9 ᑕᕐᓂᕗᑦ ᐃᓅᔪᑦ ᐃᓂᖓᓃᑎᒻᒪᒋᑦ, ᐃᑎᒐᕗᓪᓗ ᖁᐃᔭᕿᑎᓚᐅᖏᒻᒪᒋᑦ.
ᑖᑦᓱᒪᓗ ᐱᓇᓱᐊᕐᓂᖓ ᐊᐅᓚᑎᑕᐅᓂᐊᓐᖏᓚᖅ; ᐃᓱᐊᕐᑐᓕᔪᖅ ᐃᖅᑲᐅᒪᔭᐅᓂᐊᕐᐳᖅ ᐃᓱᖃᖏᑦᑐᒧᑦ.
ᑖᑦᓱᒪ ᐃᑎᒐᑎᑦ ᖁᐂᔭᕿᑎᓐᓂᐊᓐᖏᓔᑦ, ᑖᓐᓇᓗ ᓴᐳᑦᔨᔩᑦ ᓇᔭᖓᕐᓂᐊᓐᖏᓚᖅ.
ᐱᐅᖏᑦᑐᑦ ᐱᔪᓐᓇᐅᑎᖓᑕ ᑎᒃᑯᐊᕐᓯᒍᑎᖓ ᓇᓚᐅᑦᑖᕈᑎᒃᑯᑦ ᐊᐅᓚᑦᓰᓐᓇᕐᓂᐊᓐᖏᓚᖅ ᐃᓱᐊᕐᑐᑦ ᓄᓇᖏᓐᓂ, ᐃᓱᐊᕐᑐᑦ ᐱᐅᖏᑦᑐᒥᒃ ᐱᓇᓱᐊᓕᖁᓇᒋᑦ.
ᓄᓇᒥ ᐊᔪᕐᓴᖏᑦᑐᓕᒫᑦ ᐅᑯᔪᒫᕐᐳᑦ ᑐᒃᓯᐊᕐᓗᑎᒡᓗ; ᒪᓂᖅᑲᒧᓪᓗ ᐅᕐᕈᔪᑦ ᑖᑦᓱᒧᖓ ᐅᑯᔪᒫᕐᐳᑦ, ᐃᒻᒥᖕᓂᒃ ᐆᒪᑎᑦᓱᓐᓇᖏᑦᑐᓕᒫᑦ.
ᐃᕝᕕᓪᓕ ᒎᑏ, ᐃᑎᕐᓴᒧᑦ ᐊᓯᕈᕐᑕᐅᕕᖕᒧᑦ ᐱᑎᑦᓱᒫᕐᐸᑎᑦ; ᑐᖁᑦᓯᔪᒪᔪᑦ ᐅᐃᕕᕆᒃᓯᔪᓪᓗ ᐃᓄᐃᑦ ᐅᓪᓗᒃᓴᖏᑕ ᐊᕝᕙᖏᓐᓂᒡᓘᓐᓃᑦ ᐃᓅᓂᐊᖏᓚᑦ; ᐅᕙᖓᓕ ᐃᓕᖕᓂᒃ ᑕᑎᖃᕐᓂᐊᕐᐳᖓ.
ᑖᓐᓇᑐᐊᖅ ᕾᕐᑐᕆᒐᒃᑯ ᐱᐅᓕᔨᒋᓪᓗᒍᓗ; ᓴᐳᑦᔨᔨᒋᕙᕋ, ᑕᕝᕙᓐᖓᑦ ᐊᐅᓚᑦᔭᒃᑎᑕᐅᓂᐊᓐᖏᓚᖓ.
ᑖᓐᓇᑐᐊᖅ ᕾᕐᑐᕆᒐᒃᑯ ᐱᐅᓕᔨᒋᓪᓗᒍᓗ; ᓴᐳᑦᔨᔨᒋᕙᕋ; ᑕᕝᕙᓐᖓᑦ ᐊᐅᓚᑎᑕᐅᓂᐊᓐᖏᓚᖓ.
ᐃᑎᒐᖕᒪ ᖁᐂᔭᕿᓐᓂᐅᔭᕐᓂᖏᓐᓂᒃ ᐃᒃᐱᒍᓱᓕᕐᑎᓪᓗᖓ, ᑕᕝᕙ ᕾᕗᑎᑦ ᓇᒡᓕᒍᓱᖕᓂᖃᕐᓗᑎᑦ ᓇᔪᒻᒥᓕᕐᓗᖓᓗ.
ᐅᖃᐅᓯᐅᓯᒪᖕᒪᑦ, ‘ᑖᑦᓱᒪᓂ ᐃᓅᕗᒍᑦ ᐊᐅᓚᓪᓗᑕᓗ ᑕᑯᒃᓴᐅᕗᒍ’; ᐅᖃᐅᓯᕐᓂᒃ ᐋᖅᑭᒃᓱᐃᔨᖁᑎᓯ ᐃᓕᑦᓯᓐᓃᑦᑐᑦ ᐅᖃᕐᓯᒪᔪᖃᕐᒪᑕ, ‘ᐅᕙᒍᑦᑕᐅᖅ ᑖᑦᓱᒪ ᕿᑐᕐᖓᕆᕚᑎᒍᑦ.’
ᓴᐳᑎᓯᒪᓂᐊᕐᐰᑦ ᓱᖁᓯᔪᐃᑦᑐᖁᑎᖏᑕ ᐃᓅᓯᖏᑦ, ᐱᐅᖏᑦᑐᓪᓕ ᐊᓯᐅᕗᑦ ᑖᕐᑐᕐᔪᐊᕐᒥ; ᐃᓄᒃ ᐱᔪᓐᓇᕐᓂᕐᒥᓄᑦ ᓵᓚᖃᕐᓂᐊᓐᖏᓚᖅ.
ᐅᓇᑕᕆᐊᕐᑕᐅᒍᕕᑦ ᑐᖁᑕᐅᓇᓱᐊᕐᓗᑎᑦ, ᐊᑕᓂᐅᑉ ᒎᑎᕕᑦ ᓴᐳᑎᔪᒫᕐᐹᑎᑦ, ᐊᖑᑎᑐᑦ ᐱᓐᓇᕆᔭᒥᓂᒃ ᓴᐳᓐᓂᐊᕐᑐᑎᑐᑦ, ᐊᑭᕋᑎᓪᓕ ᐃᒋᑕᐅᔪᒫᕐᐳᑦ, ᐊᖑᑎᑐᑦ ᐃᓪᓘᒥᓄᑦ ᐃᓪᓘᕆᐊᕐᑐᑎᑐᑦ.
