12 ᒎᑏ, ᐅᖓᓯᖕᓂᐊᕐᓇᒃ ᐅᕙᓐᓂᑦ; ᒎᑎᒐ, ᑐᐊᕕᕐᓗᑎᑦ ᐃᑲᔪᕆᐊᓚᐅᓐᖓ!
ᐊᑕᓃᖅ, ᓱᖕᒪᑦ ᓇᖏᕐᐱᑦ ᐅᖓᓯᒃᑐᒥ? ᓱᖕᒪᓪᓗ ᐊᔪᕐᓇᕐᑐᖃᓕᕌᖓᑦ ᐃᔨᕐᓯᒪᖃᑦᑕᕐᐲᑦ?
ᐊᑕᓃᖅ, ᒫᓐᓇ ᑐᐊᕕᕐᓗᑎᑦ ᑐᓴᓚᐅᓐᖓ! ᓂᕆᐅᒋᔭᒃᓴᖃᕈᓐᓃᕋᒪ ᑕᒤᑎᒍᑦ. ᑮᓁᑦ ᐃᔨᕐᓯᒪᓂᐊᕐᓇᒍ ᐅᕙᓐᓄᑦ, ᐃᓚᓕᐅᑎᖁᓇᖓ ᑐᖁᖓᔪᑦ ᐃᓂᖓᓄᑦ ᐊᒻᒧᐊᒃᓯᒪᔪᓄᑦ.
ᐅᖓᓯᖕᓂᐊᕐᓇᒃ ᐅᕙᓐᓂᑦ, ᑲᑉᐱᐊᓇᕐᑐᑦ ᖃᓂᒻᒪᑕ; ᑍᑲᓂ ᐃᑲᔪᕐᑎᒃᓴᖃᖏᒻᒪᑦ.
ᐃᕝᕕᓪᓕ, ᐊᑕᓃᖅ, ᐅᖓᓯᖕᓂᐊᕐᓇᒃ ᐅᕙᓐᓂᑦ; ᐱᔪᓐᓇᐅᑎᒋᒐᒃᑭᑦ, ᑐᐊᕕᕆᑦ ᐃᑲᔪᕆᐊᕐᓗᖓ!
ᐊᑕᓃᖅ, ᑕᒪᑐᒥᖓ ᑕᑯᓯᒪᕗᑎᑦ, ᓂᐰᑦᑑᓂᐊᕐᓇᒃ. ᐊᑕᓃᖅ, ᐅᖓᓯᖕᓂᐊᕐᓇᒃ ᐅᕙᓐᓂᑦ.
ᖁᕕᐊᓱᓚᐅᕆᑦ, ᐅᕙᓐᓂᒃ ᐱᐅᓕᕐᓯᔪᒪᓂᕐᒧᑦ; ᐊᑕᓃᖅ, ᑐᐊᕕᓚᐅᕆᑦ ᐃᑲᔪᕐᓗᖓ!
ᑕᕐᓂᓐᓄᑦ ᖃᒡᓕᓗᑎᑦ, ᓴᐳᑎᓚᐅᓐᖓ, ᐱᐅᓕᓚᐅᓐᖓ ᐊᑭᕋᕐᑐᕐᑎᓐᓂᑦ.
ᐅᕙᖓᓕ ᐊᒃᓗᕗᖓ ᐊᔪᕐᓴᕐᓗᖓᓗ; ᒎᑏ, ᑐᐊᕕᕐᓗᑎᑦ ᐅᕙᓐᓄᑦ ᕾᓚᐅᕆ! ᐃᑲᔪᕐᑎᒋᒐᒃᑭᑦ ᓴᐳᑦᔨᔨᒋᓪᓗᑎᓪᓗ; ᐊᑕᓃᖅ, ᐃᑲᔪᕐᓇᓵᕐᑍᓕᓐᖓ!
