ᐃᓐᖏᕈᑎᑦ 7:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᑕᓂᖅ ᓂᕐᑐᕈᒪᕙᕋ ᐃᓱᐊᕐᑐᓕᓂᖓ ᐱᑦᔪᑎᒋᓪᓗᒍ, ᐃᓐᖏᕈᒪᕗᖓᓗ ᓂᕐᑐᕈᑎᓂᒃ ᐊᑕᓂᐅᑉ ᖁᑦᓯᖕᓂᕐᐹᑉ ᐊᑎᖓᓄᑦ.

ᐃᓐᖏᕈᑎᑦ 7:17 Iomraidhean Croise

ᓴᒧᐃᓕ ᐂᑉᐸᖏᑦ 3:29

ᐸᓯᔭᒃᓴᐅᓂᕐᓕ ᔪᐊᐱᒧᑦ ᑐᕌᖓᓕᕐᓕ, ᐃᓚᖏᓐᓄᓪᓗ ᑭᖑᕚᖏᓐᓄᓪᓗ ᐊᖑᑎᓂ ᖁᐱᕐᕆᓯᒪᔪᕐᑕᖃᓕᕐᓕ, ᐅᕝᕙᓗ ᐸᕐᑎᕐᑐᖃᕐᓕ, ᐅᕝᕙᓗ ᐊᕐᓇᐅᑉ ᐱᔪᓐᓇᕐᑕᖓᓂᒃ ᑭᓯᐊᓂ ᐱᔪᓐᓇᕐᓗᓂ, ᐅᕝᕙᓗ ᑐᖁᑕᐅᔪᖃᕐᓗᓂ, ᐅᕝᕙᓗ ᓂᕿᒃᓴᖃᖏᑦᑐᖃᕐᓕ!”

ᐊᑕᓃᑦ ᓯᕗᓪᓖᑦ 2:32

ᐊᑕᓂᖅ ᓱᒋᐊᕐᓯᓂᐊᕐᐳᖅ ᔪᐊᐱᒥᒃ ᐸᓯᔭᒃᓴᐅᖏᑦᑐᓂᒃ ᐃᓄᐊᕐᓯᓂᕆᓚᐅᕐᑕᖓ ᐱᑦᔪᑎᒋᓗᒍ, ᐃᓄᐊᕐᓯᓚᐅᕐᒪᑦ ᐊᑖᑕᒐ ᑍᕕᑎ ᖃᐅᔨᓐᖏᑎᓪᓗᒍ, ᑖᑦᓱᒪᓐᖓᑦ ᑍᒃᑯᐊ ᐃᓄᑦᓯᐊᕙᐅᓂᕐᓴᐅᓚᐅᕐᒪᑕ: ᐋᑉᓄ ᓂᕆᐅᑉ ᐃᕐᓂᖓ, ᐃᓴᕆᐊᓕᒃᑯᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖓᑦ, ᐊᒪᓴᓗ ᔨᑎᕆᐅᑉ ᐃᕐᓂᖓ ᔫᑕᒃᑯᑦ ᐅᓇᑕᕐᑐᒃᓴᖏᓐᓄᑦ ᐊᖓᔪᖅᑳᖅ.

ᐃᔅᑕᐅᑉ ᐊᒡᓚᖏᑦ 9:25

ᐃᔅᑕᕐᓕ ᐊᖓᔪᖅᑳᕐᔪᐊᕐᒧᑦ ᐅᐸᒍᑎᓚᐅᕐᒪᑦ, ᑕᕝᕙ ᐊᖓᔪᖅᑳᕐᔪᐊᖅ ᐱᖁᔨᓕᓚᐅᕐᐳᖅ ᑎᑎᕋᕐᓗᓂᓗ ᑕᒪᓐᓇ ᐱᐅᖏᑦᑐᐊᓗᒃ ᐋᖅᑭᒃᑕᐅᓯᒪᔪᖅ ᕼᐂᒪᓂᒧᑦ ᔫᑎᓂᒃ ᓄᖑᑦᓯᔪᒪᓂᖅ ᑖᑦᓱᒧᖓ ᐅᑎᕐᑎᑕᐅᖔᖁᓪᓗᒍ, ᑖᓐᓇ ᐃᕐᓂᖏᓪᓗ ᕿᒥᑦᓯᕕᖕᒥ ᕿᒥᑕᐅᖁᓪᓗᒋᑦ.

ᐃᓐᖏᕈᑎᑦ 111:3

ᑖᑦᓱᒪ ᐱᓇᓱᐊᕐᓂᖓ ᐅᐱᒋᔭᒃᓴᐅᕗᖅ ᓂᕐᑐᕐᓇᕐᑑᓪᓗᓂᓗ, ᐃᓱᐊᕐᓂᖓᓗ ᓱᕐᕋᖕᓂᐊᓐᖏᓚᖅ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 140:10

ᐃᑯᐊᓚᔫᑉ ᐊᐅᒪᖏᑦ ᑖᒃᑯᓄᖓ ᑲᑕᓚᐅᕐᓕᑦ! ᑲᑕᓚᐅᕐᓕᑦ ᐃᑎᕐᓴᕐᔪᐊᕐᒧᑦ, ᒪᑭᒃᑲᓐᓂᕐᓂᐊᕈᓐᓃᕐᓗᑎᒃ.

