ᐃᓐᖏᕈᑎᑦ 64:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᓄᓕᒫᑦ ᑕᕝᕙ ᓯᕘᕋᓕᕈᒫᕐᐳᑦ, ᒎᑎᐅᓪᓗ ᐱᓂᐊᕐᓂᖏᓐᓂᒃ ᐅᖃᐅᓯᖃᓕᕐᓗᑎᒃ; ᐃᓱᒪᒃᓴᕐᓯᐅᕈᑎᒋᓕᕐᓗᒋᓪᓗ ᐱᓂᐊᕐᓂᖏᑦ.

ᐃᓐᖏᕈᑎᑦ 64:9 Iomraidhean Croise

ᐃᓐᖏᕈᑎᑦ 119:20

ᑕᕐᓂᕋ ᓯᖁᒥᓯᒪᕗᖅ ᕿᓚᓈᕐᓂᕐᒧᑦ ᒪᓕᒃᑕᐅᖁᔭᕐᓂᒃ ᑐᑭᓯᕙᓪᓕᐊᔪᒪᓪᓗᖓ ᑍᒪᓐᖓᓕᒫᖅ.

ᐃᓐᖏᕈᑎᑦ 140:10

ᐃᑯᐊᓚᔫᑉ ᐊᐅᒪᖏᑦ ᑖᒃᑯᓄᖓ ᑲᑕᓚᐅᕐᓕᑦ! ᑲᑕᓚᐅᕐᓕᑦ ᐃᑎᕐᓴᕐᔪᐊᕐᒧᑦ, ᒪᑭᒃᑲᓐᓂᕐᓂᐊᕈᓐᓃᕐᓗᑎᒃ.

ᐃᓐᖏᕈᑎᑦ 40:3

ᐃᓐᖏᐅᑎᒥᒡᓗ ᓄᑖᒥᒃ ᖃᓂᓐᓄᑦ ᐃᓕᓯᕗᖅ, ᒎᑎᕗᑦ ᓂᕐᑐᕐᓗᒍ. ᐅᓄᕐᑐᑦ ᖃᐅᔨᓂᐊᕐᐹᑦ ᓯᕘᕋᓗᑎᒡᓗ, ᐊᑕᓂᕐᒥᒡᓗ ᑕᑎᖃᓕᕐᓗᑎᒃ.

ᐃᓐᖏᕈᑎᑦ 53:5

ᑲᑉᐱᐊᓱᒃᑐᐊᓘᕗᑦ ᑲᑉᐱᐊᓇᕐᑐᖃᓐᖏᑎᓪᓗᒍ, ᐃᓕᑦᓯᓐᓂᒃ ᓱᕐᔪᒃᑐᑦ ᓴᐅᓂᖏᑦ ᒎᑎᐅᑉ ᓯᐊᒻᒪᕐᑎᓐᓂᐊᕐᒪᒋᑦ; ᑲᓐᖑᓇᕐᑐᒦᑎᑕᐅᓂᐊᕐᐳᑦ, ᒎᑎᐅᑉ ᖁᔭᓈᕐᓯᒪᖕᒪᒋᑦ.

ᐃᓐᖏᕈᑎᑦ 58:11

ᐃᓄᐃᑦ ᑕᕝᕙ ᐅᖃᕈᒫᕐᐳᑦ, ᓱᓕᔪᒥᒃ ᐃᓱᐊᕐᑐᑦ ᐊᑭᓕᕐᑕᐅᕗᑦ; ᓱᓕᔪᒥᒃ ᐃᓛᒃ ᒎᑎ ᐃᖅᑲᕐᑐᐃᕗᖅ ᓄᓇᕐᔪᐊᕐᒥᒃ.

ᐃᓐᖏᕈᑎᑦ 59:13

ᓂᓐᖓᐅᒪᓂᕐᒧᑦ ᓄᖑᒃᑭᑦ, ᓄᖑᒃᑭᑦ ᐱᑕᖃᕈᓐᓃᕐᑎᑦᓯᐊᕐᓗᒋᑦ; ᖃᐅᔨᓕᖁᓪᓗᒋᑦ ᒎᑎ ᐊᐅᓚᑦᓯᖕᒪᑦ ᔧᑯᒃᑯᓐᓂᒃ ᓯᓚᕐᔪᐊᑉ ᐃᓱᐊᓄᑦ ᑎᑭᓪᓗᒍ. ᓰᓚ

