2 ᓂᑲᒋᓚᐅᓐᖓ ᐊᑕᓃᖅ ᓴᓐᖐᑦᑑᒐᒪ; ᐊᑕᓃᖅ ᐋᖅᑭᓚᐅᓐᖓ ᓴᐅᓂᒃᑲ ᐃᓱᐊᖏᒻᒪᑕ.
ᐂᑉᕋᕼᐋᒻᓗ ᒎᑎᒧᑦ ᑐᒃᓯᐊᕐᐳᖅ; ᒎᑎᐅᓪᓗ ᐊᐱᒥᓕᑭ ᓄᓕᐊᖓᓗ ᐋᖅᑭᒃᐹᒃ, ᐱᔨᖏᓪᓗ ᐊᕐᓁᑦ ᐋᖅᑭᒃᑭᕔᑦ, ᑕᕝᕙ ᕿᑐᕐᖓᕐᑖᕈᓐᓇᕐᓯᓚᐅᕐᐳᑦ.
ᐃᓚᓐᓇᕆᔭᒃᑳ, ᓈᒃᑭᒋᓚᐅᕐᓯᓐᖓ, ᓈᒃᑭᒋᓚᐅᕐᓯᓐᖓ, ᒎᑎᐅᑉ ᐊᒡᒐᖕᒥᓄᑦ ᐊᒃᑐᕐᓯᒪᖕᒪᖓ!
ᒎᑎ ᑭᓕᕐᓯᒍᓂ, ᒪᑦᑐᓯᕐᓯᓲᖑᕗᖅ; ᐊᒡᒐᖕᒥᓄᑦ ᐋᓐᓂᕐᓯᒍᓂ, ᐊᒡᒐᖕᒥᓄᑦᑕᐅᖅ ᐋᖅᑮᓂᐊᕐᐳᖅ.
ᐃᒥᕐᑐᑦ ᑯᕕᔭᐅᕗᖓ, ᓇᒡᒍᐊᒃᑲ ᑕᒪᕐᒥᒃ ᐃᓂᒥᓂᑦ ᓄᓱᒃᓯᒪᕗᑦ; ᐆᒻᒪᑎᒐ ᐸᑎᐅᔭᑐᑦ ᑍᒤᓕᕐᐳᖅ; ᐊᐅᒃᓯᒪᓪᓗᓂ ᓴᒡᕕᖕᒪ ᐃᓗᐊᓂ;
ᐊᑕᓃᖅ, ᒎᑎᒐ, ᐃᑲᔪᕐᑕᐅᔪᒪᓂᕐᒧᑦ ᓂᓪᓕᐊᒐᒪ, ᑕᕝᕙ ᑎᒥᒃᑯᑦ ᐋᖅᑭᓚᐅᕐᐸᕐᒪ.
ᐃᓅᓯᕋ ᓄᖑᑕᐅᓕᕐᐳᖅ ᐃᓱᒪᔮᕐᓂᕐᒧᑦ; ᐊᕐᕌᒍᒃᑲᓗᑦᑕᐅᖅ ᐊᓂᕐᓴᐅᒥᓂᕐᒧᑦ; ᓄᑭᖏᕈᑎᕗᖓ ᐊᔪᕐᑐᓕᓂᒃᑲ ᐱᑦᔪᑎᒋᓪᓗᒋᑦ, ᓴᐅᓂᒃᑲᓘᓐᓃᑦ ᓴᓐᖐᑦᑑᓕᕐᐳᑦ.
ᓂᐱᖃᕐᑎᓐᓇᖓ, ᓴᐅᓂᒃᑲ ᐊᔪᓕᕐᐸᓪᓕᐊᓚᐅᕐᐳᑦ, ᐅᓪᓗᖅ ᓈᓪᓗᒍ ᓂᐹᕐᓂᓐᓄᑦ.
ᖃᕐᔪᕕᑦ ᑭᓪᓕᖕᒪᖓ ᐃᑎᔪᒧᑦ, ᐊᒡᒐᒃᐱᓪᓗ ᐊᒻᒧᑦ ᓇᕿᒻᒪᖓ.
ᐅᕕᓂᒐ ᖃᓄᐃᖏᑦᑐᖃᓐᖏᓚᖅ, ᓂᓐᖓᐅᒪᓃᑦ ᐱᑦᔪᑎᒋᓪᓗᒍ; ᓴᐅᓂᒃᑲᓗ ᖃᓄᐃᖏᑦᑑᓐᖏᓚᑦ, ᐊᔪᕐᓂᒃᑲ ᐱᑦᔪᑎᒋᓪᓗᒋᑦ.
ᕿᑎᕋᓗ ᐊᖏᔪᒥᒃ ᐋᓂᐊᔪᐊᓘᕗᖅ; ᐅᕕᓂᒐᓗ ᖃᓄᐃᖏᑦᑑᓂᖃᓐᖏᓚᖅ.
