2 ᐅᖁᒤᒃᓴᕐᓂᕐᒪ ᓇᓪᓕᐅᓐᓂᖓᓂ ᐊᑕᓂᖅ ᕿᓂᓚᐅᕐᐸᕋ; ᐊᒡᒐᒃᑲ ᐃᓵᖓᑎᓚᐅᕐᐸᒃᑲ ᐅᓐᓄᐊᒃᑯᑦ ᓄᖅᑲᓚᐅᕐᓇᖓ; ᑕᕐᓂᕋ ᓮᒻᒪᕐᓴᕐᑕᐅᔪᒪᓚᐅᓐᖏᓚᕐᓘᓐᓃᑦ.
ᐊᖑᑎᐅᑉ ᐅᖃᐅᑎᕚ, “ᒫᓐᓇᒥᑦ ᐱᒋᐊᕐᓗᒍ ᔧᑯᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐃᓴᕆᐊᓕᐅᓂᐊᓕᕐᐳᑎᑦ, ᒎᑎᒥᒃ ᐅᓇᑕᖃᑎᖃᕐᓯᒪᒐᕕᑦ ᓵᓚᖃᕐᓱᑎᑦ ᐃᓄᖕᓂᒡᓗ ᓵᓚᖃᕆᓪᓗᑎᑦ.”
ᐃᕐᓂᖏᑕᓕ ᐸᓂᖏᑕᓗ ᑕᒪᕐᒥᒃ ᓮᒻᒪᕐᓴᕋᓱᐊᕋᓗᐊᕐᐹᑦ; ᓮᒻᒪᕐᓴᕐᑕᐅᔪᒪᓐᖏᓚᕐᓕ, ᐅᖃᕐᓗᓂᓗ, “ᕿᒃᓵᒻᒪᕆᒡᓗᖓ ᑐᖁᖓᔪᑦ ᐃᓂᖓᓄᐊᖔᕈᒪᓕᕐᐳᖓ ᐃᕐᓂᕋ ᐅᐸᒡᓗᒍ.” ᑕᕝᕙ ᐊᑖᑕᖓᑕ ᑍᒫᒃ ᕿᒃᓴᕕᒡᔪᐊᕈᑎᒋᓚᐅᕐᐹ.
“ᓄᓇᒥ ᑳᖕᓇᕐᑐᖃᓕᕐᐸᑦ, ᖃᓂᒪᓇᕐᑐᖃᓕᕐᐸᑦ, ᐱᕈᕐᑐᐃᓪᓗ ᐊᓄᕆᒧᑦ ᓱᒃᑯᑕᐅᒃᐸᑕ, ᐱᒡᓕᕐᑕᐅᔮᕐᑐᓄᑦ ᐅᓄᕐᑐᕐᔪᐊᓄ ᓄᖑᑕᐅᒃᐸᑕ, ᐊᑭᕋᒥᖕᓄᓪᓗ ᓵᓚᐅᒃᐸᑕ ᓄᓇᒥᓂ ᐃᒡᓗᒐᓴᖕᓂᓗ; ᐋᓐᓂᐊᓇᕐᑐᖃᕐᐸᑦ ᓱᓇᑐᐃᓐᓇᕐᒥᒃ, ᖃᓂᒪᓇᕐᑐᖃᕐᐸᓪᓗ ᖃᓄᑐᐃᓐᓇᖅ;
ᐃᓱᒪᑖᑦᓯᐊᕈᕕᑦ ᐆᒻᒪᑎᒃᑯᑦ, ᒎᑎᒧᑦ ᐃᓴᒻᒥᓕᕐᓂᐊᕐᐳᑎᑦ.
ᐃᓗᖏᕐᑐᕐᓂᓐᓂ ᐊᑕᓂᖅ ᓂᓪᓕᐊᕕᒋᕙᕋ, ᓂᐱᖅᑯᕐᑐᕗᖓᓗ ᒎᑎᓐᓄᑦ; ᑐᒃᓯᐊᕐᕕᒡᔪᐊᖁᑎᒥᓂᑦ ᓂᐱᒐ ᑐᓴᕐᐹ, ᓂᐱᖅᑯᕐᑐᓪᓗᖓ ᓂᓪᓕᐊᓂᕋ ᓯᐅᑎᖏᖕᓄᑦ ᑎᑭᑉᐳᑦ.
ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”
ᐅᓐᓄᒃᑯᑦ, ᐅᓪᓛᒃᑯᓪᓗ, ᐅᓪᓗᑯᓪᓗ ᑐᒃᓯᐊᕈᒪᕗᖓ, ᓂᓪᓕᐊᓗᖓᓗ ᓂᐱᖃᕐᓗᖓ ᐅᖁᒤᒃᓴᕐᓂᕐᒧᑦ ᕿᐊᓗᖓ, ᓂᐱᒐᓗ ᑐᓴᕐᓂᐊᕐᐹ.
