ᐃᓐᖏᕈᑎᑦ 72:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐱᒃᓴᖃᖏᑦᑐᑦ ᓂᓪᓕᐊᓕᕐᐸᑕ ᓴᐳᑎᔪᒫᕐᒪᒋᑦ, ᐊᔪᕐᓴᕐᑐᓪᓗ ᐃᑲᔪᕐᑎᒃᓴᖃᖏᑦᑐᓪᓗᑦᑕᐅᖅ.

ᐃᓐᖏᕈᑎᑦ 72:12 Iomraidhean Croise

ᓴᒧᐃᓕ ᐂᑉᐸᖏᑦ 14:16

ᐃᓱᒪᓚᐅᕋᒪ ᓈᓚᒍᓐᓇᕋᓱᒋᓪᓗᑎᑦ ᐱᐅᓕᓯᔪᓐᓇᕋᓱᒋᓪᓗᑎᓪᓗ ᐅᕙᓐᓂᒃ ᐃᕐᓂᓐᓂᒡᓗ ᑐᖁᑦᓯᓇᓱᐊᕐᑐᒥᒃ ᓄᓇᒥᑦ ᐲᕐᓯᓇᓱᐊᕐᑐᒥᑦ ᐅᕙᑦᑎᓐᓂᒃ ᒎᑎᐅᑉ ᑐᓂᓚᐅᕐᑕᖓᓂᒃ ᐃᓄᖁᑎᒥᓄᑦ.

ᔫᐱᐅᑉ ᐊᒡᓚᖏᑦ 29:12

ᐊᒃᓱᔪᑦ ᐃᑲᔪᕐᑕᐅᔪᒪᔭᕌᖓᑕ ᐃᑲᔪᕐᐸᓚᐅᕋᒃᑭᑦ, ᐃᓕᐊᕐᔪᐃᓪᓗ ᐃᑲᔪᕐᑎᒃᓴᖃᖏᑦᑐᑦ ᐃᑲᔪᕐᐸᓚᐅᕆᕙᒃᑲ.

ᔫᐱᐅᑉ ᐊᒡᓚᖏᑦ 36:15

ᒎᑎᓕ ᐱᐅᓕᓯᕙᒃᐳᖅ ᐅᖁᒤᑦᑐᒃᑰᕐᑐᓂᒃ ᐅᖁᒤᒃᓴᕐᑎᑕᐅᓂᖏᑎᒍᑦ, ᐋᓐᓂᐊᓂᖏᓪᓗ ᐊᑐᕐᓗᒋᑦ ᓯᐅᑎᖏᑦ ᐊᖕᒪᕐᑎᑉᐰᑦ.

ᐃᓐᖏᕈᑎᑦ 10:17

ᐊᑕᓃᖅ, ᐱᐅᔪᕆᖏᑦᑐᑦ ᐱᔪᒪᔭᖏᑦ ᑐᓴᓚᐅᕐᐸᑎᑦ; ᐆᒻᒪᑎᖏᓪᓗ ᑲᔪᖏᕐᓴᕐᐸᑎᑦ, ᓂᓪᓕᐊᓂᖏᓪᓗ ᓈᓚᒍᒪᕙᑎᑦ.

ᐃᓐᖏᕈᑎᑦ 102:17

ᐊᖏᕐᕋᖃᕈᓐᓃᕐᓯᒪᔪᑦ ᑐᒃᓯᐊᕐᓂᖏᑦ ᓵᕝᕕᒋᓂᐊᕐᐰᑦ, ᕿᓄᐊᕆᔭᖏᓪᓗ ᓇᕐᕈᒋᓂᐊᓐᖏᓔᑦ.

ᐃᓐᖏᕈᑎᑦ 102:20

ᑐᓵᕗᖅ ᑎᒍᔭᐅᓯᒪᔪᑦ ᓂᐹᕙᓗᖏᓐᓂᒃ, ᐊᓂᑎᑦᓯᓪᓗᓂᓗ ᑐᖁᑕᒃᓴᕈᕐᑎᑕᐅᓯᒪᔪᓂᒃ;

ᐃᓐᖏᕈᑎᑦ 55:17

ᐅᓐᓄᒃᑯᑦ, ᐅᓪᓛᒃᑯᓪᓗ, ᐅᓪᓗᑯᓪᓗ ᑐᒃᓯᐊᕈᒪᕗᖓ, ᓂᓪᓕᐊᓗᖓᓗ ᓂᐱᖃᕐᓗᖓ ᐅᖁᒤᒃᓴᕐᓂᕐᒧᑦ ᕿᐊᓗᖓ, ᓂᐱᒐᓗ ᑐᓴᕐᓂᐊᕐᐹ.

ᐃᓐᖏᕈᑎᑦ 72:4

ᐊᑦᔨᒌᒃᑎᑦᓯᔪᓐᓇᖁᓪᓗᒍ ᐃᓄᖕᓂᒃ ᐊᔪᕐᓴᕐᑐᓂᒃ; ᐱᒃᓴᖃᖏᑦᑐᓪᓗ ᕿᑐᕐᖓᖏᓐᓂᒃ ᓴᐳᑦᔨᔪᒫᕐᐳᖅ, ᐅᖁᒤᒃᓴᕐᑎᑦᓯᔪᓪᓗ ᓵᓚᒋᔪᒫᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:7

ᐃᓱᐊᕐᑑᑉ ᐊᔪᕐᓴᕐᑐᑦ ᖃᓄᐃᓕᐅᕐᑕᐅᔭᕆᐊᖃᕐᓂᖏᑦ ᖃᐅᔨᒪᑦᓯᐊᕐᐰᑦ, ᐱᐅᖏᑦᑐᕐᓕ ᑕᒪᑐᒥᖓ ᖃᐅᔨᒪᓂᕐᒥᒃ ᑐᑭᓯᐅᒪᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:1