ᐂᓮᐊᓯᐅᑉ ᐊᒡᓚᖏᑦ 5:12

ᑯᑭᑦᑕᐸᐅᑎᐅᔭᓂᒃ ᓄᖃᕐᑎᓕᖕᓂᒃ ᕼᐊᕐᐱᓂᒡᓗ ᑯᑭᑦᑕᐸᐅᑎᐅᔭᓂᒃ, ᕿᓚᐅᑎᐅᔭᓂᒡᓗ ᓱᐴᒐᓂᒡᓗ ᕔᓂᓂᒡᓗ ᖁᕕᐊᓲᑎᖃᖃᑦᑕᕐᐳᑦ ᓂᕆᕕᒡᔪᐊᓕᕌᖓᒥᒃ; ᖃᐅᔨᓇᓱᐊᓐᖏᓚᓪᓕ ᐊᑕᓂᐅᑉ ᐱᓇᓱᐊᕐᓯᒪᓂᖓᓂᒃ, ᐃᓱᒪᖃᕋᑎᒡᓗ ᑖᑦᓱᒪ ᐊᒡᒐᖏᑕ ᓴᓇᓯᒪᔭᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 50:28

“ᐹᐱᓘᓂᒥᑦ ᕿᒫᓂᑯᐃᑦ ᓮᐅᓂᒥ ᓄᓇᑖᕐᓂᑯᐃᑦ ᐅᖃᐅᓯᖏᑦ ᑐᓵᓯᐅᒃ, ᐊᑕᓂᐅᑉ ᒎᑎᑦᑕ ᐊᑭᓂᐊᕐᕕᒋᕔᑦ, ᑐᒃᓯᐊᕐᕕᒡᔪᐊᖁᑎᓂ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 51:10

“ᐊᑕᓂᐅᑉ ᓮᒻᒪᐅᑎᓯᒪᖕᒪᑎᒍᑦ, ᕾᒋᑦᓯ, ᐅᖃᐅᓯᕆᓚᕗᑦ ᓮᐅᓂᒥ ᐊᑕᓂᐅᑉ ᒎᑎᑦᑕ ᐱᓂᐊᕐᓂᕆᔭᖏᑦ.

ᐃᓯᑭᐊᓕᐅᑉ ᐊᒡᓚᖏᑦ 14:23

ᑖᒃᑯᐊ ᐃᓕᑦᓯᓐᓂᒃ ᒪᓂᒍᐃᒃᐸᑕ, ᐱᐅᓯᖏᑦ ᐱᓂᐊᕐᓂᖏᓪᓗ ᑕᑯᒍᑦᓯᒋᒃ; ᖃᐅᔨᓕᕈᒫᕐᐳᓯ ᐱᓂᐊᕐᓂᕆᓯᒪᔭᓕᒫᒃᑲ ᐱᑦᔪᑎᖃᑦᓯᐊᖏᓪᓗᑎᒃ ᐱᓯᒪᖏᓐᓂᖏᓐᓂᒃ, ᐊᑕᓂᖅ ᒎᑎ ᐅᖃᕐᐳᖅ.”

ᕼᐆᓯᐊᑉ ᐊᒡᓚᖏᑦ 14:9

ᓇᓪᓕᐊᑦ ᓯᓚᑐᔪᖅ, ᑕᒪᒃᑯᓂᖓ ᑐᑭᓯᓕᕐᓕ; ᓇᓪᓕᐊᑦ ᖃᐅᔨᔪᓐᓇᕐᑐᖅ ᑖᒃᑯᓂᖓ ᖃᐅᔨᓕᕐᓕ; ᐊᑕᓂᐅᑉ ᐊᖅᑯᑎᖏᑦ ᓈᒻᒪᑦᓯᐊᕐᒪᑕ; ᐃᓱᐊᕐᑐᑦ ᑕᒪᓐᓇ ᐊᑐᕐᐹᑦ, ᐱᐅᖏᑦᑐᓕᔪᓪᓕ ᑕᒪᐅᓇ ᐹᓪᓚᒃᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:13

ᑕᕝᕔᓐᓇᕐᓗ ᓄᓇ ᓴᔪᒃᐱᓪᓚᒃᐳᖅ ᐊᖏᔪᒥᒃ; ᐃᒡᓗᒐᓴᒡᔪᐊᓪᓗ ᑕᓪᓕᒪᐅᔪᕐᑐᖏᑦ ᐊᓯᕈᕐᑕᐅᕗᑦ; 7,000ᓪᓗ ᑐᖁᕗᑦ ᓴᔪᒃᐱᓪᓚᒃᑐᒧᑦ, ᐃᓄᐃᓪᓗ ᐊᒥᐊᒃᑯᑦ ᑲᑉᐱᐊᓱᓕᕐᐳᑦ ᓂᕐᑐᐃᓕᕐᓗᑎᒡᓗ ᒎᑎᒥᒃ ᕿᓚᖕᒦᑦᑐᒥᒃ.