ᐃᓐᖏᕈᑎᑦ 61:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐃᓂᖃᕐᑎᓚᐅᕈᒃ ᒎᑎᐅᑉ ᓵᖓᓂ ᐃᓱᖃᖏᑦᑐᒧᑦ; ᓇᒡᓕᖕᓂᕐᓄᑦ ᓱᖁᓯᔪᐃᑦᑑᓂᕐᓄᓪᓗ ᑲᒪᒋᓚᐅᕈᒃ ᓴᐳᑦᔭᐅᓯᒪᖁᓪᓗᒍ.

ᐃᓐᖏᕈᑎᑦ 61:7 Iomraidhean Croise

ᒨᓯᓯ ᓯᕗᓪᓖᑦ 24:27

ᐅᖃᕐᓗᓂᓗ, “ᐊᑕᓂᖅ ᓂᕐᑐᕐᑕᐅᓕ, ᐊᖓᔪᖅᑳᒪ ᐂᑉᕋᕼᐋᒻ ᒎᑎᖓ, ᑖᑦᓱᒪ ᓇᒡᓕᖕᓂᓂ ᓱᖁᓯᔪᐃᑦᑐᖅ ᐳᐃᒍᖏᒻᒪᒍ ᓱᖁᓯᔪᐃᑦᑑᓂᓂᓗ ᐊᖓᔪᖅᑳᓐᓄᑦ ᓴᖅᑭᑎᒻᒪᒍ. ᐅᕙᖓᓕ, ᐊᑕᓂᐅᑉ ᑕᓯᐅᓚᐅᕐᐹᖓ ᐊᖅᑯᒻᒧᑦ ᐊᖓᔪᖅᑳᒪ ᐃᓚᖏᑕ ᐃᒡᓗᖓᓄᑦ.”

ᒨᓯᓯ ᓯᕗᓪᓖᑦ 32:10

ᓂᑲᒋᔭᒃᓴᐅᖏᒃᑲᓗᐊᕐᑎᓪᓗᖓ ᐱᑦᓯᐊᕐᕕᒋᓯᒪᒐᕕᖓ ᓇᒡᓕᖕᓂᕐᓄᑦ ᓱᖁᓯᔪᐃᑦᑐᒧᑦ, ᑲᔪᓯᑦᓮᓐᓇᕐᓂᕐᓂᒃ ᐱᔩᑦ ᑕᑯᑎᓯᒪᒐᕕᐅᒃ, ᑰᒃ ᔪᐊᕐᑕᓂ ᐃᑳᓚᐅᕐᓯᒪᕙᕋ ᐊᔭᐅᑉᐱᐊᓕᔭᑐᐃᓐᓇᕐᓗᖓ, ᒫᓐᓇᓕ ᐅᑎᓕᕐᐳᖓ ᒪᕐᕈᐃᓕᖓᔪᓂᒃ ᐃᓚᖃᓕᕐᓗᖓ.

ᓴᒧᐃᓕ ᐂᑉᐸᖏᑦ 7:26

ᐊᑎᕐᐱᑦ ᖃᐅᔨᒪᔭᐅᓂᖓ ᐊᖏᒡᓕᓂᐊᕐᐳᖅ ᐃᓱᖃᖏᑦᑐᒧᑦ, ᐅᖃᕐᓗᑎᒃ, ‘ᐊᑕᓂᖅ ᖁᑦᓯᖕᓂᕐᐹᖑᔪᖅ ᒎᑎᐅᕗᖅ ᐃᓴᕆᐊᓕᒥᐅᓄᑦ,’ ᑲᔪᓯᑏᓐᓇᕐᓂᐊᕐᐸᑎᓪᓗ ᐱᔨᕕᑦ ᑍᕕᑎᐅᑉ ᑭᖑᕚᖏᑦ ᓵᖕᓂ.

ᐃᓐᖏᕈᑎᑦ 21:5

ᓂᕐᑐᐃᑦᔪᑎᖃᕐᔪᐊᕐᐳᖅ ᐱᐅᓕᒃᓯᓂᕐᓂᒃ; ᐅᐱᒋᔭᐅᓂᖅ ᐊᖓᔪᖅᑳᕐᔪᐊᑐᓪᓗ ᑕᑯᓐᓈᕐᑕᐅᓂᖅ, ᐃᓕᕙᑎᑦ ᑖᑦᓱᒧᖓ.

