ᐃᓐᖏᕈᑎᑦ 7:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᑕᓃᖅ, ᓂᓐᖓᐅᒪᓂᕐᒥᑦ ᒪᑭᓕᕆᑦ, ᐃᓕᖕᓂᒃ ᒪᑭᑎᓕᕆᑦ ᐊᑭᕋᕐᑐᕐᑎᒪ ᓂᓐᖓᐅᒪᓂᖏᑦ ᐱᑦᔪᑎᒋᓪᓗᒋᑦ. ᒪᑭᓕᕆᑦ, ᐅᕙᖓ ᐱᓪᓗᖓ ᐃᖅᑲᕐᑐᐃᖁᓪᓗᑎᑦ ᐱᖁᔨᓯᒪᒐᕕᑦ.

ᐃᓐᖏᕈᑎᑦ 7:6 Iomraidhean Croise

ᓴᒧᐃᓕ ᐂᑉᐸᖏᑦ 17:14

ᐋᑉᓴᓚᒻ ᐃᓴᕆᐊᓕᒥᐅᓕᒫᓪᓗ ᐅᖃᕐᐳᑦ, “ᕼᐅᓮᑉ ᐊᑬᑎᒥᐅᑕᐅᑉ ᐃᓱᒻᒥᕐᑐᐃᑦᔪᑎᒋᔭᖓ ᐱᐅᓂᕐᓴᐅᕗᖅ ᐊᕼᐃᑐᐱᐅᑉ ᐃᓱᒻᒥᕐᓱᐃᑦᔪᑎᖏᓐᓂᑦ.” ᐊᑕᓂᖅ ᐱᒋᐊᕐᑎᑦᓯᓚᐅᕐᒪᑦ ᐊᕼᐃᑐᐱᓕᐅᑉ ᐃᓱᒻᒥᕐᑐᐃᒍᑎᒋᔭᖓ ᐱᐅᔪᐊᓗᒃ ᒪᓕᒃᑕᐅᖁᓇᒍ, ᑲᑕᖕᓇᕐᑐᒧᑦ ᑎᑭᑎᑦᓯᔪᓐᓇᖁᓪᓗᒍ ᐋᑉᓴᓚᒻᒧᑦ.

ᐃᓐᖏᕈᑎᑦ 103:6

ᐊᑕᓂᐅᑉ ᐃᑲᔪᕐᑎᒃᓴᖃᖏᑦᑐᓕᒫᑦ ᐱᓇᓱᐊᕐᕕᒋᕔᑦ ᐃᓱᐊᕐᓂᕐᒥᒃ ᓈᒻᒪᓈᑦᓯᐊᕐᓂᕐᒥᒡᓗ.

ᐃᓐᖏᕈᑎᑦ 12:5

“ᐊᔪᕐᓴᕐᑐᑦ ᐅᖁᒤᒃᓴᕐᑎᑕᐅᖕᒪᑕ, ᐱᒃᓴᖃᖏᑦᑐᓪᓗ ᐊᓂᕐᓴᐅᒥᖕᒪᑕ, ᑕᕝᕙ ᒪᑭᓐᓂᐊᓕᕐᐳᖓ,” ᐊᑕᓂᖅ ᐅᖃᕐᐳᖅ: “ᓴᐳᑎᔪᒪᕙᕋ ᓴᐳᑎᔭᐅᔪᒪᓂᖓ ᒪᓕᒡᓗᒍ.”

ᐃᓐᖏᕈᑎᑦ 138:7

ᐊᑲᐅᖏᑦᔪᑎᑕᖃᕐᑐᒃᑯᑦ ᐃᖏᕐᕋᒐᓗᐊᕈᒪ, ᑕᕝᕙ ᓴᐳᑎᓯᒪᓂᐊᕐᐸᕐᒪ; ᐊᒡᒐᑎᑦ ᐃᓴᒡᓗᒋᑦ ᓄᖅᑲᕐᑎᓐᓂᐊᕐᐸᑎᑦ ᐊᑭᕋᕐᑐᕐᑎᒪ ᓂᓐᖓᐅᒪᓂᖏᑦ, ᑕᓕᕐᐱᒃᐱᓪᓗ ᓴᐳᑎᓯᒪᓂᐊᕐᐹᖓ.

