ᐃᓐᖏᕈᑎᑦ 74:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑐᒃᓯᐊᕆᐊᕐᐸᒃᑐᖁᑎᑎᑦ ᐃᖅᑲᐅᒪᒃᑭᑦ, ᑍᑦᓱᒪᓂᑐᖃᖅ ᐱᑖᕆᓚᐅᕐᓯᒪᔭᑎᑦ, ᐃᓅᖃᑎᒌᑦ ᐱᒃᓴᕆᔪᒪᓪᓗᒋᑦ ᐱᐅᓕᓚᐅᕐᑕᑎᑦ! ᑕᕝᕙᓂ ᖃᖅᑲᒥ ᓮᐅᓂᒥ, ᐃᓂᖃᕐᑎᓪᓗᑎᑦ.

ᐃᓐᖏᕈᑎᑦ 74:2 Iomraidhean Croise

ᐃᓐᖏᕈᑎᑦ 106:40

ᑍᒤᒻᒪᑦ ᐊᑕᓂᐅᑉ ᓂᓐᖓᓂᖓ ᐱᒋᐊᓯᓚᐅᕐᐳᖅ ᐃᓄᖁᑎᒥᓄᑦ, ᓇᕐᕈᒋᓕᕐᓗᒋᓪᓗ ᓇᖕᒥᓂᖅ ᑭᖑᕐᖑᑦᔨᔨᖁᑎᒋᔭᓂ.

ᐃᓐᖏᕈᑎᑦ 135:4

ᐊᑕᓂᐅᑉ ᔧᑯ ᓂᕈᐊᓚᐅᕐᒪᒍ ᓇᖕᒥᓂᕆᔪᒪᓪᓗᒍ, ᐃᓴᕆᐊᓕᓗ ᓇᖕᒥᓂᖅ ᐱᖁᑎᒋᔪᒪᓪᓗᓂᐅᒃ.

ᐃᓐᖏᕈᑎᑦ 33:12

ᓮᒪᓇᕐᑐᒦᑉᐳᑦ ᐃᓅᖃᑎᒌᒡᔪᐊᑦ ᐊᑕᓂᕐᒥᒃ ᒎᑎᖃᕐᑐᑦ, ᐃᓄᐃᑦ ᓂᕈᐊᕐᓯᒪᔭᖏᑦ ᓇᖕᒥᓂᖅ ᐱᒃᓴᕆᔪᒪᓪᓗᒋᑦ.

ᐃᓐᖏᕈᑎᑦ 68:16

ᓱᖕᒪᑦ ᑕᑯᓐᓇᕐᐱᓰ ᑐᓱᓪᓗᓯ, ᖃᖅᑲᐅᔪᓯ ᓄᕗᖃᐅᕐᑐᑦ ᐅᓄᕐᑐᓂᒃ, ᑕᑯᓐᓇᕐᓗᓯᐅᒡᓗ ᖃᖅᑲᖅ ᒎᑎᐅᑉ ᐃᓂᒋᔪᒪᔭᖓ, ᑕᕝᕙᓂ ᐊᑕᓂᖅ ᐃᓂᖃᕐᓂᐊᕐᐳᖅ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 77:15

ᐃᓄᖁᑎᑎᑦ ᑕᓕᕐᓄᑦ ᐱᓇᓱᐊᕐᓗᑎᑦ ᐱᐅᓕᓯᒪᕙᑎᑦ, ᔧᑰᑉ ᔫᓯᐱᐅᓪᓗ ᑭᖑᕚᖏᑦ. ᓰᓚ

ᐃᓐᖏᕈᑎᑦ 9:11

ᐊᑕᓂᖅ ᓂᕐᑐᕈᑎᓂᒃ ᐃᓐᖏᕐᕕᒋᓯᐅᒃ, ᓮᐅᓂᒥ ᐃᓂᖃᕐᑐᖅ: ᐱᓂᐊᕐᓂᖏᓪᓗ ᐃᓄᖕᓄᑦ ᐅᖃᐅᑎᒋᓕᕐᓯᐅᒃ.

