4 ᐊᑕᓃᖅ ᐅᑎᓚᐅᕆᑦ, ᓴᐳᑎᓚᐅᓐᖓ! ᐱᐅᓕᓚᐅᓐᖓ ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ.
ᑕᕝᕙ ᐊᑕᓂᐅᑉ ᐊᑎᖓ ᓂᓪᓕᐊᕕᒋᓕᕐᐸᕋ: “ᐊᑕᓃᖅ, ᕿᓄᕕᒋᕙᒋᑦ, ᐃᓅᓯᕋ ᐱᐅᓕᓚᐅᕈᒃ!”
ᐊᑕᓃᖅ ᑕᕐᓂᕋ ᐱᐅᓕᓚᐅᕐᐸᑦ ᑐᖁᒥᑦ; ᖁᕝᕕᐅᕐᓂᒃᑲᓗ ᓄᖅᑲᕐᑎᓚᐅᕐᐸᑎᑦ, ᓵᓚᒋᔭᐅᑎᓚᐅᓐᖏᓚᕐᒪᓗ.
ᐊᑕᓃᖅ, ᑕᕐᓂᕋ ᓴᐳᑎᓚᐅᕈᒃ, ᖃᓂᕐᓂᑦ ᓴᒡᓗᔪᓂᑦ, ᐅᖃᕐᓂᓪᓗ ᓯᓔᕐᕆᒃᓯᔪᓂᑦ.
ᐊᑕᓂᐅᑉ ᓴᐳᑎᓯᒪᓂᐊᕐᐹᑎᑦ ᐱᐅᖏᑦᑐᓕᒫᓂᑦ; ᐃᓅᓰᓪᓗ ᓴᐳᑎᓯᒪᓂᐊᕐᐹ.
ᖃᓄᖅ ᐊᑯᓂᐅᑎᒋᔪᒥᒃ ᑕᕐᓂᒃᑯᑦ ᐃᓱᒪᒃᓴᕐᓯᐅᕆᐊᖃᕐᐳᖔ? ᖃᐅᑕᒫᑦ ᐆᒻᒪᑎᓐᓂ ᕿᒃᓵᒡᓗᖓ? ᖃᓄᖅ ᐊᑯᓂᐅᑎᒋᔪᒥᒃ ᐊᑭᕋᕐᑐᕐᑎᒃᑲ ᓵᓚᖃᕐᓯᒪᓂᐊᕐᐹᑦ ᐅᕙᓐᓂᒃ?
ᐊᑕᓃᖅ, ᒪᑭᓕᕆᑦ, ᐅᐸᒃᑐᕐᓗᒋᓪᓗ, ᐅᕐᕈᑎᓕᒃᑭᑦ. ᐃᓅᓯᕋ ᓴᐳᑎᓚᐅᕈᒃ, ᓴᕕᒡᔪᐊᕐᓄᑦ, ᐱᐅᖏᑦᑐᓕᔪᓂᑦ.
ᓴᕕᒡᔪᐊᒥᑦ ᓴᐳᑎᓚᐅᓐᖓ, ᐃᓄᓯᕋᓗ ᕿᒻᒥᐅᑉ ᐱᔪᓐᓇᕐᓂᖓᓂᑦ ᓴᐳᑎᓗᒍ.
ᐃᓅᓱᒃᑑᓂᓐᓄᑦ ᐊᔪᕐᑐᓕᓂᕆᓚᐅᕐᑕᒃᑲ ᐃᖅᑲᐅᒪᓂᐊᕐᓇᒋᑦ, ᑕᐸᓱᖕᓂᕆᓚᐅᕐᑕᒃᑲᓘᓐᓃᑦ; ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ, ᐃᖅᑲᐅᒪᓐᖓ, ᐱᐅᔫᒐᕕᑦ, ᐊᑕᓃᖅ.
ᐅᕙᖓᓕ, ᑐᒃᓯᐊᕐᓂᕋ ᐃᓕᖕᓄᑦ ᑐᕌᕐᐳᖅ, ᐊᑕᓃᖅ. ᐱᕕᒃᓴᖅ ᓇᓪᓕᐅᑎᒃᐸᑦ, ᒎᑏ, ᓇᒡᓕᖕᓂᕕᑦ ᓱᖁᓯᔪᐃᑦᑑᓂᖓᓄᑦ ᑭᐅᓚᐅᓐᖓ. ᐱᐅᓕᒃᓯᓂᕐᐱᑦ ᑲᔪᓯᑦᓯᐊᕐᓂᖓᓄᑦ.
ᒎᑏ, ᖃᓄᖅ ᐊᑯᓂᐅᑎᒋᔪᖅ ᐊᑭᕋᕐᑐᕐᑐᑦ ᒥᑕᐅᑎᖃᕐᓂᐊᕐᐹᑦ? ᐊᑭᕋᕐᑐᕐᑏᑦ ᐊᑎᕐᓂᒃ ᐅᖃᕐᓂᕐᓘᑎᖃᕐᓂᐊᕐᐸᑦ ᐃᓱᖃᖏᑦᑐᒧᑦ?