ᐃᓂᓪᓚᖓᕕᓐᓂ ᐃᖅᑲᐅᒪᕙᒃᐸᒋᑦ, ᐃᓱᒪᒃᓴᕐᓯᐅᕈᑎᒋᕙᒃᐸᒋᓪᓗ ᐅᓐᓄᐊᑉ ᖃᐅᔨᓴᕐᕕᖏᓐᓂ.
ᐊᑲᐅᓐᖏᓕᐅᕈᑎᖃᓕᕐᑎᓪᓗᖓ ᓂᓪᓕᐊᕕᒋᕙᒋᑦ, ᐃᕝᕕᑦ ᑭᐅᓂᐊᕋᕕᖓ.
ᐃᓅᑉ ᐊᓂᕐᓂᖓᑕ ᖃᓂᒪᑎᓪᓗᒍ ᐱᔪᓐᓇᕐᑎᑉᐹ; ᐊᓂᕐᓂᑯᓪᓕ ᓯᖁᒥᓯᒪᔪᖅ ᐃᒻᒥᓂᒃ ᐱᓯᒪᔪᓐᓇᓐᖏᓚᖅ.
ᐊᑕᓃᖅ, ᐅᖁᒤᒃᓴᓕᕌᖓᒥᒃ ᐃᓕᖕᓂᒃ ᕿᓂᓕᕐᐸᒃᐳᑦ, ᐃᓗᖏᕐᑐᕐᓗᑎᒃ ᑐᒃᓯᐊᓕᖃᑦᑕᕐᒪᑕ, ᐃᓕᖕᓄᑦ ᓱᒋᐊᕐᑕᐅᓕᕌᖓᒥᒃ.
ᑕᕐᓂᕋ ᐅᖓᕗᖅ ᐃᓕᖕᓄᑦ ᐅᓐᓄᐊᒃᑯᑦ, ᐊᓂᕐᓂᕐᒪ ᐃᓗᓐᓃᑦᑑᑉ ᐃᓗᖏᕐᑐᕐᓗᓂ ᕿᓂᕐᐹᑎᑦ; ᓄᓇᕐᔪᐊᕐᒥᐅᑦ ᐃᓄᖏᑦ ᐃᖅᑲᕐᑐᓕᕌᖓᕕᒋᑦ, ᑕᕝᕙ ᐃᓕᓐᓂᐊᓕᕐᐸᒃᐳᑦ ᐃᓱᐊᕐᑐᓕᓂᕐᒥᒃ.
ᐃᒫᒃ ᐊᑕᓂᖅ ᐅᖃᕐᐳᖅ, “ᕌᒪᒥ ᓂᐱ ᑐᓴᕐᓴᐅᕗᖅ, ᕿᐊᓂᖅ ᐅᒡᒍᐊᕐᓂᕐᓗ, ᕅᒋᓕᐅᑉ ᕿᑐᕐᖓᓂ ᕿᐊᑦᔪᑎᒋᕔᑦ; ᓮᒻᒪᕐᓴᕐᑕᐅᔪᒪᓐᖏᓚᕐᓗ ᕿᑐᕐᖓᖏᑦ ᓄᖑᑕᐅᖕᒪᑕ.”
“ᐃᕗᕅᒥ ᐃᒻᒥᓂᒃ ᑕᑯᒐᒥ ᖃᓄᖅ ᖃᓂᒪᑎᒋᓂᕐᒥᓂᒃ, ᔫᑕᐅᓪᓗ ᐃᑭᖏᑦ ᑕᑯᒐᒥᒋᑦ, ᑕᕝᕙ ᐃᕗᕅᒥ ᐂᓚᐅᕐᐳᖅ ᐊᓯᕆᐊᑉ ᐊᖓᔪᖅᑳᕐᔪᐊᖓᓄᑦ ᐃᑲᔪᕆᐊᕐᑕᐅᔪᒪᓪᓗᓂ, ᐃᑲᔪᕈᓐᓇᓚᐅᓐᖏᓚᕐᓕ ᐅᕝᕙᓗ ᐋᖅᑮᔪᓐᓇᓚᐅᓐᖏᓚᖅ ᐃᑭᖏᓐᓂᒃ.
“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.
ᔫᑎᓪᓕ ᐃᒡᓗᒦᑦᑐᑦ, ᐃᑲᔪᕆᐊᕐᓯᒪᔪᑦ ᑖᑦᓱᒥᖓ, ᒥᐊᕆ ᑕᑯᒐᒥᑦᔪᒃ ᑐᐊᕕᕐᓗᓂ ᐊᓂᖕᒪᑦ, ᒪᓕᒃᓴᕐᐹᑦ, ᕿᐊᔭᕐᑐᕋᓱᒋᓪᓗᒍ ᐃᓗᕕᕐᒧᑦ.
ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.