4 ᐆᒻᒪᑎᒐ ᐊᖏᔪᒥᒃ ᐋᓐᓂᐊᕐᐳᖅ ᐃᓗᓐᓂ, ᑐᖂᓪᓗ ᑲᑉᐱᐊᓇᕐᓂᖓᑕ ᐅᕐᕈᕝᕕᒋᕚᖓ.
ᓯᒥᐂᑉ ᐅᖃᕐᓂᕐᓗᐊᕕᒋᓚᐅᕐᐹ ᐅᖃᐅᑎᓪᓗᒍᓗ, “ᐊᐅᓪᓚᓚᐅᕆᑦ! ᐊᐅᓪᓚᓚᐅᕆᑦ! ᑐᖁᕅᔩ! ᐱᖁᔭᓂᒃ ᓯᖁᑦᑎᕆᔩ!
ᑐᖂᑉ ᕿᓚᕈᑎᖏᑕ ᐊᕙᑎᓐᓂᑦ ᕿᓚᒃᓱᓚᐅᕐᐹᖓ, ᑲᑉᐱᐊᓇᕐᑐᕕᐅᑉ ᐋᓐᓂᐊᓇᕐᓂᖓᑕ ᑎᒍᒥᐊᓚᐅᕐᐹᖓ; ᐃᓱᒪᔮᕐᓇᕐᑐᒧᑦ ᕿᒃᓵᖕᓇᕐᑐᒧᓪᓗ ᑎᑭᐅᑎᓚᐅᕐᐳᖓ.
ᓴᐅᓂᒃᑲ ᐋᓐᓂᐊᕗᑦ, ᐊᑭᕋᕐᑐᕐᑎᒪ ᐱᓕᕆᐊᕆᖕᒪᖓ, ᐅᓪᓗᖅ ᓈᓪᓗᒍ ᐊᐱᕐᓱᕐᒪᖓ, “ᒎᑏᓪᓕ ᓇᐅᒃ?”
ᑕᕐᓂᕋᓗ ᐊᖏᔪᒥᒃ ᐃᓱᐊᖏᒻᒪᑦ, ᐃᕝᕕᓪᓕ ᐊᑕᓃᖅ, ᖃᓄᖅ ᐊᑯᓂᐅᑎᒋᓂᐊᕐᐹ?
ᒥᑕᐅᑕᐅᓂᐅᑉ ᐆᒻᒪᑎᒐ ᓯᖁᒥᓯᒪᖕᒪᒍ, ᐅᖁᒤᑦᑐᐊᓗᖕᒦᓕᕐᐳᖓ. ᓇᒡᓕᒋᔨᒃᓴᓐᓂᒃ ᕿᓂᕋᓗᐊᕋᒪ, ᐱᑕᖃᓚᐅᓐᖏᓚᖅ; ᒪᓂᒍᕐᑎᒃᓴᓐᓂᒡᓗ, ᓇᓂᓯᓚᐅᖏᓐᓂᕗᖓ.
ᑕᕐᓂᕋ ᑕᑕᒻᒪᑦ ᐊᑲᐅᓐᖏᓕᐅᕈᑎᓐᓂᒃ, ᐃᓅᓯᕋᓗ ᑐᖁᖓᔪᑦ ᐃᓂᖓᓄᑦ ᖃᒡᓕᓕᕐᓗᓂ.
“ᒫᓐᓇᓕ ᐆᒻᒪᑎᒃᑯᑦ ᐅᖁᒤᑐᒦᑉᐳᖓ. ᖃᓄᖅ ᐅᖃᐅᓯᕆᔭᕆᐊᖓ ᓇᓗᕙᕋ? ᐅᖃᕈᓐᓇᕋᓗᐊᕐᑐᖓ, ‘ᐊᑖᑖᒃ, ᐃᖃᕐᕋᖅ ᑕᒪᓐᓇ ᓇᓪᓕᐅᑎᑎᑦᑍᓕᒍᒃ.’ ᑭᓯᐊᓂᓕ ᑕᒪᓐᓇ ᑎᑭᑦᔪᑎᒋᓯᒪᕙᕋ, ᐃᑲᕐᕋᖅ ᑕᒪᓐᓇ ᐊᑑᑎᔭᕆᐊᖃᕋᑯ.
ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.
