ᐃᓐᖏᕈᑎᑦ 59:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᔪᒐᖃᖏᓐᓃᓪᓕ ᐃᓐᖏᕈᑎᒋᔪᒪᕙᕋ; ᓂᐱᖅᑯᕐᑐᓗᖓ ᐅᓪᓛᒃᑯᑦ ᐃᓐᖏᕈᒪᕗᖓ ᓇᒡᓕᒍᓱᖕᓂᕐᓂᒃ. ᓴᐳᑦᔨᔨᒋᖃᑦᑕᕋᒃᑭᑦ ᕿᒫᕕᒋᓪᓗᑎᓪᓗ ᐅᓪᓗᐃᑦ ᐅᖁᒤᑦᑐᑦ ᑎᑭᓯᒪᑎᓪᓗᒋᑦ.

ᐃᓐᖏᕈᑎᑦ 59:16 Iomraidhean Croise

ᓴᒧᐃᓕ ᐂᑉᐸᖏᑦ 22:3

ᒎᑎᒐ ᕾᕐᑐᕆᓪᓗᒍ ᕿᒫᕕᒋᕙᕋ, ᓴᐴᓗᑕᕆᕙᕋ ᐱᐅᓕᔭᐅᕕᒃᓴᒪᓗ ᓴᒃᑯᒋᖕᒪᒍ, ᕿᒫᕕᒃᓴᕆᒐᒃᑯ ᓵᓚᐅᓂᐊᖏᑦᑐᖅ, ᐱᐅᓕᔨᒐ; ᐱᐅᓕᒐᕕᖓ ᑲᑉᐱᐊᓇᕐᑐᓂᑦ.

ᔫᐱᐅᑉ ᐊᒡᓚᖏᑦ 15:23

ᑎᖕᒥᐊᑦ ᑎᒥᕕᓂᕐᑐᓲᑦ ᐅᑕᖅᑭᕗᑦ ᓂᕆᔪᒪᒧᑦ, ᓇᖕᒥᓂᕐᓗ ᖃᐅᔨᒪᕗᖅ ᓯᕗᓂᖓ ᑖᕐᑐᒦᒻᒪᑦ.

ᔫᐱᐅᑉ ᐊᒡᓚᖏᑦ 37:23

ᐊᔪᒐᖃᖏᑦᑐᖅ ᐊᖏᓗᐊᕐᒪᑦ ᓇᒡᕚᕈᓐᓇᓐᖏᓚᕗᑦ; ᐱᔪᓐᓇᕐᓂᕐᔪᐊᖃᕐᐳᖅ ᓈᒻᒪᓈᕆᑦᓯᐊᕐᐸᒡᓗᓂᓗ, ᓇᓛᒎᑦᓮᓐᓇᕐᓂᖓᓗ ᐃᓄᖕᓂᒃ ᐅᖁᒤᒃᓴᕐᑎᑦᓯᓂᐊᓐᖏᓚᖅ.

ᐃᓐᖏᕈᑎᑦ 101:1

ᐃᓐᖏᕈᑎᖃᕈᒪᕗᖓ ᑲᔪᓯᑦᓯᐊᕈᒪᓂᕐᒥᒃ ᓈᒻᒪᓈᑦᓯᐊᕈᒪᓂᕐᒥᒡᓗ; ᐃᓕᖕᓄᑦ ᐊᑕᓃᖅ ᐃᓐᖏᕐᓗᖓ ᓂᕐᑐᕈᒪᕙᒋᑦ.

ᐃᓐᖏᕈᑎᑦ 106:8

ᓱᓕᓕ ᐱᐅᓕᓚᐅᕐᐰᑦ ᐊᑎᓂ ᐱᑦᔪᑎᒋᓪᓗᒍ, ᐱᔪᓐᓇᕐᓂᕐᔪᐊᓂ ᖃᐅᔨᔭᐅᑎᑦᓱᒪᓪᓗᒍ.

