ᐃᓐᖏᕈᑎᑦ 71:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᓱᓕᓗ ᐃᓱᐊᕐᑐᓕᓃᑦ ᖁᑦᓯᓗᐊᕐᒪᑦ ᕿᓚᖕᒥ ᒎᑏ. ᐊᖏᔪᐊᓗᖕᓂᒃ ᑲᒪᓇᕐᑐᓕᓂᕐᓂᒃ ᐱᓇᓱᐊᕐᓯᒪᕗᑎᑦ, ᒎᑏ, ᑭᓇ ᐃᓕᖕᓂᒃ ᐊᑦᔨᖃᕐᐹ?

ᐃᓐᖏᕈᑎᑦ 71:19 Iomraidhean Croise

ᔫᐱᐅᑉ ᐊᒡᓚᖏᑦ 5:9

ᑖᑦᓱᒪ ᐱᓇᓱᐊᕐᓂᕐᔪᐊᖏᑦ ᑐᑭᓯᔪᓐᓇᓐᖏᓚᕗᑦ, ᑲᒪᓇᕐᑐᓕᓂᖏᓪᓗ ᐃᓱᓕᑦᑐᓐᓇᕋᑎᒃ.

ᐃᓐᖏᕈᑎᑦ 139:6

ᑕᒪᓐᓇ ᖃᐅᔨᒪᓃᑦ ᐅᕙᓐᓄᑦ ᐱᐅᓗᐊᒻᒪᕆᒃᐳᖅ; ᖁᕝᕙᓯᓗᐊᕐᐳᖅ ᐅᕙᓐᓄᑦ ᑎᑭᑕᒃᓴᐅᓇᓂᓗ.

ᐃᓐᖏᕈᑎᑦ 35:10

ᓴᐅᓂᓕᒫᒃᑲ ᐅᖃᕈᒫᕐᐳᑦ, “ᐊᑕᓃᖅ, ᑭᓇᒥᒃ ᐊᑦᔨᖃᕐᐲᑦ? ᓴᐳᑦᔨᒐᕕᑦ ᐊᔪᓗᐊᕐᑐᒥᒃ ᓵᓚᒋᔨᒋᔭᖓᓂᑦ, ᐃᓛᒃ, ᐊᔪᕐᓴᕐᑐᑦ ᐱᖃᖏᑦᑐᓪᓗ ᓴᐳᑎᕙᑎᑦ ᑎᒡᓕᒐᕐᕕᒋᔨᖏᓐᓂᑦ.”

ᐃᓐᖏᕈᑎᑦ 36:7

ᒎᑏ, ᓇᒡᓕᖕᓃᑦ ᓱᖁᓯᔪᐃᑦᑐᖅ ᐊᓐᓂᕐᓇᕐᑐᐊᓘᕗᖅ! ᑍᒤᒻᒪᑦ ᐃᓄᐃᑦ ᕿᑐᕐᖓᖏᑦ ᐃᓴᕈᕐᐱᑦ ᑕᕐᕋᓕᓂᖓᑕ ᐊᑖᓂᒃ ᑕᑎᖃᕐᐳᑦ.

ᐃᓐᖏᕈᑎᑦ 57:10

ᓇᒡᓕᖕᓃᑦ ᓱᖁᓯᔪᐃᑦᑐᖅ ᐊᖏᔫᕗᖅ ᕿᓚᖕᓄᑦ ᑎᑭᐅᒪᔪᖅ; ᓱᖁᓯᔪᐃᑦᑑᓃᓪᓗ ᓄᕗᔭᓄᑦ ᑎᑭᐅᑎᓯᒪᓪᓗᓂ.

ᐃᓐᖏᕈᑎᑦ 72:18

ᐊᑕᓂᖅ ᓂᕐᑐᕐᑕᐅᓕ, ᐃᓴᕆᐊᓕᑎᑦ ᒎᑎᖓᑦ, ᑲᒪᓇᕐᑐᓂᒃ ᑖᓐᓇ ᑭᓯᒥ ᐱᓂᐊᕐᓂᖃᕐᑐᖅ.

ᐃᓐᖏᕈᑎᑦ 86:8

ᐊᑕᓃᖅ ᓇᓂᓕᒫᖅ ᐃᓕᒃᑐᑦ ᑍᒤᑦᑐᒥᒃ ᒎᑎᑕᖃᓐᖏᓚᖅ, ᐃᓕᒃᑐᓪᓗ ᐱᓇᓱᐊᕈᓐᓇᕐᑎᒋᔪᒥᒃ ᐱᑕᖃᕋᓂ.

ᒨᓯᓯ ᐂᑉᐸᖏᑦ 15:11

ᐊᑕᓃᖅ, ᒎᑎᒋᔭᐅᔪᓄᑦ ᓇᓪᓕᐊᓐᓄᑦ ᐊᑦᔨᐅᑎᑕᒃᓴᐅᕖᑦ? ᐃᓕᒃᑐᓪᓗ ᐃᑦᔪᕐᓁᑦᑐᕐᔪᐊᖑᑎᒋᔪᒥᒃ ᐱᑕᖃᕐᐹ? ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᔪᒥᒃ ᑲᒪᓇᕐᑐᓕᔪᓐᓇᕐᑐᖃᕐᐹ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:24

ᓯᓚᑐᔫᑉ ᐊᖅᑯᑎᖓ ᖁᒻᒧᑦ ᐃᖏᕐᕋᕗᖅ ᐃᓅᓯᕐᒧᑦ, ᓂᒍᖁᓪᓗᒍ ᑲᑉᐱᐊᓇᕐᑐᕕᖕᒥᒃ ᑕᐅᓇᓃᑦᑐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:7

ᓯᓚᑐᓂᖅ ᖁᑦᓯᓗᐊᕐᐳᖅ ᓯᓔᑦᑐᒧᑦ; ᖃᓂᓂ ᐂᑦᑕᕈᓐᓇᓐᖏᓛ ᐃᑎᕐᑕᕐᕕᖕᒥ.