ᓱᓕ ᖃᐅᔨᓇᓱᐊᒃᑲᓐᓂᓚᐅᕐᐳᖓ, ᑕᑯᓚᐅᕐᐳᖓᓗ ᐅᖁᒤᒃᓴᕐᑎᑕᐅᓂᕐᓂᒃ ᐊᑐᕐᑕᐅᔪᓂᒃ ᓯᕿᓂᐅᑉ ᐊᑖᓂ: ᑕᑯᒋᑦ ᐅᖁᒤᒃᓴᕐᑎᑕᐅᔪᑦ ᖁᕝᕕᖏᑦ, ᒪᓂᒍᐃᔨᒃᓴᖃᓐᖏᓚᓪᓕ; ᐅᖁᒤᒃᓴᕐᑎᑦᓯᔨᖏᑦ ᐊᖏᔪᒥᒃ ᐱᔪᓐᓇᕐᓂᖃᕐᐳᑦ, ᑖᒃᑯᐊᓕ ᒪᓂᒍᐃᔨᒃᓴᖃᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 41:17

ᐊᒃᓱᔪᑦ ᐱᖃᖏᑦᑐᓪᓗ ᐃᒥᕈᒃᑲᓗᐊᕐᐳᑦ ᐃᒥᒃᓴᕐᑕᖃᕋᓂᓗ, ᖀᓐᓂᕐᒧᑦ ᐅᖃᖏᑦ ᓴᓗᐊᕐᐳᑦ, ᐅᕙᖓ ᐊᑕᓂᖅ ᑐᓴᕐᓂᐊᕐᐸᒃᑲ; ᐅᕙᖓ ᐃᓴᕆᐊᓕᐅᑉ ᒎᑎᖓ ᖁᔭᓈᕐᓂᐊᓐᖏᓚᒃᑲ.

ᓘᑲᓯᐅᑉ ᐊᒡᓚᖏᑦ 4:18

“ᐊᑕᓂᐅᑉ ᐊᓂᕐᓂᖓᑕ ᓇᔪᕐᐹᖓ, ᓂᕈᐊᓚᐅᕐᐹᖓ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᒃᖢᔪᓄᑦ. ᑎᓕᕚᖓᓗ ᐅᖃᐅᑦᔨᖁᓪᓗᖓ ᑎᒍᔭᐅᓯᒪᔪᑦ ᐊᓂᑎᑕᐅᖁᓪᓗᒋᑦ, ᑕᐅᑐᖏᑦᑐᑦ ᑕᐅᑐᓕᕐᑎᑕᐅᖁᓪᓗᒋᑦ, ᓵᓚᒋᔭᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ,

ᓘᑲᓯᐅᑉ ᐊᒡᓚᖏᑦ 7:22

ᑖᒃᑯᐊᒃ ᑭᐅᕚᒃ, “ᔪᐊᓇᓯ ᐅᖃᐅᑎᔭᕐᑐᕐᓯᒃᑯᒃ ᑕᑯᔭᑦᓯᖕᓂᒃ ᑐᓴᕐᑕᑦᓯᓐᓂᒡᓗ: ᑕᐅᑐᖏᑦᑐᑦ ᑕᐅᑐᓕᕐᐳᑦ, ᐱᓱᒍᓐᓇᖏᑦᑐᑦ ᐱᓱᒍᓐᓇᕐᓯᕗᑦ, ᐸᕐᑎᕐᑐᑦ ᑲᑉᐱᐊᒋᔭᐅᔪᒥᒃ ᐋᖅᑭᒃᑕᐅᕗᑦ, ᑐᓵᖏᑦᑐᓪᓗ ᑐᓵᓕᕐᐳᑦ, ᑐᖁᖓᔪᓪᓗ ᐆᒻᒪᕐᐳᑦ, ᐊᒃᖢᔪᑦ ᐅᖃᐅᑦᔭᐅᕗᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᐄᑉᕈᐃᓄᑦ 7:25

ᑍᒤᒻᒪᑦ ᑖᑦᓱᒨᓇ ᒎᑎᒧᐊᕐᑐᑦ ᑕᒪᕐᒥᒃ ᐱᐅᓕᔪᓐᓇᑦᓯᐊᕐᐰᑦ, ᐃᓅᑦᓮᓐᓇᕋᒥ ᐃᓱᖃᖏᑦᑐᒧᑦ ᑐᒃᓯᐅᑦᔩᓐᓇᕐᓗᓂ ᑖᒃᑯᓂᖓ.

ᓴᒧᐃᓕ ᓯᕗᓪᓖᑦ 22:2

ᐃᓄᐃᓪᓗ ᕿᒃᓵᒃᑐᑦ ᐃᓱᒫᓘᑎᓖᓪᓗ, ᐊᑭᓕᒃᓴᓖᓪᓘᓐᓃᑦ, ᖁᕕᐊᓱᖏᑦᑐᓪᓗ ᐊᒃᓱᕈᕐᑐᓪᓗ ᑕᕝᕗᖓ ᐃᓚᓕᐅᑎᕗᑦ, ᐊᖓᔪᖅᑲᐅᓕᕐᓗᓂᓗ ᑖᒃᑯᓄᖓ. ᐊᖑᑏᓪᓗ 400ᖏᓐᓃᑦᑐᑦ ᐃᓚᓕᐅᑎᓚᐅᕐᐳᑦ ᑖᑦᓱᒧᖓ.