ᐃᓐᖏᕈᑎᑦ 138:7

ᐊᑲᐅᖏᑦᔪᑎᑕᖃᕐᑐᒃᑯᑦ ᐃᖏᕐᕋᒐᓗᐊᕈᒪ, ᑕᕝᕙ ᓴᐳᑎᓯᒪᓂᐊᕐᐸᕐᒪ; ᐊᒡᒐᑎᑦ ᐃᓴᒡᓗᒋᑦ ᓄᖅᑲᕐᑎᓐᓂᐊᕐᐸᑎᑦ ᐊᑭᕋᕐᑐᕐᑎᒪ ᓂᓐᖓᐅᒪᓂᖏᑦ, ᑕᓕᕐᐱᒃᐱᓪᓗ ᓴᐳᑎᓯᒪᓂᐊᕐᐹᖓ.

ᐃᓐᖏᕈᑎᑦ 143:8

ᐅᓪᓛᒃᑯᑦ ᖃᐅᑕᒫᑦ ᑐᓵᑎᖃᑦᑕᓚᐅᓐᖓ ᓇᒡᓕᒍᓱᖕᓂᕐᓂᒃ, ᐃᓕᖕᓂᒃ ᑕᑎᖃᕋᒪ; ᑐᒃᓯᐊᕐᓂᒃᑲ ᐃᓕᖕᓄᑦ ᖁᒻᒧᐊᒃᐳᑦ; ᐊᔪᕆᕐᑐᓚᐅᓐᖓ ᐊᖅᑯᑎᒃᓴᒥᒃ ᐊᑐᒐᒃᓴᕆᔭᓐᓂᒃ.

ᐃᓐᖏᕈᑎᑦ 145:11

ᐊᑕᓂᐅᕕᒃᐱᑦ ᓂᕐᑐᕐᓇᕐᓂᖓ ᐅᖃᐅᓯᕆᔪᒫᕐᐹᑦ, ᐱᔪᓐᓇᕐᓃᓪᓗ ᐅᖃᐅᑎᒋᓗᒍ,

ᐃᓐᖏᕈᑎᑦ 21:13

ᐊᑕᓃᖅ, ᐊᖏᔪᕈᕐᑎᑕᐅᓕᕆᑦ, ᓴᓐᖏᔫᓃᑦ ᐱᓪᓗᒍ! ᐅᕙᒍᑦ ᐃᓐᖏᕐᓂᐊᕐᐳᒍᑦ ᐱᔪᓐᓇᕐᓃᑦ ᓂᕐᑐᕐᓗᒍ.

ᐃᓐᖏᕈᑎᑦ 30:5

ᓂᓐᖓᐅᒪᓂᖓ ᕿᓚᒥᒻᒪᕆᑯᓗᒃ ᐊᓂᒍᕐᒪᑦ, ᐱᑦᓯᐊᕐᓂᖓᓕ ᐃᓅᓯᐅᑉ ᓈᓂᖓᓄᑦ ᑎᑭᑉᐳᖅ; ᐅᓐᓄᐊᖅ ᓈᓗᒍ ᖁᕝᕕᐅᕐᓂᖃᕐᐳᖅ, ᐅᓪᓛᖑᓕᕐᐸᓪᓕ ᖁᕕᐊᓱᖕᓂᖅ ᑎᑭᑉᐳᖅ.

ᐃᓐᖏᕈᑎᑦ 31:7

ᓂᕐᑐᐃᓂᐊᕐᐳᖓ ᖁᕕᐊᓱᒡᓗᖓᓗ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐱᑦᔪᑎᒋᓗᒍ: ᐅᖁᒤᒃᓴᕐᓂᕋ ᐃᓱᒪᒋᒐᕕᐅᒃ; ᑕᕐᓂᕐᒪ ᐊᒃᓱᕈᕐᑎᑕᐅᓂᖓ ᖃᐅᔨᒪᒐᕕᐅᒃ.

