ᐃᓐᖏᕈᑎᑦ 70:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᓕᖕᓂᒡᓕ ᕿᓂᕐᑐᑦ ᑕᒪᕐᒥᒃ ᖁᕕᐊᓱᒡᓕᑦ ᐊᓕᐊᓁᒍᓲᑎᖃᕐᓗᑎᒡᓗ ᐃᓕᖕᓂᒃ; ᐱᐅᓕᒃᓯᓂᕐᓂᒡᓗ ᖁᕕᐊᒋᔭᖃᕐᑐᑦ ᑍᒪᓐᖓᑦ ᐅᖃᖃᑦᑕᕐᓕᑦ, “ᒎᑎ ᐊᖏᔪᕐᔪᐊᖑᕗᖅ!”

ᐃᓐᖏᕈᑎᑦ 70:4 Iomraidhean Croise

ᐃᓐᖏᕈᑎᑦ 35:27

ᓱᓕᓂᕐᒪᓕ ᓇᓗᓁᕐᑕᐅᓂᖓᓂᒃ ᖁᕕᐊᓲᑎᑲᕐᑐᑦ, ᓂᐱᖅᑯᕐᑐᓗᑎᒃ ᖁᕕᐊᓱᒡᓕᑦ ᓯᕆᓗᑎᒡᓗ; ᑍᒪᓐᖓᓪᓗ ᓂᓪᓕᐊᓗᑎᒃ, “ᐊᑕᓂᖅ ᐊᖏᔪᕈᕐᑎᑕᐅᓕ, ᐱᔨᒥ ᖃᓄᐃᖏᑦᓯᐊᕐᓂᖓᓂᒃ ᖁᕕᐊᓲᑎᖃᕐᑐᖅ.”

ᐃᓐᖏᕈᑎᑦ 40:16

ᐃᓕᖕᓂᒃ ᕿᓂᕐᑐᓕᒫᑦ ᖁᕕᐊᓱᒡᓕᑦ ᐃᓕᖕᓂᒡᓗ ᖁᕕᐊᓲᑎᖃᕐᓗᑎᒃ; ᐱᐅᓕᕐᓯᓂᕐᓂᒡᓗ ᓇᒡᓕᒍᓱᒃᑐᑦ ᑍᒪᓐᖓᑦ ᐅᖃᓕᕐᓕᑦ, “ᐊᑕᓂᖅ ᐊᖏᔪᕈᕐᑎᑕᐅᓕ!”

ᐃᓐᖏᕈᑎᑦ 5:11

ᐃᓕᖕᓂᒡᓕ ᑕᑎᖃᕐᑐᓕᒫᑦ ᖁᕕᐊᓱᒡᓕᑦ; ᓂᐱᖃᓕᕐᓕᑦ ᖁᕕᐊᓱᖕᓂᕐᒥᒃ, ᐃᕝᕕᑦ ᓴᐳᑎᒐᕕᒋᑦ; ᐊᑎᕐᓂᒃ ᓇᒡᓕᒍᓱᒃᑐᑦ ᐃᓕᖕᓂᒃ ᖁᕕᐊᓲᑎᖃᓕᕐᓕᑦ.

ᐃᓐᖏᕈᑎᑦ 97:12

ᐊᑕᓂᕐᒥ ᖁᕕᐊᓱᒋᑦᓯ ᐃᓕᑦᓯ ᐃᓱᐊᕐᑐᓕᔪᓯ, ᐊᑎᖓᓗ ᐃᑦᔪᕐᓁᑦᑐᖅ ᖁᔭᒋᓯᐅᒃ!

ᐂᓮᐊᓯᐅᑉ ᐊᒡᓚᖏᑦ 61:10

ᐊᑕᓂᕐᒥᒃ ᖁᕕᐊᓱᒍᑎᖃᕈᒫᕐᐳᖓ ᐊᖏᔪᒥᒃ, ᑕᕐᓂᕋ ᐊᖏᔪᕈᕐᑎᑦᓯᔪᒫᕐᒪᑦ ᒎᑎᓐᓂᒃ; ᑖᑦᓱᒪ ᐊᓐᓄᕌᕐᑎᓯᒪᖕᒪᖓ ᐱᐅᓕᔭᐅᓂᕐᒥᒃ, ᐅᓕᒃᓯᒪᓪᓗᓂᖓᓗ ᓇᓛᒎᕐᓂᕐᒥᒃ, ᐅᐃᒃᓴᕐᑐᑦ ᑲᑎᑎᑕᐅᓂᐊᕐᑎᓪᓗᒍ ᓂᐊᖁᕐᒥᐅᓯᕐᑕᐅᔪᑎᑐᑦ. ᓄᓕᐊᒃᓴᕐᓗ ᑲᑎᑎᑕᐅᓂᐊᕐᓗᓂ ᐱᐅᓴᕐᓂᕆᕙᒃᑕᖓᑐᑦ ᐱᐅᓴᐅᑎᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:25

ᐊᑕᓂᖅ ᐱᐅᔪᒥᒃ ᐱᓂᐊᕐᕕᖃᕐᐳᖅ ᑖᑦᓱᒥᖓ ᐅᑕᖅᑭᔪᓄᑦ, ᑕᕐᓂᕐᒥᒍᑦ ᕿᓂᕐᑐᓄᑦ.

ᔪᐊᓇᓯᐅᑉ ᐊᒡᓚᖏᑦ 16:20

ᓱᓕᔪᒥᒃ ᐅᖃᐅᑎᕙᑦᓯ, ᕿᐊᓗᓯᓗ ᐅᒡᒍᐊᓛᕐᐳᓯ, ᓯᓚᕐᔪᐊᕐᒥᐅᓪᓕ ᖁᕕᐊᓱᓛᕐᐳᑦ; ᐃᓕᑦᓯᓕ ᕿᒃᓵᒍᒫᕐᐳᓯ, ᕿᒃᓵᖕᓂᓯᓕ ᖁᕕᐊᓱᓂᖑᕐᑎᑕᐅᓛᕆᕗᖅ.