23 ᐃᓕᖕᓄᓪᓕ ᖃᓂᑦᑑᖏᓐᓇᓚᐅᕐᐳᖓ; ᐊᒡᒐᒃᑯᑦ ᑕᓕᕐᐱᒃᑯᑦ ᑎᒍᒥᐊᓚᐅᕋᕕᖓ.
ᐂᑉᕋᒻᓕ 99ᓂᒃ ᐊᕐᕌᒍᖃᓕᕐᓗᓂ, ᐊᑕᓂᐅᑉ ᓴᖅᑭᕝᕕᒋᕚ ᐅᖃᐅᑎᓪᓗᒍᓗ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᓵᓐᓂ ᐃᓅᒋᑦ ᐸᓯᔭᒃᓴᐅᖏᓪᓗᑎᓪᓗ.
ᓈᓴᕆᐊᖃᕋᔭᕈᒃᑭᑦ, ᑕᕝᕙ ᐅᓄᕐᓂᕐᓴᐅᒐᔭᕐᐳᑦ ᓯᐅᕋᕐᓂᑦ. ᑐᐸᒑᖓᒪ, ᓱᓕ ᑕᕝᕙ ᐃᓕᖕᓃᑉᐳᖓ.
ᐊᑕᓂᖅ ᓵᓐᓂ ᑍᒪᓐᖓᑦ ᐃᓂᖃᕐᑎᑉᐸᕋ, ᑕᓕᕐᐱᓐᓃᒻᒪᑦ ᓱᓇᒧᑦ ᐊᐅᓚᑕᐅᓂᐊᓐᖏᓚᖓ.
ᐊᒡᓛᑦ ᐱᓱᖕᓂᐊᕋᓗᐊᕈᒪ ᓇᕐᓴᒃᑯᑦ, ᑐᖂᑉ ᑕᕐᕋᓕᓂᖓᒍᑦ, ᐱᐅᖏᑦᑐᒥᒃ ᑲᑉᐱᐊᓱᖕᓂᐊᓐᖏᓚᖓ: ᐃᕝᕕᑦ ᓇᔪᕋᕕᖓ; ᐊᔭᐅᑉᐱᐊᕕᑦ ᓰᐱᓕᕆᑦᔪᑎᕕᓪᓗ ᓮᒻᒪᕐᑎᒻᒪᖓ.
ᐱᐅᖏᑦᑐᓕᔪᑦ ᑕᓕᖏᑦ ᓇᑲᑕᐅᔪᒫᕐᐳᑦ, ᐊᑕᓂᐅᓪᓕ ᓴᐳᑎᓂᐊᕐᐰᑦ ᐃᓱᐊᕐᑐᑦ.
ᐹᓪᓚᒃᑲᓗᐊᕈᓂ, ᐃᒋᑕᐅᑦᓯᐊᒻᒪᕆᖕᓂᐊᓐᖏᓚᖅ, ᐊᑕᓂᐅᑉ ᐊᒡᒐᒥᓄᑦ ᒪᑭᑕᑎᒻᒪᒍ.
ᑕᕐᓂᕐᒪ ᑎᒍᒥᐊᕐᐹᑎᑦ ᐊᑕᕕᒋᓪᓗᑎᑦ; ᐊᒡᒐᒃᐱᓪᓗ ᑕᓕᕐᐱᒃᐱᑦ ᒪᑭᑕᑎᑉᐹᖓ.
ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.
ᐅᕙᖓ ᐊᑕᓂᖅ ᒎᑎᒋᒐᕕᖓ, ᑕᓕᕐᐱᒃᑯᑦ ᑕᓯᐅᕋᒃᑭᑦ; ᐅᖃᐅᑎᓪᓗᑎᓪᓗ, ‘ᑲᑉᐱᐊᓱᒃᑍᓕᒋᑦ, ᐃᑲᔪᕐᓂᐊᕋᒃᑭᑦ.’
“ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.
“ᑕᑯᒋᑦ, ᐅᐃᒡᒐᓱᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᖅ ᓄᑕᕋᒃᓴᕐᑖᕈᒫᕐᐳᖅ, ᐃᕐᓂᕐᒥᒃ ᐃᕐᓂᔪᒫᕐᓗᓂ, ᑖᓐᓇ ᐃᒫᓄᐃᓕᒥᒃ ᐊᑎᖃᕐᑎᑦᓱᒫᕐᐹᑦ.” ᐊᑎᖓᑕ ᑐᑭᖓ ᐃᒤᓕᕗᖅ, “ᒎᑎᐅᑉ ᓇᔪᕐᐹᑎᒍᑦ”.
ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”
ᐃᓅᓯᓯ ᑮᓇᐅᔭᓂᒃ ᐱᔪᒪᓗᐊᕐᓂᕐᒥᑦ ᓴᐳᑎᓯᒪᓯᐅᒃ, ᐱᒋᔭᓯᓗ ᑕᒫᓂ ᓈᒻᒪᒋᓯᒋᒃ; ᐅᖃᕐᓯᒪᖕᒪᑦ, “ᕿᒪᓚᐅᕐᓯᒪᓂᐊᓐᖏᓚᑦᓯ; ᖁᔭᓈᕐᓂᐊᕐᓇᓯᓗ.”
