ᐃᓐᖏᕈᑎᑦ 69:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐅᕙᖓᓕ, ᑐᒃᓯᐊᕐᓂᕋ ᐃᓕᖕᓄᑦ ᑐᕌᕐᐳᖅ, ᐊᑕᓃᖅ. ᐱᕕᒃᓴᖅ ᓇᓪᓕᐅᑎᒃᐸᑦ, ᒎᑏ, ᓇᒡᓕᖕᓂᕕᑦ ᓱᖁᓯᔪᐃᑦᑑᓂᖓᓄᑦ ᑭᐅᓚᐅᓐᖓ. ᐱᐅᓕᒃᓯᓂᕐᐱᑦ ᑲᔪᓯᑦᓯᐊᕐᓂᖓᓄᑦ.

ᐃᓐᖏᕈᑎᑦ 69:13 Iomraidhean Croise

ᒨᓯᓯ ᓯᕗᓪᓖᑦ 24:27

ᐅᖃᕐᓗᓂᓗ, “ᐊᑕᓂᖅ ᓂᕐᑐᕐᑕᐅᓕ, ᐊᖓᔪᖅᑳᒪ ᐂᑉᕋᕼᐋᒻ ᒎᑎᖓ, ᑖᑦᓱᒪ ᓇᒡᓕᖕᓂᓂ ᓱᖁᓯᔪᐃᑦᑐᖅ ᐳᐃᒍᖏᒻᒪᒍ ᓱᖁᓯᔪᐃᑦᑑᓂᓂᓗ ᐊᖓᔪᖅᑳᓐᓄᑦ ᓴᖅᑭᑎᒻᒪᒍ. ᐅᕙᖓᓕ, ᐊᑕᓂᐅᑉ ᑕᓯᐅᓚᐅᕐᐹᖓ ᐊᖅᑯᒻᒧᑦ ᐊᖓᔪᖅᑳᒪ ᐃᓚᖏᑕ ᐃᒡᓗᖓᓄᑦ.”

ᐃᔅᑕᐅᑉ ᐊᒡᓚᖏᑦ 5:2

ᐊᖓᔪᖅᑳᕐᔪᐊᓪᓕ ᑯᐃᓐ ᐃᔅᑕᕐ ᑕᑯᒐᒥᐅᒃ ᐃᑎᕐᑕᕐᕕᐅᑉ ᓯᓚᑖᓂ ᓇᖏᕐᑐᖅ, ᖁᕕᐊᒋᓚᐅᕐᐹ, ᑎᒃᑯᐊᕐᓯᑦᔪᑎᒥᒡᓗ ᒎᓗᒥᒃ ᐃᓴᒡᕕᒋᕚ ᑎᒍᒥᐊᕐᑕᒥᓂᒃ. ᐃᔅᑕᕐᓗ ᕾᓪᓗᓂ ᐊᖓᔪᖅᑳᕐᔪᐊᑉ ᑎᒃᑯᐊᕐᓯᑦᔪᑎᖓᑕ ᓄᕗᐊ ᐊᒃᑐᕐᐹ.

ᐃᔅᑕᐅᑉ ᐊᒡᓚᖏᑦ 5:6

ᓂᕆᕕᒃᔪᐊᕐᕕᖕᒦᓕᕐᓗᑎᒃ ᐃᒥᓕᕋᒥᒃ ᕔᓂᒥᒃ, ᐊᖓᔪᖅᑳᕐᔪᐊᖅ ᐃᔅᑕᕐᒧᑦ ᐅᖃᕐᐳᖅ, “ᓱᓇᒥᒃ ᑐᒃᓯᕋᕈᒪᕖᑦ? ᑐᓂᓯᕕᒋᓂᐊᕐᐸᒋᑦ ᐱᔪᒪᔭᕐᓂᒃ. ᐱᔪᒪᓪᓚᕆᒃᑕᖃᕈᕕᑦ, ᐊᒡᓛᑦ ᐊᖓᔪᖅᑲᐅᕕᖕᒪ ᐊᕝᕙᓪᓗᐊᖓᓂᒃ ᐱᔪᒪᑐᐊᕈᕕᑦ ᑐᓂᓯᕕᒋᔪᓐᓇᕐᐸᒋᑦ.”