ᐃᓐᖏᕈᑎᑦ 36:5

ᐊᑕᓃᖅ, ᓇᒡᓕᖕᓃᑦ ᓱᖁᓯᔪᐃᑦᑐᖅ ᕿᓚᖕᒦᑉᐳᖅ; ᐱᑦᓯᐊᕐᓃᓪᓗ ᓱᖁᓯᔪᐃᑦᑐᖅ ᓄᕗᔭᓄᑦ ᑎᑭᓯᒪᕗᖅ.

ᐃᓐᖏᕈᑎᑦ 4:1

ᑐᓴᓚᐅᓐᖓ ᐃᓕᖕᓄᑦ ᓂᓪᓕᐊᓕᕈᒪ ᒎᑏ, ᐃᓱᐊᕐᑑᓪᓗᑎᑦ ᒎᑎᒋᒐᒃᑭᑦ! ᐅᖁᒤᒃᓴᕐᓂᓐᓂᑦ ᐅᕿᒡᓕᑎᑉᐸᕐᒪ ᓈᒃᑭᒋᓚᐅᓐᖓ, ᑐᒃᓯᐊᕐᓂᕋᓗ ᑐᓴᕐᓗᒍ.

ᐃᓐᖏᕈᑎᑦ 46:1

ᒎᑎ ᕿᒫᕕᒋᕙᕗᑦ ᐱᔪᓐᓇᐅᑎᒋᓪᓗᒍᓗ, ᐃᑲᔪᕐᑎᒋᓪᓗᒍᓗ ᐃᓱᐊᖏᑦᑐᖃᓕᕐᑎᓪᓗᒍ.

ᐃᓐᖏᕈᑎᑦ 5:3

ᐅᓪᓛᒃᑯᑦ ᓂᐱᒐ ᑐᓴᕐᓂᐊᕐᐸᑦ ᐊᑕᓃᖅ, ᐅᓪᓛᒃᑯᑦ ᐃᓕᖕᓄᑦ ᑐᕌᕐᑐᒥᒃ ᓂᓪᓕᐊᔪᒪᕗᖓ, ᖁᒻᒧᓪᓗ ᑕᑯᓴᕐᓂᐊᕐᐳᖓ.

ᐃᓐᖏᕈᑎᑦ 77:2

ᐅᖁᒤᒃᓴᕐᓂᕐᒪ ᓇᓪᓕᐅᓐᓂᖓᓂ ᐊᑕᓂᖅ ᕿᓂᓚᐅᕐᐸᕋ; ᐊᒡᒐᒃᑲ ᐃᓵᖓᑎᓚᐅᕐᐸᒃᑲ ᐅᓐᓄᐊᒃᑯᑦ ᓄᖅᑲᓚᐅᕐᓇᖓ; ᑕᕐᓂᕋ ᓮᒻᒪᕐᓴᕐᑕᐅᔪᒪᓚᐅᓐᖏᓚᕐᓘᓐᓃᑦ.

ᐃᓐᖏᕈᑎᑦ 86:13

ᐅᕙᓐᓄᑦ ᓱᖁᓯᔪᐃᑦᑐᒥᒃ ᓇᒡᓕᖕᓂᖃᕋᕕᑦ; ᑕᕐᓂᕋ ᓴᐳᑎᓚᐅᕋᕕᐅᒃ ᑲᑉᐱᐊᓇᕐᑐᕐᔪᐊᕐᒥᑦ ᑐᖁᖓᔪᑦ ᐃᓂᖓᓂᑦ.

ᐃᓐᖏᕈᑎᑦ 88:13

ᐃᓕᖕᓄᓪᓕ ᓂᓪᓕᐊᕗᖓ ᐊᑕᓃᖅ; ᐅᓪᓛᒃᑯᑦ ᑐᒃᓯᐊᕐᓂᕋ ᐃᓕᖕᓄᑦ ᐱᑎᑉᐸᕋ.

ᐃᓐᖏᕈᑎᑦ 89:1

ᐊᑕᓃᖅ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐃᓐᖏᐅᑎᒋᔪᒪᕙᕋ ᐃᓱᖃᖏᑦᑐᒧᑦ: ᓱᖁᓯᔪᐃᓐᓃᑦ ᐅᖃᐅᓯᕆᔪᒪᕙᕋ ᑭᖑᕚᕇᓕᒫᓄᑦ.

