ᐃᓐᖏᕈᑎᑦ 57:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᓛᔭᑦ ᐊᑯᓐᓂᖓᓂ ᓇᓚᕗᖓ ᐃᓄᐃᑦ ᕿᑐᕐᖓᖏᑕ ᐊᑯᕐᖓᓐᓂ ᓛᔭᑎᑐᑦ ᑳᒃᑐᑎᑐᑦ; ᑖᒃᑯᐊ ᑭᒍᑎᖃᕐᐳᑦ ᓇᐅᒃᑯᑎᓂᒃ ᖃᕐᔪᓂᒡᓗ, ᐅᖃᖃᕐᐳᓪᓗ ᓴᕕᒡᔪᐊᓂᒃ ᐃᐱᒃᑐᓂᒃ.

ᐃᓐᖏᕈᑎᑦ 57:4 Iomraidhean Croise

ᔫᐱᐅᑉ ᐊᒡᓚᖏᑦ 41:14

ᑭᓇᒧᑦ ᐊᒡᓕᕈᖏᒃ ᐂᑦᑕᕐᑎᑕᐅᔪᓐᓇᕐᐹᒃ, ᑭᒍᑎᓂᒃ ᐊᕙᓗᓯᒪᑎᓪᓗᒋᒃ ᐅᓗᕆᐊᓇᕐᑐᓂᒃ?

ᐃᓐᖏᕈᑎᑦ 10:9

ᖃᐅᔨᔭᐅᓇᓂᓗ ᐅᑕᖅᑭᕗᖅ ᓛᔭᑎᑐᑦ ᓯᑎᒥᓂ ᐅᑕᖅᑭᔪᑎᑐᑦ, ᐅᑕᖅᑭᕗᕐᓗ ᐊᔪᕐᓴᕐᑐᖅ ᓵᓚᒋᔪᒪᓪᓗᒍ; ᐊᔪᕐᓴᑐᓪᓗ ᓵᓚᒋᕔᑦ, ᐅᓂᐊᕐᓗᒋᓪᓗ ᓄᓗᐊᒥᓄᑦ.

ᐃᓐᖏᕈᑎᑦ 35:17

ᐊᑕᓃᖅ, ᖃᓄᖅ ᐊᑯᓂᐅᑎᒋᔪᒥᒃ ᑕᑯᓐᓇᑐᐃᓐᓇᕐᓂᐊᕐᐲᑦ? ᓴᐳᑎᓚᐅᓐᖓ ᐊᓯᕈᐃᓇᓱᐊᕐᓂᖏᓐᓂᑦ, ᐃᓅᓯᕋᓗ ᐱᐅᓕᓗᒍ ᓔᔭᓂᑦ.

ᐃᓐᖏᕈᑎᑦ 43:3

ᖃᐅᒪᓃᑦ ᑎᓕᓚᐅᕈᒃ ᓱᓕᑦᓯᐊᕐᓃᓪᓗ! ᑖᒃᑯᐊ ᑕᓯᐅᕐᓕᖓ; ᑖᒃᑯᐊ ᑎᑭᑎᓪᓕᖓ ᖃᖅᑲᖁᑎᖕᓄᑦ ᐃᑦᔪᕐᓁᑦᑐᒧᑦ ᑐᐱᕐᔪᐊᖁᑎᖕᓄᓪᓗ ᑐᒃᓯᐊᕐᕕᒡᔪᐊᒧᑦ.

ᐃᓐᖏᕈᑎᑦ 52:2

ᐅᖃᓯ ᐋᖅᑭᒃᓱᐃᕗᑦ ᐊᓯᕈᐃᓂᕐᒥᒃ ᐃᐱᒃᑐᑐᑦ ᐅᓐᖏᔭᐅᑎᑐᑦ, ᐅᐃᕕᕆᒃᓯᓂᕐᒥᒃ ᐱᓇᓱᐊᕐᐳᓯ.

ᐃᓐᖏᕈᑎᑦ 55:21

ᐅᖃᐅᓯᖏᑦ ᐱᐊᖕᓂᕐᓴᐅᕗᑦ ᐸᑕᒥᑦ, ᐅᓇᑕᕈᒪᓂᕐᓕ ᐆᒻᒪᒥᐅᑕᕆᕚᑦ; ᐅᖃᐅᓯᖏᑦ ᐃᓱᐊᕐᓯᑎᑦᓯᓂᕐᓴᐅᕗᑦ ᐅᕐᓱᒥᑦ, ᑭᓯᐊᓂ ᓴᕕᒡᔪᐊᒥᒃ ᑎᒍᒥᐊᕐᐳᑦ.

ᐃᓐᖏᕈᑎᑦ 58:6

ᒎᑏ, ᑭᒍᑎᖏᑦ ᖃᓂᖏᓐᓃᑦᑐᑦ ᓯᖁᒥᒃᑭᑦ; ᐊᑕᓃᖅ, ᓛᔭᑦ ᐃᓐᓇᐅᖏᑦᑐᑦ ᑐᓗᕆᐊᖏᑦ ᓄᓱᒃᑭᑦ!

ᐃᓐᖏᕈᑎᑦ 59:7

ᑕᑯᓕᕆᑦ, ᖃᓂᕐᒥᖕᓂᑦ ᐊᓂᑎᑕᖏᓐᓂᒃ, ᖃᓂᕐᒥᒍᑦ ᐅᖃᐅᓯᕆᔭᖏᑦ ᓴᕕᒡᔪᐊᑎᑑᕐᐳᑦ, ᐅᖃᕐᓗᑎᒡᓗ, “ᑭᐊ ᑐᓵᕚᑎᒍᑦ?”

