ᐃᓐᖏᕈᑎᑦ 7:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᑕᓂᐅᑉ ᐃᓄᐃᑦ ᐃᖅᑲᕐᑐᕈᒫᕐᐰᑦ; ᐊᑕᓃᖅ ᐃᖅᑲᕐᑐᓚᐅᓐᖓ, ᐃᓱᐊᕐᑐᓕᓂᕋ ᐱᑦᔪᑎᒋᓪᓗᒍ.

ᐃᓐᖏᕈᑎᑦ 7:8 Iomraidhean Croise

ᒨᓯᓯ ᓯᕗᓪᓖᑦ 18:25

ᑍᒤᓕᐅᕈᒪᓂᕐᒥᒃ ᐃᓱᒪᓂᐊᕐᓇᒃ, ᐸᓯᔭᒃᓴᐅᖏᑦᑐᓂᒃ ᑐᖁᑦᓯᖃᓯᐅᑦᔨᓗᑎᑦ ᐊᔪᕐᑐᓕᔪᓄᑦ, ᐃᓱᐊᕐᑐᑦ ᐊᑦᔨᐅᓕᕐᓗᑎᒃ ᐃᓱᐃᑦᑐᓕᔪᓄᑦ! ᑕᒪᓐᓇ ᐃᓱᒪᒋᑦᑍᓕᒍᒃ! ᓄᓇᕐᔪᐊᕐᒥᐅᓄᑦ ᑕᒤᓐᓄᑦ ᐃᖅᑲᕐᑐᐃᔨ ᑍᒤᒍᓂ ᐃᓱᐊᕐᑐᒥᒃ ᐱᓂᐊᓐᖏᓚᖅ.”

ᒨᓯᓯ ᓯᕗᓪᓖᑦ 31:53

ᐂᑉᕋᕼᐋᒻ ᒎᑎᖓ ᓇᕼᐅᕆᐅᓪᓗ ᒎᑎᖓ, ᐊᑖᑕᕕᓂᖏᑕᓗ ᒎᑎᖓ, ᐅᕙᑦᑎᓐᓂᒃ ᖃᐅᔨᓴᕐᑎᐅᓂᐊᕐᐳᖅ ᑕᒪᑐᒥᖓ.” ᑕᕝᕙ ᔧᑯ ᐊᖏᒻᒪᕆᒃᐳᖅ ᐊᑖᑕᖓᑕ ᐂᓴᑭᐅᑉ ᒎᑎᖓᑕ ᐊᑎᖓᓂ.

ᑯᕉᓂᑲ ᐂᑉᐸᖏᑦ 20:12

ᒎᑎᕗᑦ, ᐃᖅᑲᕐᑐᕈᓐᓇᕐᐱᒌᑦ? ᐱᔪᓐᓇᕐᓂᖃᖏᓐᓇᑦᑕ ᐃᓄᒋᐊᒃᑐᕐᔪᐊᑦ ᐅᕙᑦᑎᓐᓄᑦ ᐅᓇᑕᕆᐊᕐᓂᖏᓐᓄᑦ. ᖃᓄᐃᓕᐅᕐᑐᒃᓴᐅᖕᒪᖔᑦᑕᓗ ᖃᐅᔨᒪᓇᑕ, ᐃᔨᑦᑎᓐᓄᓪᓕ ᐃᓕᖕᓄᑦ ᑕᑯᓴᕐᐳᒍᑦ ᐅᑕᖅᑭᓪᓗᑕ.”

ᐃᓐᖏᕈᑎᑦ 11:4

ᐊᑕᓂᖅ ᑐᒃᓯᐊᕐᕕᒃᔪᐊᖁᑎᒥᓃᑉᐳᖅ ᐃᑦᔪᕐᓁᑦᑐᕕᖁᑎᒥᓂ, ᐊᑕᓂᐅᑉ ᐃᒃᓯᕙᐅᑕᕐᔪᐊᖓ ᕿᓚᖕᒦᑉᐳᖅ; ᐃᔨᒋᓪᓗᓂ ᑕᑯᓐᓇᕐᐳᖅ, ᐃᔨᒥᓄᓪᓗ ᐃᓄᐃᑦ ᖃᐅᔨᓴᕐᐰᑦ.

ᐃᓐᖏᕈᑎᑦ 25:21

ᐸᓯᔭᒃᓴᐅᖏᓐᓂᕐᒪ ᓱᖁᓯᔪᐃᓐᓂᕐᒪᓗ ᓴᐳᑎᓕᖓ; ᐃᓕᖕᓂᑦ ᓂᕆᐅᖕᓂᖃᕋᒪ.

ᐃᓐᖏᕈᑎᑦ 26:1

ᐃᖅᑲᕐᑐᓚᐅᓐᖓ, ᐊᑕᓃᖅ; ᐸᓯᔭᒃᓴᐅᓇᖓ ᐃᓅᓚᐅᕋᒪ; ᐊᑕᓂᕐᒥᒡᓗ ᑕᑎᖃᓚᐅᕋᒪ ᓴᖑᓚᐅᕐᓇᖓᓗ.

ᐃᓐᖏᕈᑎᑦ 26:11

ᐅᕙᖓᓕ ᐸᓯᔭᒃᓴᐅᖏᑦᑐᒥᒃ ᐃᓅᓂᐊᕐᐳᖓ; ᐱᐅᓕᓚᐅᓐᖓ, ᓂᑲᒋᓗᖓᓗ.

