ ᑐᒃᓯᐊᕐᕖᑦ ᐲᕐᑕᐅᓚᐅᓐᖏᓚᑦ; ᐃᓄᐃᑦ ᓱᓕ ᐆᒻᒪᑎᒥᒍᑦ ᑐᓂᓪᓚᕆᒃᓯᒪᓚᐅᖏᒻᒪᑕ ᓯᕗᓕᖏᑕ ᒎᑎᖓᓄᑦ.

ᑯᕉᓂᑲ ᐂᑉᐸᖏᑦ 30:19

ᐆᒻᒪᑎᒥᒍᑦ ᕿᓂᕐᑐᑦ ᒎᑎᒥᒃ, ᐊᑕᓂᕐᒥᒃ ᓯᕗᓕᖏᑕ ᒎᑎᖓᓂᒃ, ᐃᑦᔪᕐᓁᓕᑎᑕᐅᑦᔪᑏᑦ ᒪᓕᒡᓗᒋᑦ ᓴᓗᒻᒪᕐᑎᑕᐅᓯᒪᖏᒃᑲᓗᐊᕐᑎᓪᓗᒋᑦ.”

ᑯᕉᓂᑲ ᐂᑉᐸᖏᑦ 30:7

ᓯᕗᓕᓯ ᖃᑕᓐᖑᑎᓯᓗ ᐊᑦᔨᒋᑦᑍᓕᓯᐅᒃ, ᑖᒃᑯᐊ ᐊᑕᓂᕐᒥᒃ ᐅᒃᐱᕈᓐᓃᓚᐅᕐᒪᑕ ᓯᕗᓕᑦᓯ ᒎᑎᖓᓂᒃ, ᑖᑦᓱᒪᓗ ᑕᕝᕙ ᐃᓄᖃᕈᓐᓃᕐᑎᓚᐅᕐᐰᑦ, ᑕᒪᓐᓇ ᑕᑯᓯᒪᒐᑦᓯᐅᒃ.

ᔫᐱᐅᑉ ᐊᒡᓚᖏᑦ 11:13

ᐃᓱᒪᑖᑦᓯᐊᕈᕕᑦ ᐆᒻᒪᑎᒃᑯᑦ, ᒎᑎᒧᑦ ᐃᓴᒻᒥᓕᕐᓂᐊᕐᐳᑎᑦ.

ᐃᓐᖏᕈᑎᑦ 106:7

ᓯᕗᓕᕆᓚᐅᕐᑕᕗᑦ ᑐᑭᓯᓚᐅᓐᖏᓚᑦ ᐄᑦᔨᑉᑎᒥ ᑲᒪᓇᕐᑐᓕᓂᕆᓚᐅᕐᑕᕐᓂᒃ; ᐃᖅᑲᐅᒪᓚᐅᓐᖏᓚᑦ ᓇᒡᓕᒍᓱᖕᓂᕐᓄᑦ ᐱᓂᐊᕐᓂᕆᖃᑦᑕᓚᐅᕐᑕᕐᓂᒃ; ᐊᑭᕋᕐᑐᓚᐅᕐᐳᓪᓕ ᖁᑦᓯᖕᓂᕐᐹᖑᔪᒥᒃ ᐃᒪᕐᒥ ᐊᐅᐸᓗᒃᑕᒥ.

ᐃᓐᖏᕈᑎᑦ 68:6

ᒎᑎ ᐃᓚᒋᔭᐅᕗᖅ ᐊᖏᕐᕋᒥ ᐃᓄᑑᔪᓂ; ᑎᒍᔭᐅᓯᒪᔪᑦ ᐊᓂᑎᑉᐰᑦ ᐊᔪᕐᓴᕐᓇᖏᑦᑐᒧᑦ; ᐊᑭᕋᕐᑐᕐᑐᓪᓕ ᐃᓂᖃᕐᐳᑦ ᓄᓇᒥ ᐸᓂᕐᑐᒥ.

ᐃᓐᖏᕈᑎᑦ 78:37

ᐆᒻᒪᑎᖏᑦ ᑖᑦᓱᒧᖓ ᑍᒫᑦᓮᓐᓈᖏᒻᒪᑕ; ᐊᖏᖃᑎᒌᒍᑎᖏᓐᓂᒡᓗ ᒪᓕᑦᓯᐊᓚᐅᕋᑎᒃ.

ᐃᓐᖏᕈᑎᑦ 78:40

ᐊᑯᓔᑦᑐᒥᒃ ᐊᑭᕋᕐᑐᖃᑦᑕᓚᐅᕐᐹᑦ ᐃᓄᖃᖏᑦᑐᒥ, ᕿᒃᓵᑎᑉᐸᒡᓗᒍᓗ ᓱᓇᖃᔪᐃᑦᑐᒥ!

ᐃᓐᖏᕈᑎᑦ 78:56

ᓱᓕᓕ ᐆᒃᑐᕋᓚᐅᕐᐳᑦ ᓂᓐᖓᒃᓴᕐᓗᒍᓗ ᒎᑎ ᖁᑦᓯᖕᓂᕐᐹᖑᔪᖅ, ᐱᖁᔭᖏᓪᓗ ᒪᓕᓚᐅᓐᖏᓔᑦ.

