ᐃᓐᖏᕈᑎᑦ 78:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑲᒪᓇᕐᑐᑦ ᐱᓂᐊᕐᓂᕆᓚᐅᕐᑕᖏᑦ ᓯᕗᓕᕕᓂᖏᑕ ᑕᒃᑯᐊᓂ, ᓄᓇᒥ ᐄᑦᔨᑉᑎᒥ, ᓇᑎᕐᓇᒥᓗ ᔪᐊᓐᒥᒃ ᐊᑎᓕᖕᒥ.

ᐃᓐᖏᕈᑎᑦ 78:12 Iomraidhean Croise

ᒨᓯᓯ ᓯᕗᓪᓖᑦ 32:3

ᔧᑯᓗ ᑎᓕᓯᕗᖅ ᓯᕗᓂᕐᒥᓂ ᐅᖃᕆᐊᕐᑐᕐᑐᖃᖁᓪᓗᒍ ᐊᖓᔪᒥᓄᑦ ᐄᓴᒧᑦ ᓄᓇᒧᑦ ᓰᐊᕆᒧᑦ ᐄᑐᒥᒦᑦᑐᒧᑦ.

ᐊᑕᓃᑦ ᐂᑉᐸᖏᑦ 17:7

ᓴᒥᐊᕆᐊᒥᐅᑦ ᓵᓚᐅᓚᐅᕐᐳᑦ ᐊᔪᕐᑐᓕᓚᐅᕋᒥᒃ ᐊᑕᓂᕐᒧᑦ ᒎᑎᒥᖕᓄᑦ, ᓴᐳᑦᔨᔨᒋᓚᐅᕐᑕᒥᓂᒃ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓂᑦ ᐰᕉᒥᑦ, ᐊᐅᓪᓚᕐᑎᑦᓯᔨᒋᓚᐅᕐᑕᒥᖕᓂᓪᓗ ᐄᑦᔨᑉᑎᒥᐅᑦ ᓄᓇᖓᓐᓂᑦ, ᒎᑎᓐᖑᐊᓄᑦ ᑐᒃᓯᐊᖔᖃᑦᑕᓕᕐᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 9:10

ᓇᓗᓁᒃᑯᑕᓂᒃ ᑲᒪᓇᕐᑐᓂᒡᓗ ᐱᓇᓱᐊᓚᐅᕐᐳᑎᑦ ᐊᖓᔪᖅᑳᕐᔪᐊᕐᒧᑦ ᐰᕉᒧᑦ, ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖏᓐᓄᑦ ᐃᓄᖏᓐᓄᓪᓗ ᓄᓇᖓᓐᓃᑦᑐᓕᒫᓄᑦ. ᖃᐅᔨᒪᓚᐅᕋᕕᑦ ᑖᒃᑯᓄᖓ ᐃᓄᖁᑎᕕᑦ ᐅᖁᒤᒃᓴᕐᑎᑕᐅᓂᖏᓐᓂᒃ. ᑍᒤᒻᒪᑦ ᓵᓚᖃᓚᐅᕐᐳᑎᑦ, ᖃᐅᔨᒪᔭᐅᑦᓯᐊᕐᓃᓪᓗ ᐅᓪᓗᒥ ᓱᓕ ᐱᒋᕙᑦ.

ᐃᓐᖏᕈᑎᑦ 106:22

ᑲᒪᓇᕐᑐᐊᓗᖕᓂᒃ ᐱᓕᕆᓚᐅᕐᒪᑦ ᓄᓇᒥ ᕼᐋᒥᒥ, ᓯᕘᕋᓕᕐᓇᕐᑐᓂᒡᓗ ᐊᐅᓚᑦᓯᓚᐅᕐᐳᖅ ᐃᒪᕐᒥ ᐊᐅᐸᓗᒃᑕᒥ.