ᐃᓐᖏᕈᑎᑦ 41:12

ᐅᕙᖓᓕ ᓇᔪᒻᒥᕙᕐᒪ ᐱᓇᓱᐊᑦᓯᐊᕐᓂᕋ ᐱᓪᓗᒍ, ᓇᔪᒐᕐᓂᓗ ᐃᓂᖃᕐᑎᑉᐸᕐᒪ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 43:1

ᒎᑏ, ᐊᑭᓂᐊᕈᑎᓚᐅᓐᖓ, ᐃᓅᖃᑎᒌᒡᔪᐊᓄᓪᓗ ᒎᑎᖃᖏᑦᑐᓄᑦ ᐱᓂᐊᕐᓂᓐᓂᒃ ᐅᖃᓪᓚᒍᑎᓗᖓ; ᓴᐳᑎᓗᖓᓗ ᐃᓄᖕᓂᑦ ᐅᐃᕕᕆᒃᓯᔪᓂᑦ ᓱᓕᖏᑦᑐᓂᒡᓗ ᐱᓂᐊᕐᓂᖃᕐᑐᓂᑦ.

ᐃᓐᖏᕈᑎᑦ 78:72

ᑍᒤᒻᒪᑦ ᓰᐱᖁᑎᒥᑐᑦ ᑲᒪᒋᓚᐅᕐᐰᑦ ᐆᒻᒪᑎᒥ ᐱᔪᓐᓇᕐᓂᖓᓄᑦ, ᑕᓯᐅᕐᓗᒋᓪᓗ ᐊᒡᒐᖕᒥ ᐊᔪᖏᓐᓂᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 82:1

ᒎᑎ ᓇᖏᕐᐳᖅ ᕿᓚᖕᒥ ᐊᔪᖏᑦᑐᕐᔪᐊᖑᔪᑦ ᑲᑎᒪᔪᖁᑎᖏᓐᓂ; ᒎᑎᐅᔪᓪᓗ ᐊᑯᕐᖓᓐᓂ ᐋᖅᑭᒃᓱᐃᔨᐅᓪᓗᓂ:

ᐃᓐᖏᕈᑎᑦ 9:8

ᓯᓚᕐᔪᐊᕐᒥᐅᑦ ᓱᓕᑦᓯᐊᕐᑐᒥᒃ ᐃᖅᑲᕐᑐᕈᒫᕐᐰᑦ. ᐃᖅᑲᕐᑐᐃᓂᕐᒥᒃ ᐊᐅᓚᑦᓯᔪᒫᕐᐳᖅ ᓱᓕᑦᓯᐊᕐᓂᕐᒥᒃ ᑐᓐᖓᕕᖃᕐᓗᓂ.

ᐃᓐᖏᕈᑎᑦ 96:13

ᐊᑕᓂᖅ ᕾᓕᕐᒪᑦ, ᓄᓇᕐᔪᐊᕐᒥᐅᑦ ᐊᐅᓚᑦᓱᒪᓪᓗᒋᑦ. ᑖᑦᓱᒪ ᓄᓇᕐᔪᐊᕐᒥᐅᑦ ᐊᐅᓚᑦᓱᒫᕐᐰᑦ ᓈᒻᒪᓈᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᓱᓕᑦᓯᐊᕐᓂᕐᒥᒍᑦ.

ᐃᓐᖏᕈᑎᑦ 98:9

ᓄᓇᕐᔪᐊᕐᒥᒃ ᐊᐅᓚᑦᓯᔭᕐᑐᕐᓗᓂ ᑎᑭᒻᒪᑦ. ᓄᓇᕐᔪᐊᕐᒥᐅᑦ ᐃᓄᖏᑦ ᐊᐅᓚᓐᓂᐊᕐᐰᑦ ᓈᒻᒪᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᐊᑦᔨᒌᒃᑎᓐᓂᐊᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:1

ᐊᒃᓱᔫᓗᓂ ᐱᑦᓯᐊᕐᑐᒥᒃ ᐃᓅᓯᖃᕐᓗᓂ ᐱᐅᓂᕐᓴᐅᕗᖅ, ᓯᓔᑦᑑᓗᓂ ᓱᓕᖏᑦᑐᓂᒃ ᐅᖃᐅᓯᖃᕐᑎᐅᓂᕐᒥᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 17:31

ᐅᓪᓗᒥᒃ ᐋᖅᑭᒃᓯᓯᒪᖕᒪᑦ ᐃᖅᑲᕐᑐᐃᔪᒪᓪᓗᓂ ᓯᓚᕐᔪᐊᕐᒥᐅᓂᒃ ᓇᓛᒎᑦᓯᐊᕐᓗᓂ, ᐃᓄᒃᑯᑦ ᓂᕈᐊᕐᓯᒪᔭᒥᒍᑦ, ᑕᒪᑐᒥᖓᓗ ᖁᓚᕐᓇᕈᓐᓃᕐᑎᑦᓯᕗᖅ ᑖᓐᓇ ᒪᑭᑎᓚᐅᕋᒥᐅᒃ ᑐᖁᒥᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:10

ᐃᓕᑦᓯ ᑕᕝᕙ ᖃᐅᔨᓯᒪᔪᖁᑎᒋᕙᑦᓯ ᐅᕙᑦᑎᓐᓂᒃ, ᒎᑎᓗᑦᑕᐅᖅ, ᐱᓇᓱᐊᕐᓂᕆᓚᐅᕐᑕᕗᑦ ᐅᒃᐱᕐᑐᓄᑦ ᐃᑦᔪᕐᓁᑦᑑᓚᐅᕐᐳᖅ, ᓈᒻᒪᑦᑎᐊᕐᓗᓂ ᐸᓯᔭᒃᓴᐅᓂᖃᕋᓂᓗ;