22 ᓯᓔᑦᑑᓚᐅᕋᒪ ᖃᐅᔨᒪᓇᖓᓗ, ᓂᕐᔪᑎᑎᑐᑦ ᖃᐅᔨᒪᓚᐅᓐᖏᓚᖓ ᐃᓕᖕᓂᒃ.
ᓱᖕᒪᑦ ᐃᒻᒧᒃᓯᐅᒐᑎᑐᑦ ᐃᓱᒪᒋᕕᑎᒎᑦ? ᓱᖕᒪᓪᓗ ᓯᓔᑦᑑᕕᑕ ᓵᖕᓂ?
ᕿᒧᒃᓯᐅᑎᑎᑐᑦ ᑍᒤᓐᓂᐊᕋᓯ, ᒥᐅᓪᑎᑐᓪᓘᓐᓃᑦ, ᕿᒧᒃᓯᐅᑎᐅᔮᕐᑐᑎᑐᑦ, ᑐᑭᓯᐊᖏᑦᑐᑎᑐᑦ ᐊᐅᓚᑕᐅᔭᕆᐊᖃᕐᑐᑎᑐᑦ ᖃᓂᖓᓄᑦ ᐃᓕᓯᒪᔪᒧᑦ, ᑍᒤᓕᖓᖏᑉᐸᑕ ᐃᓕᖕᓄᑦ ᕾᔪᓐᓇᕋᔭᖏᒻᒪᑕ.
ᑕᑯᓐᓇᕐᒪᑕ ᓯᓚᑐᔪᑦᑕᐅᖅ ᑐᖁᓂᖏᓐᓂᒃ; ᑍᒫᒃᑕᐅᖅ ᓯᓔᑦᑐᑦ ᐃᓕᓯᒤᑦᑐᓪᓗ ᑐᖁᒋᕗᑦ, ᐊᒃᓗᐃᑦᔪᑎᑎᒃ ᕿᒪᒡᓗᒋᑦ ᐊᓯᒥᖕᓄᑦ.
ᒎᑏ, ᓯᓔᓐᓂᕋ ᖃᐅᔨᒪᕙᑦ; ᐊᔪᕐᑐᓕᓂᒃᑲ ᐃᓕᖕᓄᑦ ᐃᔨᕐᓯᒪᓐᖏᓚᑦ.
ᐃᒃᐱᒍᓱᖏᑦᑑᑉ ᑕᒪᓐᓇ ᖃᐅᔨᒪᓐᖏᓛ, ᓯᓔᑦᑑᓪᓗ ᑐᑭᓯᔪᓐᓇᕋᓂᐅᒃ.
ᐱᐅᖏᑦᑐᑦ ᐱᕈᓕᕐᐸᑕ ᐃᕕᒃᓱᒃᑲᑎᑐᑦ, ᐊᔪᕐᑐᓕᔪᓪᓗ ᑕᒪᕐᒥᒃ ᓴᖅᑭᓕᕐᐸᑕ ᐱᕈᕐᕕᐅᓕᕐᑐᑎᑐᑦ, ᑖᒃᑯᐊ ᓯᕗᓂᒃᓴᖃᓕᕇᕐᐳᑦ ᐊᓯᕈᕐᑕᐅᕕᒃᓴᒥᖕᓂᒃ ᐃᓱᖃᖏᑦᑐᒧᑦ.
ᓇᓗᖏᓐᓇᒪ ᓯᓔᓗᐊᒧᑦ ᐃᓅᔪᒃᓴᐅᖏᓐᓇᒪ. ᐃᓅᓪᓗ ᖃᐅᔨᒪᓂᖓᑐᑦ ᖃᐅᔨᒪᓇᖓ.
ᐆᒻᒪᑎᒃᑯᑦ ᐃᓱᒪᓚᐅᕐᐳᖓ, “ᒎᑏ ᐆᒃᑐᓚᐅᒃᑭᑦ ᐃᓄᐃᑦ ᐃᕐᓂᖏᑦ ᖃᐅᔨᓕᖁᓪᓗᒋᑦ ᓇᖕᒥᓂᖅ ᐆᒪᔪᐃᑦ ᐊᑦᔨᑐᐃᓐᓇᕆᖕᒪᒋᑦ.”
ᐃᒻᒧᒃᓯᐅᒊᑦ ᖃᐅᔨᒪᕗᑦ ᐃᓄᖕᒥᖕᓂᒃ, ᓯᐅᑎᖅᑯᕐᑐᔪᓪᓗ ᖃᐅᔨᒪᒋᕗᑦ ᑲᒪᔨᒥᖕᓄᑦ ᓂᕆᑎᑕᐅᕕᒋᕙᒃᑕᒥᖕᓂᒃ; ᐃᓴᕆᐊᓕᒥᐅᓪᓕ ᖃᐅᔨᒪᓐᖏᓚᑦ, ᐃᓄᖁᑎᒃᑲᓗ ᑐᑭᓯᐅᒪᓐᖏᓚᑦ.
