21 ᐊᔪᖏᓐᓂᕋ ᓱᓕ ᐊᖏᔪᕈᕐᑎᒃᑲᓐᓂᕐᓂᐊᕐᐸᑦ, ᓮᒻᒪᕐᑎᒃᑲᓐᓂᕐᓂᐊᕆᕙᕐᒪᓗ.
ᐅᓇᑕᕐᓃᑦ ᓴᐅᓕᐅᑉ ᐃᓚᖏᓐᓄᑦ ᑍᕕᑎᑯᓪᓗ ᐊᑯᓂ ᑲᔪᓯᓚᐅᕐᐳᖅ; ᑍᕕᑎᓕ ᓴᓐᖏᒃᑎᑉᐸᓪᓕᐊᓚᐅᕐᐳᖅ, ᓴᐅᓕᐅᑉ ᐃᓚᖏᑦ ᓴᓐᖐᓕᕚᓪᓕᐊᖔᓕᕐᑎᓪᓗᒋᑦ.
ᓴᐴᓗᑕᕐᒥᒃ ᑐᓂᓯᕕᒋᒋᕙᕐᒪ, ᐱᐅᓕᔭᐅᓂᐅᑉ ᓴᐴᓗᑕᖓᓂᒃ; ᐊᒡᒐᖕᓄᓪᓗ ᑕᓕᕐᐱᖕᓄᑦ, ᒪᑭᑕᑎᑉᐸᕐᒪ, ᐱᑦᓯᐊᕐᓂᕕᓪᓗ ᓂᑲᒍᓱᒃᑑᑉ ᐊᔪᖏᑦᑐᕐᔪᐊᓐᖑᕐᑎᑉᐹᖓ.
ᐊᒡᓛᑦ ᐱᓱᖕᓂᐊᕋᓗᐊᕈᒪ ᓇᕐᓴᒃᑯᑦ, ᑐᖂᑉ ᑕᕐᕋᓕᓂᖓᒍᑦ, ᐱᐅᖏᑦᑐᒥᒃ ᑲᑉᐱᐊᓱᖕᓂᐊᓐᖏᓚᖓ: ᐃᕝᕕᑦ ᓇᔪᕋᕕᖓ; ᐊᔭᐅᑉᐱᐊᕕᑦ ᓰᐱᓕᕆᑦᔪᑎᕕᓪᓗ ᓮᒻᒪᕐᑎᒻᒪᖓ.
ᑲᑉᐱᐊᓇᕐᑐᑦ ᐅᓄᕐᑐᑦ ᐱᔪᒫᕐᐳᑦ ᐱᐅᖏᑦᑐᓕᔪᓄᑦ; ᐊᑕᓂᕐᒥᒡᓕ ᑕᑎᖃᕐᑐᖅ, ᓂᑲᒋᔭᐅᓂᕐᒥᒃ ᐊᕙᓗᔭᐅᓯᒪᔪᒫᕐᐳᖅ.
ᐊᖓᔪᖅᑳᕐᔪᐊᓕᒫᑦ ᓵᖓᓂ ᐹᒻᒪᒃᑎᕈᒫᕐᐳᑦ, ᐃᓅᖃᑎᒌᒡᔪᐊᓕᒫᓪᓗ ᐱᔨᑦᓯᕈᒫᕐᐹᑦ.
ᐊᑕᓃᖅ ᓇᓗᓁᕐᓯᕕᒋᓚᐅᓐᖓ ᖁᓚᕐᓇᖏᑦᑐᒥᒃ ᐱᐅᓂᕆᔭᕐᓂᒃ; ᐅᕙᓐᓂᒃ ᐆᒥᓱᒃᑐᑦ ᑕᑯᒍᑎᒃ ᑲᓐᖑᓱᓕᖁᓪᓗᒋᑦ ᐃᓕᖕᓄᑦ ᐊᑕᓃᖅ, ᓮᒻᒪᕐᑎᑕᐅᓯᒪᓂᓐᓂᒃ ᐃᑲᔪᕐᑕᐅᓯᒪᓂᓐᓂᒡᓗ.
ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᓯ: “ᐊᑕᓃᖅ, ᓂᕐᑐᕐᓂᐊᕐᐸᒋᑦ; ᐅᕙᑦᑎᓐᓄᑦ ᓂᓐᖓᐅᒪᓚᐅᕋᓗᐊᕋᕕᑦ, ᑕᕝᕙ ᓂᓐᖓᐅᒪᓃᑦ ᓴᖑᓚᐅᕐᒪᑦ, ᓮᒻᒪᕐᑎᓚᐅᕐᐸᑦᑎᒍᓪᓗ.
ᕿᓚᐅᔪᓯ ᐃᓐᖏᕆᑦᓯ ᖁᕕᐊᓱᖕᓂᕐᒧᑦ! ᓄᓇᕐᔪᐊᖅ ᐃᕝᕕᓪᓗ ᖁᕕᐊᓱᖏᑦ! ᖃᖅᑲᐅᔪᓯ ᓂᐱᖃᓕᕆᑦᓯ ᐃᓐᖏᕐᓗᓯ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᑎᒻᒪᒋᑦ, ᐅᖁᒤᒃᓴᓚᐅᕐᑐᓪᓗ ᓂᑲᒋᓂᐊᕐᒪᒋᑦ.
ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”
ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.
ᒎᑎᓕ ᖁᔭᒋᔭᐅᓕ, ᙭ᔅᑑᓯᒃᑯᑦ ᓵᓚᖃᕐᓂᕐᒧᑦ ᑕᓯᐅᕐᐸᖕᒪᑎᒍᑦ, ᐅᕙᑦᑎᒍᓪᓗ ᖃᐅᔨᔭᐅᕙᓪᓕᐊᑎᑦᓯᖕᒪᑦ ᙭ᔅᑑᓯᒥᒃ ᑎᐱᑦᓯᐊᕆᒃᑐᒧᑦ ᒪᒪᕐᓮᔪᑎᑐᑦ ᓇᒧᑐᐃᓐᓇᖅ.
ᑍᒤᒻᒪᑦ ᑕᒪᑐᒨᓇ ᐱᕙᓪᓕᕐᑎᑕᐅᕗᒍᑦ. ᐱᕙᓪᓕᕐᑎᑕᐅᒐᓗᐊᕋᑦᑕ ᐊᖏᓂᕐᓴᒥᒡᓕ ᖁᕕᐊᓱᒃᑎᑕᐅᕗᒍᑦ ᑍᑑᓯᐅᑉ ᖁᕕᐊᓱᖕᓂᖓᓄᑦ, ᑖᑦᓱᒪ ᐊᓂᕐᓂᖓ ᑕᒪᑦᓯ ᖁᕕᐊᓱᒃᑎᓚᐅᕋᑦᓯᐅᒃ.
ᒎᑎᐅᓪᓕ, ᒪᓂᒍᕐᑎᑦᓯᔨᐅᑉ ᓴᓐᖐᓕᓯᒪᔪᓂᒃ, ᒪᓂᒍᓚᐅᕐᐹᑎᒍᑦ ᑍᑑᓯᐅᑉ ᑎᑭᓐᓂᖓᒍᑦ,
ᒫᓐᓇ ᒎᑎᕗᑦ ᖁᔭᓕᕕᒋᒃᑲᓐᓂᕈᓐᓇᓕᕐᐸᕗᑦ ᐱᓪᓗᓯ, ᐃᓗᑦᑎᒍᑦ ᖁᕕᐊᓱᒃᑎᑕᐅᒐᑦᑕ ᐱᑦᔪᑎᒋᓪᓗᓯ ᒎᑎᐅᑉ ᓵᖓᓂ,
ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”
