1 ᐊᑕᓃᖅ ᓂᓐᖓᒡᓗᑎᑦ ᓱᐊᒃᑍᓕᓐᖓ, ᓈᒻᒪᒃᓴᖏᓐᓂᕐᔪᐊᒧᓪᓗ ᓱᒋᐊᕐᑍᓕᓐᖓ.
ᓴᑲᕅᐊ, ᐊᔧ-ᐃᐅᓪ, ᓯᒥᕋᒫᑎ, ᔨᕼᐃᐅᓪ, ᐆᓐᓂ, ᐃᓔᐊᑉ, ᒫ-ᐊᓯᐊ, ᐱᓁᐊᓗ, ᓄᖃᕐᑎᓕᖕᓂᒃ ᕼᐊᕐᐱᓂᒃ ᐊᑐᑦᑐᒃᓴᐅᓪᓗᑎᒃ ᐊᓚᒨᑎ ᒪᓕᒡᓗᒍ;
ᐅᑯᐊ ᒪᑎᑍᐊ, ᐃᓕᕕᓕᕼᐅ, ᒥᒃᓁᐊ, ᐅᐱᑦ-ᐄᑕᒻ, ᔨ-ᐂᓕ, ᐊᔭᔧᐊᓗ ᓄᖃᕐᑎᓕᖕᓄᑦ ᐊᑐᕐᑐᒃᓴᐅᕗᑦ ᓯᕗᓕᕐᓗᑎᒃ ᓯᒤᓂᑎᒥᒃ ᒪᓕᒡᓗᑎᒃ;
ᐊᑕᓂᐅᑉ ᐋᖅᑭᓱᓚᐅᕐᐹᖓ ᓂᑲᒋᓇᓂᖓ, ᑭᓯᐊᓂᓕ ᑐᖁᒧᑦ ᑐᓂᓚᐅᓐᖏᓛᖓ.
ᐃᑲᔪᓚᐅᕆᑦ, ᐊᑕᓃᖅ, ᒎᑎᒥᒃ ᓈᓚᑦᓯᐊᕐᑐᑦ ᓄᖑᓕᕐᒪᑕ! ᐅᒃᐱᕐᓂᕐᒥ ᓱᖁᓯᔪᐃᑦᑐᑦ ᐊᓯᐅᓕᕐᒪᑕ ᐃᓄᖕᓂᑦ.
ᑕᕝᕙ ᓂᓐᖓᒃᓯᒪᓂᕐᒥᓂᒃ ᐅᖃᕐᕕᒋᔪᒫᕐᐰᑦ, ᑲᑉᐱᐊᓱᒃᑎᓪᓗᒋᓪᓗ ᖁᕕᐊᓱᖏᓐᓂᕐᔪᐊᒥᓄ ᐅᖃᕐᓗᓂ,
ᐊᑕᓃᖅ ᓱᐊᖕᓂᐊᕐᓇᖓ ᓂᓐᖓᐅᒪᓗᑎᑦ ᐋᖅᑭᒋᐊᕐᓂᐊᕐᓇᖓᓗ ᓈᒻᒪᒃᓴᓐᖏᕕᒡᔪᐊᕐᓗᑎᑦ!
ᑐᓴᓚᐅᓐᖓ ᐃᓕᖕᓄᑦ ᓂᓪᓕᐊᓕᕈᒪ ᒎᑏ, ᐃᓱᐊᕐᑑᓪᓗᑎᑦ ᒎᑎᒋᒐᒃᑭᑦ! ᐅᖁᒤᒃᓴᕐᓂᓐᓂᑦ ᐅᕿᒡᓕᑎᑉᐸᕐᒪ ᓈᒃᑭᒋᓚᐅᓐᖓ, ᑐᒃᓯᐊᕐᓂᕋᓗ ᑐᓴᕐᓗᒍ.
ᑕᒪᓐᓇ ᐊᑦᔨᖃᕐᑎᑉᐸᕋ ᓄᐊ ᐃᓅᑎᓪᓗᒍ ᐱᓚᐅᕐᑐᒥᒃ; ᐅᖃᕕᒃᓗᖓ ᐅᖃᓚᐅᕋᒪ ᓄᐊ ᐃᓅᑎᓪᓗᒍ ᓄᓇᕐᔪᐊᓕᒫᖅ ᐅᓕᕕᒡᔪᐊᒧᑦ ᑎᑭᑕᐅᒃᑲᓐᓂᖁᓇᒍ, ᒫᓐᓇᑦᑕᐅᖅ ᐅᖃᕕᒃᓗᖓ ᐅᖃᕐᐳᖓ ᓂᓐᖓᒡᕕᒋᓂᐊᕈᓐᓃᕐᐸᑦᓯ ᓱᐊᖕᓂᐊᕈᓐᓃᕐᓗᓯᓗ.
ᐸᓯᒃᓯᓂᐊᓐᖏᓚᖓ ᑕᐅᕗᖓᓕᒫᖅ, ᓂᓐᖓᐅᒤᓐᓇᕐᓂᐊᕐᓇᖓᓗ; ᐃᓅᑉ ᐊᓂᕐᓂᖓ ᓵᓐᓂ ᐊᔪᓕᖁᓇᒍ, ᑕᕐᓂᖏᓪᓗ ᓴᓇᓚᐅᕋᒃᑭᑦ.
ᐋᖅᑭᒋᐊᓚᐅᓐᖓ ᐊᑕᓃᖅ, ᐊᑲᐅᒋᔭᕐᓄᑦ; ᓂᓐᖓᐅᑎᖏᓪᓗᖓ, ᓱᓇᐅᔪᓐᓃᖁᓇᖓ.
ᓯᕘᕋᓂᐊᕋᓯ ᔧᑯᒃᑯᑦ ᐃᓄᖁᑎᒃᑲ, ᐃᓚᒋᒐᑦᓯ, ᐊᑕᓂᖅ ᐅᖃᕐᐳᖅ, ᐃᓅᖃᑎᒌᒡᔪᐊᓂᒃ ᐊᓯᕈᕐᑕᐅᑎᑦᓯᓯᒪᒐᓗᐊᕐᐳᖓ, ᓯᐊᒻᒪᕐᑎᓪᓗᓯᓗ ᓇᒧᑐᐃᓐᓇᖅ, ᓄᖑᑕᐅᑎᒻᒪᕆᖕᓂᐊᓐᖏᓚᑦᓯᓕ ᐋᖅᑭᒋᐊᕐᓂᐊᕐᐸᑦᓯ ᐊᑲᐅᔪᒦᖁᔨᓂᓐᓄᑦ ᑭᓯᐊᓂ; ᐋᖅᑭᒋᐊᓚᐅᖏᓪᓗᑎᑦ ᓴᒃᑯᓐᓂᐊᓐᖏᓚᒋᑦ, ᐅᕙᖓ, ᐊᑕᓂᐅᔪᖓ ᑕᒪᑐᒥᖓ ᐅᖃᕐᐳᖓ.”