ᐊᑕᓃᖅ ᖃᓄᖅ ᐊᑯᓂᐅᑎᒋᔪᖅ ᐅᕙᑦᑎᓐᓄᑦ ᓂᓐᖓᐅᒪᓂᐊᕐᐲᑦ? ᓯᖕᓇᓂᕐᒧᑦ ᓂᓐᖓᐅᒪᓃᑦ ᐃᑯᒪᑎᑐᑦ ᐃᑯᐊᓚᑏᓐᓇᕐᓂᐊᕐᐱᐅᒃ?
ᒎᑏ ᐊᔪᒐᖃᖏᑦᑐᑎᑦ, ᕿᕕᐊᓚᐅᕆᑦ ᐅᕙᑦᑎᓐᓄᑦ; ᕿᓚᖕᒥᑦ ᑕᑯᓴᕐᓗᑎᑦ ᑕᑯᓚᐅᕐᑎᒍᑦ, ᓇᐹᕐᑐᖅ ᑖᓐᓇ ᕔᓂᒃᓴᓕᒃ ᐅᐸᓚᐅᕈᒃ.
ᐅᕙᓐᓄᑦ ᓱᖁᓯᔪᐃᑦᑐᒥᒃ ᓇᒡᓕᖕᓂᖃᕋᕕᑦ; ᑕᕐᓂᕋ ᓴᐳᑎᓚᐅᕋᕕᐅᒃ ᑲᑉᐱᐊᓇᕐᑐᕐᔪᐊᕐᒥᑦ ᑐᖁᖓᔪᑦ ᐃᓂᖓᓂᑦ.
ᐊᑕᓃᖅ ᐅᑎᓚᐅᕆᑦ! ᖃᓄᖅ ᐊᑯᓂᐅᑎᒋᓂᐊᕐᐱᑦ? ᐱᔨᑎᑦ ᓇᒡᓕᒋᓚᐅᒃᑭᑦ!
ᐃᓛᒃ ᐱᕚᓪᓕᕈᓐᓇᖁᓪᓗᖓ ᓂᓐᖓᐅᒪᓂᕐᔪᐊᖃᓚᐅᕐᐳᖓ; ᓇᒡᓕᖕᓂᕐᓄᓪᓕ ᓴᐳᑎᓚᐅᕐᐸᕐᒪ ᐃᑎᕐᓴᒥᑦ ᐊᓯᕈᕐᑕᐅᕕᖕᒥᑦ.
ᓈᓚᓚᐅᕆᑦ ᒎᑏᒃ, ᑐᓵᓗᑎᓪᓗ; ᐃᔩᒃᑭᒃ ᐅᐃᑎᓚᐅᒃᑭᒃ ᑕᑯᓗᑎᓪᓗ ᐃᒡᓗᒐᓴᒡᔪᐊᓂᒃ ᓱᕋᒃᓯᒪᔪᓂᒃ ᐃᕝᕕᑦ ᐊᑎᕐᓂᒃ ᑍᒎᓯᖃᕐᑐᓂᒃ, ᐃᓱᐊᕐᑑᓂᑦᑎᓐᓄᑦ ᑐᒃᓯᐊᓐᖏᓚᒍᑦ, ᐊᖏᔪᐊᓗᖕᒥᒡᓕ ᓂᑲᒍᓱᖕᓃᑦ ᐱᑦᔪᑎᒋᓪᓗᒍ.
ᓯᕗᓕᓯ ᐃᓅᑎᓪᓗᒋᑦ ᒪᓕᒃᑕᐅᖁᔭᓐᓂᒃ ᒪᓕᒍᓐᓁᓚᐅᕐᓯᒪᕗᓯ ᐊᑐᕈᓐᓁᕐᓗᒋᓪᓗ. ᐅᕙᓐᓄᑦ ᐅᑎᕆᑦᓯ, ᑕᕝᕙ ᐅᑎᕐᕕᒋᓂᐊᕐᐸᑦᓯ, ᕿᓚᖕᒥᐊᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ. ᐅᖃᕐᐳᓯᓕ, ‘ᖃᓄᕐᓕ ᐅᑎᕈᓐᓇᕐᐱᑖ?’
ᒎᑎ ᓂᕐᑐᓚᐅᕐᓚᕗᑦ ᓂᕐᑐᕐᓇᕐᓂᕐᔪᐊᒥᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓ ᐱᑦᔪᑎᒋᓗᒍ, ᐊᑭᖃᖏᑦᑐᒥᒃ ᑐᓂᓯᕕᒋᓚᐅᕐᒪᑎᒍᑦ ᓇᒡᓕᒋᒻᒪᕆᒃᑕᒥᒍᑦ.
