13 ᐸᕐᓁᕐᓯᒪᒋᕗᕐᓗ ᓱᒋᐅᑎᓂᒃ ᑐᖁᑦᓯᔪᓐᓇᕐᑐᓂᒃ, ᖃᕐᔪᓂᓗ ᐃᑯᒪᔪᓐᖑᕐᑎᑉᐰᑦ.
ᒎᑎᐅᑉ ᐊᔪᒐᖃᖏᑦᑑᑉ ᖃᕐᔪᖏᑕ ᐃᓗᒃᑯᑦ ᑲᐱᓯᒪᖕᒪᖓ; ᑐᖁᓐᓇᕐᑐᖏᓐᓂᒡᓗ ᑎᒥᒐ ᐃᒥᕐᓯᒪᓕᕐᓗᓂ; ᒎᑎᐅᑉ ᑲᑉᐱᐊᓱᒃᑎᑦᓯᓂᕐᒥᓄᑦ ᑎᑭᕝᕕᐅᑎᓯᒪᖕᒪᖓ.
ᐱᐅᖏᑦᑐᓕᔪᑦ ᐱᑎᒃᓯᑎᒃ ᕿᓗᕔᑦ, ᖃᕐᔪᑎᒡᓗ ᐃᓕᕔᑦ ᓄᖃᕐᑎᒥᖕᓄᑦ, ᐃᔨᕋᕐᑐᕐᓗᑎᒃ ᐱᑎᒃᓯᔪᒪᓪᓗᑎᒃ ᓱᓕᑦᓯᐊᕐᑐᓂᒃ ᐆᒻᒪᑎᓕᖕᓂᒃ.
ᖃᐅᒻᒫᓪᓚᒃᑎᑦᓯᓗᑎᑦ ᓯᐊᒻᒪᕐᑎᓚᐅᒃᑭᑦ; ᖃᕐᔪᕐᓄᑦ ᐱᑎᒃᓴᕐᓗᒋᑦ ᑐᖁᓚᐅᒃᑭᑦ.
ᖃᕐᔪᒥᓄᓪᓗ ᐱᑎᒃᓴᓚᐅᕐᐳᖅ ᐊᑭᕋᕐᑐᕐᑐᑦ ᐊᕕᑎᓪᓗᒋᑦ, ᖃᐅᒻᒫᓪᓚᒃᑐᓄᑦ ᐅᓄᕐᑐᓄᑦ ᓵᓚᒋᕔᑦ.
ᖃᕐᔪᑎᑦ ᐃᐱᒃᑑᕗᑦ ᐆᒻᒪᑎᒧᑦ ᐊᖓᔪᖅᑳᕐᔪᐊᑉ ᐊᑭᕋᖏᓐᓄᑦ; ᐃᓄᐃᑦ ᐅᕐᕈᕗᑦ ᐱᔪᓐᓇᕐᓂᕐᓄᑦ.
ᐅᖃᕐᒥᖕᓂᒃ ᐃᐱᒃᓮᕗᑦ ᓴᕕᒡᔪᐊᑎᑐᑦ, ᐅᖃᐅᓯᕐᒥᖕᓂᒃ ᐋᖅᑭᒃᓱᐃᕗᑦ ᐱᑎᒃᓯᒧᑦ ᑐᕌᕐᑎᑎᕐᑐᑎᑐᑦ,
ᒎᑎᐅᓪᓕ ᖃᕐᔪᓄᑦ ᐱᑎᒋᐊᕈᒫᕐᐰᑦ; ᑕᕝᕔᓐᓇᕐᓗ ᐃᑭᖃᓕᕐᓗᑎᒃ.
ᐱᑎᒃᓯᒥᓄᑦ ᑐᕌᕐᑎᑉᐹᑎᒍᑦ ᐱᒋᐊᕈᒪᓪᓗᑕ ᐊᑭᕋᕐᑎᑐᑦ, ᓄᖑᑕᐅᑎᑉᐰᑦ ᖁᕕᐊᒋᓪᓗᒋᑦ ᐃᓅᖃᑎᓐᓈᕆᔭᕗᑦ, ᓂᓐᖓᕕᒃᔪᐊᕐᓂᕐᒥᓄᑦ ᐃᑯᐊᓪᓔᔭᕐᑐᕐᑐᑎᑐᑦ ᓮᐅᓂᐅᑉ ᐸᓂᖏᑕ ᑐᐱᖏᑦ ᓄᖑᑕᐅᑎᑉᐰᑦ.
ᖃᕐᔪᕕᑦ ᓱᒃᑲᓕᓂᕐᒧᑦ ᖃᐅᒻᒪᓪᓚᖕᓂᖏᓐᓂ ᖃᓗᒋᐊᕐᐱᓪᓗ ᓱᒃᑲᓂᖏᑕ ᕿᓪᓛᒋᕐᓂᖏᓐᓂ, ᓯᕿᓂᖅ ᑕᖅᑭᕐᓗ ᐃᓂᒥᖕᓂ ᓄᖅᑲᖓᓚᐅᕐᐴᒃ.