ᐃᓐᖏᕈᑎᑦ 145:7

ᐃᖅᑲᐅᒪᔭᐅᓗᑎᑦ ᐅᖃᐅᓯᕆᔭᐅᔪᒫᕐᐳᑎᑦ ᑍᒪᓐᖓᑦ ᐊᖏᔪᕐᔪᐊᒥᒃ ᐱᑦᓯᐊᖏᓐᓇᕐᓃᑦ, ᓇᓛᒎᕐᓃᓪᓗ ᓂᐱᖅᑯᕐᑐᓗᑎᒃ ᐃᓐᖏᕈᑎᒋᔭᐅᔪᒫᕐᐳᖅ.

ᐃᓐᖏᕈᑎᑦ 35:28

ᐅᖃᕋ ᓂᓪᓕᐊᓂᐊᕐᐳᖅ ᐃᓱᐊᕐᑑᓂᕐᓂᒃ, ᓂᕐᑐᕐᓇᕐᓂᕐᓂᒡᓗ ᐅᓪᓗᖅ ᓈᓗᒍ.

ᐃᓐᖏᕈᑎᑦ 51:14

ᐱᐅᓕᓚᐅᓐᖓ ᐊᐅᖕᒥᒃ ᐊᑭᓕᒃᓴᖃᕐᓂᕐᒥᑦ, ᒎᑏ, ᐱᐅᓕᔭᐅᓂᕐᒪ ᒎᑎᖓ, ᐅᖃᕋ ᑕᕝᕙ ᓂᐱᖅᑯᕐᑐᓗᓂ ᐃᓐᖏᕐᓂᐊᕐᐳᖅ ᐃᓱᐊᕐᓂᕐᓂᒃ.

ᐃᓐᖏᕈᑎᑦ 9:2

ᖁᕕᐊᓱᖕᓂᐊᕐᐳᖓ ᐃᖀᕐᑐᕐᓗᖓᓗ ᐱᑦᔪᑎᒋᓗᑎᑦ; ᐃᓐᖏᕈᒪᕗᖓᓗ ᐊᑏᑦ ᐱᑦᔪᑎᒋᓗᒍ, ᖁᑦᓯᖕᓂᕐᐹᖑᔪᑎᑦ.

ᐃᓐᖏᕈᑎᑦ 92:1

ᐊᑕᓂᖅ ᖁᔭᒋᓗᒍ ᑕᒪᓐᓇ ᐱᐅᔫᕗᖅ, ᐊᑏᓪᓗ ᓂᕐᑐᕐᓗᒍ ᐃᓐᖏᕐᕕᒋᓗᑎᑦ ᖁᑦᓯᖕᓂᕐᐹᖑᔪᑎᑦ.

ᐃᓐᖏᕈᑎᑦ 92:8

ᐃᕝᕕᓪᓕ ᐊᑕᓃᖅ ᖁᑦᓯᖕᓂᕐᐹᖑᕗᑎᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 98:2

ᐊᑕᓂᐅᑉ ᓵᓚᖃᕐᓂᓂ ᖃᐅᔨᔭᐅᑎᑉᐹ, ᐱᐅᓕᒃᓯᓂᓂᓗ ᓴᖅᑭᑎᑉᐹ ᐃᓅᖃᑎᒌᒡᔪᐊᓄᑦ.

ᑖᓂᐊᓕᐅᑉ ᐊᒡᓚᖏᑦ 4:17

ᐃᓱᒪᒃᓴᕐᓯᐅᕐᓂᖅ ᑕᒪᓐᓇ ᐅᖃᐅᓯᐅᕗᖅ ᐂᖏᓕᓄᑦ ᖃᐅᔨᓴᕐᑎᓄᑦ, ᐃᑦᔪᕐᓁᑦᑐᓪᓗ ᑖᒃᑯᐊ ᑕᒪᑐᒥᖓ ᓇᓗᓁᕐᓯᕗᑦ, ᐃᓅᔪᑦ ᑐᑭᓯᓕᖁᓪᓗᒋᑦ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑳᕐᔪᐊᖑᖁᔭᖏᓪᓗ ᐃᓱᒪᒥᓂᒃ ᐊᖓᔪᖅᑳᕐᔪᐊᖑᑎᑉᐸᒃᐰᑦ, ᐊᖓᔪᖅᑳᕐᔪᐊᖑᑎᓪᓗᒋᓗ ᒥᑭᓐᓂᕐᐹᓄᑦ ᓄᓇᒦᑦᑐᓄᑦ.’