ᐃᓐᖏᕈᑎᑦ 135:9

ᑖᓐᓇ ᑎᓕᓯᓚᐅᕐᐳᖅ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐃᓕᑦᓯᓐᓄᑦ ᐄᑦᔨᑉᑎᒥᐅᓄᑦ, ᐰᕉᒧᑦ ᐱᔨᒋᔭᓕᒫᖏᓐᓄᓪᓗ.

ᒨᓯᓯ ᐂᑉᐸᖏᑦ 7:1

ᐊᑕᓂᕐᓕ ᒨᓯᓯᒧᑦ ᐅᖃᕐᐳᖅ, “ᒎᑎᑐᑦ ᐃᓱᒪᒋᔭᐅᓕᕐᑎᓐᓂᐊᕐᐸᒋᑦ ᐊᖓᔪᖅᑳᕐᔪᐊᕐᒧᑦ, ᐊᖓᔪᐃᓪᓗ ᐂᕉᓂ ᐅᖃᕐᑎᐅᓂᐊᕐᐳᖅ ᐊᖓᔪᖅᑳᕐᔪᐊᕐᒧᑦ ᐃᓕᖕᓄᑦ ᐅᖃᕐᑎᒋᔭᐅᔪᑐᑦ.

ᐂᓮᐊᓯᐅᑉ ᐊᒡᓚᖏᑦ 19:11

ᔪᐊᓐᒥᐅᑦ ᓯᕗᓕᕐᑎᖏᑦ ᓯᓔᑦᑐᓪᓚᕆᐅᖕᒪᑕ; ᐄᑦᔨᑉᑎᒥᐅᓪᓗ ᐊᖓᔪᖅᑳᕐᔪᐊᖓᑦᑕ ᓯᓚᑐᓂᕐᐹᑦ ᐃᓱᒪᓕᐅᕐᑎᖏᑦ ᑐᑭᖃᖏᑦᑐᓂᒃ ᐅᖃᐅᑦᔪᐃᖃᑦᑕᕐᓱᑎᒃ, ᖃᓄᖅ ᐅᖃᕈᓐᓇᕐᐲᑦ ᐰᕉᒧᑦ, “ᓯᓚᑐᔪᓂᒃ ᓯᕗᓕᖃᕐᑐᖓ, ᐊᖓᔪᖅᑳᕐᔪᐊᕕᓃᓪᓗ ᑭᖑᕚᕆᕚᖓ?”

ᐂᓮᐊᓯᐅᑉ ᐊᒡᓚᖏᑦ 19:13

ᔪᐊᓐᒥᐅᑦ ᓯᕗᓕᕐᑎᖏᑦ ᓯᓔᑉᐳᑦ, ᒥᒻᐱᓯᒥᐅᓪᓗ ᓯᕗᓕᕐᑎᖏᑦ ᓇᓗᓪᓗᑎᒃ; ᐃᓅᖃᑎᒌᒡᔪᐊᓂᑦ ᐱᓪᓚᕆᖁᑎᒋᔭᐅᓪᓗᑎᒃ ᐄᑦᔨᑉᑎᒥᐅᓂᒃ ᑕᒻᒪᕐᑎᑦᓯᓯᒪᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 30:14

ᐹᑐᕉᓯᒥᐅᑦ ᓄᖑᑕᐅᑎᑦᓱᒫᕐᐸᒃᑲ, ᔪᐊᓐᒥᐅᓪᓗ ᐃᑯᐊᓪᓚᒃᑎᓪᓗᒋᑦ, ᑎᐱᓯᒥᐅᓪᓗ ᓱᒋᐊᕈᒫᕐᐸᒃᑲ.