ᐃᓐᖏᕈᑎᑦ 9:12

ᑐᖁᑦᓯᔪᕕᓂᕐᓂᒃ ᐊᑭᓂᐊᕐᐸᒃᑑᑉ, ᑖᒃᑯᐊ ᐃᓱᒪᒋᕙᒃᐰᑦ; ᐅᖁᒤᒃᓴᕐᑎᑕᐅᓂᕐᒧᓪᓗ ᐃᑲᔪᕐᑕᐅᔪᒪᓪᓗᑎᒃ ᓂᓪᓕᐊᓂᖏᑦ ᐳᐃᒍᓐᖏᓔᑦ.

ᐃᓐᖏᕈᑎᑦ 94:14

ᐊᑕᓂᐅᑉ ᐃᓄᖁᑎᓂ ᕿᒪᖕᓂᐊᖏᒻᒪᒋᑦ; ᑭᖑᕐᖑᑦᔨᔪᒃᓴᖁᑎᓂᓗ ᖁᔭᓈᕐᓂᐊᕐᓇᒋᑦ.

ᒨᓯᓯ ᐂᑉᐸᖏᑦ 15:13

ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ ᑕᓯᐅᓚᐅᕐᐸᑎᑦ ᐃᓄᖁᑎᑎᑦ ᑖᒃᑯᐊ ᐱᐅᓕᓚᐅᕐᑕᑎᑦ, ᐱᔪᓐᓇᕐᓂᕐᓄᓪᓗ ᑕᓯᐅᓚᐅᕐᐸᑎᑦ ᓄᓇᒧᑦ ᐃᑦᔪᕐᓁᑦᑐᒧᑦ.

ᒨᓯᓯ ᐂᑉᐸᖏᑦ 15:16

ᓯᕘᕋᓂᕐᒧᑦ ᑲᑉᐱᐊᓇᕐᑐᒧᓪᓗ ᑎᑭᑕᐅᕗᑦ; ᑕᓕᕐᐱᑦ ᐱᔪᓐᓇᕐᓂᕐᔪᐊᖓ ᐱᑦᔪᑎᒋᓪᓗᒍ, ᐅᔭᖅᑲᑎᑐᑦ ᕿᑲᑐᐃᓐᓇᓕᕐᐳᑦ ᐊᐅᓚᑦᔭᒍᓐᓁᓪᓕᓪᓗᑎᒃ, ᐃᓄᖁᑎᖕᓄᑦ ᐊᑕᓃᖅ ᓴᓂᖅᑯᑕᐅᓚᐅᖏᓐᓂᕐᒥᖕᓂ ᑖᒃᑯᓇᓐᖓᑦ ᐃᓄᖁᑎᖕᓂᑦ ᓯᐊᓛᖑᕕᖕᒥᑦ ᐊᓂᑎᓚᐅᕐᑕᕐᓂᑦ.

ᐂᓮᐊᓯᐅᑉ ᐊᒡᓚᖏᑦ 51:11

ᐊᑕᓂᐅᑉ ᐊᑭᓕᕐᓗᒋᑦ ᐱᑖᕆᒃᑲᓐᓂᕐᓯᒪᔭᖏᑦ ᐅᑎᕈᒫᕐᐳᑦ, ᓮᐅᓂᒧᑦ ᐃᑎᓕᕈᒫᕐᐳᑦ ᐃᓐᖏᕐᓗᑎᒃ; ᐃᓱᖃᖏᑦᑐᒧᑦ ᖁᕕᐊᓱᖕᓂᕐᔪᐊᖃᕈᒫᕐᐳᑦ, ᐊᓕᐊᓁᒍᓱᒡᓗᑎᒃ ᖁᕕᐊᓱᖕᓂᐊᓗᖕᒧᑦ, ᕿᒃᓵᖕᓂᖅ ᐊᓂᕐᓴᐅᒥᓂᕐᓗ ᕿᒫᔪᒫᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 62:12