ᐃᓐᖏᕈᑎᑦ 64:3

ᐅᖃᕐᒥᖕᓂᒃ ᐃᐱᒃᓮᕗᑦ ᓴᕕᒡᔪᐊᑎᑐᑦ, ᐅᖃᐅᓯᕐᒥᖕᓂᒃ ᐋᖅᑭᒃᓱᐃᕗᑦ ᐱᑎᒃᓯᒧᑦ ᑐᕌᕐᑎᑎᕐᑐᑎᑐᑦ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:18

ᐅᖃᐅᓯᕐᒥᖕᓂᒃ ᐅᑦᔨᕐᓱᕈᓐᓇᖏᑦᑑᑉ ᐅᖃᐅᓯᖏᑦ ᓴᕕᒡᔪᐊᑎᑐᑦ ᑲᐱᓯᕗᑦ, ᓯᓚᑐᔪᓪᓕ ᐅᖃᐅᓯᖏᑦ ᐋᖅᑭᒃᑕᐅᓐᓇᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:18

ᐊᖑᑦ ᓴᒡᓗᑎᖃᕐᑐᖅ ᐃᓅᖃᑎᒥᓂᖅ, ᐊᑦᔨᖃᕐᐳᖅ ᐊᓇᐅᑕᕐᒥᒃ, ᓴᕕᒡᔪᐊᒥᒡᓘᓐᓃᑦ, ᖃᕐᔪᒥᒡᓘᓐᓃᑦ ᐃᐱᒃᑐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:15

ᓛᔭᑎᑐᑦ ᓂᓪᓕᐊᔪᑎᑐᑦ ᓇᓄᕐᑎᑐᓪᓗ ᐅᐸᒃᑐᕐᑐᑎᑐᑦ ᑍᒤᒃᑭᕗᖅ ᐱᐅᖏᓐᓂᕐᒥ ᐊᐅᓚᑦᓯᔪᖅ ᐃᓄᖕᓄᑦ ᐊᔪᕐᓴᕐᑐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:14

ᐃᓄᖃᕆᕗᖅ ᑭᒍᑎᖃᕐᑐᓂᒃ ᓴᕕᒡᔪᐊᑎᑐᑦ, ᑭᒍᑎᖏᑦ ᓴᕕᒃᑎᑑᕐᑐᓂᒃ, ᐊᔪᕐᓴᕐᑐᓂᒃ ᐄᖅᑲᕐᑐᑎᑐᑦ ᓄᖒᑦᓯᓇᓱᐊᕐᐸᒃᑐᓂᒃ ᓄᓇᒥ ᐃᓅᔪᓂᒃ, ᐱᖃᖏᑦᑐᓂᒃ ᐃᓄᐃᑦ ᐊᑯᕐᖓᓐᓂᑦ.

ᔧᒥᓯᐅᑉ ᐊᒡᓚᖏᑦ 3:6

ᐅᖃᕐᑕᐅᖅ ᐃᑯᒪᐅᕗᖅ. ᓯᓚᕐᔪᐊᖑᓪᓗᓂᓗ ᐱᐅᖏᑦᑑᓕᕐᑎᑎᑦᔪᓇᕐᖢᓂᓗᑦ. ᑎᒥᑦᑕ ᐃᓚᒋᖕᒪᒍ, ᐃᑦᓴᒃᓯᕗᖅ ᑎᒥᑦᑎᓐᓂᒃ ᐃᑯᐊᓪᓔᕗᖅ ᐃᓅᓯᓕᒫᑦᑎᓐᓂᒃ, ᑲᑉᐱᐊᓇᕐᑐᕕᐅᑉ ᐃᑯᒪᓐᖓᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:15

ᖃᓂᖓᓂᓪᓗ ᐊᓂᔪᖃᕐᐳᖅ ᓴᕕᒡᔪᐊᒥᒃ ᐃᐱᒃᑐᒥᒃ ᑖᑦᓱᒧᖓ ᐃᓅᖃᑎᒌᒡᔪᐊᑦ ᓵᓚᒋᔪᒫᕐᐰᑦ, ᐊᐅᓚᓐᓂᐊᕐᐰᓪᓗ ᐊᔭᐅᑉᐱᐊᒧᑦ ᓴᕕᕋᔭᖕᒧᑦ; ᑐᓪᓕᕋᕐᓗᒋᓪᓗ ᐅᐂᓃᑦ ᐃᑦᑏᔭᕐᓂᐊᕐᐰᑦ ᐃᑦᑏᔧᕕᖕᒦᑦᑐᑦ ᑕᒪᑦᔭ ᒎᑎᐅᑉ ᐊᔪᒐᖃᖏᑦᑑᑉ ᓂᓐᖓᐅᓯᕐᔪᐊᖓᑕ ᐃᑦᓯᖓ.

ᐃᓗᐊᕐᓮᔩᑦ ᐊᒡᓚᖏᑦ 9:20

ᑍᒤᖏᑉᐸᓪᓕ, ᐃᑯᒪ ᐊᓂᓕᕐᓕ ᐊᐱᒥᓕᒃᒥᑦ ᐃᑯᐊᓪᓚᒡᓗᒋᓪᓗ ᓯᑭᒻᒥᐅᑦ ᐱᔅᒥᐅᓪᓗ. ᐃᑯᒪᓗ ᐊᓂᓕᕐᓕ ᓯᑭᒻᒥᑦ ᐱᔅᒥᓪᓗ ᐃᑯᐊᓪᓚᒡᓗᒍ ᐊᐱᒥᓕᒃ.”