ᐃᓐᖏᕈᑎᑦ 47:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐃᓐᖏᕆᑦᓯ ᓂᕐᑐᕐᓗᒍ ᒎᑎ, ᐃᓐᖏᕆᑦᓯ ᓂᕐᑐᐃᓗᓯ! ᐃᓐᖏᕆᑦᓯ ᓂᕐᑐᐃᓗᓯ ᐊᖓᔪᖅᑳᕐᔪᐊᑦᑎᓐᓂᒃ, ᐃᓐᖏᕆᑦᓯ ᓂᕐᑐᐃᓗᓯ!

ᐃᓐᖏᕈᑎᑦ 47:6 Iomraidhean Croise

ᑯᕉᓂᑲ ᓯᕗᓪᓖᑦ 15:28

ᑕᕝᕙ ᐃᓴᕆᐊᓕᒥᐅᓕᒫᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᔨᕉᓴᓕᒧᐊᕈᑎᓕᓚᐅᕐᐹᑦ ᖁᕕᐊᓱᖕᓂᕐᒧ ᕾᒐᓛᕐᓗᑎᒃ, ᑎᑦᑐᓛᕐᓗᑎᒃ, ᓱᐴᒐᕐᓗᑎᒃ, ᓯᕙᓂᕋᐅᑎᓂᒡᓗ ᓂᓪᓕᐊᑎᑦᓯᓪᓗᑎᒃ, ᓄᖃᕐᑎᓕᖕᓄᑦ ᕼᐊᕐᐱᓄᓪᓗ ᓂᑦᔭᐅᓯᔭᕐᓗᑎᒃ ᓂᐱᖅᑯᕐᑐᓪᓗᑎᒃ.

ᑯᕉᓂᑲ ᓯᕗᓪᓖᑦ 16:9

ᑖᓐᓇ ᐃᓐᖏᕐᕕᒋᓯᐅᒃ, ᓂᕐᑐᕐᓗᒍ ᐃᓐᖏᕐᕕᒋᓯᐅᒃ; ᑖᑦᓱᒪ ᑲᒪᓇᕐᑐᓕᓂᓕᒫᖏᑦ ᐅᖃᐅᓯᕆᓯᒋᒃ!

ᑯᕉᓂᑲ ᓯᕗᓪᓖᑦ 29:20

ᑕᕝᕙ ᑍᕕᑎ ᑲᑎᓐᖓᔪᓕᒫᓄᑦ ᐅᖃᕐᐳᖅ, “ᐊᑕᓂᖅ ᒎᑎᓯ ᓂᕐᑐᕐᓯᐅᒃ.” ᐃᓄᓕᒫᓪᓗ ᐊᑕᓂᖅ ᓂᕐᑐᕐᐹᑦ, ᓯᕗᓕᖏᑦᑕ ᒎᑎᖓᑦ, ᐅᑯᓪᓗᑎᒡᓗ, ᐊᑕᓂᖅ ᑐᒃᓯᐊᕐᕕᒋᕚᑦ, ᐊᖓᔪᖅᑳᕐᔪᐊᓪᓗ ᐅᑯᕕᒋᓪᓗᒍ ᐅᐱᒋᕚᑦ.

ᐃᓐᖏᕈᑎᑦ 145:1

ᐊᖏᔪᕈᕐᑎᑦᓱᒪᕙᒋᑦ ᒎᑎᒐ, ᐊᖓᔪᖅᑳᕐᔪᐊᖑᔪᑎᑦ; ᐊᑏᓪᓗ ᓂᕐᑐᕐᓇᕐᓯᑎᓐᓂᐊᕐᐸᕋ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 68:4

ᒎᑎᒧᑦ ᐃᓐᖏᕆᑦᓯ, ᐃᓐᖏᕆᑦᓯ ᐊᑎᖓ ᓂᕐᑐᕐᓗᒍ; ᐊᖏᔪᕈᕐᑎᓯᐅᒃ ᓄᕗᔭᓂ ᐃᑭᒪᔪᖅ, ᐊᑎᖓ ᐊᑕᓂᖅ ᑍᓗᒍ, ᓵᖓᓂ ᖁᕕᐊᓱᒃᑐᐊᓘᒋᑦᓯ.

ᐃᓐᖏᕈᑎᑦ 89:18

ᐊᑕᓂᖅ ᓴᐴᓗᑕᕆᒐᑦᑎᒍ, ᐃᓴᕆᐊᓕᒥᓗ ᐃᑦᔪᕐᓁᑦᑑᔪᖅ ᐊᖓᔪᖅᑳᕐᔪᐊᕆᕙᕗᑦ.

ᒨᓯᓯ ᐂᑉᐸᖏᑦ 15:21

ᒥᕆᐊᒻᓗ ᐃᓐᖏᕐᓯᕗᖅ ᑖᒃᑯᓄᖓ: “ᐊᑕᓂᖅ ᐃᓐᖏᕐᕕᒋᓯᐅᒃ, ᐊᖏᔪᕐᔪᐊᒥᒃ ᓵᓚᖃᕐᑎᑦᓯᖕᒪᑦ; ᕿᒻᒥᕐᔪᐊᑦ ᐃᑭᒪᔨᐅᓕᒫᖏᓪᓗ ᐃᒫᓄᑦ ᐅᕐᕈᑎᓚᐅᕐᒪᒋᑦ.”

ᐂᓮᐊᓯᐅᑉ ᐊᒡᓚᖏᑦ 33:22

ᐊᑕᓂᖅ ᐃᖅᑲᕐᑐᐃᔨᒋᒐᑦᑎᒍ, ᐊᑕᓂᖅ ᐊᐅᓚᑦᓯᔨᒋᒐᑦᑎᒍ, ᐊᑕᓂᖅ ᐊᖓᔪᖅᑳᕐᔪᐊᕆᒐᑦᑎᒍ; ᑖᑦᓱᒪ ᐱᐅᓕᓂᐊᕐᐹᑎᒍᑦ.

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᒫᑎᐅᓯᐅᑉ ᐊᒡᓚᖏᑦ 25:34

ᑕᕝᕙ ᐊᖓᔪᖅᑳᕐᔪᐊᖅ ᑕᓕᕐᐱᖕᒥᓃᑦᑐᓄᑦ ᐅᖃᕈᒫᕐᐳᖅ, ‘ᕾᒋᑦᓯ, ᐊᑖᑕᒪ ᓇᒡᓕᒃᑕᖏᑦ, ᐊᑕᓂᐅᕕᒃ ᑭᖑᕐᖑᑎᓕᕐᓯᐅᒃ ᐅᐸᓗᖕᒊᔭᕐᑕᐅᓯᒪᔪᖅ ᐃᓕᑦᓯᓐᓄᑦ ᓄᓇᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ;

ᒫᑎᐅᓯᐅᑉ ᐊᒡᓚᖏᑦ 27:37

ᓂᐊᖁᖓᑕ ᖁᓛᒍᑦ ᑎᑎᕋᕐᓯᒪᔪᓂᒃ ᐃᓕᓯᕕᐅᕗᖅ ᑭᑭᐊᒃᑐᕐᑕᐅᑦᔪᑎᖓᓂᒃ ᓇᓗᓁᕐᓯᔪᓂᒃ, ᐃᒤᓕᔪᓂᒃ, “ᑖᓐᓇ ᔩᓱᓯ, ᔫᑎᑦ ᐊᖓᔪᖅᑳᕐᔪᐊᖓᑦ.”