ᐃᓐᖏᕈᑎᑦ 78:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑭᖑᕚᑦ ᐃᓅᔪᒫᕐᑐᑦ ᑕᒪᒃᑯᓂᖓ ᖃᐅᔨᒪᖁᓪᓗᒋᑦ, ᕿᑐᕐᒊᑦ ᐃᓅᔪᒫᕐᑐᑦ, ᑖᒃᑯᐊᑦᑕᐅᖅ ᑕᒪᒃᑯᓂᖓ ᐅᖃᐅᓯᖃᖁᓪᓗᒋᑦ ᕿᑐᕐᖓᒥᖕᓄᑦ,

ᐃᓐᖏᕈᑎᑦ 78:6 Iomraidhean Croise

ᐃᔅᑕᐅᑉ ᐊᒡᓚᖏᑦ 9:28

ᑖᒃᑯᐊ ᐅᓪᓗᐃᑦ ᐃᖅᑲᐅᒪᔭᐅᖃᑦᑕᖁᓪᓗᒋᑦ ᐳᐃᒍᕐᑕᐅᑦᑍᓕᖁᓪᓗᒋᓪᓗ ᑭᖑᕚᕆᔪᒫᕐᑕᖏᓐᓄᑦ, ᐃᒡᓗᒥᐅᖃᑎᒌᓕᒫᓂᑦ, ᓄᓇᓕᓕᒫᓂᓗ ᐊᕕᒃᑐᕐᓯᒪᔪᓂ, ᐃᒡᓗᒐᓴᒡᔪᐊᓕᒫᓂᓗ, ᑖᒃᑯᓇᓂ ᐅᓪᓗᓂ ᐱᐅᕆᒻᒥᒃ ᑍᔭᐅᔪᓂ ᔫᑎᓕᒫᑦ ᓄᖅᑲᐅᑦᔨᑐᐃᓐᓇᖁᓇᒋᑦ, ᑖᒃᑯᐊᓗ ᐃᖅᑲᐅᒪᔭᐅᓂᖏᑦ ᐳᐃᒍᕐᑕᐅᓕᖁᓇᒋᑦ ᑭᖑᕚᖏᓐᓄᑦ.

ᐃᓐᖏᕈᑎᑦ 102:18

ᑕᒪᓐᓇ ᑎᑎᕋᕐᑕᐅᓯᒪᔪᒃᓴᐅᕗᖅ ᑭᖑᕚᕇᖑᔪᒫᕐᑐᑦ ᐱᓪᓗᒋᑦ, ᑖᒃᑯᐊ ᓱᓕ ᐃᓅᓚᐅᖏᑦᑐᑦ ᓂᕐᑐᐃᔪᓐᓇᓛᖁᓪᓗᒋᑦ ᐊᑕᓂᕐᒥᒃ.

ᐃᓐᖏᕈᑎᑦ 145:4

ᑭᖑᕚᕇᑦ ᐱᓂᐊᕐᓂᑎᑦ ᓂᕐᑐᕈᒫᕐᐰᑦ ᑭᖑᕚᕇᖑᔪᑦ ᑭᖑᓪᓕᖏᓐᓄᑦ ᑎᑭᓪᓗᒋᑦ, ᓇᓗᓁᕐᓯᔪᒫᕐᐳᓪᓗ ᐱᓂᐊᕐᓂᕐᐱᑦ ᑲᒪᓇᕐᑐᕐᔪᐊᖑᓂᖏᓐᓂᒃ.

ᐃᓐᖏᕈᑎᑦ 22:31

ᕾᔪᒫᕐᐳᑦ ᐃᓱᐊᕐᓂᖓᓗ ᐅᓂᒃᑲᐅᑎᒋᓗᒍ, ᐃᓅᖃᑎᒌᓄᑦ ᓯᕗᓂᕐᒥ ᐃᓅᔪᒫᕐᑐᓄᑦ, ᑍᒫᒃ ᐱᓂᐊᓚᐅᕐᓂᕋᕐᓗᒍ.

