6 ᕿᔪᐃᑦ ᓴᓇᓐᖑᐊᕐᓯᒪᔪᓕᒫᑦ ᓯᖁᑦᑎᓕᕐᐰᑦ ᐅᓕᒪᐅᑎᓄᑦ ᐅᔭᕋᑦᓯᐊᕐᔪᐊᓄᓪᓗ.
ᑖᒃᑯᐊ ᕿᔪᖏᑦ ᑕᑯᒥᓇᕐᓴᕐᓯᒪᓪᓗᑎᒃ ᓴᓇᓐᖑᐊᕐᓯᒪᔪᓂᒃ ᐃᓗᖃᐅᕐᑐᓂᒃ ᓄᓇᕋᓐᖑᐊᓂᒡᓗ; ᑖᑦᓱᒪ ᐃᓗᓕᒫᖓ ᐃᓘᓐᓇᖓ ᕿᔪᖕᓂᒃ ᓰᑕᕆᓂᒃ ᑕᓕᑎᑕᐅᓯᒪᑦᓯᐊᕐᐳᖅ ᐊᑭᓐᓇᖓ ᐅᔭᕋᒃ ᓴᖅᑭᔮᕐᑐᖃᕋᓂ.
ᑖᒃᑯᐊᒃ ᓇᔪᕐᑕᖓᑕ ᐃᓗᓕᒪᖓ, ᓴᓇᓐᖑᐊᕐᓯᒪᔪᖃᕐᐳᖅ ᐊᑭᓐᓇᓕᒫᖓ ᓯᕈᐱᓐᖑᐊᓂᒃ ᓇᐹᕐᑐᓐᖑᐊᓂᒡᓗ ᐹᒥᓂᒃ ᓄᓇᕋᓐᖑᐊᓂᒡᓗ ᐊᕙᒻᒧᖓᔪᓂᒃ, ᐃᒡᓗᐊᕈᓯᓕᒫᖏᑦ ᐃᓗᐊᒍᓪᓗ ᓯᓚᑖᒍᓪᓗ.
ᐅᒃᑯᐊᖏᒃ ᕿᔫᒃ ᓴᓇᓐᖑᐊᕐᕕᒋᕚᒃ ᓯᕈᐱᓐᖑᐊᓂᒃ, ᓇᐹᕐᑐᓐᖑᐊᓂᒡᓗ ᐹᒥᓂᒃ, ᓄᓇᕋᓐᖑᐊᓂᒡᓗ ᐊᕙᒻᒧᖓᔪᓂᒃ; ᓯᕈᐱᓐᖑᐊᑦ, ᓇᐹᕐᑐᓐᖑᐊᑦ, ᐱᕈᕐᑐᓐᖑᐊᑦ; ᑕᒪᕐᒥᒃ ᖄᓕᕐᓯᒪᕗᑦ ᒎᓗᓂᒃ.
ᖄᖏᑎᒍᑦ ᑕᑯᒥᓇᕐᓴᕐᓯᒪᓪᓗᑎᒃ ᓴᓇᓐᖑᐊᕐᓯᒪᔪᓂᒃ ᓯᕈᐱᐊᓐᖑᐊᓂᒃ, ᓇᐹᕐᑐᓐᖑᐊᓂᒡᓗ ᓄᓇᕋᓐᖑᐊᓂᒡᓗ, ᖄᓕᐅᕐᓯᒪᔪᐃᓐᓇᐅᓪᓗᑎᒃ ᒎᓗᓂᒃ.