ᑐᓵᑎᓚᐅᓐᖓ ᖁᕕᐊᓱᖕᓂᕐᒥᒃ ᐊᓕᐊᓁᒍᓱᖕᓂᕐᒥᒡᓗ, ᓴᐅᓃᑦ ᓯᖁᒥᓚᐅᕐᑕᑎᑦ ᖁᕕᐊᓱᓕᖁᓪᓗᒋᑦ.
ᐅᖃᕐᓗᓂᓗ, “ᐊᑕᓂᐅᑉ ᒎᑎᕕᑦ ᓂᐱᖓᓂᒃ ᓈᓚᑦᓯᐊᕐᓂᐊᕈᕕᑦ, ᑖᑦᓱᒪᓗ ᓈᒻᒪᒋᔭᖓᓂᒃ ᐱᓇᓱᐊᕐᓂᐊᕈᕕᑦ, ᐱᖁᔨᓂᕆᔭᓕᒫᖏᓪᓗ ᒪᓕᑦᓯᐊᕐᓂᐊᕈᕕᒋᑦ, ᑕᕝᕙ ᖃᓂᒪᓇᕐᑐᓄᑦ ᑎᑭᑕᐅᑎᓐᓂᐊᓐᖏᓚᒋᑦ ᐄᑦᔨᑉᑎᒥᐅᓄᑦ ᑎᑭᑎᓚᐅᕐᑕᒪ ᐊᑦᔨᖏᓐᓄᑦ; ᐅᕙᖓ ᐊᑕᓂᐅᒐᒪ, ᐃᓕᖕᓂᒃ ᐋᖅᑭᒃᓱᐃᔨ.”
ᐋᖅᑭᒋᐊᓚᐅᓐᖓ ᐊᑕᓃᖅ, ᐊᑲᐅᒋᔭᕐᓄᑦ; ᓂᓐᖓᐅᑎᖏᓪᓗᖓ, ᓱᓇᐅᔪᓐᓃᖁᓇᖓ.
ᐊᑕᓃᖅ ᐋᖅᑭᓚᐅᓐᖓ, ᑕᕝᕙ ᐋᖅᑭᖕᓂᐊᕐᐳᖓ; ᐱᐅᓕᓚᐅᓐᖓ ᑕᕝᕙ ᐱᐅᓕᔭᐅᓂᐊᕐᐳᖓ; ᐃᕝᕕᑐᐊᖅ ᓂᕐᑐᒐᒃᓴᕆᒐᒃᑭᑦ.
“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.
ᒨᓯᓯᓗ ᐊᑕᓂᕐᒧᑦ ᓂᓪᓕᐊᓪᓗᓂ, ᐅᖃᕐᐳᖅ, “ᒎᑏ, ᐅᓇ ᐱᔪᓐᓁᕐᑎᓚᐅᕈᒃ, ᑐᒃᓯᐊᕐᐳᖓ ᐃᓕᖕᓄᑦ!”
ᑐᓴᐅᒪᔭᐅᓕᕐᐳᖅ ᓄᓇᒥ ᓯᕆᐊᓕᒫᒥ, ᐃᓄᐃᑦ ᑕᕝᕗᓐᖓᐅᑦᔨᕗᑦ ᖃᓂᒪᔪᖁᑎᒥᖕᓂᒃ, ᐊᑦᔨᒌᖏᑦᑐᓂᒃ ᖃᓂᒻᒪᓯᖃᕐᑐᓂᒃ, ᐃᓕᖅᑯᓯᕐᓗᒡᑐᓂᒡᓗ, ᐊᓂᕐᓂᕐᓗᖕᒧᓪᓗ ᐃᑎᕐᕕᐅᓯᒪᔪᓂᒃ, ᖀᕐᓱᕐᐸᒃᑐᓂᒡᓗ, ᓄᑭᖃᖏᑦᑐᓂᒡᓗ, ᔩᓱᓯᐅᑉ ᑕᒪᕐᒥᒃ ᐋᖅᑭᒃᐰᑦ.
ᒫᓐᓇ ᑕᑯᓕᕆᑦᓯ ᐅᕙᖓᐅᒐᒪ, ᑖᓐᓇᑐᐊᑦᓯᐊᖑᓪᓗᖓ ᒎᑎᐅᒐᒪ; ᐊᓯᓐᓂᒃ ᓴᓂᒃᑯᑦ ᒎᑎᑕᖃᓐᖏᓚᖅ; ᑐᖁᑦᓯᕙᒡᓗᖓ ᐃᓅᑎᑦᓯᕙᒃᐳᖓ; ᐃᑭᓕᕐᑎᑦᓯᓲᖑᓪᓗᖓᓗ ᒪᒥᑎᑦᓯᕙᒃᐳᖓ, ᑭᓇᓘᓐᓃᑦ ᐱᔪᓐᓇᕐᓂᓐᓂᒃ ᕿᒫᔪᓐᓇᓐᖏᓚᖅ.