ᒨᓯᓯ ᐂᑉᐸᖏᑦ 32:9

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᖃᐅᔨᕙᒃᑲ ᐃᓄᐃᑦ ᑖᒃᑯᐊ ᓯᑎᔪᐊᓘᓂᖏᑦ.

ᒨᓯᓯ ᐂᑉᐸᖏᑦ 33:3

ᑕᕝᕗᖓ ᓄᓇᒧᑦ ᐂᔪᒃᓴᐅᕗᓯ ᓂᕿᒃᓴᖃᑦᓯᐊᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ. ᐅᕙᖓᓕ ᓇᖕᒥᓂᖅ ᐃᓚᒋᓂᐊᓐᖏᓚᑦᓯ, ᓯᑎᔪᐊᓘᓂᓯ ᐱᓪᓗᒍ, ᐃᓚᒋᑐᐊᕈᑦᓯ ᓄᖑᑕᐅᑎᑐᐃᓐᓇᕆᐊᖃᕋᑦᓯ ᑕᒫᓂ ᐊᖅᑯᑖᓂ.”

ᒨᓯᓯ ᐂᑉᐸᖏᑦ 33:5

ᐊᑕᓂᖅ ᐅᖃᓚᐅᕐᒪᑦ ᒨᓯᓯᒧᑦ ᐅᖃᐅᑦᔨᖁᓪᓗᒍ ᐃᓴᕆᐊᓕᒥᐅᓂᒃ, “ᐃᓕᑦᓯ ᓯᑎᔪᐊᓘᒐᑦᓯ ᐃᓅᖃᑎᒌᑦ, ᐃᓕᑦᓯᓐᓄᑦ ᐃᓚᒋᔭᐅᓂᐊᕋᓗᐊᕈᒪ ᐊᒡᓛᑦ ᐊᑯᓂᐅᖏᑦᑐᒥᒃ, ᐊᑕᖏᑦᓯᐊᕐᓗᓯ ᓄᖑᑕᐅᑎᒍᓐᓇᕐᐸᑦᓯ. ᒫᓐᓇᓕ ᐱᐅᓴᐅᑎᒐᓚᒃᓯ ᐲᔭᓚᐅᕐᓯᐅᒃ, ᑕᕝᕙ ᐃᓱᒪᑖᕐᓂᐊᕐᐳᖓ ᖃᓄᐃᓕᐅᕐᑐᒃᓴᐅᖕᒪᖔᕐᒪ ᐃᓕᑦᓯᓐᓄᑦ.”

ᒨᓯᓯ ᐂᑉᐸᖏᑦ 34:9

ᐅᖃᕐᐳᖅ, “ᐊᑕᓃᖅ ᐅᕙᓐᓂᒃ ᖁᕕᐊᓲᑎᖃᓪᓚᕆᒃᑯᕕᑦ, ᑐᒃᓯᐊᕐᕕᒋᕙᒋᑦ ᐅᕙᑦᑎᓐᓄᑦ ᐃᓚᐅᖁᓪᓗᑎᑦ, ᐅᑯᐊ ᐃᓄᐃᑦ ᓯᑎᔪᐊᓘᒐᓗᐊᕐᑎᓪᓗᒋᑦ, ᓈᒻᒪᖏᑦᑐᓕᓂᑦᑎᓐᓂᑦ ᐊᔪᕐᑐᓕᓂᑦᑎᓐᓂᓪᓗ ᐃᓱᒪᒋᔪᓐᓁᕐᕕᒋᓚᐅᕐᑎᒍᑦ, ᐃᓚᓕᐅᕐᓗᑕᓗ ᐃᓕᖕᓄᑦ ᐃᓄᖁᑎᒋᔭᐅᔪᑎᑐᑦ.”

ᐂᓮᐊᓯᐅᑉ ᐊᒡᓚᖏᑦ 30:9

ᓈᓚᖏᑦᑑᖕᒪᑕ, ᓴᒡᓗᑐᓪᓗᑎᒡᓗ, ᕿᑐᕐᖎᑦ ᓈᓚᒍᒪᖏᑦᑐᑦ ᐊᑕᓂᐅᑉ ᐊᔪᕆᕐᑑᓯᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 20:18

ᕿᑐᕐᖓᖏᓪᓗ ᐅᖃᐅᑎᓚᐅᕐᐸᒃᑲ ᐃᓄᖃᖏᑦᑐᒦᑎᓪᓗᒋᑦ, ‘ᓯᕗᓕᑦᓯ ᐱᓂᐊᕐᑕᐅᖁᔭᖏᑦ ᒪᓕᒃᑍᓕᓯᐅᒃ, ᐊᑐᕐᑕᐅᖁᔭᖏᓪᓗ ᐊᑐᕐᑍᓕᓗᒋᑦ, ᓇᕐᕈᓇᕐᓯᑎᑦᑍᓕᒋᑦᓯᓗ ᒎᑎᓐᖑᐊᕆᓚᐅᕐᑕᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 20:8