ᒨᓯᓯ ᐂᑉᐸᖏᑦ 15:6

ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐱᔪᓐᓇᕐᓂᕐᔪᐊᖃᕐᐳᑦ, ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐊᑭᕋᕐᑐᕐᑎᓂᒃ ᓯᖁᒥᑦᑎᕗᑦ.

ᔨᕆᒤᐊᐅᑉ ᐊᒡᓚᖏᑦ 30:7

ᐅᓪᓗᖅ ᑍᓐᓇ ᑲᑉᐱᐊᓇᕐᑐᖃᕐᑐᖅ ᐊᑦᔨᖃᕈᒫᓐᖏᓚᖅ ᔧᑯᒃᑯᑦ ᐊᒃᓱᕈᕐᓇᕐᑐᒦᑦᓱᒫᕐᐳᑦ, ᑭᓯᐊᓂᓕ ᑕᕝᕙᓐᖓᑦ ᐱᐅᓕᔭᐅᔪᒫᕐᐳᑦ.”

ᕉᒪᒥᐅᓄᑦ 15:9

ᔫᑎᐅᖏᑦᑐᓪᓗ ᓂᕐᑐᐃᓕᖁᓪᓗᒋᑦ ᒎᑎᒥᒃ ᓂᑲᒍᓱᖕᓂᖓ ᐱᑦᔪᑎᒋᓗᒍ. ᑎᑎᕋᕐᓯᒪᖕᒪᑦ, “ᑍᒤᒻᒪᑦ ᓂᕐᑐᕐᓂᐊᕐᐸᒋᑦ ᔫᑎᐅᖏᑦᑐᑦ ᐊᑯᕐᖓᓐᓂ, ᐃᓐᖏᕐᓗᖓᓗ ᓂᕐᑐᕈᒪᕙᒋᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:10

ᑖᑦᓱᒪ ᓴᐳᑎᓚᐅᕐᐹᑎᒍᑦ ᑐᖁᒦᓐᓇᕐᑐᓂᑦ, ᓱᓕᓗ ᓴᐳᑎᓂᐊᕆᕚᑎᒍᑦ; ᑖᑦᓱᒪᓐᖓᑦ ᓂᕆᐅᒃᐳᒍᑦ ᓱᓕ ᓴᐳᑎᓯᒪᓂᐊᕐᒪᑎᒍᑦ.

ᐃᐱᓯᒥᐅᓄᑦ 3:20

ᑖᑦᓱᒪᓕ ᐱᔪᓐᓇᕐᓂᕐᒥᒍᑦ ᐅᕙᑦᑎᓐᓂ ᐱᓇᓱᐊᕐᑑᑉ ᐱᓇᓱᐊᕐᕕᒋᔪᓐᓇᕐᐹᑎᒍᑦ ᐱᔪᒪᔪᓐᓇᕐᑕᑦᑕ ᐃᓱᒪᒋᔪᓐᓇᕐᑕᑦᑕᓗ ᐅᖓᑖᓃᑦᑐᓂᒃ,

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.

ᓴᒧᐃᓕ ᓯᕗᓪᓖᑦ 17:37

ᑍᕕᑎᓗ ᐅᖃᒃᑲᓐᓂᕐᐳᖅ, “ᐊᑕᓂᐅᑉ ᐱᐅᓕᓚᐅᕐᐹᖓ ᓛᔭᑦ ᑯᑭᖏᓐᓂᑦ ᓇᓅᓪᓗ ᑯᑭᖏᓐᓂᑦ, ᐱᐅᓕᓂᐊᕆᕚᖓ ᐱᓕᔅᑍᓂᒥᐅᑉ ᐊᒡᒐᖓᓂᑦ.” ᓴᐅᓕᐅᓪᓗ ᑍᕕᑎ ᐅᖃᐅᑎᕚ, “ᐂᓕᕆᑦ ᐊᑕᓂᐅᑉ ᐃᓚᒋᓛᑎᑦ.”