ᐃᓐᖏᕈᑎᑦ 51:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐱᐅᓕᒃᓯᓂᕐᐱᑦ ᖁᕕᐊᓇᕐᓂᖓ ᐅᑎᕐᑎᓚᐅᕈᒃ ᐅᕙᓐᓄᑦ, ᑐᓂᓯᕕᒋᓗᖓᓗ ᐊᓂᕐᓂᕐᒥᒃ ᓈᓚᑦᓯᐊᕈᓐᓇᕐᑐᒥᒃ.

ᐃᓐᖏᕈᑎᑦ 51:12 Iomraidhean Croise

ᐃᓐᖏᕈᑎᑦ 119:133

ᐃᓅᓯᕋ ᒪᓕᑦᓯᐊᕐᑎᒍᒃ ᐅᖃᐅᓯᕐᓂᒃ, ᐊᔪᕐᑐᓕᓂᕐᓄᑦ ᓇᓪᓕᐊᓐᓄᓪᓘᓐᓃᑦ ᐊᐅᓚᑕᐅᓕᖁᓇᖓ.

ᐃᓐᖏᕈᑎᑦ 13:5

ᓇᒡᓕᒍᓱᖕᓃᓪᓕ ᓱᖁᓯᔪᐃᑦᑐᖅ ᑕᑎᒋᓚᐅᕐᐸᕋ: ᐆᒻᒪᑎᒐ ᖁᕕᐊᓲᑎᖃᕈᒫᕐᐳᖅ ᐱᐅᓕᕐᓯᓂᕐᓂᒃ.

ᐃᓐᖏᕈᑎᑦ 17:5

ᐱᓱᒃᓗᖓ ᑍᒪᓐᖓᑦ ᐊᖅᑯᑎᖕᓃᑎᓚᐅᓐᖓ, ᐊᓪᓗᕐᓂᒃᑲ ᐅᓂᐅᕐᓯᖁᓇᒋᑦ.

ᐃᓐᖏᕈᑎᑦ 19:13

ᐱᔩᑦ ᓴᐳᑎᓯᒪᓚᐅᕈᒃ ᐱᔮᕆᓂᕐᒧᑦ ᐊᔪᕐᓂᕐᓂᑦ; ᑕᒪᒃᑯᐊ ᐊᐅᓚᑦᓯᓕᖁᓇᒋᑦ ᐅᕙᓐᓂᒃ. ᑕᕝᕙ ᓵᑕᒃᓴᐅᓂᐊᓐᖏᓚᖓ, ᐸᓯᔭᒃᓴᐅᓂᐊᓐᖏᓚᖓᓗ ᐊᔪᕐᓂᕐᓂᑦ ᐊᖏᔪᓂᑦ.

ᐃᓐᖏᕈᑎᑦ 21:1

ᐊᑕᓃᖅ, ᐊᖓᔪᖅᑲᕐᔪᐊᖅ ᓴᓐᖏᔫᓂᕐᓂᒃ ᖁᕕᐊᓲᑎᖃᕐᐳᖅ; ᐃᑲᔪᕐᓂᕐᓂᒡᓗ ᐊᖏᔪᒥᒃ ᖁᕕᐊᓲᑎᖃᒻᒪᕆᒃᐳᖅ!

ᐃᓐᖏᕈᑎᑦ 24:4

ᑖᓐᓇ ᓴᓗᒪᔪᓂᒃ ᐊᒡᒐᖃᕐᑐᖅ, ᓴᓗᒪᑦᓯᐊᕐᑐᒥᒡᓗ ᐆᒻᒪᑎᖃᕐᑐᖅ; ᑕᕐᓂᕐᒥᓂᒡᓗ ᖁᕝᕙᕐᑎᑦᓯᖏᑦᑐᖅ ᐱᐅᔪᕆᓂᕐᒧᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᖏᑦᑐᖅ.

ᐃᓐᖏᕈᑎᑦ 35:9

ᑕᕐᓂᕋ ᖁᕕᐊᓲᑎᖃᕐᓂᐊᕐᐳᖅ ᐊᑕᓂᕐᒥᒃ; ᐱᐅᓕᔭᐅᓂᕐᒥᒡᓗ ᖁᕕᐊᓲᑎᖃᕐᔪᐊᕐᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 49:13

ᕿᓚᐅᔪᓯ ᐃᓐᖏᕆᑦᓯ ᖁᕕᐊᓱᖕᓂᕐᒧᑦ! ᓄᓇᕐᔪᐊᖅ ᐃᕝᕕᓪᓗ ᖁᕕᐊᓱᖏᑦ! ᖃᖅᑲᐅᔪᓯ ᓂᐱᖃᓕᕆᑦᓯ ᐃᓐᖏᕐᓗᓯ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᑎᒻᒪᒋᑦ, ᐅᖁᒤᒃᓴᓚᐅᕐᑐᓪᓗ ᓂᑲᒋᓂᐊᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 61:10