ᑖᓂᐊᓕᐅᑉ ᐊᒡᓚᖏᑦ 4:25

ᐃᓄᐃᑦ ᐃᓂᖏᓐᓂᑦ ᐊᐅᓪᓚᕐᑎᑕᐅᔪᒫᕋᕕᑦ ᐃᓅᖃᑎᖃᓕᕐᓗᑎᓪᓗ ᐆᒪᔪᓂᒃ ᓄᔪᐊᕐᑐᓂᒃ, ᓂᕿᖃᕈᒫᕐᐳᑎᓪᓗ ᐃᕕᒃᓱᒐᕐᓂᒃ ᐆᒪᔪᖁᑎᒋᔭᐅᔪᑎᑐᑦ ᖃᐅᓯᕐᑎᑕᐅᕙᒡᓗᑎᓪᓗ ᓯᓚᐅᑉ ᐂᔪᖓᓂᖓᓄᑦ, ᓇᓪᓕᐅᓐᓃᓪᓗ 7 ᐊᓂᒍᕐᐸᑕ, ᖁᑦᓯᖕᓂᐹᖅ ᖃᐅᔨᒍᕕᐅᒃ ᐊᑕᓂᐅᓂᖓᓂᒃ ᐃᓄᓕᒫᑦ ᐊᖓᔪᖅᑲᐅᕕᖏᓐᓄᑦ, ᐊᖓᔪᖅᑲᐅᓂᕐᓗ ᑐᓂᕙᖕᒪᒍ ᓇᓪᓕᐊᓐᓄᑦ ᑐᓂᔪᒪᔭᒥᓄᑦ.

ᑖᓂᐊᓕᐅᑉ ᐊᒡᓚᖏᑦ 4:34

“ᐅᓪᓗᐃᑦ ᑍᒃᑯᐊ ᐃᓱᓕᒻᒪᑕ, ᐅᕙᖓ ᓂᐱᑯᓁᓴ, ᕿᓚᖕᒧᑦ ᐋᕐᓗᕐᓗᖓ, ᖃᐅᔨᒪᓂᕋᓗ ᐅᑎᑦᓯᐊᓚᐅᕐᐳᖅ; ᖁᑦᓯᖕᓂᕐᐹᕐᓗ ᓂᕐᑐᕐᓇᕐᓯᑎᓚᐅᕐᐸᕋ, ᓂᕐᑐᓚᐅᕐᐸᕋᓗ ᐅᐱᒋᓚᐅᕐᐸᕋᓗ ᐃᓅᔪᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. “ᑖᑦᓱᒪ ᐊᑕᓂᐅᕕᖓ ᐃᓱᖃᖏᑦᑐᒧᑦ ᐊᑕᓂᐅᕕᐅᖕᒪᑦ, ᐊᖓᔪᖅᑲᐅᓂᖓᓗ ᓱᖁᓯᕐᓂᐊᓐᖏᓚᖅ ᑭᖑᕚᖑᖃᑎᒌᓂᑦ ᑭᖑᕚᖑᖃᑎᒌᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:48

“ᒎᑎᓕ ᐊᖏᓂᕐᐹᖑᔪᖅ ᐃᒡᓗᓂ ᐃᓂᖃᓐᖏᓚᖅ ᐃᓄᖕᓄᑦ ᓴᓇᔭᐅᓯᒪᔪᓂ; ᓇᓚᐅᑦᑍᔪᖅ ᐅᖃᕐᓯᒪᖕᒪᑦ,

ᐃᓗᐊᕐᓮᔩᑦ ᐊᒡᓚᖏᑦ 9:24

ᑕᒪᓐᓇ ᑐᖁᕅᓂᖅ ᔨᕈᐸᐅᓕᐅᑉ ᐃᕐᓂᖏᓐᓂᒃ 70ᓂᒃ ᐊᑭᓕᐅᑕᐅᖁᓪᓗᒍ ᐊᐅᖏᑕ ᑯᕕᔭᐅᓂᖏᓐᓄᑦ ᐸᓯᔭᒃᓴᐅᖁᓪᓗᒍ ᐊᐱᒥᓕᒃ ᑍᒃᑯᐊ ᖃᑕᓐᖑᑎᖓᑦ, ᑖᒃᑯᓂᖓ ᑐᖁᑦᓯᓚᐅᕐᑐᖅ, ᓯᑭᒻᒥᐅᓪᓗ ᐱᓂᐊᕐᓂᕐᓗᖕᓂᖏᓐᓄᑦ, ᐃᑲᔪᓚᐅᕐᒪᑕ ᖃᑕᓐᖑᑎᒥᓂᒃ ᑐᖁᕅᑎᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 9:57

ᒎᑎᐅᑦᑕᐅᖅ ᓯᑭᒻᒥᐅᑦ ᐊᒃᓱᕈᕐᓇᕐᑐᒃᑰᕐᑎᓚᐅᕐᐰᑦ ᐱᐅᖏᑦᑐᒥᒃ ᐱᓇᓱᐊᓚᐅᕐᓂᖏᓐᓄᑦ ᔫᑕᒻ, ᔨᕈᐸᐅᓕᐅᑉ ᐃᕐᓂᖓᑕ ᐅᖃᐅᓯᕆᓚᐅᕐᑕᖓᑐᑦ ᐅᖃᕐᓂᕐᓗᕕᒋᓚᐅᕐᒪᒋᑦ.