16 ᕾᕐᑐᒥᑦ ᑰᓕᕐᑎᓚᐅᕆᕚ, ᐃᒪᕐᓗ ᑰᓕᓚᐅᕐᐳᖅ ᑰᒃᑎᑐᑦ.
ᕾᕐᑐᖅ ᐊᖕᒪᕐᒪᒍ, ᐃᒥᖅ ᑯᕕᓕᕐᐳᖅ ᑕᕝᕙᓐᖓᑦ; ᐃᓄᖃᖏᑦᑐᒥ ᑰᓕᓚᐅᕐᐳᖅ ᑰᓪᓚᕆᒃᑎᑐᑦ.
ᓱᓇᖃᔪᐃᑦᑐᖅ ᑕᓯᖃᐅᓕᕐᑎᑉᐹ, ᓄᓇᓗ ᐸᓂᕐᑐᖅ ᐃᓗᐊᓂᑦ ᑰᖃᓕᕐᑎᑉᐹ.
ᓄᓇᕐᔪᐊᖅ ᓴᔪᓚᐅᕆᑦ, ᐊᑕᓂᐅᑉ ᓇᔫᑎᓂᖓᓄᑦ, ᔧᑰᓪᓗ ᒎᑎᖓᑕ ᓇᔫᑎᓂᖓᓄᑦ;
ᑖᑦᓱᒪ ᕾᕐᑐᖅ ᑕᓯᕈᕐᑎᓚᐅᕐᒪᒍ, ᐃᓐᓈᕈᕐᓗ ᓄᓇᐅᑉ ᐃᓗᐊᓂᑦ ᑰᓕᕐᑎᓚᐅᕐᐹ.
ᐱᑎᒃᓰᑦ ᕿᓗᓯᒪᓕᓚᐅᕐᐸᑦ ᐱᒋᐊᑐᐃᓐᓇᕆᐊᖃᓕᕐᓗᑎᑦ, ᖃᕐᔪᐃᓪᓗ ᐱᑎᒃᓯᖕᓂ ᓄᕿᒻᒥᓕᓚᐅᕐᐸᑦ ᐱᓯᒋᐊᑐᐃᓐᓇᕆᐊᖃᓕᕐᓗᑎᑦ. ᖃᐅᒻᒫᓪᓚᖁᑎᕕᓪᓗ ᓄᓇᕐᔪᐊᖅ ᖁᐱᑎᓚᐅᕐᐹ.
“ᐊᔭᐅᑉᐱᐊᖅ ᑎᒍᓕᕈᒃ; ᐃᕝᕕᓪᓗ ᖃᑕᓐᖑᑏᓪᓗ ᐂᕉᓂ ᐃᓄᐃᑦ ᑲᑎᖁᓕᕐᓯᐅᒃ, ᕾᕐᑐᕐᓗ ᐅᖃᐅᑎᓗᒍ ᐃᓄᐃᑦ ᑕᒃᑯᐊᓂ, ᑕᕝᕙ ᐃᒥᕐᒥᒃ ᑯᕕᓕᕐᓂᐊᕐᐳᖅ; ᑍᒫᒃ ᐃᒥᕐᒥᒃ ᓴᖅᑭᑎᑦᓯᓂᐊᕐᐳᑎᑦ ᕾᕐᑐᒥᑦ, ᐃᒥᕐᑎᓪᓗᒋᓪᓗ ᐃᓄᐃᑦ ᐆᒪᔪᖁᑎᖏᓪᓗ.”
ᑖᑦᓱᒪ ᑕᓯᐅᓚᐅᕐᒪᓯ ᓯᕕᑐᔪᐊᓗᒃᑯᑦ ᖁᐊᕐᓵᖓᓇᕐᑐᒃᑯᓪᓗ ᓱᓇᖃᖏᑦᑐᒃᑯᑦ, ᖁᒡᓗᒋᐊᖃᕐᑐᒃᑯᑦ ᑐᖁᓐᓇᕐᑐᓕᖕᓂᒃ ᓯᑯᐊᕐᐱᐅᓂᖃᕐᑐᑎᒍᓪᓗ. ᓄᓇᒃᑯᑦ ᐸᓂᕐᑐᐊᓗᒃᑯᑦ ᐃᒪᖃᖏᑦᑐᒃᑯᑦ ᐃᒥᕐᒥᒃ ᑰᓕᕐᑎᑦᓯᓚᐅᕐᐳᖅ ᐃᒥᕐᕕᒃᓴᑦᓯᓐᓂᒃ ᐅᔭᕋᖕᒥᑦ ᕾᕐᑐᓪᓚᕆᖕᒥᑦ.
ᑭᖑᓂᖓᒍᑦ ᐱᐅᖏᑦᑐᒥᒃ ᐱᓇᓱᐊᓕᓚᐅᕆᕗᖓ, ᑍᓐᓇ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓ ᓴᕕᕋᔭᒃ ᓴᓇᓚᐅᕐᑕᓯ ᐱᑦᔪᑎᒋᓪᓗᒍ, ᐃᑯᒪᒧᑦ ᐃᑯᐊᓪᓚᒃᑎᓚᐅᕐᓗᒍ ᐊᐅᖕᒪᑦ ᓯᖃᓪᓕᑦᑎᐊᓚᐅᕐᐸᕋ, ᓯᖃᓪᓕᑦᑎᐊᕐᓗᓂ ᐊᒡᓛᑦ ᐳᔪᕋᕐᑎᑐᑦ ᑍᒤᓕᕐᑎᓚᐅᕐᐸᕋ, ᑖᓐᓇᓗ ᓯᖃᓪᓕᓂᖓ ᑰᖕᒧᑦ ᓈᕕᓚᐅᕐᐸᕋ ᖃᖅᑲᒥᑦ ᑰᒃᑐᒧᑦ.