ᐂᓮᐊᓯᐅᑉ ᐊᒡᓚᖏᑦ 40:18

ᓱᓇᒥᒡᓕ ᑍᒪ ᒎᑎ ᐊᑦᔨᖃᕐᑎᑦᓱᓐᓇᕐᐱᐅᒃ? ᓱᓇᒧᓪᓗ ᐊᑦᔨᐅᓕᕐᑎᑕᒃᓴᐅᒐᔭᕐᐹ?

ᐂᓮᐊᓯᐅᑉ ᐊᒡᓚᖏᑦ 40:25

ᑭᓇᒥᒃ ᐊᑦᔨᖃᕐᑎᑦᓱᓐᓇᕐᐱᖔ? ᓱᓇᒥᒡᓗ ᑍᒤᓪᓗᐊᖃᕐᑎᑦᓱᓐᓇᕐᐱᖔ? ᐃᑦᔪᕐᓁᑦᑐᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 5:16

ᕿᓚᖕᒥᐅᒐᓴᒡᔪᐃᓪᓕ ᐊᑕᓂᖓᑦ ᐊᖏᒡᓕᑎᑕᐅᔪᒫᕐᐳᖅ ᐃᖅᑲᕐᑐᐃᑦᓯᐊᕐᓂᒃᑯᑦ, ᒎᑎᓗ ᐃᑦᔪᕐᓁᑦᑐᖅ ᐃᒻᒥᓂᒃ ᓴᖅᑭᑎᑦᓱᒫᕐᐳᖅ ᐃᑦᔪᕐᓁᓐᓂᕐᒥ ᓇᓛᒎᕐᓂᕐᒥᓗ.

ᐂᓮᐊᓯᐅᑉ ᐊᒡᓚᖏᑦ 55:9

ᕿᓚᒃ ᖁᑦᓯᖕᓂᕐᓴᐅᖕᒪᑦ ᓄᓇᒥᑦ, ᑍᒫᒃᑕᐅᖅ ᐱᓂᐊᕐᓂᒃᑲ ᖁᑦᓯᖕᓂᕐᓴᐅᒋᕗᑦ ᐱᓂᐊᕐᓂᑦᓯᓐᓂᑦ, ᐃᓱᒪᒋᔭᒃᑲᓗ ᖁᑦᓯᖕᓂᕐᓴᐅᒋᓪᓗᑎᒃ ᐃᓱᒪᒋᔭᑦᓯᓐᓂᑦ.

ᔨᕆᒤᐊᐅᑉ ᐊᒡᓚᖏᑦ 10:7

ᑭᓇᓕ ᓯᕘᕋᖏᑦᑑᔪᓐᓇᕐᐹ ᐃᓕᖕᓃᒃ? ᐊᖓᔪᖅᑳᕐᔪᐊᖑᔪᑎᑦ ᐃᓅᖃᑎᒌᒡᔪᐊᓄᑦ ᓂᕐᑐᕐᑕᐅᔪᒃᓴᐅᕗᑎᑦ; ᓯᓚᑐᔪᕐᔪᐊᓕᒫᑦ ᐃᓅᖃᑎᒌᒡᔪᐊᓂ ᐊᖓᔪᖅᑲᐅᕕᓕᒫᓪᓗ ᑲᑎᓪᓗᒋᑦ ᐃᓕᒃᑐᑦ ᑍᒤᑦᑐᕐᑕᖃᓐᖏᓚᑦ.

ᓘᑲᓯᐅᑉ ᐊᒡᓚᖏᑦ 1:49

ᐊᖏᔪᕐᔪᐊᒥᒃ ᐱᑦᓯᐊᕐᕕᐅᒐᒪ ᒎᑎᒧᑦ ᐊᔪᒐᖃᖏᑦᑐᒧᑦ, ᐊᑎᖓ ᐃᑦᔪᕐᓁᑦᑑᕗᖅ.

ᒨᓯᓯ ᑕᓪᓕᒪᖏᑦ 3:24

‘ᐊᑕᓃᖅ ᒎᑏ ᐊᔪᒐᖃᖏᑦᑐᑎᑦ, ᖃᐅᔨᒪᔪᖓ ᑕᑯᑎᓯᒪᒐᕕᖓ ᐃᓔᓐᓇᑯᓗᐊᓂᒃ ᐱᒋᐊᕐᓂᑐᐃᓐᓇᖓᓂᒡᓗ ᐊᖏᔪᐊᓘᓂᕐᐱᑦ ᐱᐅᔪᐊᓘᓂᕐᐱᓪᓗ ᐱᓇᓱᐊᕈᒫᕐᑕᖓᓂᒃ. ᐊᓯᖕᓂᒃ ᒎᑎᑕᖃᖏᒻᒪᑦ ᕿᓚᖕᒥ ᓄᓇᒥᓗ ᐃᓕᒃᑐᑦ ᑍᒫᒃ ᐊᔪᒐᖃᖏᑦᑑᑎᒋᔪᒥᒃ ᐱᓇᓱᐊᕈᓐᓇᕐᑎᒋᔪᒥᒡᓗ ᐱᓇᓱᐊᖃᑦᑕᕐᓯᒪᔭᕐᑐᑦ ᐱᓕᕆᔪᓐᓇᕐᑎᒋᔪᒥᒃ!