ᐅᕙᓐᓂᒡᓕ ᐊᑭᕋᕐᑐᓕᓚᐅᕐᐳᑦ ᓈᓚᒍᒪᓇᑎᒃ; ᐊᑕᖏᕐᓗᑎᒡᓕ ᒎᑎᓐᖑᐊᒥᖕᓂᒃ ᓇᕐᕈᓇᕐᑐᓂᒃ ᐃᒋᑦᓯᔪᒪᓚᐅᓐᖏᓚᑦ ᑕᑯᒥᒋᔭᒥᖕᓂᒃ, ᐄᑦᔨᑉᑎᒥᐅᓪᓗ ᒎᑎᓐᖑᐊᖏᓐᓂᒃ ᖁᔭᓈᕐᓯᓚᐅᕋᑎᒃ. ᐄᑦᔨᑉᑎᒦᑎᓪᓗᒋᑦ ᓱᓕ ᓂᓐᖓᐅᒪᓂᓐᓂᒃ ᐃᓱᒪᖃᕐᕕᒋᓕᓚᐅᕐᐸᒃᑲ, ᑭᖑᓂᖓᒍᓪᓗ ᓂᐅᖓᒪᓂᓐᓄᑦ ᐱᓇᓱᐊᕐᕕᒋᔪᒪᓕᕐᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:23

ᑍᑯᖓ ᑎᑭᓐᓇᒥ ᑕᑯᕗᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐃᓄᖕᓂᒃ, ᖁᕕᐊᓱᒃᐳᑦ; ᑲᔪᖏᕐᓴᕐᐰᑦ ᑕᒪᕐᒥᒃ ᑲᔪᓯᑦᓯᐊᖁᓪᓗᒋᑦ ᐊᑕᓂᕐᒥᒃ ᐊᑕᕕᖃᑦᓮᓐᓇᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:51

ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ.

ᒨᓯᓯ ᑕᓪᓕᒪᖏᑦ 31:27

ᖃᐅᔨᒪᒐᒪ ᓈᓚᒍᓐᓇᖏᓐᓂᑦᓯᓐᓂᒃ ᑕᑎᑐᔪᐊᓘᓂᑦᓯᓐᓂᒡᓗ; ᑕᑯᒋᑦ, ᐃᓅᖃᑎᒋᓪᓗᓯ ᓈᓚᒍᓐᓇᓚᐅᖏᓐᓇᑦᓯ ᑕᑎᑐᓴᒍᓐᓇᕐᓗᓯᓗ ᐊᑕᓂᕐᒧᑦ, ᐱᒋᐊᓪᓚᒃᑲᓐᓂᓛᕋᑦᓯ ᑐᖁᖓᓕᕈᒪ.

ᒨᓯᓯ ᑕᓪᓕᒪᖏᑦ 4:4

ᐃᓕᑦᓯᓕ ᐊᑕᓂᕐᒥᑦ ᒎᑎᑦᓯᓐᓂᑦ ᓅᓚᐅᖏᑦᑐᓯᒍᑦ ᓱᓕ ᐅᓪᓗᒥ ᐃᓅᕗᓯ.

ᒨᓯᓯ ᑕᓪᓕᒪᖏᑦ 9:13

“ᐊᑕᓂᐅᓪᓗ ᐅᖃᐅᑎᒃᑲᓐᓂᕆᕚᖓ, ‘ᐅᑯᐊ ᐃᓄᐃᑦ ᖃᐅᔨᒪᔭᒃᑲ ᑐᓴᕈᓐᓇᖏᑦᑐᐊᓘᖕᒪᑕ.

ᒨᓯᓯ ᑕᓪᓕᒪᖏᑦ 9:24

ᑍᒪᓐᖓᑦ ᐃᓕᑦᓯᓐᓂᒃ ᖃᐅᔨᒪᓕᓚᐅᕐᓂᓐᓂᑦ ᐊᑕᓂᕐᒥᒃ ᐊᑭᕋᕐᑐᐃᓐᓇᖃᑦᑕᕐᐳᓯ.

ᔮᓱᐊᑉ ᐊᒡᓚᖏᑦ 22:15

ᕉᐱᓂᐅᑉ, ᒑᑦᓗ, ᒫᓇᓯᒃᑯᓪᓗ ᑭᖑᕚᖏᑕ ᐊᕝᕙᖏᑕ ᓄᓇᖓᓐᓄᐊᕋᒥᒃ ᒋᓕᐊᑎᒧᑦ, ᑖᒃᑯᓄᖓ ᐅᖃᕐᐳᑦ,

ᓴᒧᐃᓕ ᓯᕗᓪᓖᑦ 8:8

ᑍᒪᓐᖓᓂᑦ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕋᒃᑭᑦ, ᐅᓪᓗᒥᒧᑦ ᑎᑭᓪᓗᒍ, ᐅᕙᓐᓂᒃ ᕿᒤᓚᐅᕐᐳᑦ ᑐᒃᓯᐊᓕᕐᓗᑎᒡᓗ ᒎᑎᓐᖑᐊᓄᑦ, ᐃᓕᖕᓄᓪᓗ ᑍᒤᓕᐅᓕᕆᕗᑦ.