ᐃᔅᑕᐅᑉ ᐊᒡᓚᖏᑦ 7:2

ᑕᕝᕙ ᐂᐸᖓᓂᒃ ᓂᕆᖃᑎᒌᓕᕋᒥᒃ ᐃᒥᕐᓗᑎᒡᓗ ᕔᓂᒥᒃ, ᐊᖓᔪᖅᑳᕐᔪᐊᖅ ᐃᔅᑕᕐᒧᑦ ᐅᖃᒃᑲᓐᓂᕐᐳᖅ, “ᓱᓇᒥᒃ ᐱᔪᒪᕖᑦ ᑯᐃᓐ ᐊᓯᑖ? ᑐᓂᓯᕕᒋᓂᐊᕐᐸᒋᑦ ᐱᔪᒪᔭᕐᓂᒃ. ᐱᔪᒪᓪᓚᕆᒃᑕᖃᕈᕕᑦ, ᐊᒡᓛᑦ ᐊᖓᔪᖅᑳᐅᕕᖕᒪ ᐊᕝᕙᓪᓗᐊᖓᓂᒃ ᐱᔪᒪᑐᐊᕈᕕᑦ ᐱᑎᑦᓱᓐᓇᕐᐸᒋᑦ!”

ᐃᓐᖏᕈᑎᑦ 32:6

ᑍᒤᒻᒪᑦ ᒎᑎᖃᕐᑐᓕᒫᑦ ᑐᒃᓯᐊᕐᕕᒋᓛᑎᑦ ᐱᕕᖃᕐᓂᖓᓂ ᓇᓂᔭᐅᔪᓐᓇᕐᓂᕐᓂ; ᓱᓕᑦᓯᐊᕐᐳᖅ, ᐃᒪᕐᔪᐃᑦ ᖄᒥᑦᓯᓕᕐᐸᑕ, ᑍᒤᓕᐅᕐᑐᖅ ᑎᑭᑕᐅᓂᐊᓐᖏᓚᖅ.

ᐃᓐᖏᕈᑎᑦ 51:1

ᒎᑏ, ᓂᑲᒋᓚᐅᓐᖓ, ᑍᒪᓐᖓᑦ ᓇᒡᓕᒍᓱᖕᓃᑦ ᓱᖁᓯᔪᐃᑦᑐᖅ ᒪᓕᒡᓗᒍ; ᓂᑲᒍᓱᖕᓃᓪᓗ ᐊᒥᒐᖏᑦᑐᖅ ᒪᓕᒡᓗᒍ ᐊᔪᕐᓂᒃᑲ ᑕᕐᕆᑎᓚᐅᒃᑭᑦ.

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᐃᓐᖏᕈᑎᑦ 98:3

ᓇᒡᓕᒍᓱᖕᓂᓂ ᓱᖁᓯᔪᐃᑦᑑᓂᓂᓗ ᐃᖅᑲᐅᒪᒐᒥᐅᒃ ᐃᓴᕆᐊᓕᐅᑉ ᐃᓄᖏᑦ ᐱᑦᔪᑎᒋᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᓵᓚᖃᕐᓂᖓ ᑕᑯᓯᒪᕚᑦ.

ᐂᓮᐊᓯᐅᑉ ᐊᒡᓚᖏᑦ 49:8

ᐊᑕᓂᖅ ᐃᒫᒃ ᐅᖃᕐᐳᖅ: “ᓇᓪᓕᐅᑦᑐᖅ ᓈᒻᒪᓈᑦᓯᐊᓕᕐᑎᓪᓗᒍ ᑐᓴᐅᓚᐅᕐᐸᒋᑦ, ᐅᓪᓗᕐᓗ ᐱᐅᓕᔭᐅᕕᒃᓴᖅ ᓇᓪᓕᐅᑎᑎᓪᓗᒍ ᐃᑲᔪᓚᐅᕐᐸᒋᑦ; ᐱᓯᒪᓚᐅᕐᐸᒋᑦ ᓴᐳᑎᓯᒪᓪᓗᑎᓪᓗ ᐃᓄᖁᑎᓐᓄᑦ ᐊᖏᖃᑎᒌᒍᑕᐅᑎᓚᐅᕐᐸᒋᑦ, ᓄᓇᕐᔪᐊᖅ ᐃᓂᒥᓄᑦ ᐅᑎᕐᑎᑕᐅᖁᓪᓗᒍ, ᓄᓁᓪᓗ ᑭᖑᕐᖑᑎᔭᐅᔪᒃᓴᑦ ᓯᖁᑦᑎᕐᓯᒪᓕᕐᑐᑦ ᐃᓄᖏᓐᓄᑦ ᓄᓇᑖᕆᔭᐅᔪᓐᓇᕐᓯᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 55:6

ᐊᑕᓂᖅ ᕿᓂᓕᕐᓯᐅᒃ ᓇᓂᔭᐅᔪᓐᓇᕐᓂᖓᓂ, ᓂᓪᓕᐊᕕᒋᓗᒍᓗ ᖃᓂᓐᓂᖓᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:63

ᑕᑯᓚᐅᒃᑭᑦ, ᐅᕙᓐᓂᒃ ᒥᑕᐅᑎᖃᕐᐳᑦ ᖃᓄᓕᒫᖅ ᐃᓐᖏᕈᓯᓕᐊᒥᒃᑎᒍᓪᓗ ᐊᒡᓛᑦ.