ᒨᓯᓯ ᓯᑕᒪᖏᑦ 13:22

ᐂᓚᐅᕐᐳᑦ ᓯᕿᓂᐅᑉ ᓇᓛᓂᑦ ᓂᒋᑉᒥᑦ ᕼᐃᑉᐳᕌᓂ ᑎᑭᓪᓗᒍ; ᐊᕼᐂᒪᓐ, ᓯᓮᓗ, ᑕᓪᒤᓗ ᐊᓇᑭᐅᑉ ᑭᖑᕚᖏᑦ ᑍᑲᓃᓚᐅᕐᐳᑦ. (ᕼᐃᐸᕋᓐ ᓴᓇᔭᐅᓚᐅᕐᑐᖅ ᔪᐊᓂ ᐄᑦᔨᑉᑎᒦᑦᑐᖅ ᐊᕐᕌᒍᑦ 7ᐃᑦ ᓴᓇᔭᐅᓚᖅᑳᕐᑎᓐᓇᒍ.)

ᒨᓯᓯ ᑕᓪᓕᒪᖏᑦ 4:34

ᒎᑏᑦ ᓇᓪᓕᐊᓐᓂᒃ ᐃᓅᖃᑎᒌᒡᔪᐊᓂᒃ ᓴᓂᕐᕙᒃᑎᑦᓯᔪᖃᕐᓗᓂ ᓇᖕᒥᓂᖅ ᐃᓄᖁᑎᑖᕆᓗᒋᑦ ᐱᔪᖃᓚᐅᕐᓯᒪᕚ? ᐊᑕᓂᐅᑉ ᒎᑎᑦᓯ ᐄᑦᔨᑉᑎᒥ ᐱᓇᓱᐊᕐᓂᕆᓚᐅᕐᑕᖓᑐᑦ ᑍᒤᑦᑐᒥᒃ? ᓇᖕᒥᓂᓪᓚᕆᒃ ᑕᑯᓐᓇᕐᑎᓪᓗᓯ ᐱᔪᓐᓇᕐᓂᕐᔪᐊᓂ ᓲᖑᓂᓂᓗ ᐊᑐᕐᓗᒋᒃ ᐱᓇᓱᐊᓚᐅᕐᐳᖅ; ᖃᓂᒪᓐᓇᕐᑐᓂᒃ ᑎᑭᑎᑦᓯᓚᐅᕐᐳᖅ ᐅᓇᑕᕐᓂᕐᒥᒡᓗ, ᓇᓗᓁᒃᑯᑕᕐᓂᒡᓗ ᐱᓕᕆᓪᓗᓂ ᑲᒪᓇᕐᑐᑎᒍᓪᓗ, ᑕᑕᒥᓐᓇᕐᑐᓂᓗ ᐱᔪᒫᕐᑐᒃᓮᑦ ᐱᑦᔪᑎᒋᓪᓗᒋᑦ.

ᒨᓯᓯ ᑕᓪᓕᒪᖏᑦ 6:22

ᓇᖕᒥᓂᖅ ᑕᑯᓐᓇᕐᑎᓪᓗᑕ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐊᖏᔪᕐᔪᐊᓂᒃ ᑲᑉᐱᐊᓇᕐᑐᓂᒡᓗ ᐱᓇᓱᐊᖃᑦᑕᓚᐅᕐᐳᖅ ᐄᑦᔨᑉᑎᒥᐅᓄᑦ ᐊᖓᔪᖅᑳᕐᔪᐊᖓᓄᓪᓗ ᐊᖓᔪᖅᑳᖁᑎᖏᓐᓄᓪᓗ.

ᔮᓱᐊᑉ ᐊᒡᓚᖏᑦ 9:9

ᑖᒃᑯᐊ ᐅᖃᐅᑎᕚᑦ, “ᓄᓇᒥᑦ ᐅᖓᓯᒃᑐᒥᑦ ᐱᓯᒪᕗᒍᑦ, ᑐᓴᓚᐅᕋᑦᑕ ᐊᑕᓂᕐᒥᒃ ᒎᑎᑦᓯᓐᓂᒃ, ᑐᓴᕐᑎᑕᐅᓯᒪᒐᑦᑕ ᑖᑦᓱᒥᖓ, ᐱᓂᐊᕐᓂᕆᓯᒪᔭᓕᒫᖏᓐᓂᒡᓗ ᐄᑦᔨᑉᑎᒥ,