ᐃᓐᖏᕈᑎᑦ 48:13

ᕿᒥᕐᕈᑦᓯᐊᕐᓯᐅᒡᓗ ᐊᕙᓗᕐᔪᐊᖏᑦ; ᐊᖓᔪᖅᑳᕐᔪᐊᓪᓗ ᓇᔪᒐᖏᑦ ᐃᒡᓗᐃᑦ ᖃᐅᔨᑦᓯᐊᕐᓯᐅᒃ; ᐅᖃᐅᓯᒃᓴᕆᓂᐊᕋᑦᓯᐅᒃ ᑭᖑᕚᒃᓴᓄᑦ.

ᐃᓐᖏᕈᑎᑦ 71:18

ᓱᓕᓗ ᐃᓄᑐᖃᐅᓕᕈᒪ ᓂᐊᖁᕋᓗ ᖃᑯᕐᑕᐅᓕᕐᐸᑦ, ᒎᑏ, ᕿᒪᖕᓂᐊᕐᓇᖓ, ᐊᔪᒐᖃᖏᓐᓂᕐᓂᒃ ᐅᖃᐅᓯᖃᓚᐅᖅᑳᕐᑎᓐᓇᖓ ᐱᔪᓐᓇᕐᓂᕐᓂᒡᓗ ᑭᖑᕚᕇᓕᒫᓄᑦ ᐃᓅᔪᒫᕐᑐᓄᑦ.

ᐃᓐᖏᕈᑎᑦ 90:16

ᐱᓇᓱᐊᕐᓂᑎᑦ ᑕᑯᔭᐅᑎᓚᐅᒃᑭᑦ ᐱᔨᖕᓄᑦ, ᐱᔪᓐᓇᕐᓂᕐᐱᓪᓗ ᓂᕐᑐᕐᓇᕐᓂᖓ ᐱᔨᕕᑦ ᕿᑐᕐᖓᖏᓐᓄᑦ.

ᒨᓯᓯ ᐂᑉᐸᖏᑦ 10:2

ᐊᒻᒪᑦᑕᐅᖅ ᐅᖃᐅᓯᖃᕈᓐᓇᖁᓪᓗᑎᑦ ᕿᑐᕐᖓᕐᓄᑦ ᕿᑐᕐᖓᕕᓪᓗ ᕿᑐᕐᖓᖏᓐᓄᑦ ᖃᓄᖅ ᐄᑦᔨᑉᑎᒥᐅᓂᒃ ᐱᓐᖑᐊᖃᑐᐃᓐᓇᕐᑑᔮᓚᐅᕐᓂᓐᓂᒃ ᖃᓄᕐᓗ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᓚᐅᕐᒪᖔᕐᒪ ᑖᒃᑯᑎᒎᓇᖅ; ᑕᒪᑦᓯ ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ.”

ᔪᐃᓕᐅᑉ ᐊᒡᓚᖏᑦ 1:3

ᕿᑐᕐᖓᓯ ᐅᓂᒃᑲᐅᑎᓯᒋᑦ ᑕᒪᑐᒥᖓ; ᕿᑐᕐᖓᒥᖕᓄᑦ ᐅᓂᒃᑳᖁᓪᓗᒋᑦ, ᕿᑐᕐᖓᖏᑕᓗ ᑭᖑᕚᖏᓐᓄᑦ.

ᒨᓯᓯ ᑕᓪᓕᒪᖏᑦ 4:10

ᑍᑦᓱᒪᓂ ᐊᑕᓂᐅᑉ ᒎᑎᑦᓯ ᓵᖓᓂ ᓇᖏᓚᐅᕐᓯᒪᒐᑦᓯ ᖃᖅᑲᒥ ᕼᐆᕆᑉᒥ, ᐅᕙᓐᓄᑦ ᐅᖃᕐᑎᓪᓗᒍ, ‘ᐃᓄᐃᑦ ᑲᑎᖁᓚᐅᒃᑭᑦ, ᐅᖃᐅᓯᕆᔪᒪᔭᓐᓂᒃ ᑐᓴᖁᒐᒃᑭᑦ, ᐅᕙᓐᓂᒃ ᓈᓚᒍᓐᓇᓯᖁᓪᓗᒋᑦ ᐃᓅᓯᖏᑦᑕ ᓈᓂᖓᓄᑦ ᑎᑭᓪᓗᑎᒃ, ᓄᑕᖅᑲᒥᖕᓄᓪᓗ ᑍᒫᒃ ᒪᓕᖁᔨᓗᑎᒃ ᐃᓕᓮᔪᓐᓇᕐᓯᖁᓪᓗᒋᑦ.’