ᑖᒃᑯᐊ ᑍᔭᐅᔪᒫᕐᐳᑦ ᐃᓄᖕᓂᒃ ᐃᑦᔪᕐᓁᑦᑐᓂᒃ, ᐊᑕᓂᐅᑉ ᐃᒻᒥᓄᑦ ᐅᑎᕐᑎᓯᒪᔭᖏᓐᓂᒃ; ᐃᓕᑦᓯᓕ ᑍᔭᐅᔪᒫᕐᐳᓯ, ᓇᓂᔭᐅᓂᑯᓂᒃ, ᕿᒪᒃᑕᐅᓂᑰᖏᑦᑐᓂᒃ ᐃᒡᓗᒐᓴᒡᔪᐊᓂᒃ.

ᐂᓮᐊᓯᐅᑉ ᐊᒡᓚᖏᑦ 62:6

ᐊᕙᓗᕐᔪᐊᕐᓂ ᔨᕉᓴᓕᒻ ᖃᐅᔨᓴᕐᑎᑖᕐᑎᓚᐅᕐᐸᒋᑦ; ᐅᓪᓗᒃᑯᑦ ᐅᓐᓄᐊᒃᑯᓪᓘᓐᓃᑦ ᓂᐰᓚᐅᕐᓯᒪᓂᐊᖏᑦᑐᓂᒃ, ᐊᑕᓂᕐᒥᒃ ᐅᖃᐅᓯᖃᕐᐸᒃᑐᓯ ᓄᖅᑲᕐᑍᓕᒋᑦᓯ,

ᐂᓮᐊᓯᐅᑉ ᐊᒡᓚᖏᑦ 63:17

ᖃᓄᐃᒻᒪᑦ ᐊᑕᓃᖅ ᐊᖅᑯᑎᐅᖁᔭᕐᓂᑦ ᓴᖑᑎᓯᒪᕕᑎᒎᑦ? ᐆᒻᒪᑎᕗᓪᓗ ᑎᓯᒃᑎᑎᑦᓱᒋᑦ, ᐃᓕᖕᓂᒃ ᓯᕘᕋᔪᓐᓃᖁᓪᓗᑖ? ᐅᕙᑦᑎᓐᓄᑦ ᐅᑎᓚᐅᕆᑦ ᐱᔨᑎᑦ ᐱᑦᔪᑎᒋᓗᒋᑦ, ᑭᖑᕚᕇᑦ ᐱᑖᕆᓯᒪᔭᑎᑦ.

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᔨᕆᒤᐊᐅᑉ ᐊᒡᓚᖏᑦ 10:16

ᔧᑯᒃᑯᓐᓂᒡᓕ ᐱᒋᐊᕐᑎᑦᓯᓚᐅᕐᑐᖅ ᑍᒤᓐᖏᓚᖅ, ᓱᓇᓕᒫᓂᒃ ᐱᓐᖑᕐᑎᑦᓯᓯᒪᖕᒪᑦ, ᐃᓴᕆᐊᓕᒥᐅᑦ ᓴᖅᑭᑎᓯᒪᕔᑦ, ᑭᖑᕚᕇᓐᖑᕐᓗᑎᒃ ᑭᖑᕐᖑᔨᖃᑎᒌᒃᑐᒃᓴᐅᖁᓪᓗᒋᑦ; ᑕᒪᒃᑯᓂᖓ ᓴᖅᑭᑎᑦᓯᔪᖅ ᐊᑕᓂᐅᕗᖅ ᖁᑦᓯᖕᓂᕐᐹᒥᒃ ᐊᑎᓕᒃ.