ᒤᑲᐅᑉ ᐊᒡᓚᖏᑦ 7:20

ᓱᓕᑦᓯᐊᕐᓃᑦ ᓴᖅᑭᑎᓐᓂᐊᕐᐸᑦ ᔧᑯᒧᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑐᖅ ᐂᑉᕋᕼᐋᒻᒧᑦ, ᑍᑦᓱᒪᓂᐊᓗᒃ ᐊᖏᕈᑎᒋᓚᐅᕐᑍᑦ ᓯᕗᓕᕕᓂᑦᑎᓐᓄᑦ.

ᓘᑲᓯᐅᑉ ᐊᒡᓚᖏᑦ 1:72

ᓂᑲᒍᓱᖕᓂᓂ ᓴᖅᑭᑎᑦᓱᒪᓪᓗᒍ ᓯᕗᓕᕕᓂᑦᑎᓐᓄᑦ, ᐊᖏᕐᓯᒪᓂᓂᓗ ᐃᑦᔪᕐᓁᑦᑐᖅ ᐃᖅᑲᐅᒪᓪᓗᒍ.

ᓘᑲᓯᐅᑉ ᐊᒡᓚᖏᑦ 22:44

ᐅᖁᒤᒃᓴᓗᐊᓕᕋᒥ ᐊᒃᓱᕈᕐᓂᕐᓴᐅᓪᓗᓂ ᑐᒃᓯᐊᓕᕐᐳᖅ, ᐊᐅᒃᑲᕐᓂᖓᓕᕐᓗᓂ ᐊᐅᒃᑎᑐᑦ ᑯᑐᒃᑐᓂᒃ ᓄᓇᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:2

ᒎᑎ ᐅᖃᕐᓯᒪᖕᒪᑦ, “ᓇᓪᓕᐅᓐᓂᖅ ᐊᑲᐅᓈᑦᓯᐊᓕᕐᑎᓪᓗᒍ ᑐᓴᓚᐅᕐᐸᒋᑦ, ᐃᑲᔪᓚᐅᕐᐸᒋᓪᓗ ᐅᓪᓗᖅ ᐱᐅᓕᔭᐅᕕᒃ ᓇᓪᓕᐅᑎᑎᓪᓗᒍ.” ᑕᑯᒋᑦ, ᒫᓐᓇ ᐊᑲᐅᓈᑦᓯᐊᕐᑐᖅ ᓇᓪᓕᐅᑎᕗᖅ; ᑕᑯᒋᑦ, ᒫᓐᓇ ᐅᓪᓗᖅ ᐱᐅᓕᔭᐅᕕᒃ ᓇᓪᓕᐅᑎᕗᖅ.

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.

ᐲᑦᑐᕉᓯ ᓯᕗᓪᓖᑦ 2:23

ᐅᖃᕐᓂᕐᓗᒡᕕᐅᒐᓗᐊᕋᒥ, ᐅᖃᐅᓯᕐᓗᖕᒧᑦ ᑭᐅᓚᐅᓐᖏᓚᖅ; ᐊᒃᓱᕈᕐᓇᑐᒦᑎᑕᐅᒐᓗᐊᕋᒥ, ᐊᑭᓂᐊᓚᐅᓐᖏᓚᖅ; ᑕᑎᖃᓚᐅᕐᐳᕐᓕ ᑖᑦᓱᒥᖓ ᓈᒻᒪᑦᓯᐊᕐᑐᒥᒃ ᐃᖅᑲᕐᑐᐃᔪᒥᒃ.

ᓴᒧᐃᓕ ᓯᕗᓪᓖᑦ 25:8

ᐊᐱᕆᒍᕕᒋᑦ ᐃᓄᖁᑎᑎᑦ ᑖᒃᑯᐊ ᐅᖃᕈᓐᓇᕐᐳᑦ. ᑍᒤᒻᒪᑦ ᐃᓅᓱᒃᑐᖁᑎᒃᑲ ᖁᕕᐊᒋᔭᐅᓚᐅᕐᓕᑦ ᐃᓕᖕᓄᑦ; ᑎᑭᓛᕋᑦᑕ ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᖓᓂ. ᑐᓂᓯᓚᐅᕆᑦ ᐱᔪᓐᓇᕐᑕᕐᓂᒃ ᐱᔨᖕᓄᑦ ᐃᕐᓂᕐᓄᓪᓗ ᑍᕕᑎᒧᑦ.’”