ᐃᓐᖏᕈᑎᑦ 143:3

ᐊᑭᕋᕐᑐᕐᑎᒪ ᑕᕐᓂᕋ ᓵᓚᒋᓇᓱᐊᕐᒪᒍ; ᐃᓅᓯᕋ ᓯᖁᒥᓪᓗᒍ ᓄᓇᒧᑦ ᐅᕐᕈᑎᑉᐹ; ᑖᕐᑐᒥᐅᖑᑎᓕᕐᐹᖓ, ᓲᕐᓗ ᑐᖁᖓᔪᑐᖃᕐᑎᑐᑦ.

ᐃᓐᖏᕈᑎᑦ 3:7

ᒪᑭᓕᕆᑦ ᐊᑕᓃᖅ; ᒎᑎᒐ ᓴᐳᑎᓗᖓ! ᐊᑭᕋᕐᑐᕐᑎᒃᑲ ᐊᒡᓕᕈᖏᑎᒍᑦ ᐊᓇᐅᓯᒪᒐᕕᒋᑦ, ᒎᑎᖃᖏᑦᑐᑦ ᑭᒍᑎᖏᑦ ᓯᖁᒥᓯᒪᕙᑎᑦ.

ᐃᓐᖏᕈᑎᑦ 35:1

ᐊᑕᓃᖅ, ᐊᑭᕋᕐᑐᕐᑎᒃᑲ ᐊᑭᕋᕐᑐᒃᑭᑦ; ᐅᕙᓐᓂᒃ ᐅᓇᑕᕐᑐᑦ ᐅᓇᑕᖃᑎᒋᒃᑭᑦ.

ᐃᓐᖏᕈᑎᑦ 35:23

ᐊᐅᓚᑦᔭᓕᕆᑦ, ᑐᐸᒃᓯᒪᓗᑎᓪᓗ ᓴᐳᑎᓗᖓ! ᐅᓇᑕᓚᐅᕆᑦ ᐱᑦᔪᑎᒋᓗᖓ, ᐊᑕᓂᕋ ᒎᑎᒐᓗ.

ᐃᓐᖏᕈᑎᑦ 44:23

ᑐᐸᓕᕆᑦ! ᓱᖕᒪᑦ ᓯᓂᒃᐲᑦ ᐊᑕᓃᖅ? ᒪᑭᓕᕆᑦ! ᐃᒃᓯᓐᓇᕐᑍᓕᑎᒍᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 44:26

ᒪᑭᓕᕆᑦ ᐃᑲᔪᕐᓗᑕᓗ, ᐅᑎᕐᑎᓚᐅᕐᑎᒍᑦ ᓇᒡᓕᖕᓂᕐᓄᑦ ᓱᖁᓯᔪᐃᑦᑐᒧᑦ.

ᐃᓐᖏᕈᑎᑦ 59:5

ᐃᕝᕕᑦ, ᐊᑕᓃᖅ, ᕿᓚᖕᒥᐅᒐᓴᒡᔪᐃᑦ ᒎᑎᖓᑦ, ᐃᓴᕆᐊᓕᑎᑦ ᒎᑎᖓᑦ. ᑐᐸᒃᓗᑎᑦ ᓱᒋᐊᓚᐅᒃᑭᑦ ᐃᓅᖃᑎᒌᒡᔪᐊᓕᒫᑦ; ᐱᐅᖏᑦᑐᓕᔪᑦ ᓇᓪᓕᐊᓪᓘᓐᓃᑦ ᓂᑲᒋᖏᓪᓗᒋᑦ. ᓰᓚ

ᐃᓐᖏᕈᑎᑦ 73:20

ᓲᕐᓗ ᓯᓐᓇᒃᑑᒪᒥᑦ ᑐᐸᒃᑐᑐᑦ ᑍᒤᑉᐳᑦ, ᑍᒫᒃ ᐊᑕᓃᖅ ᒪᑭᒃᑯᕕᑦ, ᑕᐅᑦᑐᖏᑦ ᐊᓯᐅᔪᒫᕐᐳᑦ.

