9 ᐃᒃᓯᓐᓇᕐᑍᓕᓐᖓ ᐃᓄᑐᖃᐅᓕᕐᓂᓐᓄᑦ; ᕿᒪᒃᑍᓕᓐᖓ ᑎᒥᒐ ᓄᑭᑭᑦᑑᓕᕐᐸᑦ.
80ᓂᒃ ᐊᕐᕌᒍᖃᓕᕇᕋᒪ; ᖁᕕᐊᒋᔭᖃᕈᓐᓁᕐᓗᖓᓗ ᓱᓇᑐᐃᓐᓇᒥᒃ, ᓁᒪᔪᓐᓁᕋᒪ ᓂᕆᔭᓐᓂᒃ ᐃᒥᕐᑕᓐᓂᒡᓗ, ᑐᓵᔪᓐᓁᕐᓗᖓᓗ ᐃᓐᖏᕐᑐᑦ ᓂᐱᖏᓐᓂᒃ. ᐃᓱᒫᓗᓇᕈᑎᑐᐃᓐᓇᐅᔪᒪᓐᖏᓚᖓ ᐊᖓᔪᖅᑳᕐᔪᐊᓐᓄᑦ.
ᓱᓕᓗ ᐃᓄᑐᖃᐅᓕᕈᒪ ᓂᐊᖁᕋᓗ ᖃᑯᕐᑕᐅᓕᕐᐸᑦ, ᒎᑏ, ᕿᒪᖕᓂᐊᕐᓇᖓ, ᐊᔪᒐᖃᖏᓐᓂᕐᓂᒃ ᐅᖃᐅᓯᖃᓚᐅᖅᑳᕐᑎᓐᓇᖓ ᐱᔪᓐᓇᕐᓂᕐᓂᒡᓗ ᑭᖑᕚᕇᓕᒫᓄᑦ ᐃᓅᔪᒫᕐᑐᓄᑦ.
ᑎᒥᒐ ᐆᒻᒪᑎᒐᓗ ᐊᔪᓕᓕᕋᓗᐊᕐᐴᒃ, ᒎᑎᓕ ᐆᒻᒪᑎᒪ ᓴᓐᖏᔫᑦᔪᑎᒋᕚ ᐱᔪᓐᓇᐅᑎᒋᓪᓗᒍᓗ ᐃᓱᖃᖏᑦᑐᒧᑦ.
ᐃᓅᓯᑦᑕ ᓯᕕᑐᓂᖓ 70ᓂᒃ ᐊᕐᕌᒍᖃᑐᐃᓐᓇᕐᐳᑦ; ᓲᖑᓂᖃᑦᓯᐊᕐᐸᑕᓕ 80ᓂᒃ ᐊᕐᕌᒍᖃᕈᓐᓇᕋᓗᐊᕐᐳᑦ, ᐱᔪᓐᓇᑦᓯᐊᕐᓂᑐᐊᖏᓐᓂᓕ ᐋᓐᓂᐊᓂᕐᒦᑉᐳᑦ ᐊᑲᐅᓐᖏᓕᐅᕈᑎᖃᕐᓗᑎᒡᓗ; ᑕᕝᕙ ᐊᓂᒍᓕᕇᕐᐳᑦ, ᖃᖓᑦᑕᓕᕐᐳᒍᑦ ᐅᑎᕈᓐᓃᕐᓗᑕᓗ.
ᐃᓄᑐᖃᐅᓕᕋᓗᐊᕈᑦᓯ, ᐅᕙᖓᐅᕗᖅ ᑖᓐᓇ, ᖀᖃᓕᕋᓗᐊᕈᑦᓯᓗ ᓱᓕ ᐊᒡᔭᕈᒫᕐᐸᑦᓯ! ᓴᓇᓚᐅᕋᒪ, ᐊᒡᔭᕐᓯᓂᐊᕐᓗᖓᓗ; ᐊᒡᔭᕐᓂᐊᕐᐸᑦᓯ ᐱᐅᓕᓗᓯᓗ.
ᑍᒤᒻᒪᑦ ᐊᒃᓱᕈᕐᑎᑕᐅᕗᖓ. ᑕᒪᓐᓇᓕ ᑲᓐᖑᓲᑎᒋᓐᖏᓚᕋ, ᐅᒃᐱᕐᕕᒋᔭᕋ ᖃᐅᔨᒪᒐᒃᑯ, ᖁᓚᖏᓐᓇᒪ ᐅᕙᓐᓄᑦ ᐱᓂᐊᕐᑕᐅᖁᓯᒪᔭᓂ ᓴᐳᑎᓯᒪᔪᓐᓇᕐᓂᐊᕐᒪᒍ ᐅᓪᓗᖅ ᑍᓐᓇ ᓇᓪᓕᐅᑎᔪᒃᓴᖅ ᑎᑭᓪᓗᒍ.
ᐊᑕᓂᐅᑉ ᐱᐅᖏᑦᑐᓂᑦ ᑕᒤᓐᓂᑦ ᓴᐳᑎᓂᐊᕐᐹᖓ ᖃᓄᐃᖏᓪᓗᖓ ᐊᑕᓂᐅᕕᖓᓄᑦ ᕿᓚᖕᒦᑦᑐᒧᑦ ᑎᑭᑦᑐᓐᓇᖁᓪᓗᖓ. ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.