ᔨᕆᒤᐊᐅᑉ ᐊᒡᓚᖏᑦ 51:19

ᔧᑰᓪᓕ ᒎᑎᖓ ᑖᒃᑯᑎᑐᓇᖅ ᑍᒤᓐᖏᓚᖅ, ᑕᒤᓐᓂᒃ ᐱᓐᖑᕐᑎᑦᓯᔨᐅᖕᒪᑦ, ᐃᓄᖁᑎᖏᑕᓗ ᑭᖑᕚᕇᖏᑦ ᐱᒋᐊᕐᑎᓯᒪᕔᑦ, ᐊᑕᓂᕐᒥᒃ ᐊᔪᒐᖃᖏᑦᑐᕐᔪᐊᕐᒥᒃ ᑖᓐᓇ ᐊᑎᖃᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 20:28

ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ.

ᒨᓯᓯ ᑕᓪᓕᒪᖏᑦ 32:9

ᔧᑰᓪᓕ ᑭᖑᕚᖏᑦ ᓇᖕᒥᓂᖅ ᓂᕈᐊᕆᓚᐅᕐᐰᑦ.

ᒨᓯᓯ ᑕᓪᓕᒪᖏᑦ 4:20

ᐃᓕᑦᓯᓕ ᑖᑦᓱᒪ ᐄᑦᔨᑉᑎᒥᑦ ᐱᐅᓕᓚᐅᕐᐹᓯ, ᑕᕝᕙᓐᖓᑦ ᐅᖅᑰᓯᓴᐅᑎᐊᓗᒃᑎᑐᑦ ᐃᑯᒪᔪᑎᑐᑦ ᑍᒤᑦᑐᒥᑦ. ᑕᕝᕙᓐᖓᑦ ᐊᓂᑎᓚᐅᕐᐹᓯ ᓇᖕᒥᓂᕆᓗᓂᓯ ᐃᓄᖁᑎᑖᕆᔪᒪᓪᓗᓂᓯ, ᓲᕐᓗ ᐅᓪᓗᒥ ᐃᓄᖁᑎᒋᔭᐅᒐᑦᓯ ᑖᑦᓱᒧᖓ.

ᒨᓯᓯ ᑕᓪᓕᒪᖏᑦ 9:26

ᑐᒃᓯᐊᓚᐅᕐᐳᖓᓗ ᐊᑕᓂᕐᒧᑦ, ‘ᐊᑕᓃᖅ ᒎᑎᐅᔪᑎᑦ, ᓇᖕᒥᓂᖅ ᐃᓄᖁᑎᒋᔭᑎᑦ ᓄᖑᑎᓐᓂᐊᕐᓇᒋᑦ, ᑖᒃᑯᐊ ᓴᐳᑎᓚᐅᕐᑕᑎᑦ ᐊᐅᓪᓚᕐᑎᓚᐅᕐᑕᑎᓪᓗ ᐄᑦᔨᑉᑎᒥᑦ ᓴᓐᖏᓂᕐᔪᐊᕐᓄᑦ ᐱᔪᓐᓇᕐᓂᕐᔪᐊᕐᓄᓪᓗ.

ᒨᓯᓯ ᑕᓪᓕᒪᖏᑦ 9:29

ᐅᑯᐊᓕ ᐃᓅᖃᑎᒌᑦ ᓂᕈᐊᕐᓯᒪᕙᑎᑦ ᐃᕝᕕᑦ ᓇᖕᒥᓂᕆᔪᒪᓪᓗᒋᑦ ᑖᒃᑯᐊᓗ ᐊᐅᓪᓚᕐᑎᓚᐅᕐᐸᑎᑦ ᐄᑦᔨᑉᑎᒥᑦ ᐱᔪᓐᓇᕐᓂᕐᔪᐊᕐᓄᑦ ᓴᓐᖏᓐᓂᕐᔪᐊᕐᓄᓪᓗ.’”

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.