ᐃᓐᖏᕈᑎᑦ 74:3

ᑕᓯᐅᓚᐅᒃᑭᑦ ᐊᓯᕈᕐᑕᐅᑦᔪᑎᒃᓴᖏᓐᓄᑦ; ᐊᑭᕋᕐᑐᕐᑎᕗᑦ ᐃᑦᔪᕐᓁᑦᑐᕕᖕᒦᑦᑐᓕᒫᓂᒃ ᐊᓯᕈᐃᓯᒪᖕᒪᑕ.

ᐃᓐᖏᕈᑎᑦ 78:65

ᐊᑕᓂᕐᓕ ᓯᓂᖕᓂᕐᒥᑦ ᑐᐸᒃᑐᑎᑐᑦ ᑍᒤᓕᓚᐅᕐᐳᖅ, ᐊᖑᑎᑐᓪᓗ ᓴᓐᖏᔪᑐᑦ ᕔᓂᑐᕐᓯᒪᔪᑐᑦ ᓂᓪᓕᐊᓕᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 3:13

ᐊᑕᓂᖅ ᐃᓂᒥᓃᓕᕐᐳᖅ ᐊᑭᒋᐊᕐᕕᒋᓂᐊᕐᑕᒥᓂ, ᓂᑯᕕᑉᐳᖅ ᐃᖅᑲᕐᑐᐃᓂᐊᓕᕐᓗᓂ ᐃᓄᖁᑎᒥᓂᒃ.

ᐂᓮᐊᓯᐅᑉ ᐊᒡᓚᖏᑦ 33:10

ᐊᑕᓂᖅ ᐅᖃᕐᐳᖅ, “ᒫᓐᓇ ᒪᑭᓐᓂᐊᓕᕐᐳᖓ, ᐅᕙᓐᓂᒃ ᖃᐅᔨᔭᐅᑎᓪᓗᖓ, ᒫᓐᓇ ᐊᖏᔪᕈᕐᑎᑕᐅᖁᓪᓗᖓ.

ᐂᓮᐊᓯᐅᑉ ᐊᒡᓚᖏᑦ 37:20

ᒫᓐᓇᓕ ᐊᑕᓃᖅ ᒎᑎᕗᑦ, ᓴᐳᑎᓚᐅᕐᑎᒍᑦ ᑖᑦᓱᒪ ᐱᔪᓐᓇᕐᓂᖓᓂᑦ, ᓯᓚᕐᔪᐊᕐᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᑦ ᑐᑭᓯᓕᖁᓪᓗᒋᑦ ᐃᕝᕕᑐᐊᖅ ᐊᑕᓂᑑᒐᕕᑦ.”

ᐂᓮᐊᓯᐅᑉ ᐊᒡᓚᖏᑦ 51:9

ᑐᐸᓕᕆᑦ, ᑐᐸᓕᕆᑦ, ᐊᓐᓄᕌᕐᓗᑎᓪᓗ ᐱᔪᓐᓇᕐᓂᕐᒥᒃ, ᐊᑕᓂᐅᑉ ᐱᔪᓐᓇᕐᓂᖓᓂᒃ; ᑐᐸᓕᕆᑦ, ᑍᑦᓱᒪᓂᐊᓗᒃᑎᑐᑦ, ᕅᕼᐊᐱᒥᒃ ᐊᒡᒍᐃᓚᐅᕐᓯᒪᓐᖏᓚᑏᑦ, ᐆᒪᔪᕐᔪᐊᒥᒡᓗ ᖁᒡᓗᒋᐊᖑᔮᕐᑐᒥᒃ ᑲᐱᓯᓚᐅᓐᖏᓚᑏᑦ?