2 ᐃᓐᖏᕆᑦᓯ ᐊᑎᖓ ᐅᐱᒋᓗᒍ; ᓂᕐᑐᕐᓇᕐᓂᖓ ᑲᑦᔮᕐᓇᕐᑎᓯᐅᒃ.
ᐅᑯᐊ ᓕᕔᑎᑦ ᑐᒃᓯᐊᕐᑎᑦᓯᓚᐅᕐᐳᑦ: ᔩᓱᐊ, ᑲᑦᒤ-ᓕ, ᐹᓂ, ᕼᐊᓴᑉᓂᐊ, ᓯᕆᐰᐊ, ᕼᐅᑍᐊ, ᓯᐸᓁᐊ, ᐱᑕᕼᐂᐊᓗ, ᐅᖃᕐᓗᑎᒃ: “ᓂᑯᕕᓪᓗᓯ ᐊᑕᓂᖅ ᓂᕐᑐᕐᓯᐅᒃ ᒎᑎᑦᓯ ᓂᕐᑐᕐᓯᐅᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ! ᐃᓘᓐᓇᓯ ᐊᑎᖓᑕ ᓂᕐᑐᕐᓇᕐᓂᖓ ᓂᕐᑐᕐᓯᐅᒃ, ᑕᒤᓐᓂᑦᓯᐊᖅ ᐊᖏᓂᕐᐸᐅᔪᖅ ᓂᕐᑐᕐᓇᕐᑎᑕᐅᓕ ᓂᕐᑐᕐᑕᐅᓗᓂᓗ!”
ᑭᐊ ᐊᑕᓂᐅᑉ ᐱᓂᐊᕐᓂᕐᔪᐊᖏᑦ ᐊᑕᖏᕐᓗᒋᑦ ᐅᖃᐅᑎᒋᔪᓐᓇᕐᐰᑦ? ᑖᑦᓱᒪᓗ ᓂᕐᑐᕐᑕᐅᔪᒃᓴᐅᓂᖓ ᐊᑕᖏᕐᓗᒍ ᑭᐊ ᓴᖅᑭᑎᑦᓱᓐᓇᕐᐸᐅᒃ?
ᑖᒃᑯᐊ ᐊᑕᓂᖅ ᖁᔭᒋᓂᐊᕐᐹᑦ ᓇᒡᓕᒍᓱᐃᓐᓇᕐᓂᖓ ᐱᑦᔪᑎᒋᓪᓗᒍ, ᐱᐅᔪᐊᓗᖕᒥᒡᓗ ᐱᓇᓱᐊᕐᓯᒪᓂᖓ ᐃᓄᐃᑦ ᕿᑐᕐᖓᖏᓐᓄᑦ ᐱᑦᔪᑎᒋᓗᒍ!
ᑐᓂᕐᕈᓯᕐᑐᒃᓴᐅᕗᑦ ᖁᔭᓕᑦᔪᑎᒃᓴᒧᑦ ᑐᓂᕐᕈᓯᕐᓂᕐᒥᒃ, ᐱᓂᐊᕐᓂᖏᓪᓗ ᐅᓂᒃᑲᐅᑎᒋᓗᒋᑦ ᐃᓐᖏᕐᓂᐊᕐᐳᑦ ᖁᕕᐊᓱᒡᓗᑎᒃ.
ᕿᓔᑦ ᕿᓚᖏᓐᓂ ᐃᑭᒪᔪᒧᑦ, ᑍᒪᓐᖓᓂᓴᐅᔪᒧᑦ! ᑕᑯᒋᑦ, ᓂᓪᓕᐊᕗᖅ ᐃᒃᑐᑑᕐᑐᒥᒃ, ᐊᔪᖏᑦᑐᕐᔪᐊᕐᒥᒃ ᓂᐱᖃᕐᓗᓂ.
ᐊᑕᓂᖅ ᓂᕐᑐᕐᑕᐅᓕ, ᐃᓴᕆᐊᓕᑎᑦ ᒎᑎᖓᑦ, ᑲᒪᓇᕐᑐᓂᒃ ᑖᓐᓇ ᑭᓯᒥ ᐱᓂᐊᕐᓂᖃᕐᑐᖅ.
ᐃᑲᔪᓚᐅᕐᑎᒍᑦ, ᒎᑏ ᐱᐅᓕᔨᒋᔭᕗᑦ, ᐊᑎᕐᐱᑦ ᓂᕐᑐᕐᑕᐅᑦᔪᑎᒃᓴᖓᓄᑦ; ᓴᐳᑎᓚᐅᕐᑎᒍᑦ, ᐃᓱᒪᒋᔪᓐᓁᕐᕕᒋᓗᑕᓗ ᐊᔪᕐᓂᑦᑎᓐᓂᒃ, ᐊᑏᑦ ᐱᑦᔪᑎᒋᓗᒍ!
ᐊᑕᓂᖅ ᓂᕐᑐᕐᓕᑦᔪᒃ, ᓂᕐᑐᕐᓇᕐᓂᖓ ᓇᓗᓁᕐᓕᑦᔪᒃ ᐃᒪᐅᑉ ᓯᓈᓂ ᓄᓇᖃᕐᑐᓄᑦ.
ᕿᓚᐅᔪᓯ ᐃᓐᖏᕆᑦᓯ ᖁᕕᐊᓱᖕᓂᕐᒧᑦ! ᓄᓇᕐᔪᐊᖅ ᐃᕝᕕᓪᓗ ᖁᕕᐊᓱᖏᑦ! ᖃᖅᑲᐅᔪᓯ ᓂᐱᖃᓕᕆᑦᓯ ᐃᓐᖏᕐᓗᓯ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᑎᒻᒪᒋᑦ, ᐅᖁᒤᒃᓴᓚᐅᕐᑐᓪᓗ ᓂᑲᒋᓂᐊᕐᒪᒋᑦ.
ᑖᒃᑯᐊᓗ ᐃᒻᒥᖕᓄᑦ ᕾᒐᓛᖃᑦᑕᐅᑎᕗᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ! ᐱᓐᓇᕐᓇᕐᓂᕐᔪᐊᖓ ᑕᑍᓯᒪᕗᖅ ᓄᓇᕐᔪᐊᕐᒥᒃ!”
ᑐᓴᕐᐳᖓᓗ ᐆᒪᔪᓕᒫᓂᒃ ᕿᓚᖕᒦᑦᑑᓂᒃ ᓄᓇᒦᑦᑐᓂᒃ ᓄᓇᐅᓪᓗ ᐊᑖᓃᑦᑐᓂᒃ ᐃᒪᕐᕕᖕᒦᑦᑐᓂᒡᓗ, ᑕᒤᓐᓂᒃ ᐊᓂᕐᓂᖃᕐᑐᓕᒫᓂᒃ, ᐅᖃᕐᑐᓂᒃ, “ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᖅ ᓄᕐᕋᐅᔭᕐᓗ ᓂᕐᑐᕐᑕᐅᓕᑦ ᐅᐱᒋᔭᐅᓕᑦ ᐱᓐᓇᕐᓇᕐᑎᑕᐅᓗᑎᒃ ᐊᔪᖓᖃᖏᓐᓂᕐᒥᒡᓗ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ!”