ᐃᓐᖏᕈᑎᑦ 40:11

ᓂᑲᒍᓱᖕᓃ ᓱᖁᓯᔪᐃᑦᑐᖅ ᑐᓂᑦᑍᓕᓂᐊᕐᓇᒍ ᐅᕙᓐᓄᑦ, ᐊᑕᓃᖅ; ᓇᒡᓕᖕᓂᕕᑦ ᓱᖁᓯᔪᐃᑦᑑᑉ ᑲᔪᓯᑦᓯᐊᕐᓂᕕᓪᓗ ᑍᒪᓐᖓᑦ ᓴᐳᑎᓯᒪᓕᖓ.

ᐃᓐᖏᕈᑎᑦ 41:12

ᐅᕙᖓᓕ ᓇᔪᒻᒥᕙᕐᒪ ᐱᓇᓱᐊᑦᓯᐊᕐᓂᕋ ᐱᓪᓗᒍ, ᓇᔪᒐᕐᓂᓗ ᐃᓂᖃᕐᑎᑉᐸᕐᒪ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 43:3

ᖃᐅᒪᓃᑦ ᑎᓕᓚᐅᕈᒃ ᓱᓕᑦᓯᐊᕐᓃᓪᓗ! ᑖᒃᑯᐊ ᑕᓯᐅᕐᓕᖓ; ᑖᒃᑯᐊ ᑎᑭᑎᓪᓕᖓ ᖃᖅᑲᖁᑎᖕᓄᑦ ᐃᑦᔪᕐᓁᑦᑐᒧᑦ ᑐᐱᕐᔪᐊᖁᑎᖕᓄᓪᓗ ᑐᒃᓯᐊᕐᕕᒡᔪᐊᒧᑦ.

ᐃᓐᖏᕈᑎᑦ 57:3

ᑎᓕᓯᓂᐊᕐᐳᖅ ᕿᓚᖕᒥᑦ ᐱᐅᓕᓗᖓᓗ, ᓵᓚᒋᓂᐊᕐᐰᓪᓗ ᐅᕙᓐᓂᒃ ᑐᖁᑦᓯᓇᓱᐊᕐᑐᑦ. ᓰᓚ ᒎᑎᐅᑉ ᓇᒡᓕᖕᓂᓂ ᓱᖁᓯᔪᐃᑑᓂᓂᓗ ᑎᓕᓂᐊᕐᐹᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:28

ᑲᒪᑦᓯᐊᕐᓂᖅ ᓱᖁᓯᔪᐃᓐᓂᕐᓗ ᐊᖓᔪᖅᑳᕐᔪᐊᑉ ᐱᓯᒪᔭᐅᑦᔪᑎᒋᕔᑦ, ᐃᒃᓯᕙᐅᑕᕐᔪᐊᖓᓗ ᒪᑭᑕᑎᑕᐅᕗᖅ ᐃᓱᐊᕐᑐᓕᓂᕐᒧᑦ.

ᒤᑲᐅᑉ ᐊᒡᓚᖏᑦ 7:20

ᓱᓕᑦᓯᐊᕐᓃᑦ ᓴᖅᑭᑎᓐᓂᐊᕐᐸᑦ ᔧᑯᒧᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑐᖅ ᐂᑉᕋᕼᐋᒻᒧᑦ, ᑍᑦᓱᒪᓂᐊᓗᒃ ᐊᖏᕈᑎᒋᓚᐅᕐᑍᑦ ᓯᕗᓕᕕᓂᑦᑎᓐᓄᑦ.

ᓘᑲᓯᐅᑉ ᐊᒡᓚᖏᑦ 1:33

ᐊᖓᔪᖅᑳᕐᔪᐊᖑᔪᒫᕐᐳᖅ ᔧᑰᑉ ᑭᖑᕚᖏᓐᓂᑦ ᐃᓱᖃᖏᑦᑐᒧᑦ; ᐊᑕᓂᐅᓂᖓ ᐃᓱᖃᕈᒫᓐᖏᓚᖅ.”

ᐄᑉᕈᐃᓄᑦ 9:24

᙭ᔅᑑᓯ ᐃᑎᓚᐅᕐᐳᖅ, ᐃᑦᔪᕐᓁᑦᑐᕕᖕᒧᑦ ᐊᒡᒐᓄᑦ ᓴᓇᔭᐅᓯᒪᖏᑦᑐᒧᑦ, ᕿᓚᖕᒦᑦᑐᒧᑦ ᑕᕝᕗᖓ ᐊᑦᔨᐅᑎᑕᐅᓯᒪᔪᒧᑦ, ᓇᖕᒥᓂᕐᓗ ᕿᓚᖕᒧᐊᓚᐅᕐᐳᖅ ᒎᑎᐅᑉ ᓵᖓᓄᑦ ᓴᖅᑭᑦᓱᒪᓪᓗᓂ ᐱᑦᔪᑎᒋᓪᓗᑕ.