ᐊᓂᓚᐅᕐᐳᑎᑦ ᐃᓄᖁᑎᑎᑦ ᐱᐅᓕᔭᕐᑐᕐᓗᒋᑦ, ᐊᖓᔪᖅᑳᕐᔪᐊᖑᖁᓪᓗᒍ ᓂᕈᐊᕐᓯᒪᔧᑦ ᐱᐅᓕᔭᕐᑐᕐᓗᒍ. ᐱᐅᖏᑦᑐᓕᔪᑦ ᐊᖓᔪᖅᑳᖓᑦ ᐅᕐᕈᑎᓚᐅᕐᐸᑦ ᒪᓕᒃᑎᖏᓪᓗ ᓄᖑᑦᓯᐊᓚᐅᕐᐸᑎᑦ.
ᐱᓂᕐᓗᒃᑕᐅᓇᕐᑐᓄᑦ ᐃᓱᓕᑦᓱᓐᓇᖏᑦᑐᓄᑦ ᑎᑭᑕᐅᑎᑦᓱᒪᕙᒃᑲ ᖃᕐᔪᓕᒫᒃᑲᓗ ᐊᑕᖏᕐᓗᒋᑦ ᑖᒃᑯᓄᖓ ᓵᖓᓂᐊᕐᐳᑦ ᐊᓯᕈᕈᒪᓪᓗᒋᑦ;
ᓴᕕᒡᔪᐊᕋ ᕿᓪᓚᕆᒃᑐᖅ ᐃᐱᒃᓴᕈᒃᑯ, ᑎᒍᒥᐊᓕᕐᓗᖓᓗ ᐃᖅᑲᕐᑐᐃᓂᕐᒧᑦ, ᐊᑭᕋᕐᑐᕐᑎᒃᑲ ᐊᑭᓂᐊᕐᕕᒋᓂᐊᕐᐸᒃᑲ ᓱᒋᐊᕐᓂᐊᕐᓗᒋᓪᓗ ᐅᕙᓐᓂᒃ ᐆᒥᓱᒃᑐᑦ.
ᖃᕐᔪᒃᑲ ᐊᐅᖏᓐᓂᒃ ᑯᑐᖕᓂᐊᕐᐳᑦ, ᓴᕕᒡᔪᐊᕋᓗ ᐅᕕᓂᖏᓐᓂᒃ ᑲᐳᕅᓂᐊᕐᐳᖅ. ᑐᖁᔪᑦ ᐊᐅᖏᓐᓂᒃ ᑎᒍᔭᐅᔪᓪᓗ; ᓄᔭᖅᑯᕐᑐᔪᑦ ᓂᐊᖁᖏᓐᓂᑦ ᐊᑭᕋᓐᓂᑦ.’
ᒎᑎ ᓈᒪᑦᓯᐊᕐᑐᒥᒃ ᐱᓇᓱᐊᕐᓂᐊᕐᐳᖅ ᐊᒃᓱᕈᕐᑎᒋᔭᑦᓯᓐᓄᑦ ᐊᒃᓱᕈᕐᓇᕐᑐᒧᑦᑕᐅᖅ ᐊᑭᓂᐊᕐᕕᒋᓂᐊᕐᐰᑦ,
ᑖᒃᑯᐊ ᐊᐅᓈᕐᑎᑦᓯᓚᐅᕐᒪᑕ ᐃᑦᔪᕐᓁᑦᑐᑦ ᓇᓚᐅᑦᑍᔪᑦ ᐊᐅᖏᓐᓂᒃ, ᑕᕝᕙ ᐊᐅᖕᒥᒃ ᐃᒥᒐᒃᓴᖏᓐᓂᒃ ᑐᓂᓯᕕᒋᕙᑎᑦ. ᑍᒤᑕᐅᔭᕆᐊᖃᕐᒪᑕ!”
ᓂᐱᖅᑯᕐᑐᓪᓗᑎᒡᓗ ᓂᓪᓕᐊᕗᑦ, “ᐊᔪᒐᖃᖏᑦᑐᑎᑦ ᐊᑕᓃᖅ, ᐃᑦᔪᕐᓁᑦᑐᑎᑦ ᓱᓕᔪᑎᓪᓗ, ᖃᓄᖅ ᓱᓕ ᓯᕕᑐᑎᒋᕚ? ᓄᓇᕐᔪᐊᕐᒥᐅᓂᒃ ᐃᖅᑲᕐᑐᐃᓂᒃᓮᑦ ᐅᕙᑦᑎᓐᓂᒃ ᑐᖁᑦᓯᓚᐅᕐᑐᑦ ᐊᑭᓂᐊᕐᓗᒋᑦ?”
