ᐃᓐᖏᕈᑎᑦ 61:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑍᒤᑉᐸᑦ ᑕᕝᕙ ᐊᑏᑦ ᓂᕐᑐᕐᓗᒍ ᐃᓐᖏᕈᑎᒋᔪᒪᕙᕋ ᐃᓱᖃᖏᑦᑐᒧᑦ, ᐊᖏᒻᒪᕆᒍᑎᒋᓯᒪᔭᒃᑲᓗ ᑐᓂᓗᒋᑦ ᑲᔪᓯᑎᓐᓂᐊᕐᐸᒃᑲ ᖃᐅᑕᒫᑦ.

ᐃᓐᖏᕈᑎᑦ 61:8 Iomraidhean Croise

ᓴᒧᐃᓕ ᐂᑉᐸᖏᑦ 15:20

ᕿᓚᒥᐊᐱᒃ ᑕᒫᓂ ᓄᓇᖃᕐᓯᒪᒐᕕᑦ, ᓱᖕᒪᓪᓕ ᓇᒧᑐᐃᓐᓇᖅ ᐃᖏᕐᕋᖃᑎᒋᔭᕆᐊᖃᕐᐱᒌᑦ? ᖃᐅᔨᒪᖏᓐᓇᒪᓘᓐᓃᑦ ᓇᒧᑦ ᐂᖕᒪᖔᕐᒪ; ᐅᑎᓕᕆᑦ, ᐃᓅᖃᑎᑎᑦ ᐃᓚᒋᓗᒋᑦ; ᐊᑕᓂᐅᓪᓗ ᐱᑦᓯᐊᕐᕕᒋᓕᑎᑦ ᓱᖁᓯᔪᐃᑦᑑᕕᒋᓕᑎᓪᓗ.”

ᐃᓐᖏᕈᑎᑦ 146:2

ᐃᓅᓂᓐᓂ ᐊᑕᓂᖅ ᓂᕐᑐᕐᓂᐊᕐᐸᕋ; ᒎᑎᒐ ᓂᕐᑐᕐᓗᒍ ᐃᓐᖏᕐᕕᒋᔪᒪᕙᕋ ᐃᓅᓯᓕᒫᓐᓂ.

ᐃᓐᖏᕈᑎᑦ 30:12

ᓂᕐᑐᕈᒪᓪᓗᖓ ᐃᓕᖕᓂᒃ ᓂᐰᑦᑑᖏᓪᓗᖓ. ᐊᑕᓃᖅ ᒎᑎᒐ, ᐃᓱᖃᖏᑦᑐᒧᑦ ᖁᔭᒋᓂᐊᕐᐸᒋᑦ.

ᐃᓐᖏᕈᑎᑦ 40:12

ᓈᓴᒐᒃᓴᐅᖏᑦᑐᑦ ᐱᐅᖏᑦᑐᑦ ᐊᕙᓗᓯᒪᕚᖓ; ᐱᐅᖏᑦᑐᓕᓂᕐᒪᓗ ᓵᓚᒋᓯᒪᖕᒪᖓ, ᖁᒻᒧᓪᓘᓐᓃᑦ ᑕᑯᓴᕈᓐᓁᓪᓕᓪᓗᖓ; ᐅᓄᕐᓂᕐᓴᐅᖕᒪᑕ ᓄᔭᓐᓂᑦ ᓂᐊᖁᓐᓃᑦᑐᓂᑦ; ᑍᒤᒻᒪᑦ ᐆᒻᒪᑎᒐ ᐊᔪᓕᕐᐳᖅ.

ᐃᓐᖏᕈᑎᑦ 65:1

ᒎᑏ, ᓂᕐᑐᕐᑕᐅᓂᐅᑉ ᐅᑕᖅᑭᕚᑎᑦ ᓮᐅᓂᒥ; ᐃᓕᖕᓄᓪᓗ ᐊᖏᒻᒪᕆᒍᑕᐅᓯᒪᔪᑦ ᐱᓂᐊᕈᑕᐅᔪᒫᕐᐳᑦ.

ᐃᓐᖏᕈᑎᑦ 71:22

ᓱᓕ ᕼᐊᕐᐱᒧᑦ ᓂᕐᑐᕈᒪᕙᒋᑦ ᓱᖁᓯᔪᐃᑦᑑᓃᑦ ᐱᓪᓗᒍ, ᒎᑎᒋᒐᒃᑭᑦ; ᐃᓐᖏᕈᒪᕗᖓ ᐃᓕᖕᓄᑦ ᓂᕐᑐᕐᓗᑎᑦ ᑯᑭᑦᑕᐸᐅᑎᐅᔭᒥᒃ ᐊᑐᕐᓗᖓ, ᐃᓴᕆᐊᓕᑎᑦ ᐃᑦᔪᕐᓁᑦᑐᖁᑎᒋᖕᒪᑎᑦ.

ᐃᓐᖏᕈᑎᑦ 79:13

ᐅᕙᒍᓪᓕ, ᐃᓄᖁᑎᒋᔭᑎᑦ, ᐰᕐᓯᓂᕐᓄᑦ ᓰᐱᖁᑎᒋᔭᑎᑦ, ᑕᕝᕙ ᖁᔭᒋᓂᐊᕐᐸᑦᑎᒋᑦ ᐃᓱᖃᖏᑦᑐᒧᑦ; ᓂᕐᑐᕐᓇᕐᓃᓪᓗ ᐅᖃᐅᓯᕆᔪᒪᕙᕗᑦ ᐃᓅᖃᑎᒌᒡᔪᐊᓕᒫᓄᑦ.

ᐃᓐᖏᕈᑎᑦ 89:5

ᐊᑕᓃᖅ, ᕿᓔᑦ ᓂᕐᑐᐃᓚᐅᕐᓕᑦ ᑲᒪᓇᕐᑐᓕᓂᑎᑦ ᐱᓪᓗᒋᑦ, ᓱᖁᓯᔪᐃᑦᑑᓃᓪᓗ ᐃᑦᔪᕐᓁᑦᑐᖁᑎᕕᑦ ᑲᑎᓐᖓᓂᖓᓃᑉᐳᖅ.