ᐊᑕᓂᕐᒥᒃ ᖁᕕᐊᓱᒍᑎᖃᕈᒫᕐᐳᖓ ᐊᖏᔪᒥᒃ, ᑕᕐᓂᕋ ᐊᖏᔪᕈᕐᑎᑦᓯᔪᒫᕐᒪᑦ ᒎᑎᓐᓂᒃ; ᑖᑦᓱᒪ ᐊᓐᓄᕌᕐᑎᓯᒪᖕᒪᖓ ᐱᐅᓕᔭᐅᓂᕐᒥᒃ, ᐅᓕᒃᓯᒪᓪᓗᓂᖓᓗ ᓇᓛᒎᕐᓂᕐᒥᒃ, ᐅᐃᒃᓴᕐᑐᑦ ᑲᑎᑎᑕᐅᓂᐊᕐᑎᓪᓗᒍ ᓂᐊᖁᕐᒥᐅᓯᕐᑕᐅᔪᑎᑐᑦ. ᓄᓕᐊᒃᓴᕐᓗ ᑲᑎᑎᑕᐅᓂᐊᕐᓗᓂ ᐱᐅᓴᕐᓂᕆᕙᒃᑕᖓᑐᑦ ᐱᐅᓴᐅᑎᓄᑦ.

ᔨᕆᒤᐊᐅᑉ ᐊᒡᓚᖏᑦ 10:23

ᐊᑕᓃᖅ ᖃᐅᔨᒪᒐᓗᐊᕐᐳᖓ, ᐃᓄᒃ ᓇᖕᒥᓂᖃᖏᒻᒪᑦ ᐃᓅᓯᕐᒥᓂᒃ, ᐊᑐᕐᓂᐊᕐᑕᓕᒫᓂ ᐊᐅᓚᑍᓐᓇᕆᔪᓐᓇᖏᒻᒪᒋᑦ.

ᓘᑲᓯᐅᑉ ᐊᒡᓚᖏᑦ 1:47

ᐊᓂᕐᓂᕐᒪ ᒎᑎ ᐱᐅᓕᔨᒐ ᖁᕕᐊᓲᑎᒋᕚ,

ᕉᒪᒥᐅᓄᑦ 14:4

ᖃᓄᐃᑦᑑᒐᕕᓪᓕ ᐃᖅᑲᕐᑐᐃᔪᓐᓇᕐᐲᑦ ᐊᓯᕕᑦ ᐱᔨᖓᓂᒃ? ᐱᔨ ᐊᖓᔪᖅᑳᒥᓄᑦ ᒪᑭᑕᑎᑕᐅᖕᒪᑦ ᐱᔪᓐᓁᓕᑎᑕᐅᔪᓐᓇᕐᓗᓂᓘᓐᓃᑦ. ᑖᓐᓇ ᒪᑭᑕᓂᐊᕐᐳᖅ, ᐊᑕᓂᐅᑉ ᐱᔪᓐᓇᕐᑎᒻᒪᒍ.

ᕉᒪᒥᐅᓄᑦ 8:15

ᐊᓂᕐᓂᕐᒥᒃ ᐱᑎᑕᐅᓯᒪᖏᓐᓇᑦᓯ ᑭᒡᒐᐅᑎᑦᓯᔪᒥᒃ ᓯᕘᕋᓂᕐᒧᑦ, ᐊᓂᕐᓂᕐᒥᒡᓕ ᑐᓂᓯᕕᐅᕗᓯ ᒎᑎᒧᑦ ᕿᑐᕐᖓᕆᔭᐅᑎᑦᓯᔪᒥᒃ. ᑖᑦᓱᒨᓇ ᓂᓪᓕᐊᕗᒍᑦ, “ᐋᐸ ᐊᑖᑖᒃ!”

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:17

ᐊᑕᓂᕐᓕ ᐊᓂᕐᓂᐅᖕᒪᑦ; ᐊᑕᓂᐅᓪᓗ ᐊᓂᕐᓂᖓ ᓇᔫᑎᓕᕌᖓᑦ, ᑕᕝᕙᓂ ᕿᓚᕈᑦᔮᕐᓯᒪᓂᖃᕐᐳᖅ.

ᐲᑦᑐᕉᓯ ᓯᕗᓪᓖᑦ 1:5

ᒎᑎᐅᑉ ᐱᔪᓐᓇᕐᓂᖓᒍᑦ ᐱᓯᒪᔭᐅᕗᑦ ᐅᒃᐱᕐᓂᑯᑦ ᐱᐅᓕᔭᐅᕕᒃᓴᖅ ᓇᓪᓕᐅᑎᒃᐸᑦ ᓴᖅᑭᑦᑐᒃᓴᐅᖁᓪᓗᒋᑦ ᐅᓪᓗᐃᑦ ᑭᖑᓪᓕᖏᓐᓂ.

ᔫᑎᐅᑉ ᐊᒡᓚᖏᑦ 1:24

ᑖᓐᓇᓕ ᐃᓕᑦᓯᓐᓂᒃ ᓴᐳᑦᔨᔪᓐᓇᕐᑐᖅ ᑲᑕᖁᓇᓯ ᐸᓯᔭᒃᓴᐅᖁᓇᓯᓗ ᓵᒥᓄᑦ ᐱᓐᓇᕐᓇᕐᑐᕐᔪᐊᒧᑦ ᐂᑎᑦᓯᔪᓐᓇᕐᑐᖅ ᖁᕕᐊᓱᒃᑐᐊᓘᑎᓪᓗᓯ;